katie_hui的個人專頁

今次係第二次去食，呢間餐廳應該會變成為我既飯堂@口袋名單之一。今日就點左芝士卡斯特羅飯，飯量可以選擇多飯定少飯，唔錯，咁就唔駛做大嘥鬼。牛扒亦可以選幾多成熟，咁我就揀左7成，我接受唔到太生或過熟😅。咖哩香濃，炸豬扒就正常發揮。將蛋汁整散再加埋啲咖哩汁撈埋一齊黎食，所謂嘅卡路里通通唔理，好邪惡，但好好食。食完後，職員就會捧隻貓貓係你面前，任你瘋狂影相，摸佢。今日我既貓伴（布偶貓-仙女貓）好乖，完全無意欲離開我。…查看更多

行行下街有啲口渴，見到呢間茶飲店而我又未試過，咁就去買黎試下。我就買左杯大杯既芒果甘露，無特別要求走甜少甜等。飲第一啖完全淡而無味，之後我就再攪勻佢，結果都係無味。飲左幾啖就直接放棄，成杯掉咗落去垃圾桶。真心想爆粗，完全未試過一間咁垃圾既茶飲店。完全可以罷買。我朋友就買左花田烏龍，都係覺得唔好飲。另一個朋友就點左芝芝草莓，結果都係麻麻。另外，我哋點左份萄撻雞蛋仔，味道不過不失。呢間茶飲店，應該唔會有再下次囉。…查看更多

朋友話未食過狗仔粉想試，咁我地就陪佢入去食。咁我就點左狗仔粉，而朋友就點了芫荽狗仔粉，額外再點左2款小食。碗狗仔粉份量少，價錢唔算平。先講湯底，一個字形容：咸，勁重味精，食完勁口渴。碗粉麵質勁腍，我就唔清楚係狗仔粉既特色定點。 總括黎講：難食，完全中伏，絕對絕對再無下一次。細份大雜燴：豬皮，蘿白烚完再淋啲醬汁上去，豬肚有啲韌，豬腸味道還可以。魚蛋辣度可以揀，我地揀左小辣魚蛋，menu 寫就寫住彈牙，但食落去完全係兩回事，魚蛋腍既，連最普通既小食都唔掂。…查看更多

之前一直都想試下呢間咖哩烏冬，襯今日放假就去試下。最終叫左suage special，覺得呢碗野都幾豐富，但好邪惡。另外，點左杯凍蘋果水蜜桃茶。一開始就試下個湯底先，個湯底胡椒味多過咖哩味。塊厚切煙肉=叉燒，唔會太硬，味道可以。脆皮雞腿肉串，咬第一啖時感覺有點腥，再咬落去，入面完全係生🤢🤢🤢其他都係正常發揮。杯水蜜桃蘋果，味道還可以。…查看更多

新開個時太多人幫襯，唔想排隊等，等到人氣已過就去試下啦！咁我就點左個牛肉麵及香水檸檬小農紅茶。蘿蔔，麵條，湯底好一般，至於牛肉好老，完全失望，應該無下次。檸檬茶一般。…查看更多

睇完戲就是但搵間餐廳食飯，咁見未試過探魚就入去試試。我地點左個香蒜烤魚+黃金組合（放埋魚入面）。烤魚味道都可以。黃金組合都係大路野，無特別。海陸空把把燒天團，份量少得可憐，味道一般。易燃易爆小食天團，個炸魷魚鬚好韌，食左一舊就唔想再食，其他都係普普通通。涼粉自由，我地就無點，價錢每6蚊位，雖然係平，但完全唔吸引。食食下，個職員就問都唔問就想收走，要人出手制止，啲嘢都未食晒又收走餐具，但個時係未夠90分鐘，應該唔會再幫襯。…查看更多

原本想食另一間餐廳，可惜太多人在等候，唯有到附近餐廳食，最終揀了這間餐廳黎食。此餐廳是用QR code落單，可以節省落單時間。我地點了2個套餐；麻辣擔擔撈面（配雀巢檸檬茶）、麻醬雞絲冷面（配豆漿）。小食就點了醉雞雞卷4件、生煎胡椒包、小籠包（4件）。麻辣擔擔撈面-只有麻香味，辣度輕微，味道一般。麻醬雞絲冷麵-麻醬味香，味道都係一般。小籠包-熱辣辣、皮薄、多汁，配上醋，味道可以。生煎胡椒包-好重胡椒味，外脆內嫩，多汁，味道可以。醉雞雞卷-好香酒味，味道可以。…查看更多

同事提議食日本料理，我就建議去食呢間餐廳，因為都有一段時間無食過。餐廳服務好貼心，每枱食客都會提供口罩封套，讓食客安心把用過的口罩可放進入面。原來而家要用QR code點餐，都幾方便，亦可以節省點餐時間，亦相對比較環保。我同同事都點了刺身壽司套餐。其實個套餐都幾豐富，有沙律，有前菜（螺肉），當然少不了主角刺身同壽司，壽司款式都幾多。最適合鍾意試唔同口味的我。而且味道都幾好。我點了雪碧。同事點了蜜桃紅茶。最後餐廳會送上甜品-雪米糍（忘了影相）。食完後，成個人都滿足晒。😬…查看更多

上次食過覺得味道不錯，今次又再次去光顧一下。今次換換款式，我點了紅燒牛三寶麵（牛肚、牛筋、牛肉）。湯底依然濃郁；麵條可以；溫泉蛋好味；牛肉好腍；牛肚有咬口感；牛筋夠煙韌；紅蘿蔔及白蘿蔔鮮甜。白桃優格，味道不錯。鹽酥雞-份量都幾多下，脆卜卜，唔會太過咸，最適合佐酒。絕配。…查看更多

我已經有好一段時間都食唔到，幸好朋友提早到餐廳攞位，小妹先有幸食到。不禁講句：有你真好😘。午餐選擇都頗多的，我地點左3款share黎食，包括有香蒜辣椒蜆肉意粉、鮮茄虎蝦肉燉飯及是日精選薄餅。是日精選薄餅-餅底脆脆的，邊邊有薯泥，配上雞肉及加點沙律醬，多重口感。鮮茄虎蝦肉燉飯-醬汁酸酸甜甜夠晒開胃，蝦肉彈牙爽口。香蒜辣椒蜆肉意粉-有少少辣，不過可接受。蒜味香濃，蜆肉份量都算多。:)朋友點的士多啤梨梳打我點了特濃朱古力奶，好邪惡但好好味。每次來都會必點的飲品。…查看更多

好想去台灣旅行，但由於疫情嚴重導致無得去，唯有買台灣料理食就當自己去左旅行。款式選擇都算多，啱晒有選擇困難的我。我最終買了招牌牛肉麵，芋香薯球（6粒）+凍冬瓜茶回家食。合共80元。餐廳幾貼心，麵食、溫泉蛋及湯是分隔開，如放埋一齊太長時間，麵條會糊掉。而我就最不喜歡食麵糊掉的人。而麵條幾煙韌。湯底夠濃味，紅蘿蔔好甜；白蘿白有點失色，不夠腍。牛肉好好味，夠入味而且夠腍。芋香薯球-口感煙煙韜韜，內餡有滿滿的芋泥。凍冬瓜茶，味道不太甜。…查看更多

由於疫情問題，導致餐廳要有1.5米距離及要量體溫，這個我能理解，這都是為大家健康著想。我唯有買外賣回家吃，我就買了鴛鴦飯，配低糖綠茶。（合共35元）味道都是中規中矩，沒有特別。食食下，成條膠袋混埋入去。衛生完全欠奉。…查看更多

Work from home自由時間會比較彈性一點，鍾意幾點食飯都無限制。咁我就揀了下午茶時段黎食，一來人流不會太多人，二來價錢上都相對便宜點。由於疫情嚴重，要先量體溫才可進入餐廳用膳。我點了星洲濕撈米暹，小食點了素菜春卷，飲品就點了檳城桔仔酸梅特飲。星洲濕撈米暹，餸菜多元化，最適合鍾意每樣試食少少的我。份量不是太多，對我黎講還可以。湯底幾濃味，其他餸菜普通。素菜春卷，脆卜卜，味道可以。檳城桔仔酸梅特飲，味道一般，但幾開胃。…查看更多

今日好想好想吃台式料理，但我想食的餐廳又太多人，唯有去健身室附近的餐廳用膳。一來唔駛行太遠，二來又方便我去買嘢。主要方便為主😬。我點了紅燒半筋半肉牛肉麵、另點了鹽酥雞扒，飲品點了蜂蜜紅茶。合共106元（已包加一服務費）紅燒半筋半肉牛肉麵🍜，湯底有點淡，不夠濃味，麵質實屬一般，但牛肉相當腍，牛筋都頗腍的。雞扒份量有點少，脆脆的，味道比辣味蓋過，不過都算外脆內嫩。算不過不失。蜂蜜紅茶🥤，味道ok。…查看更多

已經有1個月多都無食過了，皆因實在太多人幫襯，幸好小妹行快一步，唔係都唔知等到何年何日。我同同事各點一個餐share黎食，我地分別點了B02，B03及B05。飲品就點了特濃朱古力奶及牛奶咖啡。同事點的牛奶咖啡，拉花美美的。我同另一個同事就點了特濃朱古力奶，好味道，好邪惡😈😈😈是日精選薄餅，味道不錯，多重口感；有薯仔蓉，芝士，沙律醬，層次非常豐富。自家制醬汁豬肉溫泉蛋飯，蛋汁拌飯再加上醬汁一齊食，好味。沙茶醬魷魚圈意粉，魷魚彈牙，醬汁香濃，再拌混意粉食，正。…查看更多