lokichung的個人專頁

以前成日幫襯 多數經app叫外送 外賣嚟到都仲熱辣辣 炸雞份量多又抵食今日再叫 叫咗2人餐 有2小食+10件雞 揀咗柚子蜜糖同青檸蒜香炸雞 仲有雞沙律同香草肉丸 沙律啲醬太甜 香草肉丸都幾好食嘅 份量都合理但主角炸雞就出晒事 啲炸雞無味 又乾身 又細件晒 以前大部份都係雞鎚 雞件 依家變咗雞翼 不過重點係 真係 完 全 無 味 ！ 好失望 啲醬無味 雞肉又無味 成口粉 熱就熱嘅 都仲脆嘅 經過今次 真係唔會再幫襯 退步得太多 沙田區炸雞又少咗個選擇今次嘅體驗 簡單講 衰過某連鎖炸雞店 …查看更多

星期日1pm左右時間 見間嘢無乜人 貪方便入咗嚟食 惡夢嘅開始入到嚟無人serve 自己搵個位坐 tick好點餐紙就交比侍應 侍應收過紙後 好大力一嘢啪返張紙落檯 面帶不耐煩咁話我哋tick錯咗 星期日無呢啲餐 第一次個感覺開始覺得有啲不妙 但畢竟係我哋剔錯 咁由佢啦 再揀過 咁佢就繼續黑住面咁收返張紙我哋叫咗碗鹽酥豬扒粗麵蕃茄牛骨湯底同一碗脆雞粗麵豬骨湯底再加杯香芋奶茶（凍）等咗陣 佢上咗杯熱嘅香芋奶茶 咁我哋都好有禮貌咁同佢講 唔該 我地叫嗰杯凍飲嚟架 可唔可以轉返？ 咁佢一手收起杯嘢 仲整瀉咗啲喺檯面 咩料 其實當時人流都唔多 睇佢都唔係好忙 洗唔洗咁躁底 嘢食都未到就受晒佢氣講返啲嘢食 蕃茄牛骨湯同豬骨湯係接近 完 全 無 味！ 啲麵好似用水滾咁 麵身好薄好林 零口感 個羅白就ok嘅 甜口 炸豬同雞就正常偏厚粉 無咩意見 份量方面都夠嘅就 女仔食就可能食唔晒杯香芋奶茶 好多碎冰 不過我哋無叫走/少冰嘅係 但杯嘢飲同湯底一樣 接近完全無味 飲緊水咁 好難飲總結返 嘢食整體唔合格 麵 湯底 嘢飲難食難飲 份量ok 態度奇差 特別短頭髮嗰個女侍應 我有留意佢對其他客人 一樣都係西態度 有一檯坐低未叫嘢食都走咗 …查看更多

今次我就同女朋友食喺the one嘅pancake我地就order咗燒蘋果配紅茶忌廉pancake再加杯macha沙冰沙冰好普通 抹茶味好啖 無咩味咁 pancake方面燒蘋果係幾香甜嘅 pancake口感甜度亦滿意只係雪糕嘅奶味我個人就麻麻地 類似奶粉開奶嘅味 同埋紅茶cream就無咩味咁總括嚟講 食物合格但唔出色 唔吸引我再幫襯…查看更多

大圍出名多野食, 今次就試左呢間西餐廳!我地大概7點左右到, 岩岩好唔洗等位就有得坐。餐廳裝修幾靚,幾有feel, 望望個menu, 其實選擇唔多不過我地都有選擇困難症揀唔落手,waitress見我地好猶豫,就埋黎向我地介紹左一個羊架set,同埋豬扒set. 跟餐仲有甜品!羊架唔太羶, 不過重點都係豬扒, 好厚!超厚既豬扒! 厚度就夠, 不過唔算大塊,但係好出奇地肉汁好夠之餘仲軟身架!! 美中不足既係, 有一忽仔好似未夠熟而甜品就不過不失咁啦…查看更多

厚福街咁多野食 但會翻食嘅 呢間都係其中一間！ 佢地嘅魚生丼好出色，又夠新鮮，仲好厚切，絕對足料！ 所以呢間野咁多人食唔係無原因，亦因為咁 我每次都會早d嚟排隊 為嘅就係佢地嘅吞拿魚 比目魚🤤大大碗 絕對會令人食完返轉頭…查看更多

我就係長沙灣附近返工，有時放工都係附近搵好野食啦。長沙灣就一向都多野食嘅，今次就同女朋友嚟咗呢間有文青feel嘅cafe。Cafe唔算大，當日6點多dd去到 唔算晏 所以唔洗等位（之後愈食就愈多人啦）我就叫咗個burger，跟餐嘅薯條岩岩炸好 又夠粗 食落口感一絕呀 熱辣辣又香口 食到停唔到手 個burger 漢堡扒好多肉汁 差d仲比流出嚟嘅肉汁彈到件衫一咬落去就流出嚟價錢方面都同一般cafe相約 但食物賣相同個環境都好好 岩晒女朋友po ig架啦！…查看更多

女朋友係個韓國控 今次聽到我話同佢食韓燒 有韓牛，醬油蟹 ，佢已經急不及待話要試。 果然真係無令人失望喎！ 韓牛口感都叫溶口 唔同部位嘅牛你食一口都好易分到！ 唔會好似d下價牛咁舊舊差唔多。 不得不讚嘅就係佢地嘅醬油蟹啦 平時怕腥嘅我 唔覺難入口 因為真係唔腥呀！食得出嘅係新鮮嘅味 ！鮮鮮甜甜咁。其他海產食落都係新鮮 同雪咗好耐嘅唔同 至少我同我女朋友都食得出！總括嚟講 我畀5個讚 價錢方面亦算抵食呀 野食對得住個價 我地會再翻桌！…查看更多