KelvinKo5149的個人專頁

好少嚟荔枝角呢邊食嘢，咁啱約咗個朋友過嚟，入去無book位， 只能夠walk in(職員態度一般)只可以坐Bar臺 （明明入面仲有位），夜晚時段7:30，睇 menu 落單啦，全部嘢都係指住個圖落單，明明話要海鮮丼飯，最後竟然落咗釜飯，仲要等咗35分鐘， 跟住係咁同你講唔好意思呀釜飯都好好食，你可以試下。不過一啲都唔好食囉， 整刺身嗰啲師傅又唔戴口罩係咁喺度吹水，真心呢個價錢出面有大把選擇，食一次就夠，絕對冇下次，落錯單一句道歉都冇呀。…查看更多

下午行過深水埗，長沙灣道同欽州街交界，見到一間由巴基斯坦人開嘅咖哩店，門口有餐牌寫住可以買薄餅 咁就諗住試下買咗塊油酥餅， 油酥餅即場製作，不過職員全程無用手套，收錢同埋製作、搓麵粉，製造嘅過程，都係用同一隻手，過程之中亦無戴口罩 ，喺疫情之下，仍然咁唔衛生，等候嘅時候，亦唔見好多人幫襯，以後都唔會再買，味道唔見得好食。…查看更多