WAKEup的個人專頁

今日同幾個朋友專誠黎鹿鳴春一嘗北京菜！我之前同朋友講時,好多朋友都話：咦..呢間好野黎架～我都好耐無去過... 一上到去已經人頭湧湧..幸好有book到檯..入面裝修普通而且舊式,食飯檯密密麻麻..但係見到好多外國人係呢度用餐,我諗一定有佢箇中0既原因.. 朋友到齊我地就開始點菜...首先黎一個一鴨2用...填鴨肉質非常之高,唔太肥但係又好好之肉地,而且有肉汁一d都唔乾,用黎包鴨肉0既調味醬非常之可口,我地朋友中有一個是北京人..佢都話好好正～原來調味醬係好難整得好好食..加埋大蔥仲有薄皮..一口咬落去..感覺好難用字黎形容佢有幾好食！！！呢隻鴨雖然要＄280 但係相當值！！！ 之後叫左京燒羊肉..一入口非常酥口..但係愈食愈好味！真係好好好..奶油津白就比較遜色少少..味道淡淡賣相麻麻地...但係可以接受..其他仲有幾個菜都好有水準... 另外...上面有一個特式..就係上面D 最部都係waiters,仲要年過50 0既叔叔...經理們全部都好好笑容～好親切！ total叫左5個菜一個酸辣湯～5個都係每人$155,我覺得好值！＝） 我0係openrice睇到鹿鳴春好評如潮..於是一試～果然不枉此行！我有機會一定會再黎！…查看更多

首先一提..熊亭而家唔係1/F..而家搬左去同地址0既地鋪! 開頭未入去時.仲諗住佢會係裝修會好豪華,原來入面環境裝修好簡潔,好平民化0既感覺,反而俾我親切0既感覺.. 我同男朋友2人一開始先點左sashimi拼盤,有三文魚,劍魚腩,赤背等等...味道一道..感覺又新鮮又鮮甜!尤其係赤背,非常之爽口..好回味!劍魚腩令我一試就愛上..本人好鍾意食sashimi..亦都非常挑剔..但係我就非常滿意 據熊亭0既員工口述..佢地sashimi每日到貨,所以就可以保持水準..佢地仲嚴禁sashimi take out..是關佢地知道sashimi係好易變壞有細菌滋生....所以絕不想顧客食用左之後有事..外賣只有一個可能..就係你要住得好近先可以..仲要pack好多個冰袋保持某個溫度先放你走..現今日本餐我相信唔多會咁樣做... 另外仲叫左一個牛肉串燒..入口唔乾.咬時仲啖啖肉汁.. 最深刻係叫左一個冷面叫做"稻庭面"..食落煙煙韌韌口感非常之好..朋友們你地去呢度0既話..一定要試下!…查看更多

今日先得閒黎寫食評..估唔到我第一次寫食評就要幫呢間飯店填上"喊"呢個頭..是關呢唔係佢食物整得差..係個老闆態度令人難受..我食飯最怕就係遇到種感覺 大概2星期前..我首先BOOK左7位8點鐘食飯..我同其他4個朋友首先到然後拎檯..當時全場還未爆滿..但已經陸陸續績進客..我其他未黎的3位朋友當時係T.S.T一帶搵緊位泊車.. 之後個老闆走埋黎用廣東話問我地係咪真係7位..仲有D人幾時到?我地就話15分鐘左右...之後佢行開左..咁我地都識趣首然落ORDER叫少少食物先..叫左3碟烤肉同一個石頭飯諗住停住老闆把咀.. 點知相隔3分鐘佢又走過黎問"你地朋友幾時到呀?"我話"都話15MINS囉..泊緊車呀.."佢話"開始多人啦..唔到就讓番D位出黎.."之後又走開左... 嘩~激死我啦~!嬲到我死..好彩我朋友馬上就出現..如果唔係佢又就埋黎"GUT"我,我一定拍檯走... 至於食物...BBQ用0既烤肉未完全解凍就拎出黎買..一夾起連住幾塊肉同埋D雪..感覺好差~幸好..烤熟之後味道真係比起韓X苑0個D地方好食..石頭飯係最好食0既一個菜.. TOTAL叫左2個石頭飯,一個海鮮卷,幾碟烤肉,仲有年糕湯..7個人每人$165~ 我以後都唔會再去...!一肚氣0既感覺好難頂! …查看更多