Sai4444的個人專頁

平時都覺得呢個收銀呀姐大支嘢，完全唔應人，今晚仲要遇到佢明知個呀叔打尖 都仲要做呀叔先，嘥曬我排隊嘅時間，可能佢係事頭婆或者老闆，所以先話曬事，唔憂做！街坊生意，最多咪唔幫襯，附近又唔係得佢一間牛腩粉😒…查看更多

雖然同事講過呢間啲cake偏甜，但見到個開心果賣相都几吸引，收工就買咗3個mini cake, 同個職員講 分2份，佢哋就分開咗其中一個入細盒，但都係放埋一個紙袋裝！(我分開裝就梗係要畀唔同人啦，你分開又裝埋一袋，我分嚟做咩！)預咗同同事share, 2個人分別各帶走一袋，於是好客氣咁問佢攞多一個紙袋，個職員話:要$1喎！ 另一個職員即時喝佢:係$2/個 先啱！🙄 跟住見我哋唔想買袋就冇再理我哋！ 有一剎那好想叫佢拆返張單，每一個cake跟一個紙盒一個紙袋！紙袋扮膠袋徵費！紙盒又軟先不論味道如何，呢個價錢，我買crazy pie, 千層蛋糕都可以試多2個好味啦，係唔順路過去駱駝漆先買嚟貪新鮮…查看更多

事源見同事食小龍蝦蛋沙律包+咖啡好正，收工就嚟試下──Mc cafe有2個crew, 可能忙啦，我喺counter企咗等咗一分鐘都冇人行過嚟，跟住有個女人打尖行到我隔離落單 就有crew過嚟take order, 突然個女人意識到佢打咗我尖 問我係唔係買嘢(我唔係買嘢 企喺部機前面做乜🙄) 我停咗一秒想睇下個crew點做，點知個crew就遞手叫佢買先，完全無視企正喺部機前面嘅我！(本人至憎被人打尖，一開始可能佢同我都太矮，冇留意到我都正常，但打尖本人都意識到問我，點解M記員工見到知道都仲繼續錯落去！M記咁處理即係歡迎客人打尖唔排隊？!如果多客咪亂到7彩！)講返食物，$40几蚊有杯咖啡同小龍蝦芝士包 唔錯，杯mocha 個人認為比pacific coffee好飲，至少濃味d, 個包d料都係我鐘意嘅，但裡面d蛋有啲凍，有半邊包底太乾身 硬，正如同事所講 唔係個個都整得好食，睇手勢，但撇除打尖事件，總體嚟講我ok, 會返兜 但唔喺呢間😑 差d唔記得幫同事儲印仔，好似有優惠…查看更多

新開張，新嘗試，全部食物都新鮮熱辣，不過餐單食物選擇較少位置比較偏僻，樓面較細，其實係茶記crossover酒樓，唔似得酒樓坐得舒服，但有機會可以再嚟，姐姐d態度都好好…查看更多

因為住附近，所以嚟嚟去去飲茶都喺嗰几間──食物冇問題，但員工效率低咗，唔知關唔關疫情事，舉咗手好耐先有人理，尤其是廚房+樓面個呀姐(唔係推車仔嗰啲), 開茶位時已經覺得佢態度一般，將張茶位卡 當住我哋面掉落張枱道，見到我舉手都唔理…查看更多

由於決定得匆忙，令友人未能盡早過去，大家都只有一個鐘食嘢！侍應態度算良好，不過食物數量同款式都很少！環境較細，食嘢嗰陣，有個貌似部長嘅人一直監視住，工作人員都几得閑！ 一開始，攞咗煙三文魚几块扎肉，火腿片，味道Ok啦，再來係煙三文魚沙律(ok)，青瓜沙律（苦的），薑葱炒蟹（蟹炸過，蟹肉縮水，好乾），海產得蜆，虾同螺，無乜醒味，蜆有沙，螺有黏液！荷葉飯唔錯，我無飲湯，朋友話唔錯，朋友攞一大碟生果，一半新鮮一半雪過，得西瓜，哈蜜瓜同菠蘿，朋友食到一舊臭嘅，剩低嘅都無食！西餅都几多，大多數都唔錯，但就唔見佢推介嘅！自制窩夫好食，配料一般多，可能係自製即食，够新鮮！飲品得可樂，雪碧，咖啡，奶茶！由於我好遲先去斟，汽水無曬！牛腩hai，易散，朋友覺得豬肚唔得，黑醋蛋唔錯，但見佢哋叉得好辛苦先叉到只蛋，有一隻仲叉到個蛋黃彈咗出來都未叉穩個蛋白！壽司得虾，蟹柳，魚同壽司卷，有D冷硬！我哋食嘅都差唔多了！最特別恐怕係自製窩夫同多款西餅！雖然如此，但我哋都好飽！不過好在係7折嘅自助午餐！…查看更多