天色的個人專頁

有日係fb無意中見到呢間海膽屋，D相好吸引，D海膽舖到滿哂，又有我最鐘意既赤貝刺身，就叫個外賣試下啦(好彩佢地肯送外賣)，其間同老闆娘whatsapp已覺得佢好爽朗，啱咀形，交談甚歡，當然，我只看食材是否新鮮，呢個係我最重視既！佢哋効率好高，好快就有得食！一試不得了！太合我口味了！赤貝刺身非常新鮮、爽脆！食到停唔到口！我一次過食左10隻！之後到拖羅茸丼，佢哋D飯好特别，好似抄飯咁，有D配料，神奇地好好味！好食到停唔到，我一個人可以食2個丼海膽丼簡直係神作，超多海膽！我有D好奇，俾咁多海膽唔會蝕本咩？？海膽屋已經成為我既食堂！希望佢哋快D開係我附近啦！…查看更多

鬧市中既日本餐廳，海鮮新鮮，款式多樣，擺盤賞心悦目，主力係食刺身，尤其粒貝又鮮又甜又爽脆！一試難忘！環境有少少迫，但都舒服既，如果坐係窗口位望下風景就唔錯，但餐牌冇圖片，有D食物唔知係咩，要問，希望加返D圖片等人客更有食慾會更吸引，另外有職員係你面前即燒海鮮，D海鲜仲識郁，好新鮮，好吸引，見到咁新鮮又會多點一客，結果越叫越多，食到停唔到口PS: 當日係同小朋友去食，感覺冇咩啱小朋友食，如果加返兒童餐就好了…查看更多

我本身勁鐘意食刺身，全香港幾乎有刺身店都會去試食，食刺身首要條件一定要新鮮！唔新鮮一食落口就知！呢間錦壽真係令我好失望！D刺身真係唔新鮮不特止，放入口又腥又臭！即時吐返出嚟！再試下其他刺身，D肉係霉架……咬落去一D彈性都冇，真係好嬲呀！同佢地D職員講返，佢地仲話冇可能，又話今日先送嚟，咁我真係食到有問題呀，你估我好想出聲架？我咪叫佢地自己試下囉，之後唔出聲話換俾我，我真係唔要囉！我唔想再試果陣腥味呀！之後成盤刺身我都冇食到，照埋單，費事佢地話我呃食啦！我好少負評餐廳，但今次真係好失望！佢地D野唔平架！雖然我亦唔介意俾$，但唔好俾D垃圾俾客食囉！另外佢地D坐位好迫，坐得好唔舒服，日本餐廳嚟講呢方面都係敗筆！…查看更多

今日同朋友黎試呢間燒肉，一入門口，間店比較細，門口有部自助落單機，唔係好識用，店員馬上過來協助，讚！佢地款式唔多，但可以揀份量，都幾好，野飲選擇比較少，如果多D選擇會好D選好後就等餐啦，佢地有沙律/湯/飯任裝，都幾貼心，大食D都一定會飽D扒上枱時都幾得意，用石頭燒，味道唔錯，D肉好嫩滑，幾特別，但個石頭板好快就唔熱，豬肉既話會熟唔透，不過可以叫佢地換過塊石頭，所以問題不大我朋友選左澳洲牛柳，佢話好好食，食完又叫多一客，我諗應該好好食總結黎講係好味既，而且好適合一個人開餐，一個人又想食扒，真係推介你地黎呢度…查看更多

一家五口黎呢度開餐，都算多野食，有海鮮船，都幾靚，ok新鮮，但個湯底真係要改善下，冇味道既，好淡，座位好迫，冷氣唔夠，值得讚既係有一樽樽任食既燕窩，幾好味，就係略嫌薑味重左D，整體不過不失，普通冇驚喜…查看更多

今日經過呢條街，正係頭痛緊食咩既時候，見到呢間門面好似唔錯，就入去試下食呢間啦，點知真係食到一肚火！坐低問員工攞餐牌，wa！個個扮睇我唔到，到終於有人見到我喇，點餐時有D唔係好明，問左一句有冇套餐都俾佢地"啤"，wa！咩事呀？第一次黎食問一句都唔得？ok,算！我忍你地！希望D野食唔好令我失望就得，叫左碗粉食啦，點知……wa！難食到唔講得笑！D湯底一D味都冇！真係屋企煮個公仔麵都好食過佢！從來未食過咁難食既越南菜！仲要D員工態度極差！個個黑口黑面，好似D人客黎求佢地咁！永遠唔會再黎！！…查看更多

一入到去就俾個園林景吸引，香港真係好少見到咁靚既燒烤埸，立馬瘋狂打咭！呢度裝修真係好靚好特別，睇得出店主用左好多心機！值得一讚！食物好新鮮，唔會太咸，擺盤好靚，好有心機特別要讚D海鮮勁新鮮！送黎時係枱停郁，冇停過！鮑魚幾乎跳出黎！D蝦又係咁跳！我地係咁拍片，總之勁新鮮啦！之後又送左海鮮煲過黎，wa！！又係好新鮮！D蜆又係咁郁，仲有成條倉魚係入面，好少燒烤埸會食到！煲完後D湯好甜，真係大滿足！！另外要讚下店員姨姨非常有禮貌，對我地好nice,感謝你！整體真係好滿意，但如果可以加D秘製醬汁點下會更好，因為冇汁點入口會有D乾身，同埋最好加返把剪刀俾人客剪肉會好D，因為用刀有D麻煩…查看更多

呢間養生殿想試好耐，終於可以去食，一入到去裝修好靚，有屏風間隔每張枱，感覺有私隱，坐得好舒服，店員每一位都親切有禮，值得一讚！食物方面擺盆好靚，新鮮，好味！我地選在養生鍋同麻辣鍋，個㷛好靚而且擺放安全，又值得一讚！至於湯底真係好好味，唔會一口味精，唯一足係個麻辣鍋真係一D都唔辣，叫左大辣，連我唔係好食得辣既朋友都話唔辣另外醬料係自己拎既，選擇比較少，冇我最鐘意既生蒜，衹有蒜汁？總括黎講係一間有質數既火鍋店，值得一試！…查看更多

呢間一鳴燒……我食完真係好後悔……點解咁多好評？首先價錢不便宜，味道又普通到好普通，錢都唔係問題，最令我憤怒既係佢地既帶子！係加工既！！係個帶子殼上自己加一件急凍帶子，冇裙邊冇果粒貝柱連住，一食落口100%肯定唔係新鮮既，之前新聞報導有人買個海鮮殼返黎加工再整俾人食，我以為大陸先有，估唔到係呢度會食到，真係好失望！至於個豬腩肉，乜汁都冇，好乾身;炸物冇特別，個鰻魚抄飯，竟然係辣既？點單時已講明要走葱，因為係俾小朋友食既，個店員都唔講我知係辣既？雖然提下我地唔係店員責任，但真係好無奈囉，最後我地一家3口食左$9xx,唔飽，唯有出去再食過……我就唔俾差評喇，人地始終要做生意，我本人就非常唔滿意！…查看更多

今日揸車經過呢間好出名既村爺爺，就去試一下，門口好多人排隊，排左大半個鐘先入到去，一行3人入到去叫左3個雞湯套餐，價錢很相宜，套餐連凍飲約80元，用料睇上去都好多，但食落冇咩驚喜，個人覺得偏咸左少少，雞肉比較老，食左一半已唔想食，最大問題係地方細，要搭枱，D人係身邊行來行去，好有壓迫感，食得唔舒服，但去得呢D名店食，都預左了……可取既地方係價格實惠，未試過可以一試，但我就唔會再黎了，食落真係冇咩特別………查看更多

有日去摘士多啤梨經過見到呢間大棠燒，門面幾吸引就入去睇下食咩，一知道係炭爐燒馬上坐低，因為我係一個好鐘意用炭爐煮食既愛好者，炭火燒出黎既食物，必然唔會差，睇完餐單同老闆介紹，知道佢地主打日式食材，就選左豬腩片/雞扒/魷魚等等，一上個爐已經覺得好得意，細細個炭爐好適合一家幾口玩下煮飯仔，而且仲係用環保炭，少D煙同唔會食完成身炭味，讚！老闆好細心教我地燒法，我覺得好好玩，第一口試既係「英國有機豬腩片」，一試真係不得了！！非常脆非常好味！用埋佢地自已調既酸汁，真係令我食唔停口！！其他食物都非常有水準！推介一定要食佢地既日本菠蘿，好甜好開胃！！雖然我住得好遠，但宜家都成日去食，成日心思思好掛住呢度既食物，大家一定要去試下！！…查看更多

湯底還可以,辣椒油一點都不辣,推介魚旦,很彈牙,其他不值一提:(店員服務有待改善,有一位男職員我每次去都"眼甘甘"的很討厭,有一次還一直向我胸口望,實在很令人反感食店的食品美味是很重要,但讓食客食得開心也是很重要的!…查看更多

惠顧峰壽司已有好多年了,食品真的很合我口味,推介帶子壽司及三文魚壽司,帶子好大件好鮮味,三文魚跟其他店的比較有點不同,雖然不肥美但勝在沒有多大腥味,而且附有我喜歡的洋蔥,所以對我來說還是很美味的^^但衛生方面真的有待改善,師傅們都不帶口罩的,還在不停傾談,看他們口沬橫飛的真的很嘔心,希望他們能為食客多著想一點啦....…查看更多