shigib698的個人專頁

同女友慶祝生日，佢話要食中菜，就揀咗呢間一定唔會失手嘅老字號。預早book枱時講咗生日，餐廳安排咗卡位，坐得好舒服。我哋叫咗幾樣嘢試。先嚟個清酒吟釀鵝肝 ，個樣好精緻，鵝肝口感真係好似雪糕咁滑，入口即溶，帶少少清酒香，好特別，女朋友好鍾意。之後係芥末沙律大蝦球 ，個蝦球真係好大隻，好爽口彈牙，個wasabi沙律醬比例啱啱好，少少攻鼻但唔會搶晒蝦味。但全晚MVP係個洛神花山楂骨腩，酸酸甜甜好開胃，個醬汁好香，同平時食開嘅咕嚕肉/生炒骨完全係兩回事，呢個高級好多，排骨炸到外脆內嫩，必試！主食個「江瑤柱蛋白炒飯炒得乾身、有鑊氣，啲瑤柱絲同蛋白份量都足。成餐飯服務好好，侍應好主動加水換碟，好有禮貌。生日飯嚟講，食物、環境、服務都值回票價。…查看更多