Abc Cheung的個人專頁

今日星期日又想食個靚早餐 ，慈雲山都係果幾間， 想食大份d 一定係時代冰室。 今次選左歐陸套餐 - 美式千島炸魚柳餐（42） 。 有魚柳/多士/炒蛋/腸仔/薯餅。 好可惜已經無左牛角包， 味道都係正常， 唔知係唔係外賣影響 ， 今次薯餅同包都一般，平時食堂食都係好食。 下次堂食多返位 都係堂食安全d. 魚柳超大件 有2-3件 大家X 大快X 嘅size . 唔洗再食縮水魚柳。 另外豬/雞扒都係超大件 ， 如果你係食肉獸都啱晒 ，唔係食兩啖就無哂，俾多10蚊8蚊一定抵過食其他。 …查看更多

今日本諗去廣華街食串燒 點知去到Full哂 ， 又見到有間四川串串香， 就試試佢 開發飲食地圖。 138+23飲品 再+1 ， 價錢都可以接受 食品主要分 串串香/小食/面 串串香 - 我地全部都有叫 ， 鍋底就係小辣。食物就真係一般貨色 ， 比平時200蚊打邊爐仲差， 辣同麻都有 但就唔香 ， 唔吸引我食落去。 得粟米同菜好小小 ， 肉真係唔得。 小菜- 棒棒雞同青瓜同雞腳都ok , 其他唔得 面同甜品都無試 飲品就狂飲津露水炮 ， 都好小店有津露放題。 服務都一般般。 我同朋友都係第一次食串串香 ， 唔知係店舖問題定係本身串串香唔好食 ， 終於就係感覺不良好 。…查看更多

牛大人其實已經食左好多次 但次次都要排好耐 或者早好多去拎票，終於難得平日早放 ，對於返1-6嘅人係好難得， 仲要4點幾係天水圍 ，當然要坐地鐵去荃灣搵野食 ， 食五點半頭轉牛大人， 去到發現竟然唔洗排隊直接入去， 同旺角/尖沙咀差咁遠。 牛大人做緊會員 ， 用Apps 仲可以免加一 我地選擇左美國極黑牛肉， 7:30前走只係208/人， 非常之平。 湯底照舊都係用麻辣湯底 ， 牛肉一到雪花幾靚， 完全媲美出面三百幾一位嘅火鍋 ， 魚滑， 丸類都比一般任食打邊爐好。當然牛大人最大特色係自家造茶飲 ， 無糖又好飲 ， 平時打邊爐唔飲酒就係飲茶類。 …查看更多

今日去葵芳接人收工 ， 又想打邊爐 就選擇左依間但馬屋， 見佢有三間分店 應該無伏啦， 而且又有日本產黑毛和牛放題$320 就去試試佢。用左Apps 排隊一去到立即入去 90分鐘 320 +1 。一人一鍋 我地選左麻辣 &蕃茄鍋 ，味道都係一般 無特別， 但麻辣好d . 首Round 會有豬+牛肉 其他自己出面拎 ， 兩樣都正常 ， 出面菜/丸選擇好小 味道正常。 飲品雪櫃有鋁罐 汽水 茶 ， 仲有有汽檸檬茶 幾好飲 多左氣。 牛肉好伏 ， 雖然頭一轉係正常 ， 之後質素一直轉差 ， 去到第四轉 終於要投訴 ， 有職員換返多d脂肪嘅牛肉 ， 兩份放係一齊根本完全唔同， 街市68蚊 同 128蚊嘅分別 ，唔投訴就一直食平價貨 。 成個感覺好差 。90分鐘有d急 ， 一夠鐘就立即收鍋 ， 其實我都食左一半雪糕 俾多2分鐘我都可以掛... …查看更多

終於食到人氣拉麵沾麵店，星期六無咩人就諗住Lunch去食，之前次次都好多人排隊放棄左。但係今次都係遲左出發去到都係要排隊。 我同同事分別叫左濃厚豚骨沾麵$78 + 檸檬柚子沾麵 $88 . 豚骨沾麵非常好食，豚骨味超濃，面質又好食  ，叉燒都幾好 入口即溶 ，仲有半件 半熟蛋。檸檬柚子沾麵我就無食到，同事反映都幾好食。 所以一定要食返次一生懸麵 ， 最重要係黃色商家 更加要支持下。希望下次早D去到唔洗排隊啦。…查看更多

同事就快轉工，所以決定食餐飯farewell下佢，本身諗住食燒烤 但又時間太短，又 諗住食book任食打邊爐又book唔到，見到鮮入圍煮又多人食又有75拆就決定try try。 因為有book位可以立即入座，環境正常但地板癡粒粒，叫左沙爹+蕃茄湯  ， 食物係安格斯牛肉+牛胸油+ 豬肉片+羊肉片+冰豆腐+響玲+水油+牛柏葉+雲吞+水餃+牛丸+油麥菜+妊娃菜 沙爹+蕃茄湯   , 一般 無特別味道 應該加錢試好D嘅湯安格斯牛肉+牛胸油 ， 兩樣都幾好 百幾蚊 份量都夠，幾好食 有厚度又有肉味 ，不過牛胸油平50蚊 可以叫多轉豬肉片 ，一般 無特別味道羊肉片， 幾好食 又無咩蘇味 ，唔食羊的朋友都可以接受  $78都可以一戰冰豆腐，一般 無特別味道 ，其他打邊爐店好食D 牛柏葉 /響玲/雲吞/水餃，  一般 無特別味道牛丸 , 好食有之士 ，我叫左兩轉 油麥菜+妊娃菜 , 一般 無特別味道 ， 32蚊份量太小 有75拆 , 最後1200 四人 , 1人300蚊 又叫左幾支啤酒飲 ， 價錢幾合理 . …查看更多

去開附近驗武肺，就順手食呀牛肉面，又可以支持黃店。今次叫左紅燒牛肉面 + 台式奶茶 ($62)，非常好食，牛肉數量又多又淋 ，面質又幾好。 其實三種味都食過，各有千秋。…查看更多