艾利奧的個人專頁

外賣真係冇仇報,去開元朗開完餐,就諗住買甜品回家漢下,去到舖頭好多人, 似乎都唔夠人手幫我地落單, 落完單企門口等左20分鐘先拎到野食,等到成身汗回家一睇杏仁荼湯丸冇湯丸. 仲要收左湯丸價,杏仁荼比正常的結身,好似食粥咁, 而且冇咩杏仁味,有點失望芒果西米撈變左椰汁底,芒果得幾粒, 仲要超酸,食到出眼水只有之麻糊比較正常,但感覺好結,加左好多粉又冇咩之麻味,諗住打電話返去訴下苦, 點知在openrice 搵, 連電話NO. 都冇試一次就夠晒數 !!…查看更多

今日約左好紙美食午飯,佢好快就推介左呢間餐廳,我緊係好期待啦~由佢公司行過黎要成15分鐘,上半山電梯又要行樓梯,真係千山萬水,一入到去己被餐廳的裝潢吸引,紅黑的配搭,水晶燈,西洋皇宮的大椅,精緻的擺設,都拉扯著我的視線~加上牆上不時轉換的電子掛畫,真係有趣~店子坐位最多可坐30人左右,人少少的地方,服務可更貼心~一坐下,午餐有4,5款選擇,有飯有麵,仲有餐飲小食可配,我這不愛飯氣的當然係食個麵啦,點了佢最出面的鮮牛肉河粉,再加炸鷄翼小食,紙美揀左越式扎肉撈檬同炸春卷點好餐,服務員就拿上佐料給我們,有好新鮮的辣椒粒,有小小芽菜同埋香葉,好讓客人以自己的喜好調味,裝佐料的盤子都好精緻鮮牛肉河粉 – 一上枱就感到那種簡單的美味,唔洗太多調味,就係鮮牛骨煮出的湯,泡出的河粉,就有那種羶羶的味,因本人的喵舌,食不到太熱的東西,所以等河粉涼少少才入口,即使放了一會,都不會發大,保持到爽口度!再加上豐富的佐料,香香辣辣的,令人回味!越式扎肉撈檬 – 一上枱就雙眼放光,因為個碗真係太精緻LA~好有清宮的美~撈檬加上餐廳自調的甜酸汁,令人胃口大開!可惜我目測而言這份量真係少了點,可能要配合這區OL的小胃口吧! 炸鷄翼 - 鷄中翼一開二,適合咀小小的ol們, 鷄翼炸得皮脆肉嫩,放涼左先食,仍保持到脆口的感覺炸春卷 – 食落相信係自家製出品,入面包住菜絲同D肉條,放涼左食雖然仲脆卜卜,但多了種油膩的感覺,呢個都係襯熱食好香茅特飲 – 比我想像中的是兩回事~原以為係杯普通的清水加條香茅,最多加兩片香葉,但飲落有種香甜清新,冇想像中的草臭,更唔覺有搶鼻的感覺,幾得意椰青 - 紙美餐飲點了老闆推介的椰青,香甜清爽~入口透心涼真係好介紹,老闆話唔甜換到甜~大家聽到真係好興奮!老闆有時間便會走來為客人帶來輕鬆愉快的氣氛!店舖的洗手間設備當令人滿意,由很開揚的暗門推入便見到, 男女厠各有一大格,乾淨又唔迫,仲有D擺設!!有足夠的通風系統 ,整體令人滿意~最開心係唔洗經過濕滑的廚房重地!總括黎講..出品唔錯,絕對係吹水的 好地方~!值得再去~!…查看更多

好多時經過,都沒有進入試,因為睇見門口餐牌,款式豐富和睇落相當有份量有朋友一齊,可試多D款,今日終於有機會了!!和紙美來食生日飯,紙美係個韓迷,所以啱晒佢餐廳空間好濶,枱櫈都好大張,感覺好舒服可能我地早到,所以餐廳只得兩三枱客,我地就揀左窗邊位置坐下,原以為有服務員來點餐,望下望下先知原來係快餐店…仲傻傻的等去到收銀台,望住個餐牌點菜,誰知原來收銀員係個韓國人…真係眼都大埋,我地唯有在餐牌上指指點點咁落單,佢都好友善咁配合我(唔問太多)佢只係用簡單的英語單字加手勢來表達,幸好我可明白佢意思服務員表示我地的餐有連飲品,我們其實唔係太好冰飲,但為慶祝紙美牛一,我地都破天荒的點了兩杯特飲來掽下杯..另加兩隻吉杯來’’走冰’’…最後我地點了蛋卷,香辣牛肉湯飯,牛肉紫菜飯卷,炸雞(原味同香辣)轉頭服務員就送上小小前菜,噢…真係好少~哈~!始終唔算係正宗的韓式餐廳,一來便有10小碟吧~!之後各款美食排住隊上枱了~蛋卷 – 一上枱就愛上左佢啦~大大件的,感覺厚厚實實,好有份量,一夾開更係一絕~唔理佢係即整定係反叮,一來開都有濃郁的芝士在拉扯,相信如非等埋一齊先影相,效果會更加驚人!!一入口,那份蛋香和芝士混埋一齊,加埋上面的涼涼的沙律漿,又涼又熱的,真係又簡單又美妙!!香辣牛肉湯飯 – 牛肉湯真係好重牛肉味,我想可能加左師夫,紙美就覺得係堅牛肉香,雖則唔知係真假,那種味道就係令人想飲多兩啖!至於辣的感覺就欠缺少少,可能我們都比較好辣,所以應該可以再強一點,但基於唔敢同異國姐姐溝通,所以只好話比自己聽,放棄辣吧..牛肉入口感覺好淋,好鬆,幸好唔會好韌,最怕咬極都咬唔開嗰種感覺, 只係肉的份量就少左D,每人分到3件麻雀大小的肉~仲有少少高麗菜伴住,多菜少肉…感覺都唔錯~牛肉紫菜飯卷 – 睇落除左大大件之外,好似冇咩特別.突晒出黎的頭頭尾尾部份,都比佢地擺到好有設計,用盡所有材料,一D都唔會浪費!!建議張開咀巴到最大,才可以一整件放入口,如分開兩次的話,D餡會跌晒出黎! 在口中再慢慢將其分散,感受不同材料的味道,食落紫菜的感覺….唔似得日本壽司咁要求,紫菜入口會爽脆聲,明顯是淋的,但又唔似係雪櫃拎出黎凍冰冰,所以相信係即做的~!好欣賞佢的牛肉,調味相當恰當,唔會掩蓋牛肉本身的香味,配合埋新鮮的青菜,簡單,唔錯!炸雞(原味同香辣) -炸雞上枱呀~好大碟呢~~ 這一向都不是我的選擇範圍之列,只因紙美牛一,而佢又覺得要試一下, 所以點了一份, 估唔到有咁多呢~~ 餐廳內炸雞有4味可選,但混合點的話,同一份炸雞只可點兩款口味, 所以我地選了原味同香辣,相比起快餐炸雞之王KXC,呢到明顯唔係那回事,原味的話….除了面頭的炸粉炸得脆卜卜之外, 雞肉本身真的沒太重的調味,就連味精的感覺都唔明顯…幸好我地仍知道自己在食炸雞;香辣味的話,感覺會到位一D,因為炸雞裡裡外外都被韓式的香辣粉重重包裹,滿以為只有外層如是,一撕開,鷄肉都係紅色的,就知絕不欺場!!奇妙的是,即使係咁,食落的感覺唔似食四川的辣咁強烈,知道自己係食緊咩!!雖則話冇食四川菜咁強烈,但都唔好太睇少,那種遲來的辣味,就在口舌和喉嚨之間來來回回,偶然要飲啖水涼快一下!可能我們選的日子是平日,所以客人唔算多,即使坐滿了8成,都不會很嘈吵,我很欣賞這餐廳很自助,客人可以拿杯子去飲水機到加水,任加唔嬲,而且這裡沒有限時,我們飲飽食醉了還可以在放空發呆吹水~店舖的洗手間設備當令人滿意~~男厠各有一大格,乾淨又唔迫,仲有D擺設!!有足夠的通風系統 ,整體令人滿意~最開心係唔洗經過濕滑的廚房重地!總括黎講..出品唔錯,絕對係KILL TIME 好地方~!值得再去~!…查看更多

今日到上水做野,突然海南鷄隱發成, 好想食海南鷄,心中就冒起呢間小店,餐廳面積唔大,最多可坐30人左右, 感覺好緊迫,入到去每張枱都有人,本想坐卡位,可惜我呢D米豬連人坐了感覺太迫,所以坐返中間方枱位置,慣常望下餐牌,選擇困難症又發作,除海南鷄之外,又想食喇沙…最後問服務員有冇海南鷄喇沙,點知佢話冇..問佢海南鷄飯餐可唔可以轉喇沙, 佢又話冇,最後要食的話只好分開散點,由於有少少餓,又兩樣都想食,計算好自己的食力,兩款都點了,應該可以食得晒..好快就上齊美食,開動了!!海南鷄(例牌) – 期待己久又出名的海南鷄,上枱時賣相....尚可以吧, 只係何解肥皮甩骨…夾一件入口,感覺就…可能用了好大火去煮,或呢隻可能呢隻鷄有返咁上下''年紀''煮得熟了點,肉質稍為韌了點,而且乾了點,沒海南鷄的滑滑感覺同鷄的香味…海南鷄漿汁比當年吃時,少了黑色的豉油膏,相信是刪除了,應該不會忘記比吧...少了它, 整份感覺便不一樣了…豬扒喇沙(下午茶)香煎豬扒,除了有少少美極似的咸味,就沒有其他味道,知道自己在吃豬扒的,大大件的,唔錯,喇沙味道真是一般,可以話沒有重重喇沙味,沒有喇沙葉濃郁的香氣,更沒有椰香味,當然一D辣味都冇丫,我知道這裡一般用中式的辣油,故我刻意地叫服務員幫我切一D辣椒絲,誰知呢個要求比餐廳老闆聽到,佢原來坐在我隔離枱的,特登為我而衝入廚房為我切辣椒拿給我, 我當然好感動LA…道謝之後, 老闆便坐回隔離枱, 我便一口地吃加了辣椒的喇沙,咦??點解沒味的…原來老闆給我的是紅椒呢..我又不好意思叫佢地給我辣油…唯有忍耐著清淡,完成這碗喇沙吧..原本我點的是下午茶餐,但己沒有心機點餐飲便埋單走了,相隔多年再來,整份感覺便不一樣了,少了當年的味道總括黎講...真心希望佢地他日可以有進步!!店舖本身冇洗手間設備~要解手的話..可能要去對面商場的洗手間…查看更多

今日服務令前,要同自己個肚仔拜下年先LA!!黎到大埔確係唔熟,要搵地方食野都唔係咁易~!咁啱路經呢到,心血來潮想食西餐据下扒, 見冇咩人就入去試下~一入門諗住去個卡位,服務員姐姐見我一袋二袋的,就指示我坐另一邊的位置,見佢咁講,又見到個卡位窄左少少,我唯有坐去另一邊~一坐下服務員就放下水杯,我就慢慢睇餐牌~未決定點菜,有另一服務員姐姐向我說:由於有枱7位客人到來,故想我讓出位置給佢地’拍枱’,提議我去另一個的卡位,…. 我就一袋二袋的走去她想我去的卡位,未坐下又有另一服務員指示我坐去另一張二人枱…行來行去如是這就玩了5分鐘坐下來就看看餐牌,今日想据個扒.就點了份非鉄板上的西冷,服務員哥哥前來建議我可點午餐優惠,一來可以食到西冷,二來又平宜一點,我就接受了他的提議,午餐包有羅宋湯,餐包和熱飲餐包 – 一上手就感覺到的質感,就是喺雪櫃雪左一陣再拎返去焗爐到灯,未灯暖就給人拎上枱了,幸好牛油是軟的,不至太過冰冷…羅宋湯 – 上枱時就是暖暖的~好適合我不能熱飲的人~一入口的感覺就知不是單單用純蔬菜煲出的,似加了一些粟粉令其變得有點淡和更黏稠,比基本的味道啖了少少,可能加多了水和粟粉西冷扒配意粉 – 一望就感覺到令人好滿足的份量! 西冷扒入口就知是預先煎好大量再等上枱的出品,切勿有高要求,如真的想享受正宗西冷扒的話,這未必會係好的選擇, 意粉烚熟後略有炒過才給客人,並唔係一般的烚後乾水後就上枱~乾身的意粉再加上淡香的黑椒汁,是不錯的配搭,意粉部份是令人驚喜的!最後餐飲我照舊點左杯熱檸水成今餐的句號.服務員的手腳好勤快,我的叉子未放下,就有服務員在旁邊等收碟,令我感覺到待慢他們了~!店舖本身冇洗手間設備~要解手的話要去商場的洗手間.出門對出就到,都好方便~!總括黎講..對快食的餐廳黎講,我應先放下自己的要求及幻想..真心希望佢地他日可以有所進步…查看更多

今日好開心服務令後約左孖寶出黎食生日開年飯~!細孖就提議去呢間開心下~試新野,我們當然好舉腳贊成LA!約左7點半,餐廳門口勁多人~訂左位仍要等一陣~5分鐘左右,有位服務員帶我們入坐,餐廳的枱位好大,間格相當擠迫,由於走廊好窄,客人行來行去出出入入,故我們需一邊行一邊左右閃避,終於行去到我們的坐位,大大的枱櫈,坐上去好濶落我們坐下打點,服務員替我們開爐添醬油,孖寶就出去夾食物,..回來一看,拿的並沒我預期的份量,他們說因為路程遙遠,取食物的碟子小小的,不同的菜式又不方便放埋一齊,所以一次只能取小量食物,交換位置,他們在燒,而我便出去看看,沿路小小的走廊,踴有著不同的服務員和客人,濟迫得很~有的在排隊領食物,有的3,5一團在研究夾那些食物,有的在排隊裝飲品,更妙的是有的地自裝棉花粉及燒墨魚丸…每個等候區之間機乎沒有可行人的空間..好不容易走到拿食物區. 生和熟的食物區分開放得很整齊,鮮貨區內各人都排隊拿食物,牛豬鷄羊海鮮,生果及蔬菜都有,由於是沒有名牌,所以不容易分得出他們, 除生果及蔬菜可以講話鮮味之外,其餘的牛豬鷄羊海鮮都有好多師傅坐陣,食過後要不斷飲水都難以解渴,吃了燒牛仔粒,西冷牛,及一D魚柳…都有著同一種咸味,郤分唔到佢係燒汁定係七味汁…除魚柳外,其他的肉食都好韌,吃了一轉便放下了…去到熟食區有不同的料理,各有不同的重口味,麻辣鷄,炸鷄件….各有各特色,睇去感覺好乾身,似係炸好有一段時間,天婦羅區有大廚在旁即點即炸,所以要等一下~應該是最新鮮的,可惜排隊的人太多,沒機會試,飲品部都是很擠迫的區域,大家都拿著自己的杯子排隊添飲,有多款氣水,鮮果汁和清酒…氣水是自加打氣的,所以己變了糖水一樣,沒氣的甜水,鮮果汁係開水的,亦是得個甜字,清酒就更一絕…大大樽的給客人任飲, 一試之下,味道就就中國的米酒…真唔易入口,細心一想,沒有寫明的清酒,就可能是指中國的米酒吧…嚐了一小口,就倒掉了~最後得我帶回去的飲品,就是即沖綠茶包~!水滾茶靚..應該都沒有地方可挑剔吧…甜品部,我們都試了3,4個款式,沒有甚麼驚喜,算是做到了基本,或者是我們女兒家的心中,對甜品點都會有點要求吧…雪糕就長期都有人排隊,所以都沒有機會品嘗燒了一會,行來行去拿食物的時間比坐下燒野食和傾計的時間還多,轉眼服務員就提示我們要埋單夠鐘了,剛放下錢就過來收拾我們的枱面,並提示我們如過了15分鐘,便會重新計單,著意我們要快點還枱..噢~這個真的太高效率了…整理了一會,去個洗手間,店舖的洗手間設備我覺得尚可接受~~女有兩格,細細地算係乾淨都可以用~總括黎講..算係見識過佢的出品~可見的未來相信唔會再見,真心希望佢地他日可以有所進步…查看更多

新年第一日約左班粉絲去HAPPY,HAPPY前咁啱要先到大埔搞少少野,對新一年食乜野做第一個午餐感到又期待又迷茫…大埔區乜野都有,樣樣都想食,就喺呢個時候就遇到友人甲,佢推介我可以去試一個好出名的咖哩…用著試新野的心情去到餐廳,簡單的茶餐廳格局,細細張的圓枱圓櫈,一坐落,服務員姐姐就過黎問我要乜野,我睇下又睇個價錢比我的感覺,每樣菜式都好有大碟,我一個人真係試唔到咁多,於是就點左佢地的招牌咖哩牛腩河…之後又問我係咪茶餐,我唯有話係LA…之後大姐仔就話有杯餐飲跟,之後不加思索地點左杯熱檸水好快就上枱了! 就係好快的快餐~咖哩牛腩河 – 原以為係咖哩濃汁,一睇就知係一般牛腩湯河加上咖哩汁,感覺有點越式OR泰式,面頭加上新鮮的青瓜同洋蔥,食落好清新,粗身河粉好有口感,唔知係咪有意煮得唔係太熟,有點硬硬的..咖哩湯味好清淡,咖哩味唔重,感覺就如車仔檔的咖哩汁,難以想像係餐廳主打,可能係我想得太多了,牛腩份量算多,而且好大件,可惜入口又硬又韌,咬到牙都軟..唔知係咪茶餐價,所以品質會和價有少少不同..可惜我冇機會見識到熱檸水果真係水滾茶靚,一般我都係先拎開檸檬到小碟,待水涼DD先再放落去,可是今次餐廳冇提供小碟,所以我唯有晾起了一淡淡的慢慢食,未食到一半,就差D被轉枱,因為有一行3人的客人入來,沒有其他客人可調動,所以想把我轉到別的枱,幸好那客人見我不太方便,所以停止了轉枱行動~有見及此,我都係加快步伐,食好就走,唔好阻人做生意…店舖本身冇洗手間設備~要解手的話要去商場的洗手間..要行到鬼咩遠,唔識路都好難搵...辛苦了總括黎講...真係唔好咁易相信''招牌同馳名''呢D說話,真心希望佢地他日可以有進步!!…查看更多

確實好少一個地方去左几次都覺得好正~!尤其喺上水呢個地方…自去過呢到之後,就成為左我同一班寶貝做邊青的熱點~!呢到環境唔係好吸引,一般的大排檔格局,而且冇得預先訂枱,最好早早自己去搵位,.想喺呢到食得開心,最重要搵個自己心儀的坐位,基本上新來的客人,服務員(老闆除外)會求其地安一D唔係咁好坐的位置,例如路口位及場地中央位置,到時4方都坐滿了客人,感覺好嘈,我個人就很不喜歡,所以來這裡想開心地開飯,必定要自己揀位啊~!!我們喜歡揀好了位置,留一位朋友留守,其他再到街市買海鮮~最初頭係D湯底吸引我先~有香辣鷄煲,暖身的胡椒豬肚煲,仲有清清地的椰子鷄煲,傳統的豬骨煲…每款個樣好似好普通,但係充滿內涵!! 香辣鷄煲 – 當初最為吸引我的賣點之一 ~ 佢的辣同外面的辣有點不同,唔會得個咸字,又唔會太過搶晒鷄的味道,舖頭所用的鷄唔似係雪藏鷄,至少食落仲有鷄味,唯是我有愛辣如命的朋友未覺得痛快,所以嘗試叫老闆加辣,老闆好樂意地盡最大的努力滿足我的好朋友~不論色香味都上左几層樓~正~!暖身的胡椒豬肚鷄煲 – 入冬日子真係唔試唔得 ~ 香濃的胡椒味食落又唔會覺得太刺激,暖湲的感覺,點點地在食道中來回,豬肚洗得真係好乾淨,大家都知道如豬肚清潔得唔好,那種腥味真會令一切都冇晒意思~!煲中還仲有著多款唔同的配料,如白果同淮生,令煲湯更添美味~!正~! 清甜的椰子鷄煲 – 一個清甜的椰子鷄煲,緊係唔止得椰子同鷄,一打開真係心都離一離~以為自己點錯了~!煲入面先係放左好豐富的材料, 椰子,紅棗,雪耳,.龍眼.更精彩係可能會見到一隻蟹或蜆,或其他海鮮~!老闆話咁樣個湯底先夠鮮甜養身~!先煲一下個湯底,到咁上下水滾先落鷄,大火煲8分鐘再熄火焗3分鐘,咁就完成個煑鷄的過程,咁整法D湯有鷄味,而D鷄又唔會太老..嘩…真係不得了~~~之後再烚其他材料,真係冇得頂~!更清的芫茜清湯 – 真係冇得再簡單的湯底,最能帶出食材的真味~!但不要以為佢只有零碎片青菜,入面一大堆的芫茜同分量十足的皮蛋,一D都唔會欺場~!PS老闆稱各湯底配料會因時令而變,所以期待當日驚喜!!唯獨係傳統的豬骨煲仲未有能力去挑戰,真係會好担心食完佢就食唔落其他野了~.講到尾都係打邊邊的地方,當然都有佢的火鍋款式~亦由於近街市的關係,好多材料都相當新鮮,如客人想自己買材料上來烚的話,老闆都好歡迎!只要比少少工夫費就可~師夫會把材料洗得好乾淨,就連蝦腸都會挑去~!用心得到你估唔到~!我地都愛自己在街市買多款海鮮上去烚~真係一樂也~!飲品方面餐廳都唔會限客人帶自己的飲品在店內享用,客人可帶自家制的涼茶及心儀的飲品~當然唔好過多啦~我覺得這點好有人情味店舖本身冇洗手間設備~要解手的話要去街市的洗手間..要行到鬼咩遠.遠都唔緊要,仲要係唔太衛, 那真係要用的話,就真係辛苦了總括黎講..出品唔錯,絕對係KILL TIME 好地方~!值得再去~!…查看更多

今日約左粉絲食飯~大家都覺得要食得清清地,所以決定去食素,為配合大家,所以揀左九龍城這個美食天堂開飯~我自己好少去呢頭食飯,所以特別期待!原先心中都認為齋菜沒有甚麼好期待,清淡簡單就好,抱住見下粉絲,傾下心事的心態,去到有意外驚喜.可能唔係初一十五,所以客人唔算多,每張枱都算大張,但整體顯得有點逼,我地揀左個好位置坐下,服務員姐姐就送上每人一碗素湯,素湯 – 一睇D色就知係落足料,一啖飲去就感覺到冇特別調味,可能會覺得淡了一點,但我反覺得好到位,粟米赤小豆粉葛走不了~仲有一D見到都唔知叫咩名的材料呢~!好味道!睇睇餐牌,有好多時尚的菜名,好多想試下,但我地几人都眼闊肚窄,所以一定要好精選~!先來一碟頭盤小食- 素鹵味,入口感覺唔似係整左好耐的味道,腐皮要軟的軟,要硬的硬,各有口感,咖哩味尤其出色~!招牌湯麵 – 本以為只係一大碗普通的麵,誰知真係深藏不露,面頭放滿了不同的菜,有菇有菜有仿海鮮,埋在裡面的麵條就是最令人意外! 原以為浸左咁耐一定又淋又軟又唔好食,點知一食入口,啖啖彈牙,而姐好有蛋香味~就係一種鮑魚味的口感~一試難忘!即使食第二碗時已經放涼了,但口感仍在~!五柳青魚 – 腐皮紫菜加埋其他食唔出的東西卷成,炸一下後淋上甜酸汁,舖上醃製過的甜酸菜,真係冇得頂~咬落去一下脆一下軟一下甜一下酸,唔止係小朋友的喜愛,我都好中意呢~!野菌黑耳炒淮生 – 每樣材料都好清甜,不用加任何調味,食出佢的鮮味,我欣賞這種無添加~!見我地傾得咁上下,又會送上糖水,真係感謝~!糖水係5豆糖水,一望就知煲得好夠火喉,豆豆食入口感覺好棉,真係正~我地几個一邊食一邊傾,食完都仲要傾~當中服務員都會勤來為我地的茶壺加水,真係好體貼店舖的洗手間設備我覺得尚可接受~~男女各一格,細細地算係乾淨都可以用~總括黎講..!出品唔錯,又係KILL TIME 好地方~!值得再去~!…查看更多

氣溫突然急跌,又係做邊青的好日子~所以急CALL几個兄弟一齊赴湯蹈火!一個話要做邊青,一個話要食羊腩煲,一個話要靜靜地咁坐,唔好比人趕..咁我地唯有搵個三樣都有既地方啦~!去到呢間老字號,企門口的服務員姐姐問我地几多位,佢表示呢到可以滿足到我地三個願望由於時間尚早,唔洗等位就可以有個樓上雅坐,而且暫時只有我地一枱客人好舊的酒樓枱櫈,牆上貼滿仿手寫的菜名,古式古香的感覺,我地一面欣賞一面落單,服務員姐姐話我地可以一邊羊腩一邊做邊青,我地好快就點好菜,而好快就有食物上枱~先黎一客鎮店之寶5層燒腩肉,羊腩煲,白鱔片,鷄件,菜5層燒腩肉($70) – 服務員姐姐強烈推介的鎮店之寶,一眼望落去果然係同平時的有所不同,食入口感覺相當吸引,脆脆的皮加上嫩滑的肉,燒得啱啱好,一D都唔會覺得過火而太乾,而佢所講的5種質感就…可能要再用心感覺先可發現羊腩煲($250) – 我地滿心期待!一上枱就已經滾下滾下,一打開,一股羊氣衝出,吸了兩吸滿足左一下臭覺,一望好似好多料,滿滿的支竹放滿左成個煲,一搞再搞…湯水好浠,羊件數埋唔夠10小件,我地每人食唔到3件,再搞搞睇下有冇其他材料,就有几粒馬蹄及零星的蘿蔔定薯仔…互望一下,感覺就係中伏了,夾一件試食,羊腩一D都唔夠羊味,而且好硬,好明顯係新煮的,唉…失望至極…食左一陣羊,我地請服務員姐姐為我地加湯,佢就話加水就可以了,因為湯底已經好夠味…但係我地覺得D湯一D都味都冇...OK…加左一轉水,點下其他野食,睇完全張點菜紙,真係點唔落手,最想食的脆魭同海蝦居然冇…其他的款式亦唔及一般的酒樓多,碟碟計,每碟$45….好不容易就揀几款大家都啱食的東西...白鱔片($110) – 話係海鮮價,問左服務員姐姐先話一碟百一,我地都一試啦~上到黎質量相當唔錯,大約有10片,食入口感覺新鮮爽口有魚味~呢個價錢尚可吧~鷄件($45) – 特純鷄件, 葱都冇條,冇調味…應該話冇咩味,就連鷄都食唔出火鍋丸(每碟$45) – 芝士丸同貢丸,每碟9粒,就係一般的街巿貨,本來都冇咩要求了,就係貴左少少豆卜(每碟$45) – 呢碟真係貴到不得了, 街巿貨色的豆卜,就係收我地$45/十粒,真係嚇了我地一跳,為保持我地的高雅,唯有互望了一下…….菜(每碟$45) – 油麥菜同生菜,各$45,份量算係合理,而且新鮮冇爛葉…期間我地再叫服務員姐姐幫我地加湯,今次服務員建議我地可加普洱茶做湯,我地都覺得奇怪,但服務員再三建議,話咁先有風味,咁我地都識一下啦~唉…..結果真係不想再提,之後再叫佢加多一次湯,佢先不太甘願地在樓下的廚房取了一碗湯給我們…即使加了湯,都沒甚麼羊味..傾下講下時間好快過~由我地一枱人到滿坐又變返只得我地一枱人,可能客人唔多,服務員姐姐就似是我們專用的,我地一邊傾都唔會過黎打擾(其實佢都唔想黎埋我地),好令我地可以傾得痛快!!,店舖洗手間設備唔係咁令人滿意~要經過廚房重地,所以迫迫細細濕濕窄窄…所以可以的話都係忍耐一下,搵另一個更好的解手吧~!總括黎講...真係唔好咁易相信''招牌同馳名''呢D說話,真心希望佢地他日可以有進步!!…查看更多

約左几個唔同的寶貝出黎吹水見面傾下心事~大家都想坐好少少又唔想去咁遠呢頭附近唔係好多選擇,就不約而同的揀左呢間,餐廳在商場二樓的一邊,可以望到樓下環境,地方唔算大,多數係2-4人枱,幸好每次都係兩三個人,拎住個餐牌,咩都想試下,甜品意粉凍飲熱飲乜都試過D原以為呢到食法式甜品輕食,喺甜品方面會相當出色,點知3,4樣的甜品,都唔太合標準,朱力力心太軟 - 蛋糕一D都唔軟,亦冇乜朱古力味,而且切開後一D流心感覺都冇,有點失望朱古力千層蛋糕 – 一心以為係OPERA蛋糕質感,食落就知唔係,入口唔係惡魔朱古力味,亦唔夠軟滑,每一下都要用少少力先砌到入去,相信係雪左好耐的成果,幸好仲有朱古力的味道朱古力芝士蛋糕 – 似食緊朱古力撻,朱古力味都OK,可惜芝士味唔重,感覺得個甜字新出品,傳說由法國直運到港的法式 tiramisu 蛋糕,可能個名最強,期望越高,失望越大…嚴格黎講係由3類成品疊高而成,忌廉芝士同埋浸左咖啡水的蛋糕,面頭再舖上一點的朱古力粉…可能由於係直運香港,要保持佢的原味,所以朱古力粉唔係即時加上,所以已經硬晒了~ 軟蛋糕下半部份浸左咖啡水,成左上下兩種質感,再夾住忌廉芝士…整件作品可以話係太硬,唔新鮮相信呢到的包點系列係最出色的,牛角包同厚多士都相當唔錯,仲有酥餅,好香牛油味,灯熱左又脆又香口!煙肉三文魚意粉 – 呢到唔係用明火煮食,所以只要將調好味的食物拼埋灯熱就OK,這個味道唔錯~食得出應有的味道All day breakfast的炒蛋系列做得唔錯,9成熟蛋唔會煮得好老,其他係一般食品,一般味道各款湯類出品保持到應有的味道,來料的相信唔會差得去邊,最欣賞粟米忌廉湯,入口真的有粒粒連忌廉湯一齊打的粟米~      公司三文治 – HA~唔講以為係7仔出品,簡單到唔覺得係打著法式餐廳旗號的出品,凱撒沙律 – 本身點左凱撒沙律,不知為何就來了一份擺得好精緻的黑醋沙律~沙律菜主要係羅馬菜,同少少生菜,其他款式就欠奉…入口尚算新鮮爽口凱撒鷄沙律的鷄件出奇地多,但就冇咩鷄味了..水果茶 – 伯爵茶茶包做底,再加少少生果(橙同奇異果各一片)…飲落香甜,感覺好舒服,可以加熱水再泡,第二水比第一水還好,感覺是多了一份清香,真係抵!凍荔枝綠茶 – 感覺就好似道地綠茶加多荔枝味糖水,再加兩粒荔枝肉…就係咁清新簡單!爆谷朱古力沙冰 –爆谷外層相信係有蕉糖包住,所以遲少少食都唔會淋晒,沙冰一飲入口,就有香香的朱古力味, 冰冰涼涼的,最適合我這種朱古力怪!!夏日特飲 – 寶貝話甜到不得了..入口有重重的糖,80%椰子味,少少芒果味..其餘的都係一個甜字,超級唔容易先飲晒…店舖本身冇洗手間設備~要方便的話要去商場的洗手間.雖話轉個彎就到.都辛苦了可能客人唔多,我地一邊傾都唔會有服務員黎打擾,好令我地可以傾得痛快!總括黎講...總算係個坐得舒服唔錯的KILL TIME 好地方~!!…查看更多

今日同几個寶貝即興來個小聚會,講聚會緊係要去食甜品啦~喺上水區選擇唔多,好快就決定去呢間~入到去可以坐6個人的位置唔多,服務員就示意我地喺門口等一下,冇耐就見佢地幫忙拍好几張卡位的枱給我們坐下了,服務員放下餐牌就不見了~目測客人唔算多,唔知去左邊到忙,我地好快就決定好要點的食品,示意左好耐,終於有人應我地了~~5年蛋糕和几款小食,蛋糕款式算多~樣子都相當吸引~唯食入口就有少少食人失望,海棉蛋糕相信係雪得太耐,已經唔再鬆軟,朱古力mousse的mousse一D都唔mousse,膠粉落得太多,太重質感…藍梅系列似乎係最安心的,因為藍梅醬的香甜己蓋過了其他的味道,檸檬芝士撻只係有點點的檸檬,失去左本來想要的酸咪咪質感,Parma ham 沙律, 沙律菜好新鮮,應該係最可靠的食品,餐牌係寫住凱撒沙津,但上的是法汁,真係唔知佢想點~ 有趣!田螺焗薯蓉 – 大大碗的薯蓉,包著點點田螺肉,相當精緻,味道就係各有各有味,芝士焗肉丸 – 超多水狀的所謂的芝士汁,一D都冇芝士味,肉丸不及宜家家私的有香味焗茄子 -相信係生茄子加少少水,焗左一陣之後,再加上芝士同茄汁再焗,茄子焗到熟與唔熟之間,真係高技巧, 不過比客人品嚐前冇隔走多出的水,食落唔係咁好味磨菇忌廉湯 - 磨菇粒粒同忌廉湯係即時結合,就係食緊磨菇,同飲繄忌廉湯,互不識融..飲品方面~最好最有味的係綠茶系列~又真又濃又滑~凍飲同熱飲都好得~!!其他一般嘢就一般LA~!!傾下講下都唔覺時間過~其間服務員好少會出現~連加少都沒有…哈~過去一直覺得這餐廳的品牌係相當唔錯,可能開舖的地點關係,無論服務同出品,質素下降了…店舖本身冇洗手間設備~要解手的話要去商場的洗手間..要行到鬼咩遠.辛苦了總括黎講...總算係個坐得舒服唔錯的KILL TIME 好地方~!!…查看更多

由於今日要社會服務,路經此地醫肚~無奈呢頭真係冇咩地方可選擇,所以儘管入黎呢到,希望會有奇積…我對呢到咁冇信心,事原係早前服務的時候,見識過他們的滋味…當日的CASE 1外帶餐腿飯….我一心以為會點都加條菜…點知一打開真係結實的餐腿飯..仲有唔少豉油..成個感覺就係凍咸硬乾…念在係大會提供,就睇開一D LA… PS..圖中蛋係私伙的今次去到當然唔會叫餐腿飯啦,選擇一D濕濕地既野安心D其實呢到好多選擇,粥粉麵飯樣樣齊,可中可西..但就唔明點解質素咁唔理想…睇下自己啱食咩,最後安全計就點左個常餐加個熱檸水…諗好左之後想搵個服務員幫下手都難...真係好多客人呢~!!相信因為生意太好,所以上菜的時間都比較長,等了又等終於都有野食了!冷冷的麵包, 唔覺有一D溫度,入面夾住疑似波蘿油的牛油(薄身版),真係重手~!火腿奄列一定係即整的~可以見到蛋係包唔住火腿, 蛋係暖暖的,火腿食落仲係涼涼地的…V__V沙爹牛米…其實我鐘情於雪菜米,可借服務員話係咁就係咁,冇得改…沙爹牛大大塊的有4,5件,如果好味的話都几開心,但一入口就感覺到好咸,一D牛肉味都冇..米粉煮得唔夠淋..湯係清湯底, 真係好清架…好在有美味的辣椒油頂住~!!最簡單冇要求的熱檸水,真係水滾茶靚…檸檬無奈都係苦的…食飽想坐多陣,但係有太多人等位,唯有離開…都冇機會去見識佢地的洗手間…唔知有冇既呢… ^__^總括黎講...真心希望佢地他日可以有進步…查看更多

今日同寶貝們出九龍辦D事~事成之後緊係要好好休息一下~!大家冇咩心水~佢突然話去食甜品,所以上左新世紀~點知佢心儀的舖頭排長龍,我就提議去呢到食雪糕!! WOO~~~諗起都吸引呀~流晒口水~!!!去到唔洗等就有位,望下個餐牌~揀左D小食~我地打算食咁上下先點雪糕,所以先點左個吞拿魚他他薄脆,一杯 PUNCH,加個芝士薯條,燒蝦沙律,燒鷄肶仔,朱古力餅雪糕,美式漢堡包餐…. 我地坐下傾下,冇耐就有美食上枱了!~先來左一杯 PUNCH, 見佢同張相差唔多樣真係開心~飲落好清涼,唔會太甜,几好味,食埋上面兩件橙…就記起呢D水果其實唔係要黎食.. V__V吞拿魚他他薄脆 – 一上到枱真係冇可能認得佢~同張相真係差別太大了~!寶貝諗住係紅紅的鮮吞拿魚,就變左暗青綠色…即時同服務員了解一下,佢就話因為廚師己預先把漿汁撈埋落D吞拿魚到,所以顏色會有D唔同,仲話我地睇緊係舊餐牌, 所以唔知道改左,其實係一樣的…我心諗…其實你係咪應該比個最新的餐牌我地呢? 了解過後,就繼續用餐, 吞拿魚他他漿加起黎味道唔係太突出,薄脆一D都唔脆~可能放得太耐吧~芝士薯條 – 上枱除左見到芝士同薯條之外,仲見到好多煙肉..又向服務員了解啦~佢話個款式係咁個喎,吓~乜咁多謝…由於我地都唔係咁LIKE 煙肉的關係,今次一定要佢地換過先得~!之後黎的薯條多左芝士漿, 薯條入口唔係咁脆,又細條,失色少少美式漢堡包餐 – 比我想像中細份的美式漢堡包,心中諗住美式野要大大件先啱~不過而家細細份都唔錯,可以令多D其他野, 漢堡包的漢堡算香牛肉味,但係就乾身左D,跟包上的薯條真係不得了,又粗又長又熱又脆….燒蝦沙律 – 有4大隻燒蝦,差D唔夠分, 燒蝦入口感覺雖然係燒過,但係仍好彈牙!!沙律菜口感好差,淋晒,一D都唔爽脆,感覺雪左好耐,一D都唔新鮮..菜同蝦的比例均勻一D就更好了~!食到呢到..突然有個長包包放上我地張枱..我地同服務員講我地冇點呢個包啦,服務員就話呢個係例牌會有的餐前包…呢個包真係令我地失左預算,食埋佢似乎有D OVER,點知試食少少..入口鬆軟但有點散,好香小麥味,加埋佢地秘製的CREAM, 真係唔錯,…到最後一啖一啖咁食晒..燒鷄肶仔 – 皮脆肉滑,又香又熱..加上有少少辣辣地~真係冇得彈!呢個真係唔夠我地分了.~朱古力餅雪糕 – 呢個簡直係我的至愛~!唔愛朱古力甜味既朋友唔會識欣賞!凍冰冰的雪糕加上暖暖地的朱古力蛋糕,兩樣一齊放入口的感覺令人覺得好幸福~!! ^O^最後寶貝們以香香的熱咖啡為結尾~!!店舖有專用的洗手間,唔洗去商場排隊.而且設備當唔錯~~算係乾淨又唔算好寛落!!總括黎講...絕對係個坐得舒服,又可以KILL TIME 的好地方~!!希望下次有新餐牌睇~!!…查看更多

今日喺呢頭做完野~搵個地方急急醫肚~! 本身冇乜心水~喺到遊盪中…唔覺意經過呢到,有位小姐递張廣告比我,望下望下心諗好似好耐冇試日本菜,所以上去試下.相信係時間尚早,所以唔係好多客人,服務員帶左我坐底後,我就漫漫揀食物始終得一個人唔可以挑戰太多美食,所以要好精選先得!最後點了几款有興趣的食品.上枱唔算好快,可能係要慢工出細貨啦~先黎辣蝦沙律 - 沙律菜係美式雜錦沙律生菜,有乜日式風味,生蝦亂放一通,睇落一D都唔靚,食入口有乜鮮味,有點難過…再點D 附蝦沙律附上的辣椒漿,冇錯..我確係見到辣椒漿,乜唔係點魚露同青檸?! 加左調味就係易入口少少….總算試過了…厚燒玉子 – 聲稱要等10-15分鐘,唔夠5分鐘就到了,仲快過D壽司,我最中意食蛋的,所以期望好高…希望唔好令我失望..玉子一食入口就知唔係即整, 唔熱兼且硬DOG DOG的蛋皮,相信係整左一段日子,放左入雪櫃,再拎出黎灯返熱…總算試過了海胆壽司 – 滿心歡喜地點左呢個唔係特價的款式,相信係要等埋其他壽司一齊上枱,所以令到入口時D紫菜已經淋晒, 紫菜包住9成的壽司飯,一成的青瓜絲.. 海胆就輕輕放在青瓜絲上面..入口唔甜唔鮮..差在未有發臭….唉~ 總算試過了再點左几款服務員推介的壽司款…特價火炙左口魚裙邊壽司 – 要火炙左口魚裙邊真係一件難事, 太過火魚油會溶,唔夠火又出唔到炙燒的感覺…就可能因為咁,所以壽司我準了…左口魚已經唔厚身,仲要燒一燒,令到左口魚完全地溶入飯中…特價和牛壽司 – 由於外觀同張廣告真係太大距離,初見到佢時差D唔記得自己點左咩…又細又薄的和牛,都食唔出有牛質地.只係知自己食左啖飯.. V__V 特價鰻魚加州卷壽司 – 可以話係全餐最似樣的出品.相信唔洗乜野技巧掛,最令人滿意埋單後再去個洗手問,店舖有蚊型洗手間供應,迫迫細細濕濕窄窄…所以米之連人可以的話都係忍耐一下,搵另一個更好的解手吧~!點都好… 總算試過了總括黎講..算係見識過佢的出品~可見的未來相信唔會再見,真心希望佢地他日可以有所進步…查看更多