Kruzo的個人專頁

晏晝o係上水親戚屋企拜完年，我同老婆兩個人夜晚諗住落去附近彩園廣場睇下有咩好食。行下行下比一間餐廳門面吸引住，因為佢出面係有一個賣台式飲品既counter，而望落佢飲品 menu 都好吸引，因為時間尚早 (約6:30pm)，所以入到去即刻有位！雖然我地得 2 個人，佢亦都有 2 人枱，但店員好貼心咁安排左張 4 人枱比我地，話等我地可以坐得舒服d，好抵讚！坐低一打開menu,即刻比 *原隻波士頓龍蝦喇沙* 幅相吸引住！見到佢個價錢$88咁平我嚇左一跳！！然後望一望隔離枱，差唔多枱枱都有叫，所以我地都唔執輸 order 返一碗先。原隻波士頓龍蝦喇沙 $88嘩~一上枱果陣我地都忍唔住嘩左一聲！隻龍蝦好大隻，而湯麵 ("侵侵"=油麵+米粉) 既份量都唔少，仲勁香添呀！隻龍蝦本身廚房已經有幫我地敲碎左d殼等我地食果陣容易 d 拆肉，所以我地只要戴手套，好容易就拆到大大啖肉出黎！龍蝦肉肉質彈牙，唔會太膠亦唔會太霉，超高質！馬來蜜汁炭燒厚切豬扒撈檬 $68真心要讚下佢地呢個撈檬做得好出色！首先係佢既檬粉係夠哂凍，呢樣好多好出名既餐廳都做唔到！其次就係佢既配料 (蘿蔔絲，生菜絲，椰菜絲)都切得好幼細，再加埋脆口既花生同脆漿，撈埋一齊食既口感係超級好！豬扒更加係水準之上，夠哂惹味而且肥瘦適中，非常好食！香茅雞翼 $58開頭以為只係得5隻雞翼，原來仲配埋青木瓜沙律。雞翼好香好入味，青木瓜沙律酸酸甜甜，好開胃！芒果芝芝冰茶 $33同樣都係大大杯，先飲頂頭既芝士奶蓋先， 芝士味夠濃，但我更欣賞佢既茉莉花茶底，茶味夠清香！香芒椰汁糯米飯 $48我又係比佢幅相吸引左而叫既，果然無令我失望！糯米飯既質素亦好高， 椰汁味好重而飯既口感亦好好，唔會好似出面食果d硬掘掘。總括黎講呢餐真係十分滿意，不論食物及服務都好高分！誠意推介大家黎試下！…查看更多

不嬲對四川嘢食都好有好感，但同行之中有位女士唔食得辣，可惜可惜。不過呢間 "烏蠅館" 真係好食，平時都聽人講話食烤魚要去呢間，結果真係冇失望。總括嚟講:食物  服務  清潔  位置  價錢 冇得輸 睇下啲菜單先 ~款式選擇多，引用佢一句 "秘制香料炒制，醃製烘烤慢炖。口味奇絕，香氣撲鼻"，果然整得非常美味，連餐牌設計都幾好，引人唾液。 一開始先黎條 "三刀魚" ，選擇左蒜香烤味道，蒜香出色，齒硤留香，美味絕頂。蒜泥好濃，鐘意多蒜嘅朋友一定唔可以錯過。食完條魚值我讃嘅係，侍應服務好，食完條魚，即刻好貼心比杯清水大家 "浪浪" 口，佢話飲杯水再食，咁就唔洗比岩岩嘅蒜泥掩蓋左之後嘅美食。 香煎午餐肉，個人認為應該就咁食，唔好打邊爐，否則會 "淋" 左。西洋菜餃必食，新鮮自製，真才實料。美味鵝腸，四川空運過黎，肥膏香氣真係唔同，好好食! 食咁多肉，食返d 菜，呢個萵筍唔係度度有得食，好清新香脆。其他野食都好新鮮好食，所以食烤魚係一定要黎呢間 "烏蠅館"…查看更多

收工去咗旺角女人街搵嘢食，女人街有好多好嘢食，搵食之間，見到大大個banner被 “梨滿園”被深深吸引咗。因為係韓式炸雞，仲要放題，最緊要係 $1xx 百幾蚊咋!上到去地方闊落，坐得舒服。即刻坐底食個超抵食嘅炸雞放題。本身都有一刻諗住試韓燒，韓燒其實仲吸引!但都係炸雞啦，又平又好食!個放題套餐其實唔只係炸雞，仲有蛋卷同埋壽司，仲有一款嘅芝士雞，所以百幾蚊任食嚟講，冇得輸啦!炸雞口味仲有4款 (薑蔥味、甜辣味、芝士味、蜜糖味、秘製醬油味)炸雞非常香脆可口，味道好，汁醬仲正，本人推介薑蔥味，真心正!蛋卷又滑又香，紫菜係中間，配沙律醬，好味!芝士雞都可以食完又食，啲芝士又香又 “煙un”，食完要encore 再 encore。食到回晒本，百幾蚊食到非常滿足。總結嚟講，炸雞可以去 “梨滿園”試下。…查看更多

Monday blue 係要刺激一下味蕾~放工約咗朋友食飯，大家異口同聲話想食泰國菜,咁當然選擇有香港小曼谷之稱嘅九龍城啦。今日揀咗一間泰國菜餐廳《泰象館》餐廳環境很好，地方乾淨，座位寬闊，餐廳內更有一張大圓枱，可坐10人，非常適合一大班朋友一齊食好野飲下啤酒。更窩心嘅係佢仲有一張 BB high Chair, 帶埋小朋友嚟食都駛唔怕麻煩啦 餐廳 Menu 選擇十分豐富，有沙律，小食，湯類，燒烤類，海鮮煲，飯面類，飲品，甜品⋯ 晚市時候7點半開始多人，大家記住訂枱呀!! 一開始我哋嗌左生蝦刺身(HKD 98 ) 生蝦爽脆, 又大隻 酸辣鳳爪沙律( HKD 62 ),  酸酸辣辣好醒胃 跟住我哋仲嗌咗一個冬陰公湯( HKD 74 細 ) 細細個夠晒三至四個人分享，裏面材料材料非常豐富, 仲有我最鍾意食菇菇同大蝦, 當然唔少得叫埋個馬拉盞炒椰菜苗啦 ( HKD67 ) ，十分爽脆，馬拉盞味道非常惹味！食泰國菜一定唔少得食生菜包啦, 我哋嗌左個豬肉生菜包 (HKD 74) (有豬, 牛,雞 揀)，辣度適中, 豬肉嘅份量剛剛好~唔會太多食唔晒~ 仲有呢個炸蝦餅拼魚餅 ( HKD75 )，每碟各樣有四件，點埋個泰式酸甜醬，蝦餅魚餅炸到金黃鬆脆，又唔肥膩~最後我哋仲嗌咗個南瓜軟殼蟹咖喱( HKD 208 ) 食咖喱記住嗌埋個薄餅 (HKD 25 ) 薄餅點咖喱簡直係絕配。飲品係一杯聽落普普通通既咸0 7…你估唔到個咸0係超級夠味, 非常好飲, 又滿足到食飽飯要GUR 一GUR 既感覺….不得不提餐廳裏面所有侍應服務態度非常友善,有個女侍應更加熱心推介店內美食~又好細心遞上濕水濕紙~上菜時間講你都唔信,由嗌完嘢食都上菜都係10分鐘都唔駛, 唔會餓壞寶寶哦~推介！推介！推介！…查看更多

今日晏就想試下啲新野，所以就同成班同事去試左Goobne，本來對於韓國野麻麻地，不過食過之後覺得有另一番風味。因為我地人多，所以就簡左Goobne UFO、韓式雞蛋卷、韓式牛肉炒年糕、鐵板芝士泡菜炒飯，依四個韓國特色食品試試佢。係未講味道如何之前，先要讚讚餐廳既上菜速度，令我地依啲打工仔，唔洗食到趕頭趕命 韓式雞蛋捲我首次接觸，蛋味好濃郁再加上配埋青瓜同蘿蔔粒寧舍開胃，而且3色不同既醬料，可以有幾種唔同食法! 但個人推薦會選擇茄汁配蛋捲！另外，韓式牛肉炒年糕煙煙 "un" "un"，但都係一間專賣炸雞既食肆，所以不過不失啦，但味道都係有一定保證。之後不得不提 Goobne UFO, 上菜既時候已經聞到啲芝士同雞既香味，而且待應會幫手捲芝士，仲特登拉長啲芝士等我地影相。不過食既時候就要小心啲，因為啲芝士好辣口。熱騰騰既芝士包住甜辣烤雞，質感十足雞肉又嫩滑，加上我第一次試依種韓式烤雞 ，所以真係有小小衝動一試再試。最後，追加左個鐵板芝士泡菜炒飯，賣相一流味道亦都係上準之上，鐵板上既芝士配上濃郁泡菜味既炒飯，撈埋一齊食，別有一番風味…查看更多

夏天熱辣辣，好耐都冇打邊爐喇! 難得幾個朋友今日約出黎見面，朋友介紹去「滾」，咁我一聽到緊係一定要去啦!去到「滾」，鋪面唔大，但非常乾淨企理，又有卡位坐，所以坐得好闊落，非常舒適。冷氣又充足，夏天打邊爐都冇有怕 最貼心係有電視之餘，仲有個手提差電位 侍應態度十分有禮，亦都要寫一寫。有service 之餘，亦都會介紹你食好食嘅野，例如杏仁豆腐、炸午餐肉等。我意思係好多餐廳都會推介d貴海鮮你食，而呢度唔會囉。食物材料新鮮到不得了，樣樣都落足料，真材實料。先睇下個醬料盤基本嘅醬料齊晒，夠啦!開餐之前，一人有一杯免費嘅酸味味嘅汁，等你開開胃。選擇左呢個普通鍋，但沙爹味濃 牛肉新鮮彈牙，但略嫌切得太細塊，因為再放落去烚完後會縮得太細，冇乜「趙」口。自己炸響鈴，脆卜卜，一流。黑松露唔記得咩餃，呢個都必定要試。鵝粉腸，唔係度度都有得食，有得食一定要食。 豬下青，即係豬頸肉。砌到好靚。8寶丸，樣樣都有，慢慢食。小食真心推介，炸午餐肉，外層脆卜卜，好似響鈴咁放湯兩秒即食，嘩，真係寫緊都想再去食!杏仁豆腐，亦都好正! 外脆內軟。…查看更多

早排有朋友介紹呢間日本料理，話價錢平民味道唔錯喎。果日六點幾到，之後門口好多人排隊，大家嚟要提早攞飛仔呀，由於第一次嚟食，所以同女友問侍應有咩特別推介，侍應強調佢哋份量好大，比咗一啲建議我哋參考，由於我真係好肚餓同時又係大飯筒，深信自己食量最後叫咗一個丼飯及一個小鍋做主菜，之後叫咗壽司及炸物。丼飯率先上枱，刺身係飯上面立立令好新鮮好好味(最少兩至三人份量) ; 之後立魚鍋上枱，第一眼見立魚係炸係我預期之外，可能廚師怕魚肉散開所以咁做，另外個鍋有粉絲及菜，湯底仲有選擇唔太差; 接住壽司同炸物，壽司好誇張體積大到同湯匙好接近，好新鮮但個人對蟹膏壽司失望少少，蟹膏唔夠多又有蟹柳係面，我選擇咗蟹柳先食之後再成件食🤣享受蟹膏，至於軟殼蟹係必食推介，好想加單叫多次，但由於飽到上心口再加上附送糖水，所以留返下次對付佢😏。…查看更多

一間超抵食既海鮮邊爐，$300有找有齊生猛海鮮、其他任食，你想點?先睇睇個環境場地乾淨，闊落，侍應有禮 款式太多，數之不盡，自己睇睇。鴛鴦湯底，滿足各位有辣有唔辣，任君選擇。叫左個海鮮餐，全部海鮮都非常新鮮，爽口，味道一流。海鮮餐絕不媽呼，有齊貴價野。最正有蠔及象拔蚌，識食一定食象拔蚌個膽! 好難先搵到個膽食 (放題有呢個超正，推介!)當然，仲有鮑魚!剩係海鮮都回本啦! 跟住點少得肥牛!本地、美國、雪花、牛粒，真係應有盡有，$300人頭，真係超值!比埋其他野食大家睇睇! 登登登登! 鮮鵝腸呀! 野飲任飲! 最正係，嗜酒如命既我，支裝藍妹任飲! 講真，任食好少藍妹任飲! 最後，雪糕甜品少不了。總結: 無論一大班或兩公婆都岩黎既火鍋放題，環境舒適，夠大。野食絕對一流，抵食。唔知點解成棟大廈都係做邊爐生意，下次或者試下其他樓層，不過呢間絕對可以翻吃，首選。多謝晒當日有禮既服務，$300有找，我唔知邊度搵到，我絕對會介紹一鍋豐比朋友試! …查看更多

今次係第二次黎呢間度食，因為第一次用餐經驗唔錯，服務又好，野食都好食，所以食過翻尋味，黎第二次再次添食。一黎到好似平時咁，都幾多人等位，不過都好快有位，等左5分鐘就有位。一坐底緊係即刻攞野飲，不過唔記得影相。飲品選擇豐富，唔寫出黎喇，各位自己去試下啦。有好多韓式飲品，剩飲都飲飽。一開始暖下個胃，叫d熱食。牛油粟米，牛油味遠處都聞到，實在太香太美味。呢個蝦天婦羅一流，又熱又脆卜卜，真係好新鮮，一定要襯熱食，同行有沙律醬提供。脆炸豆腐，雖然面頭有辣椒粉，但其實唔辣，外脆，內軟，簡直係超級正。呢個串燒，汁都好正。相片比較懞。其他熱食都好食，但記得留返個肚食主菜呀。三文魚，全部都係三文魚。燒三文魚唔錯，入口即溶。呢個魚子醬味道非常夾，一試難忘。刺身又點少得呢，我食左幾轉，好彩有熱食打定底。如果唔係咁凍既天氣食咁多生冷野都要小心d。海膽非常鮮甜。最後雪條總結，太多款，樣樣都想試，我食左3條。…查看更多

公司新嚟報導，同事就帶我嚟佢哋成日放工聚腳地方，佢哋話貪呢到抵食又好味喎，我咪抱住😪咪又係一間食放題嘅鋪頭心態去試吓囉。一入到去座位都幾寬敞，唔逼夾第一印象唔差，之後同事勁快手點咗佢哋至愛必食"香蔥鵝肝帶子" 鵝肝微熱入口容化在夾帶子，嘩真係絕配 ; "一口凍熟蠔" 酸酸甜甜，食落除咗開胃外，仲覺得有開心感覺🌈 ; "拖羅軍艦" 同芝麻配合得好好 ; 仲有望落好普通，但食落勁好味嘅"麻辣鮮蛤軍艦" ; 之後仲有剌身，劍魚腩同虎蝦好鬼正Encore咗兩次😝，衝咗一輪之後就出去行吓順便攞飲品，但又估唔到有凍冰冰梅酒同大枝清酒飲喎，就連飲品櫃都有三大個全部唔同款😵(誇張)，對面仲有部雪糕機，小朋友見到應該好開心，配料自由配合，另外仲有個雪糕櫃，榴槤控的我食咗兩枝先收手，仲有唔少得榴槤炸物，好美味呀😚而出面仲其他熟食同甜品，豆腐花都有，估唔到呢餐令我好快同同事熟落💕。…查看更多

黃埔新張拉麵，位於AEON超市入面既一間拉麵店。星期一去到黃埔行街買野，行到肚餓，去超市睇下有咩好食。有好幾間日本食店，但比呢間日本拉麵店吸引到，因為價錢適中，本人又好喜歡拉麵，出面又冇見過誠拉麵，所以就決定要試一試。當然結果係不錯啦，睇埋下面既食評。誠拉麵位於AEON入面其中一間食店，好處各有喜好，各自拉食，唔洗被絆手絆腳。價錢適中，比出面其他拉麵店平少少。但款式湯底好似出面多d。叫左兩個麵餐，包括餃子、汽水。下圖係黑豚骨拉麵，極力推介。其實係黑蒜香湯底拉麵，聽個名都知好食。蒜香非常濃郁，湯底起掛，口齒留香。蒜香同拉麵估唔到咁夾，喜歡刺激既朋友一定要試。下圖係豚骨味噌。味道較淡，重口味人士可能要落多d調味料。我就覺得岩岩好，白郁郁既湯底就知店主呢個湯底夠晒時候。麵條彈牙冇得輸，再加上溫存蛋同叉燒，一流! 餃子，肉汁豐富，味道新鮮，如煎燶少少脆口更好。…查看更多

一路都好喜歡越南牛肉粉，食呢間之前一路都未搵到一間正宗既越南河，就算蔡爛介紹果間都冇呢間 Le Viet 咁好食。所以我絕對推薦 Le View 比大家，價錢重要唔貴呀。出面閒閒地都好似食拉麵咁既價錢，Le Viet $68 一碗，絕對冇得彈。一去到銀行中心，上2樓就見到呢間 Le Viet，地方超大，一大班人訂位都應該冇問題。去到唔洗等位，直入2人台同老婆 "chak" 台腳。野食方面其實好多選擇，但小口子2人，所以未有試夠所有食物，不過仲好啦，下次有藉口再黎。最後叫左幾個餸，超好食，為大家介紹下。頭盤叫左個 (鮮蝦米紙卷)，口感一流，鍾意越式野都好難抗拒，一定要叫一個食。正所謂皮薄 "ham" 靚，再配埋個酸汁冇得輸。食完呢個酸味味開下胃口，再食下一個。我既至愛 (越南生牛河)。我覺得呢個粉個精髓係湯底，湯濃冇味精，牛味出晒黎，仲有配菜調味一流，成碗飲晒。仲要熱辣辣呈上，正。最後叫左個 (越式咖哩牛腩配印度薄餅 *可選法包)，呢個配搭一流，用薄餅索d汁黎食，仲叫左個飯撈汁 tim。 個咖哩略嫌唔夠辣，不過我諗要配合大眾都係咁上下，所以下次可以叫佢再辣少少就更好。 仲有牛腩可能多返少少會好d，不過兩個人都夠，多人d可能叫多d野食，試多d野。最後，以越南滴滴啡結尾，整餐越南餐就咁完成。埋單只係$ (睇圖) 係咪抵先!…查看更多

味道: 賣相: 環境: 服務: (5個最高)呢間真係好高分，因為我真係好喜歡芝士 太太太吸引，一直都喜歡食 burger。其實一早聽過人話 burgeroom 好食，但先係第一次黎食。平時食開 (毛 burger)....食完呢間之後，覺得 (毛 burger) 完全冇得 fight 平日夜晚..........人唔算多....好快就安排入座.......環境好好..........感覺好外國 feel..........酒吧咁........各類酒精飲品應有盡有.......同女朋友拍拖會係唔錯既選擇....幾十款 burger..........真係好難選擇.........不過唔緊要.....下次可以再黎食過 芝士控既我.....梗係要食 (芝士粗薯條) 啦 肥肥既薯條.....熱哄哄...充滿芝士香氣.........好吸引...我建議唔洗落茄汁......就咁濃濃芝士香......最正 接住落黎，係特量芝士漢堡......你地睇下............芝士好似瀑布咁......份量十足.......食落味道滿分.........牛肉好濃........靚牛肉......芝士又香又濃.........必試呢個鵝肝芝士漢堡...........大大份.............其實有d食唔晒...........大過我手掌 鵝肝配漢堡原來咁好食..........陣陣牛肉香.....加上鵝肝香.......又有芝士香........講起都再想食......最後要叫返杯橙汁.......中和一下飽肚感.......埋單係呢個價錢......其實幾抵.....份量十足..............…查看更多

好少食炸雞，一試之下原來炸雞可以咁好味之餘又健康。(正確黎講係"烤"雞，但皮一樣脆) 因為一直以黎，炸雞比人感覺就係唔健康，油膩..........但試左Goobne之後，從此改觀。餐廳品牌介紹都介紹到佢地既生意理念多款烤雞選擇，原味最傳統，又有黑椒....BBQ.....芝士......剩係食雞都有多款選擇安排又夠細心，滿足人又想試呢樣又想試果樣.....所以就有雙拼..........仲有又有骨又可以選擇冇骨既雞.......真係好細心........最後叫左BBQ醬烤雞+原味烤雞.....烤雞新鮮滾熱辣送出....香噴噴........食落淡淡肉....皮脆........肉更有口勁...又juicy....絕對唔會 "鞋烚烚"再 encore 辣雞....辣到噴火....好彩有happy hour.....辣辣都唔洗怕....啤酒話咁快飲完....因為辣要係咁飲野.......想食辣一定要試...好正再加杯薄荷飲品，食完辣雞即刻味蕾好refresh....再食其他野..............依然超級美味 韓式雞蛋卷，必試 口感軟綿綿.....充滿蛋香 下圖係 "鐵板芝士韓式烤肉炒飯配醬燒豬肋骨" 好似係新加冇耐.....等我先試為快......芝士炒飯一定會好食......我仲嫌芝士唔夠添呀...芝士配炒飯味道非常夾....粒粒飯都充滿芝士....飯身又夠乾爽.....入口煙煙un un.......唔會有"滯"既感覺..........豬肋骨又好入味....味道非常非常好......同樣都係好林....唔好 un......最後埋單每人大約$300.......都算係咁啦.....中環區....有service....又好食.......環境乾淨....舒適....闊落......一大班朋友又得......兩個拍拖又得......…查看更多

而家食親放題，都要去到旺角，家住新界，旺角先多選擇。所以今次都係去旺角試下呢間。一去到門口多人到不得了，不過好彩book左位，好快就被安排入座。一入到去，全場爆滿。不過地方寬敞，唔會覺得唔舒服。安排左坐卡位，都好寬敞，坐得好舒服，最緊要係乾淨。食放題梗係一坐底即刻點野食先啦。廚師推介緊要試下款式選擇眾多，一個唔小心好易眼闊肚窄 寫完食物緊係去選野飲啦，多到數唔晒 梗係試出面冇既飲品啦，特別適合愛喝啤酒既我 壽司刺身唔馬虎，新鮮美味 食完一輪出去又可以自己夾野食，款式多多，任君選擇租品總結黎講，呢間價錢同其他對手差唔多，所以都唔係話睇價錢，最緊要係睇食物質素，其次環境同埋服務。以我食咁多間旺角放題黎講，呢間性價比都高，值得一試! …查看更多