讚食彈的個人專頁

中環天星碼頭新開咗間韓國炸雞店，睇餐牌好似幾吸引😋，價錢都算平，份量又大，堂食得十二個座位，景觀對住六號碼頭，無位就外賣坐海旁食都幾開心。韓式黑炸醬炸雞腿肉🍗(8件) $58+18 包汽水、前菜、飯美味指數：😋😋黑炸醬應該係佢哋招牌味，食落好似台式肉燥😂，口味好似唔太搭，其他味應該會更好，炸雞炸得非常脆👍🏻，夠哂熱辣辣，肉質唔乾但無肉汁，份量好大，食到我就嘔，建議兩人食，最正可口可樂係支裝😍。環境 : 😋😋😋😋服務 : 😋😋😋😋價錢 : 😋😋😋😋美味 : 😋😋CHIMAC (中環)營業時間：11:30-20:30電話：2838 3682中環天星碼頭7號碼頭上層D及E號舖…查看更多

🌟新開張買一送一🌟今日尖沙咀天星碼頭有間新開人氣咖啡店🔥☕️，位置非常方便👍🏻，入面有企枱可以涼一下冷氣，咖啡整得好快，好多員工，不過收銀佬唔太熟收銀流程，不過唔緊係今日只係第一日👍🏻，員工多數外藉人士。Flash黑咖啡 $21美味指數：😋😋😋😋😋咖啡我真唔係好識😂，飲落苦苦地，都幾有咖啡香，應該係佢哋招牌咖啡黎👍🏻，味道濃過美式咖啡，價錢真係算平，幫大家省唔小錢。環境 : 😋😋😋😋😋服務 : 😋😋😋😋價錢 : 😋😋😋😋😋美味 : 😋😋😋😋😋Flash Coffee 天星碼頭 (尖沙咀)營業時間：未知電話：未知尖沙咀天星碼頭1樓KP-02號舖#香港美食 #美食 #食評 #食 #健康 #尖沙咀 #香港 #香港旅行 #尖沙咀美食 #天星碼頭 #咖啡#coffee #flashcoffee #互讚 #互粉 #followforfollowback #follow #followers #hk #food #hongkong #hongkongfood #hkigfood #hkfoodie #hkfood #foodie #foodies #ubereats #foodpanda…查看更多

夏天中午時間係條街行，真熱到你噴汗🫥，無咩事都係留返係室內避暑，我就搵返間飲品店涼下冷氣，再叫杯嘢飲降一降温先。我想講佢哋間鋪完全唔夠人手，叫杯嘢飲等咗十分鐘先有人理我🫠。。。 小芋圓奶綠 $32美味指數：😋😋😋😋我個人幾欣賞鮮芋仙啲小芋圓👍🏻，的確幾好食，軟得黎有咬口，又有芋圓味，綠茶飲落帶回甘，夏天飲綠茶消暑岩哂。環境 : 😋😋😋😋服務 : 😋價錢 : 😋😋😋😋美味 : 😋😋😋😋鮮芋仙 (尖沙咀) @meetfreshhongkong 營業時間：12:00-23:00電話：2617 9929尖沙咀厚福街3號華博商業大廈地下2-3號舖…查看更多

上次食完「鳥語」覺得幾岩我口味😋，所以今次再試下佢其他野食，唔知會點呢。鮮三文魚拌飯 $58美味指數：⭐️⭐️⭐️⭐️⭐️材料有鮮三文魚，粟米，菜，青瓜絲，飯，一睇就知好健康，係清淡飲食既選擇👍🏻，三文魚好嫩滑，重要保留到肉汁😋紅紅地既飯，食落好似有啲薑味。(餐單圖上明明有牛油果🤔但無岀現)脆脆柚子蜜珍寶雞翼 (跟飯另加$30)美味指數：⭐️⭐️⭐️⭐️原來柚子蜜配雞翼可以咁正😍柚子蜜甜度岩岩好，如果柚子蜜同雞翼分開會更好，因為經外送雞翼會一啲都唔脆，所以要減一粒⭐️，堂食會比較正。環境 : (外送)服務 : (外送)價錢 : ⭐️⭐️⭐️⭐️⭐️美味 : ⭐️⭐️⭐️⭐️⭐️鳥語 (尖沙咀)尖沙咀厚福街12-12A號藍馬商業大廈10樓…查看更多

(澳瑪葡國菜)你想點🤬？真係佛都有火🔥今餐真係未食就已經嬲左，我九點幾外送叫佢地既Bento Set A，個餐話平唔平，話貴唔貴$128，有凱撒拉律，炸馬介休薯球，招牌炭燒霹靂春雞配烤薯，葡式蛋撻，睇落係米好豐富呢，好啦送到手上，開始打開個Bento享受我既晚餐，點知見到個炒飯，我以為自己落錯單，查番張單我無落錯單喎，黑人問號👶🏿❓佢竟然比左個唔知咩Bento Set比我，睇番啲餐單，我個餐係Set A同Set C既特別餐😡😡😡😡😡佢自己寫明凱撒沙律裏面有鵪鶉蛋，我連蛋殻都見唔到，究竟鵪鶉蛋去左邊，無人知佢地先知，重點係我隻招牌炭燒霹靂春雞配烤薯去左邊😡🔥就算無春雞食都唔緊要，可以電話話一話我知，但佢地就選擇亂咁比個炒飯我，重要配蝦炒🦐。。。好彩我發現有蝦，所以無食到，因為我對蝦有敏感🤬🤬係米想食死我？餐廳既一時疏忽真係夠攞你條命。🤬🤬🤬🤬澳瑪葡國菜 (尖沙咀)尖沙咀廣東道3-27號海港城海運大廈3樓OT310號舖…查看更多

今日介紹既係一間位於旺角既手工水餃店，店員每日都新鮮製作，佢有好多分店，鐘意食水餃既你，不妨試一試。白菜豬肉餃(附送湯) $57美味指數 : ⭐️⭐️⭐️⭐️每碗10隻，每日新鮮手工製作，皮薄餡靚，真係勁多餡， 每隻都超級大隻，一口真係食唔到一隻，白菜同豬肉都好新鮮，抵食夾大件，讚讚，但附送既湯就好似味精湯。芝麻醬拌麵 $50美味指數 : ⭐️⭐️⭐️芝麻醬似係自家製，用上黑白芝麻，都幾多醬，但唔夠香，拌起麵黎食，竟然無乜味，有d失望，有一隻滷水蛋，重有青瓜絲，d麵同平時食既既拌麵不一樣，應該都係自家製。五花茶 $11美味指數 : ⭐️⭐️⭐️⭐️涼茶又係自家製，飲落唔會好甜，重有d苦苦地甘甘地，咁樣證明係真材實料，清熱又解毒。環境 : (外送)服務 : (外送)價錢 : ⭐️⭐️⭐️⭐️⭐️美味 : ⭐️⭐️⭐️⭐️北方餃子源 (旺角)旺角砵蘭街134號地舖…查看更多

睇youtube介紹台灣美食，睇到我好想去台灣食好西☹️但無時間去，只好叫個外送，獨留家中食台灣野。醬汁雞扒拼玉子豆腐肉燥飯(包飲品) $70美味指數 : ⭐️⭐️⭐️⭐️碗飯都幾多肉燥，有肥有瘦適中，甜甜地既港式滷肉飯。炸玉子豆腐就唔太嫩滑，每碗有三件，炸粉幾特別，似糯米糍咁有彈性。蛋就唔入味，雞扒有醃過，煎得還好，食得好飽。凍珍珠奶茶(跟餐) 美味指數 : ⭐️⭐️⭐️我選擇左少甜少冰，奶味唔太重，茶都唔太香，珍珠幾好咬，附送就唔要求咁多啦，但唔會比錢買黎飲。香草芝士薯角 $40美味指數 : ⭐️⭐️⭐️炸得唔錯，唔會覺得好油，大約有十三舊，但香草芝士汁，就真係唔多似，甜甜地咁，食落口似甜既白汁。環境 : (外送)服務 : (外送)價錢 : ⭐️⭐️⭐️⭐️⭐️美味 : ⭐️⭐️⭐️⭐️101肉燥飯專門店 (尖沙咀)尖沙咀厚福街10號地下A舖…查看更多

成日食西餐食厭了😕所以今日食下上海菜，雖然我未去過上海，但有機會既話，我都想試試當地美食，暫時係香港食住南小館先。蔥油開洋拌麵 $52美味指數 : ⭐️⭐️⭐️眼看色澤不錯，蔥油麵會比較油潤，但個人唔太鍾意咁油，蝦乾同蔥都炒過下，令味道更岀更美味，蔥可以多小小會更好，蝦乾大約有七隻，蝦身唔算太硬，但就無乜味蝦味，麵既軟硬度都適中，不過不失。鮮肉小籠包(5隻) $52美味指數 : ⭐️⭐️⭐️⭐️每籠有五隻小籠包，重有配醋比你點小籠包食，我數過有二十二摺左右，睇得岀係經人手製作，皮薄餡靚，每隻都滿滿肉汁，成隻放落口食，真係爆開了，非常美味。環境 : (外送)服務 : (外送)價錢 : ⭐️⭐️⭐️⭐️美味 : ⭐️⭐️⭐️⭐️南小館 (尖沙咀)尖沙咀彌敦道100號The ONE 5樓501號舖…查看更多

肚仔突然發岀「咕嚕咕嚕」，今餐諗左諗食咩，我決定食邪惡既快餐店，就係快樂蜂啦啦啦，諗起炸雞口水都流到成地都係🥰開心開心。一人毒毒套餐 $58套餐包括：樂脆雞(2件)，肉醬意粉，百事輕怡。(自選)另外追加：樂脆雞(2件) $34，薯條(大) $16樂脆雞(2件)美味指數 : ⭐️⭐️⭐️⭐️⭐️係我最愛既快餐店炸雞，我覺得好食過kf_，炸到外脆內軟，肉質又非常嫩滑，食落口又唔會滿口都係油，加上秘制既醬汁，點一下醬汁，再食一口炸雞，真係嘩好_好食！！又香脆又美味，非常配搭。肉醬意粉美味指數：⭐️⭐️⭐️配料有肉碎，芝士，腸仔粒。意粉比較淋身，肉醬就偏甜，腸仔粒既肉質就粉粉地，認真感受一下，會有一丁點點點既辣，就好似無一樣，夠飽肚。薯條(大)美味指數：⭐️⭐️⭐️⭐️薯條咸味適中，唔會咸到係咁飲百事，薯條唔係空心薯條，都幾飽滿，靚靚仔仔，食落口完全贏麥當_。(有次食，得半盒薯條🤨)環境 : (外送)服務 : (外送)價錢 : ⭐️⭐️⭐️⭐️⭐️美味 : ⭐️⭐️⭐️⭐️快樂蜂 (尖沙咀)尖沙咀北京道53-63號國都大廈地庫…查看更多

宜間雞蛋仔我超級愛🥰幾年前佢地未開分店既時候，每次都要去到紅磡先可以食到，宜家就非常方便了，因為開左好多分店，重連續拎左四年米芝蓮，超人氣👍🏻👍🏻排長龍架。粒粒朱古力 $25美味指數 : ⭐️⭐️⭐️⭐⭐️每日新鮮製造，即叫即做熱辣辣，外脆內軟既口感，每粒雞蛋仔都非常飽滿，重包住好多朱古力，食落真係滿口朱古力，滿足到爆炸，經過不妨去試一試。🥰環境 : ⭐️⭐️⭐️⭐️服務 : ⭐️⭐️⭐️⭐️價錢 : ⭐️⭐️⭐️⭐️美味 : ⭐️⭐️⭐️⭐⭐️媽咪雞蛋仔 (佐敦)佐敦廟街219號地下…查看更多

今日食既係連續四年獲米芝蓮推薦既清湯牛腩店，唔洗等位，只有三，四枱客人，地方唔算大，裝修好有舊香港既感覺，價錢平民貼地。1.招牌清湯腩飯 $55美味指數 : ⭐️⭐️⭐️⭐️佢名就叫清湯，但我覺得似味精湯，牛腩都有牛肉味，肉質適中，唔會過淋又唔會過硬，非常有咬口，一碗大約有七，八塊牛腩，蘿蔔都有四，五舊。2.腩汁淋甜蘿白 $16美味指數 : ⭐️⭐️⭐️⭐️⭐️煮蘿蔔個湯底非常清甜，唔似有味精，同清湯腩個湯不一樣，令蘿蔔更加清甜，感覺非常健康，一碗大約七，八舊蘿蔔，讚讚👍🏻3.黑白胡椒煨牛尾 $34美味指數 : ⭐️⭐️⭐️汁會有少少辣，對少食辣既我都不大問題，辣既程度可以接受，重有濃濃既胡椒味，牛尾會有d牛羶味，每碟大約有七，八舊。環境 : ⭐️⭐️⭐️⭐️服務 : ⭐️⭐️⭐️價錢 : ⭐️⭐️⭐️⭐️⭐️美味 : ⭐️⭐️⭐️⭐️新仙清湯腩咖哩專門店 (油麻地)油麻地砵蘭街37號地舖…查看更多

今日晚餐我決定用網上外賣平台叫外送，非常方便，但會收$20運送費，落單至送到要大約半個鐘左右，岩哂我宜d懶人。(成日叫外送😂)1.西班牙燒烤醬黑毛豬肋骨配意粉 $128美味指數 : ⭐️⭐️⭐️正正常常既味道，但豬肋骨就無其他餐廳咁骨肉分離，肉質唔太淋，適合唔鐘意食肉質淋既人。最驚喜係意粉，一般餐廳淨意粉都無乜味，但佢既意粉係用牛油煮，所以超級香，好正個意粉。2.黑松露拉絲芝士薯角 $58美味指數：⭐️⭐️⭐️個汁超香黑松露味，但完全無芝士味，又唔拉絲，薯角炸得唔係特別香口，鐘意食黑松露既你可以試下。環境 : (外送)服務 : (外送)價錢 : ⭐️⭐️⭐️⭐️美味 : ⭐️⭐️⭐️Urban Café旺角彌敦道566-568A號僑建大廈2樓…查看更多

餐廳位置大廈三樓，二樓都係同一公司，適合一家大細進餐，半自助餐親子餐廳叫Applegreen。三樓主要係比年輕人聚餐，適合細聲講大聲笑，環境舒服，空間感大。1.煙肉忌廉蛋汁意粉 $188美味指數 : ⭐️⭐️⭐️⭐️意粉算大碟，但價錢少少貴，分量夠一至兩人食，意粉用生鐵鑊送上，所以一定熱辣辣。忌廉，蛋加芝士，令意粉汁比較濃郁，每條意粉都比濃濃既汁包住，非常美味2.海苔蜜糖雞翼 $98美味指數：⭐️賣相一般，海苔個樣似切碎哂既蔥，完全無海苔味，只有濃濃既調味粉味，雞翼重差，完全無蜜糖味，又唔香脆，重要得七隻單骨雞翼，三隻半雞翼，除番成廿八蚊隻雞翼，食水超級深，不要叫。環境 : ⭐️⭐️⭐️⭐️服務 : ⭐️⭐️⭐️⭐️價錢 : ⭐️⭐️美味 : ⭐️⭐️R&B Research Bakery尖沙咀彌敦道172-174號太平洋大廈3樓…查看更多