Kekekefood的個人專頁

💎三文魚子碧綠龍蝦粿 108.00龍蝦肉上有幾粒三文魚子 龍蝦肉質咁比較淋同鬆散下面係裝飾量嘅蟹粉同彈牙蝦💎筍尖鮮蝦鲛 85.00正常彈牙蝦餃💎蟹肉菜苗餃 85.00多咗少少菜同蟹粉嘅減量蝦餃💎蝶豆花野菌粿 58.00冇味菇餃💎生煎鮮蝦腐皮卷 58.00個皮比較油唔夠乾身 餡有韭黃蘿蔔同蝦💎鳳凰叉燒腰粉 78.00正常叉燒腸💎黃金凉瓜鍋贴 108.00全餐最有味嘅一碟餸蛋黃非常邪惡個餡就係蝦同涼瓜幾香口幾好食不過食一嚿就夠曬了💎炭燒金磚腩肉 168.00冇味燒腩仔得三點芥末💎一品砂鍋炒飯 268.00有蝦蟹粉帶子瑤柱飯都乾身不過又係冇乜味有可能因為我點曬啲招牌 而咁啱大部份招牌嘅餡都係用蝦蟹粉製成 食極都係呢幾味 好悶 比較少調味感覺為咗收貴啲而係咪都加蝦加蟹粉份量係夠四個人食得飽食物嘅好味程度對唔住佢嘅價錢可能係食環境地點啦…查看更多

yellow chicken 個醬其實就好似kfc蘑菇醬撈咗啲牛油落去配埋啲蟲草菇都幾好食個雞就睇部位整體都係偏柴薄啲嘅 類似雞胸位 煎得比較香 好食啲兩個雞髀都比較厚 唔夠入味 亦都食得出雪藏味比較重個飯幾得意幾好食黑松露意粉正正常常普普通通唔係話特別好食亦都冇乜扣分位個醬算濃郁蝦意粉啲蝦係外熟內生粉粉糯糯不過有輕微腥兩個意粉嘅口感都唔太鍾意 好粉好彩可以轉室內位如果唔係喺室外真係吹到頭痛都幾full 大部分係香港人當大家都傾計嘅時候嘈到拆天…查看更多

有可能因為選擇小辣所有嘢都冇乜味食完個嘴淡茂茂水都唔使飲農家小炒肉同大盤花菜唔使同時嗌只係有菜同冇花菜嘅分別啲綠色辣椒都食埋 係可以接受嘅辣度茶香蝦麻麻地覺得油得滯 蝦同葉都唔夠酥脆手抓骨等咗好耐 味道普通覺得可以乾身少少 辣子雞夠脆 不過唔夠鹹同辣最好食就係佢個炒飯呢隻味好得意 好啱我口味有種係鹽酥雞嘅感覺好好食 建議大家嗌當晚非常之安靜得兩三台客 提早book枱有88折最後建議唔好小辣走辣如果唔係真係非常之清淡…查看更多

因為food court冇位坐就入咗呢間餐廳 (準確嚟講係吧檯)兩個人食唔太飽不過唔係特別好食 就冇再加嗌咗兩個推介嘅意粉卡邦尼意粉好食個醬夠厚好濃芝士同cream味意粉啱個人口味偏硬整體幾好食不過啲意粉唔太掛醬食到最後會淨好多醬龍蝦意粉搞唔掂有半邊龍蝦一隻鉗龍蝦肉尚算紮實龍蝦膏腥到傻咗啲汁冇乜味整體嚟講非常淡侍應手忙腳亂同一時間得四台客都唔係太處理到不如scan code落order啦連畀錢都要等好耐望住三個廚師一個侍應喺咁少嘅空間逼嚟逼去有啲無奈咁嘅價錢有好多其他餐廳嘅選擇…查看更多

食物🤤🤤🤤整體冇乜伏 五個人食 有少少淨蝦片好食 整體偏淡 點埋中間個醬就幾balance 只不過擺到食飯中途就已經淋淋地 冇食曬takeaway咗 氣炸番仲好食過一開始叉燒好食 舊肉夠林 肥而不膩 表面焦香 兩客肉骨茶可以分到五人 一人一小碗 幾足料炸蝦意想不到好食 蝦頭蝦身蝦尾都炸到超脆 食曬 蝦肉唔腥唔梅 啲炸物碎碎都好脆 抵食海南雞熟咗少少 啲肉唔滑 啲醬正正常常 半隻雞 份量都幾足乳鴿好重煙燻味 不過塊皮唔夠脆 都唔差嘅 評論好多都高度讚揚 所以少少失望肉餅香口味道正常幾好食菜好惹味 馬拉盞炒幾好食炒貴刁夠乾身 甜品 不合個人口味 椰絲卷暖暖地不過甜到爆炸 糯米糍個皮粉感好明顯 冇任何煙煙靭靭嘅感覺 服務👍好到有壓力因為比較早食 個場冇乜客 最少十個waiter一字排開望住我哋坐低負責我哋枱嘅waiter見到個杯冇水即刻沖過嚟斟茶見到隻碟有骨即刻換新碟環境幾靚坐得舒服💜💜係灣仔咁嘅服務咁嘅食物質素cp值算高值得再去…查看更多

openrice訂座送餃子喺間舖頭門口即刻訂座20分鐘後嘅時段因為當時算早 舖頭有好多位店員照畀我提早入去餃子正正常常啦 啱啱整起脆卜卜碗麵超驚艷 份量啱啱好雞蛋好食 啲蝦好食 嚿肉好食 燒得夠香唔肥膩 厚度適中唔太薄啲麵軟硬適中 個汁甜甜地 超啱我口味所有嘢加埋一齊就係簡單兩隻字 好食🤤🤤👍環境乾淨 waiter有反應 食物上得快 整體嚟講唔錯 唯一唔好就係用信用卡有金額下限 78蚊碌唔到credit card呢間舖頭亦都係我少有推介咗畀人哋食嘅餐廳78蚊有餃子有撈麵有杯茶旺角嚟講算唔錯…查看更多

晚餐淨係有set嗌包湯包main course包甜品包嘢飲 非常之抵openrice訂座有埋八折cp值更加高食物質素嚟講羅宋湯正常 味道偏淡 幾多料炸魚青醬意粉 食得出舊魚唔係啲cheapcheap鯰魚柳 不過因為都唔係啲咩貴魚 食得出有啲腥個雞wrap意想不到好食 幾得意all day breakfast正正常常 冇咩特別冇咩差嘢飲有好多選擇味道都ok抹茶蛋糕唔好食 冇咩抹茶味芝士蛋糕嘅rich幾好 不過食完main之後好頂朱古力蛋糕都好食 好濃朱古力味由於係親子餐廳 係有一個area畀小朋友玩 因為係平日晚市去 嗰段時間淨係得三個細佬嘈唔嘈睇你彩數我嗰段時間兩個細路好安靜 一個細路大聲笑大聲叫好彩佢哋食嘢嘅時候安靜番無法想像星期六日多細路會嘈成點食物味道整體嚟講冇話咩好驚艷 但係冇咩扣分位由於cp值高整體嚟講呢間餐廳係推介嘅…查看更多

食物正常如果食量唔大 二人套餐三個人都可以食飽成餐雞翼最好食甜品會覺得伏 味道正常 不過大細係一隻手指公 所以會有啲問號問號洋蔥麵包湯就見仁見智啦 我覺得正常 朋友覺得好核突 食物質素嚟講 定位算係高級版薩莉亞？😂餐廳好大 位置都幾多不過 限時90分鐘 畀完錢佢見你食得七七八八 就開始望住你啲碟想幫你收嘢 你一夾曬碟上嘅嘢佢就即刻收走隻碟然之後同你講一句出面好多人排緊隊搞到好大壓力明明都未坐夠90分鐘好似趕住你走咁openrice訂位嗌特定套餐有得減30蚊整體嚟講 平衡價錢味道服務 都算滿意嘅…查看更多

食咗198lunch set加海膽魷魚壽司一件由於book咗星期六12點嗰round係第一個客 包場五分鐘後先有第二啲客人三個師傅serve五個客有正常嘅食物產地介紹大約45分鐘食曬一個人淨係坐喺度食嘢嘅話完全唔覺得趕師傅如果可以上快啲 我可以食快啲添食物新鮮冇乜腥味鍾意啲壽司用醬油飯一開始都有啲擔心因為見到有其他食評話會食三文魚嗰下真心嚇一嚇不過當日冇比呢樣我食整體食物質素係唔錯不過冇話乜嘢特別好食冇話邊一樣食物印象深刻呢個價錢嚟講會話係正常發揮？覺得唔好嘅就係book位流程平時喺openrice book完位會有職員call過嚟/whatsapp confirm booking可能我book得太趕？呢一間好似冇confirmation？有打過兩次電話同whatsapp去31082191冇人覆 可能我msg/call嘅時間唔係咁啱🤔我check返佢社交平台page嘅時候發現要whatsapp或者電話預約或者經佢一個網上平台交200蚊按金先book到因為唔知我呢個openrice booking算唔算數所以一開始真係好擔心去到冇得食不過擔心是多餘的😂咁啱尼個時段好多吉位結論係以omakase 嚟講lunch set係抵玩會唔會再去食就睇情況啦…查看更多

McDonald's 抹茶豆乳批🍵琴日做優惠十蚊有兩個 非常抵試下新嘢？ (好似之前有食過) 感覺唔錯個批一如既往咁脆同麥當勞其他批一樣啲醬係左右分開一半一半一啖過食 抹茶味會蓋過豆乳味分開食就食得出個豆乳醬有淡淡嘅豆奶味啲抹茶醬唔會好苦整體嚟講唔算太甜唔會話食完之後要瘋狂飲水沖走個口陣味算係一個平平哋嘅甜品所以即使之後變番原價十蚊一個想食嘅話 我都會繼續叫以呢個價錢嚟講cp值算高推薦鍾意食抹茶味產品嘅人試下…查看更多

其實我對成個用餐體驗都滿意好快就有位嘢食叫完唔使等好耐就有喺朗豪坊嚟講嘢食算平味道都唔差正正常常普普通通 冇咩特別所以冇影相不過呢杯嘢飲就世界級了未飲過咁難飲嘅嘢我已經落單全脂奶啲奶可以冇奶味榛子係假味泡沫係怪味一路飲一路黑人問號喺度反思緊點解要咁樣對自己唔知係咪心理作用飲完真係有少少唔舒服建議大家頸渴嘅話嗌過另一杯嘢飲嘢食唔錯性價比高 不過嗌咗一杯好伏嘅嘢飲如果我再去朗豪坊呢間都會係我其中一個選擇👍…查看更多

麵包🥖正常outback感覺 麵包外圍比較硬 裏面都算軟 冇乜味 靠個醬 食唔出個醬係咩 有日式他他醬嘅感覺蘑菇湯🥣 好正常好普通 alfafa蘑菇湯嘅味同埋料 不過多好多手指公大細嘅蘑菇粒 而且溫度係滾燙 非常好 起碼個湯係熱龍蝦麵🍝有一隻龍蝦鉗 半邊龍蝦身嘅肉 龍蝦味忌廉汁意粉 同埋一啲瓜果蔬菜粒個龍蝦鉗大定細真係睇你好唔好彩 同行友人嘅龍蝦鉗細我一半有多龍蝦肉冇調味 要hi番啲龍蝦汁先有味 由於我一開始就食曬兩件龍蝦肉 之後淨係食啲麵 食得好辛苦 啲龍蝦汁麵真係好standard嘅味 完全係美心mx龍蝦湯嗰隻味 不過重好多忌廉 食頭幾啖係ok 之後真係食得好無聊 又膩又寡 其實平時唔鍾意食菜玉瓜之類嘅蔬果粒 但啲麪嘅味道完全冇層次 唯有食埋啲菜啦食呢個麵之前餓到傻咗 食完膩到上心口 優點係唔覺有味精? 食完都冇話特別想飲水🤣凍桃茶🍹要加20蚊建議叫番凍檸茶算數應該叫超甜桃味碳酸茶極多冰 建議叫少冰🙊唔睇價錢食得過 計埋價錢就建議搵過間 🤤cp值中等 🥰不過如果想喺環境好啲嘅法式餐廳食餐飯都係唔錯嘅選擇…查看更多

本身開開心心諗住百零蚊可以食下蟹$108有成十幾隻鉗 感覺都唔錯幾抵下買完返嚟就放咗入氣炸鍋翻熱拎到出嚟就已經聞到陣味有少少怪一用個鉗打開就見到有一啲蟹肉好似溶溶地又綠又灰仲有超濃烈嘅刺鼻氣味湧出嚟上網查先知呢啲係阿蒙尼亞味一開始仲諗住拆曬啲蟹肉啲味散下再食餐飯都食完陣味都未散一將啲蟹肉放近啲個鼻就極臭上網一查 大部分建議都係唔好食食完有可能肚痛 咁冇辦法全部垃圾桶見成餐晚飯嘅重點就喺個蟹度點知最後一隻都食唔到落口真心勁灰 非常憤怒特登上嚟打千字文警世唔好喺aeon買蟹唔知佢係用死蟹定係處理不當總之就買完返嚟成肚氣🙂…查看更多

包裝盒幾靚 造型都幾好睇不過係味道面前一切都係空話咁嘅價錢 味道竟然同美心冇分別嬲到我即刻上網睇下究竟自己食緊啲咩聲稱係72%黑朱古力 完全食唔出仲以為係啲cheapcheap粉溝朱古力開出嚟上面粒金色波係金幣朱古力feelpat cream除咗裝飾之外完全唔知佢存在嘅意義 甜甜地?紅桑子啫喱做得好突兀 舊啫喱可以飛出嚟😅 同平時食開有紅桑子成分嘅朱古力cake唔係咁似朱古力海綿蛋糕見到 但食唔出質感上同啲慕絲有咩大分別==?食完有啲懷疑最底嗰塊餅乾係唔食的 淨係用嚟墊住個蛋糕 因為真係一塊潮咗冇味嘅餅乾😂如果你淨係為咗影相打卡 都係個唔錯嘅選擇🥰👍…查看更多

之前飲過抹茶拿鐵覺得正常今次因為賣曬抹茶就求其叫咗店舖推薦嘅國寶茶拿鐵兩個字 難飲完全唔啱我口味我以為自己飲緊啊媽煲嘅 五花茶定夏枯茶而家成口涼茶味 好想嘔真心搞唔掂唔好叫！！！！！！！！！！！！叫其他啦大家…查看更多