MaggieSiu1767的個人專頁

今日收工得閒冇嘢做去行吓街，經過呢間餐廳幾抵食，種類又多就去試下我叫咗一個安格斯小牛扒，一個人嘅份量好足夠有湯沙律白飯都係無限添食，牛扒肉同埋脂肪分配剛剛好，食落去牛味重又夠林。放喺個熱石上面煎唔會怕彈油。一塊食完再煎一塊，唔怕過熟又唔怕放耐左凍。沙律菜好新鮮，可以食多幾碗職員亦都好細心攞咗支鹽同埋胡椒俾我哋調味。送餐又好快，有機械人幫手感覺衛生得多。另外我哋叫咗酸菜魚配烏冬，呢度真係想食咩都有魚好滑同鮮甜，加埋烏冬落去食好入味$58呢個餐真係好抵食。套餐加$36有杯勁大特飲，西瓜下面有啲涼粉而家天氣咁熱感覺好爽飲得出真材實料唔會加糖水。今餐真係又好食又抵食，下次會繼續試其他菜式…查看更多

土瓜灣而家又有地鐵又多新樓，開左好多新食市我住係度都試得切！今日首先試下六叔燒鵝先嗌左碟燒鵝髀飯，肥小小肉大大，個皮燒得好香脆，唔會食落好油膩,肉質唔鞋，脂肪小小係皮下面仲有餐湯跟埋，個湯飲完唔會口渴。另外無骨海南雞半隻，隻雞好滑好有雞味半隻雞只係$80真係好抵。下次一定要再黎試下d燒肉，叉燒先得外賣單雙拼一律$39 咁平又咁高質素真係要大推餐廳細細但係環境乾淨，而且服務好好。快靚正返工時間食都好一流…查看更多

新搬入黎屯門真係要慢慢食先食得哂所有餐廳！今晚求其想嗌餸食飯，我地2個人嗌左個2人餐都仲要嗌多2個餸揀咗霸王雞重點係個豉油同埋啲蔥蒜，好香滑隻雞又唔會過肥叉燒炒蛋唔好睇好似好簡單，啲叉燒唔可以太鞋啲蛋又唔可以太熟呢度做得剛剛好送飯一流。太好食嘅關係覺得佢份量太少所以再嗌左咕嚕肉同金銀蛋肉碎浸時菜。咕嚕肉唔會太酸，大大粒甜甜嘅菠蘿更有胃口。乾身唔會太多汁令到夠咕嚕肉林晒最後個金銀蛋肉碎浸時菜，清清地唔會覺得個湯好多味精，一大碗好足料我哋兩個人全部食晒就知道幾好食啦。…查看更多

Yoho mall咁貴既商場比我搵到間又平又好食既日本野。佢嘅風格好似去咗日本咁自助買票揀你想食既野。嗌左A5和牛，飯，沙律同湯都任自助拎有唔同嘅醬汁揀，餐廳環境乾淨同埋整潔好快主菜就黎啦，A5和牛當然好食啦入口即溶，仲有牛脷，牛隔肌，黑毛豬同帶子全部都好高質，枱上有不同醬料自己配搭黑毛豬好有驚喜，平時有牛我就唔食豬同雞，但係呢個黑毛豬好林好好味帶子又大大粒好新鮮。牛脷同牛隔肌當然無得同A5和牛比，但佢地都好好食，牛味好濃就算本身熟放上去熱石上整熱都唔會令到d牛過熟個熱石食到咁上下無煙出就可以叫職員換。最後唔小得係d炸番薯條，又脆又甜幾飽我都一個人食哂佢整體CP值好高，我有興趣下次試下個吉列A5和牛。…查看更多

去約會通常都會揸車出街，所以食飯都會去商場食有免費泊車。大熱天時都唔想喺條街度今日喺The One行街就順便食飯。成日經過呢間西餐廳都好想試吓都未有機會，今日我就提議試下餐廳雖然唔係好大，暗暗地幾有feel而且環境乾淨服務亦好好。頭盤我嗌左火腿芝士拼盤，salami 同ham咸香油香都好出色，脂肪分布唔多芝士亦有兩款都好啱香港人嘅口味唔算太重，夾麵包食唔會太膩另外我仲嗌左虎蝦蟹肉沙律沙律，減緊肥嘅我實在太好啦虎蝦大大隻又鮮甜，蟹肉碎好鮮，沙律汁酸酸地好開胃主菜嗌左半隻龍蝦嘅意粉，龍蝦啖啖肉配上蕃茄汁嘅意粉好好味，蕃茄汁唔會太酸，意粉煮得剛剛好彈牙，唔好睇我哋好似食好少嘢呢三道菜已經好飽了又好食又滿足…查看更多

元朗美食多就當然㗎啦，要逐間試真係有排！所以都係靠朋友介紹先至嚟呢間食。食物嘅種類好多有串燒，刺身，壽司，烏冬，炸物，爐端燒。最抵食就係like同share佢哋嘅社交平台, 就會有一個半價嘅餐牌串燒我哋揀咗火雞腎同牛舌，燒得好香唔會有過分多嘅醃料壽司飯唔會多，魚同甘蝦鮮甜，可惜海膽冇貨試唔到！牛肉壽喜燒d牛好林，我哋食得好慢一路煲住個鍋都無過熟到d肉好鞋，鍋入邊有豆腐，白菜，粉絲全部都好入味甜甜地好開胃我哋怕冇乜澱粉質就嗌咗個冷烏冬，超級彈牙！多醬汁分開上自己喜好落幾多都得。同朋友一路飲野一路食飯一路吹水，當然唔少得小食，我哋叫咗雞泡魚干同埋炸雞軟骨完全唔會炸到油膩，呢2碟真係傾住計飲住野食一流。重點價錢親民，下次一定會再食…查看更多

作為一個九龍人真係好少何過海，今日難得嚟到西環當然要食啲九龍冇嘅嘢啦burger joys 聽過好多次都未有機會試，舖頭細細好有外國feel，環境乾淨嗌咗一個魚柳漢堡同埋牛肉芝士漢堡炸魚柳炸得好香冇雪藏味，厚厚一塊魚柳炸完入邊唔會過熟，仲好滑同鮮牛肉芝士都好好食芝士嘅份量係完全覆蓋塊牛，咬落去牛唔會鞋口，仲煎得好香最值得一讚係佢嘅麵包下層半尺咁厚，但係佢好鬆軟食完咁大個包都唔會好滯！其中一個我哋仲加咗COMBO, 係罐裝可樂！薯條唔好睇落平平無奇，條條都食得出入邊既薯，唔會炸得太乾，剛剛好食到足料嘅薯仔餐牌仲有其他小食同埋唔同口味嘅薯條，下次再過海我都一定返嚟試下其他野。…查看更多

收工飲杯嘢食個飯吹吓水，當然搵間又就腳又好食，環境又好嘅地方啦！呢度d cocktail 真係除咗打卡一流仲好好飲嗌左一杯有桃有橙味既，一杯楊貴妃係荔枝花雕味女仔黎講甜甜地好易入口，有果香有花香既味道好特別收工餓啦叫左水牛芝士薄餅，芝士焗肉醬千層麵，炒雜菇。真係有驚喜連野食都好好食，pizza唔會過厚，好脆口，芝士又好濃郁細細個二人份量剛剛好。千層麵唔好睇佢細細個，每層麵粉滿滿既芝士同埋肉碎，食完真係飽哂，麵粉唔會過厚好有水準下次要星期二三四黎先得，星期二炸魚薯條加黑啤$88 星期三嗌一杯酒+$5有一隻雞翼, 一杯酒最多可以嗌6隻星期四全日prosecco 買一杯送一杯下次收工happy hour又可以多一個選擇又有優惠又好食好飲。讚！…查看更多

今日經過元朗梗係搵好西食啦，經過一間泰國菜又大又環境乾淨又坐得舒服就入去試試，睇餐牌價錢又好合理前菜嗌咗酸辣鳳爪沙律，鳳爪好爽口同好入味，d汁唔會太酸太辣，係一個好好嘅前菜10分開胃。主菜我哋嗌左青咖喱雞，燒豬頸肉同泰式炒通菜青咖喱既椰汁將好香 雞肉好滑配個白飯真係好開胃。燒豬頸肉個邊好香脆d肉又煮到剛剛好林，再配上燒豬頸肉既汁令到更有泰國風味最後嘅泰式炒通菜，炒得好香口，小小辣辣地嗌一碗白飯都真係唔夠，好好食，上菜又快手見隔離枱嗌冬陰功湯都好似好正，但我已飽到上心口，下次一定再返黎試其他野…查看更多

去九龍城邊個話一定要食泰國嘢，其實好多好好食嘅餐廳都係九龍城架！依家有地鐵隨時過嚟食好嘢今日就去食烤魚啦，我哋兩個人食所以嗌咗半條魚同埋其他配菜見到佢一大盤已經急不及待想夾，職員同我哋講條魚未熟晒要等一陣，佢話因為如果煮熟晒先出嚟，客人食得慢嘅話條魚一路煮住就會老。真係好細心。食落去條魚真係好滑，又入哂香辣既味。我地嗌左香辣，所以就無麻辣咁辣同埋無一粒粒既籽係湯度。配菜我哋嗌左萵筍，鴨血，肥牛，豬脆喉骨，樣樣都好好食。萵筍夠甜，鴨血我哋煮耐啲先食等佢入味肥牛半肥瘦所以唔會鞋口，最極力推薦就係豬脆喉骨好爽脆。兩個人我哋基本上都食唔晒因為本身佢會有芽菜同腐皮做配菜 。太好食嘅關係我哋都盡量食晒佢食得好回味下次一定要再試下麻辣同埋酸辣…查看更多

鍾意食火鍋係冇分春夏秋冬，好食嘅火鍋隨時都會想食去到旺角人太多基本上間間火鍋店都好多人。又平又抵食就梗係一鍋堂啦！今次想試新野揀咗個潮汕湯底，清清地感覺上冇咁熱氣鍾意食一鍋堂嘅原因因為佢食物種類多，打邊爐都係為咗食牛要推介封門柳同埋牛脷心托你見到肉同埋筋分佈明顯，食落去入口即溶，仲有好新鮮嘅牛味。另外呢度嘅海鮮都好新鮮，清洗乾淨，食得好放心，不斷係咁嗌鯇魚片出邊自助有唔同種類嘅麵同埋菜，仲有好多嘢飲，不過今日佢自家製嘅茶賣晒好彩仲有好多其他選擇👍🏻食邊一間分店都冇令我失望…查看更多

人生第一次食雞翼放題好想知道自己可以食到幾多隻，上網見到好吸引！即管嚟挑戰一下自己餐廳環境乾淨出邊仲有一個打卡位，見到個餐牌其實可以散叫，有配菜有漢堡包。但係我都想堅持嗌雞翼放題挑戰下！我嗌左10款口味，仲有免費任飲餐廳職員好細心會黎左一碟冇咁重口味嘅先，黎到仲會每款介紹咩口味，到你差唔多食完佢就會自動準備埋其餘果幾款我係兩個人嚟食佢每個口味嚟四隻，食每一隻都有唔同嘅驚喜。雞翼每一隻d肉都好滑同入味，每次係新鮮熱辣咁樣出嚟所以雞翼嘅質素非常好。而到口味嘅話就真係好睇個人我自己比較鍾意水牛城同埋巴馬臣芝士蒜蓉味自己本身都好食得辣，職員有問我食唔食得辣，死神醬嗰款可以揀唔要或者小辣第一次黎梗係試佢嘅原本整出黎既味係點結果我只係勉強食到兩隻，但我來講真係太辣哈哈，好彩有任飲咋…查看更多

呢排屋企裝修黎到元朗睇料，睇到有人大推又平又多野一於黎食食先。真係好多野食，一大張長枱有熟食，壽司，點心未開爐前菜已經大把野可以食。壽司有刺身，好鮮甜食得好放心之後我地拎野食燒肉同打邊爐，滿足哂2個願望。食物種類好多，牛豬雞魚乜都有我中意呢度係自己調味既，燒既時候自己落鹽同胡椒粉，仲有辣味粉。自己中意咩味都可以自己調教食物都好新鮮。打邊爐亦有3款湯底可以揀，丸，腸同菜咩都有。另外飲品同甜品都好多種類，真係每樣食一啖都好夠飽甜品唔會好甜，食多幾款都唔會覺得膩。飲品有一普汽水之外仲有酒，我最欣賞係仲可以自己沖茶，茶葉之外有菊花，有玫瑰花等等，中意點配搭都可以。食物新鮮，乾淨，肉類味道醃得好入味，同埋唔多肥膏。環境乾淨，地方又夠大食得開心又放心。…查看更多

今天剛好到銅鑼灣工作晚上約了幾個得會吃辣的朋友食飯。我們在找那一家可以坐得舒服又好吃的餐廳，突然在sogo對面看到麻辣派對，我們就直接上去了。因為之前在尖沙咀吃過覺得很好吃又便宜。我們叫了酸菜桂花魚再加了幾個輔菜。湯不會太辣，有魚的鮮味。酸酸的很開胃，魚很滑，一鍋裏面真的很多魚又大片。裏面還有些黃豆芽很爽又入味，還有水晶粉非常Q彈。唯外再叫了兩個小菜，口水雞，雞肉很滑配上個汁超濃，吃到停不了。還有一個酸辣土豆絲，炒得夠乾，一條條爽口的土豆絲。真的每一道菜都好吃，餐廳漂亮又夠大，坐得很舒服。…查看更多

打邊爐選擇真係越嚟越多，揀間平又好食又坐得舒適真係呢間唔錯。間鋪好大，卡位又夠闊夏天打邊爐最啱係冬瓜八寶湯，湯底黎到可以飲左湯先開始落野食，清清地又無油味道清甜飲完湯就即刻食肉啦梗係D牛有幾款，肉同脂肪分佈都好靚，入口即溶唔會鞋口。每碟黎份量都唔會多，覺得唔夠先再嗌咁樣幾好可以樣樣都試下。海鮮，魚都好新鮮仲有個黑松露手打牛，黑松露好多夾埋d肉到食好香，同彈牙野食又多又好食之外，雪櫃有好多飲品既選擇。仲有新鮮菜揀，有小見會有雨衣金蘭同冰菜真係想食咩飲咩都有。食到太飽都無食甜品，只係食左一杯雪糕雪糕都有10隻味揀。整體我都食得好滿意，環境又乾淨服務亦好好，有幾次我一夾完碟野已經即刻幫我收走隻碟推介推介！…查看更多