Mr.Siu p的個人專頁

6個人黎食，分兩枱，好好咁安排左右枱，我地叫左咖哩雞鍋配印度薄餅，串燒（豬+牛），紅豆冰，椰青，豬頸肉湯粉，手撕雞撈蒙，蝦餅。咖哩雞鍋黎到個鍋冇雞（店員即換，但雞明顯係海南雞飯個d雞），串燒牛好乾，串燒豬幾好味，豬頸肉湯粉幾好食，豬頸肉燒得幾好，紅豆冰用幼飲管，紅豆硬身，飲落一般，冇紅豆味，食到一半椰青都仲未黎，應該都係漏左。整體黎講....就係一般，如無意外，晚餐聚會未必係首選，午餐/一個人食都可以。…查看更多

第一次黎係星期五晚8點半，諗住佢收10點8點半到都冇事啦，點知佢已經賣哂...嬲嬲豬...同女朋友決定聽日再黎！第二次黎係星期六7點...一黎到...賣哂...心諗...咁好食咩？第三次係過兩日星期一...6點！因為7點已經有10幾人排隊終於買到...500g牛柳、2倍蒜油加個setSet係18蚊，飯、味噌湯、沙津，汽水4選3小弟建議飯唔食都得...因為唔太好食😂我冇話要幾成熟...（都唔知有冇得咁叫）食既時候大概5-7成熟，食落都嫩口，最大個一舊牛柳得3成熟...冇出血水我都可接受🙈女朋友食肉眼300g...煮得老左...鞋身...但係牛味比牛柳重...🤔🤔🤔我都係會食牛柳😁女朋友建議女生300g ok最後總結平日7點前要到，星期六日6點前到食得蒜既蒜油可以叫三倍女生食300g飯唔好食牛柳好食過肉眼記得問有冇得指定幾多成比一般扒房好，又唔貴…查看更多

今日2月14號，我同我女朋友既第二個情人節加年廿九。特登黎到澳門過，佢又好鍾意食自助餐...我睇見呢個得3個負評20幾個好評梗係黎試試佢啦。情人節收費$638+10%，我覺得唔係貴。員工服務態度超好！100分不過食物就....自助餐...生蠔龍蝦蟹腳蟹鉗牛扒係我地必食項目，相信大家都係...但係龍蝦蟹鉗冇乜味，生蠔加檸檬汁得檸檬味，唔加就...都係冇乜味....蟹腳好d可以接受但係我同女朋友一人兩隻就放低左...西冷牛扒...冇乜牛肉味...唔夠嫩女朋友拎埋刺身，三文魚可以接受，但可以更好，吞拿魚肉冇彈性冇光澤...用叉輕壓會有凹痕。我地去到呢度已經想走...但係本住未回本既心態...食埋其他野試試佢紅酒牛尾個汁唔夠濃湯唔夠熱牛腩真心好好味！👍🏻👍🏻鮑魚響螺片瑤柱雞粥好味👍🏻👍🏻雞蛋麵夠彈牙👍🏻烤鴨韌左d燒肉唔錯，皮夠脆👍🏻蛋撻熱d會再好食d👍🏻總結：1400蚊兩個人，比多d機會我...我會食其他野女朋友話可能因為佢地晚餐係18:00-22-00，我地20:30去到太夜。我心諗...先開始左兩個鐘...我覺得一間好既自助餐店唔應該係咁…查看更多

我朋友講呢度d扒好正，又有20幾種手工啤，即刻約埋上黎試下佢，叫左3份6安士特級肉眼扒，真心好好好好食！肉嫩有肉汁，話5成就5成熟，燒得好好，如果肉既份量有得加大就正啦🤤仲叫左一個虎蝦扁意粉、蘑菇雞肉意粉、小食拼盤同黑松露薯條。虎蝦好爽，唔似係冰鮮野。雞肉好嫩，唔會因爲煮埋意粉而乾爭爭。以上兩個意粉味道比較淡（可能係我食野比較重味）小食拼盤可以一試黑松露薯條我走左芝士粉...因為聽我朋友講個加左芝士粉會焗一焗整溶芝士，而個黑松露醬真心好味，夠香5個人食加埋野飲埋單$1888，我覺得呢個價錢呢個質素絕對可以…查看更多

我細細個大快活曾經推出過飯堡...而且都係我喜愛食物之一最近同女朋友睇電視節目見到香港有間餐廳出左，仲要有佢最喜歡既龍蝦，一放假就有佢黎食好西一坐底睇有咩食，價錢唔算貴，服務員勁好禮貌，而且咁啱見到個舊同事係度返工，所以我有得食佢地個隱藏飯堡 - 海膽帶子飯堡...勁愛海膽既我一定會叫女朋友想食龍蝦飯堡，可惜賣哂...只好叫個松葉蟹飯堡小弟建議龍蝦控既朋友啱好咁夜去，因為我7點幾去到都冇得食個飯堡食落真係唔多似食飯🤣因為佢地炸過黎，好脆，好味，海膽新鮮唔苦，帶子又新鮮，係食個陣會有d漏口🙈女朋友話個松葉蟹都好好味，但係佢都係漏口🤣大家真係唔好係個紙袋拎飯堡出黎食....鍾意酸既朋友可以飲青檸梳打...真係好酸另外佢地推介左杯菠蘿特飲，都幾好飲，將菠蘿肉打碎係入面係個魷魚筒爭d，可能因為我地掛住食飯堡，所以凍左冇咁好食總體我地都覺得goodgood,會同女朋友去多次，食到個龍蝦為止！…查看更多

叻沙湯底好淡...一開始同水加鹽冇乜分別...食到中後期先似返個湯...反而最普通既甜醬油湯仲好，肉同丸都好好食...巴西牛舌值得一試，龍蝦d肉夠實，有海水味，仲有d牛肉夠牛味...可能因為我個湯冇乜味🤣女朋友仲叫左個稻庭烏冬，都好食丸就貴左少少，最平個隻12蚊2粒...我地叫左6粒，5款牛肉1款豬肉，半隻龍蝦仔$58，金菇，兩棵菜，1個飛魚子沙律，一個烏冬一個麵，埋單$566...今次個湯係遺憾...希望有改善啦…查看更多

女朋友好鍾意食日本菜，所以同佢黎呢度試一試，我叫左個味噌醬熟成吉列豬，配個日本淮山飯，如果你食濃味野可以一試，而個淮山飯我個人幾鍾意，但係口感唔係個個人都接到而女朋友叫左個吉列雞扒冷蕎麥麵，個冷麵彈牙！相反個吉列雞扒就麻麻地總體我會比90分…查看更多