Okoiki的個人專頁

其實我食完都唔係好分到冒菜同川菜有咩分別，喺我眼中都係啲辣嘅嘢呢間餐廳嘅形式有啲似食車仔麵咁，自己揀面底湯底同埋餸，之後就全部嘢擺埋一碗咁，優點係餸嘅選擇都非常多，總會有一款係啱自己食，如果唔想煩嘅話，舖頭都會有一啲推薦組合大雜燴，概念有啲似過橋米線咁，就咩都可以試吓唔使諗! 我老公就係因為費事諗所以嗌咗牛魔王套餐，我自己就係自選餸菜，湯底同面，貪新鮮嘅我見到青二荊條湯就二話不說即刻嚟試吓啦，新嘢最啱我! 結果個湯底比我想像中辣，要即刻嗌嘢飲嚟降吓火，建議唔食得辣嘅人千祈唔好嗌！佢個樣望落可能因為冇紅油又冇紅色辣椒，所以睇落好温和唔辣咁，但千祈唔好睇小佢，我已經叫最小辣度，但我覺得係辣過譚仔二小不過個湯底都好香，鍾意辣嘅人絕對值得一試…查看更多

依間餐廳成日喺我社交平台 reels彈出嚟，見到佢青BB望落非常香濃嘅開心果果醬就覺得好吸引，佢新開冇耐就已經bookmark咗本身我同老公諗住去食完正餐之後再嚟呢度食甜品，因為一直以為間舖頭係甜品店，點知我哋去緊食正餐路過嘅時候睇睇餐牌，原來呢度都有正餐食，仲係食台灣嘢添! 咁就太好啦，我哋一於正餐同甜品都喺度搞掂雖然我哋得兩個人，不過真係好肚餓，所以叫咗好多食物起初見到開心果蛋餅我哋完全唔知佢係甜定鹹，所以就問店員，店員都好Nice話係甜食嚟嘅，仲推介我哋必試添佢果然冇介紹錯！全部食物令我最深刻印象就係呢一樣，滿滿嘅開心果醬同開心果粒，份量多到好似唔使錢咁，鍾意開心果嘅人一定越食越開心推薦所有開心果控一定要嚟呢間餐廳食吓！…查看更多

我一向都非常鍾意試新餐廳，係一個好需要新鮮感嘅人! 呢間餐廳我bookmark咗好耐，因為見到佢都幾活躍用社交平台，個名又幾搞笑咁所以就試吓我同frd都係平日夜晚六點幾去，餐廳地方本身唔大所以都坐滿咗一大半，我諗週末嚟可能要等位，建議大家非繁忙時間到訪~ 餐廳係日式家庭風小餐館咁，入面嘅裝修同埋所用嘅杯杯碟碟都好文青風，打咭一流因為餐廳用QR code點餐，所以我都唔記得影個餐牌出嚟，淨係記得食物選擇有好多款，全部都係細細份，咁啱晒我呢啲想試多幾款唔同食物嘅人~ 每一款水準都唔錯，其中令我印象特別深刻係牛肉卷，燒得好香之餘肉質又嫩滑，另外老公都話個蔥加牛油飯邪惡得來好正，我諗如果鍾意食蔥嘅人應該會非常開心，純粹咁啱我唔食總括嚟講我諗我下次都會嚟試吓另一啲小菜款式，係值得支持嘅小店…查看更多

呢間餐廳喺我老公Office附近，佢話每逢晏晝都見到好多人排隊，加埋個英文名好有趣，所以一直都想試吓，但晏晝就冇咁多時間可以排隊食，所以一直都未試~ 咁啱今日佢比較早收工，見到未有人排，而我又響附近行街，六點幾佢就叫埋我過去食叉燒濃香，甜而不膩，醬汁撈埋飯好正~ 雞嘅肉質彈嫩，皮薄肉厚，的確唔錯不過就算我哋冇特別叫少飯，飯嘅份量都好少，男人嚟食絕對唔夠，就算我係女人都勉強夠飽咋，大食啲嘅人可能要request多飯會穩陣啲可能附近都係啲重視身材管理嘅OL所以唔食咁多澱粉質掛~ 值得一提嘅係兩隻煎蛋非常吸睛，見到個蛋黃咁深色都知道蛋香味一定好濃，果然都冇令我哋失望到我哋走嘅時候出面已經非常多人排隊，好彩早啲嚟咋！總括嚟講係好食嘅，如果份量大返啲就完美了…查看更多

一向都冇特別鍾意/討厭Mirror，嚟呢間甜品店純粹係因為朋友知道我好鍾意食芋頭，之後上網睇到佢係專門食芋頭甜品，所以就揀咗呢間由於事前完全冇心理準備，我一入到去覺得好意外，佢似姜濤後援會多過係食嘢嘅餐廳，成間舖頭每一個角落都係姜濤嘅應援物，就算啲嘢食好唔好味都好，我諗如果係佢嘅粉絲嚟到都一定會好開心! 好彩雖然我冇特別鍾意姜濤，但佢食物質素都令我滿意，足料大大份，一口接一口嘅芋泥真係太正了同埋由於芋頭都係澱粉質，所以記得唔好食太飽過黎，如果唔係就試唔到太多款嘅食物，好彩我哋有三個人所以可以叫多啲唔同嘢試吓(但其實我哋三個都冇一個係鍾意姜濤，純粹誤打誤撞嚟咗，成件事實在太搞笑) 總括嚟講餐廳位置好方便，所以無論鍾意姜濤又或者鍾意芋頭嘅人都值得嚟食吓…查看更多

好耐都冇去過九龍城食飯，今日咁啱喺呢頭有啲嘢做，不得不說而家九龍城真係靜咗好多，同以前差好遠，可能真係個個都北上消費….. 見到呢度有唔少舖頭都冇開門，希望有質素嘅舖頭可以長做長有啦! 用Openrice search 見到呢間餐廳都幾多好評，咁啱又想食辣嘢，一於試吓! 由於我老公都好怕啲有腥味嘅魚，所以一開波叫酸菜魚嘅時候已經寧願加啲錢都揀條貴啲嘅魚，好過叫到返嚟成盤食唔到好彩桂花魚片新鮮嫩滑，厚度適中，完全無腥味，搭配酸菜加粉絲所以湯汁酸爽開胃，食到停唔到口! 價錢雖然唔平，不過份量十足，我同老公都幾滿意另外食埋幾乎每次食川菜都必叫嘅酸辣炒土豆絲就非常飽足了我自己口痕又想試吓花甲，完全冇沙之餘味道鮮甜，隻隻都厚肉總括嚟講值得一試…查看更多

老公話有朋友食完呢間之後話佢環境靚得黎肉質好，其他食物都有超多選擇，於是即刻book位試試打頭陣梗係牛肉！牛肉肉質新鮮，油花分佈得啱啱好，雖然未至於入口即化，不過牛肉質地都好好，品嚐到牛肉的香甜，燒肉時完全唔怕成身油煙味，可以瀟瀟灑灑咁走人另外可能因為當日係平日夜晚，所以唔算坐得好full，店員都有留意到每位客人嘅需要，態度非常好，換燒網好快手，同埋都有解釋點樣燒出最佳效果所以肉食愛好者可以嚟呢間餐廳一試，食材新鮮得來選擇多服務都唔錯，無論係同朋友聚會定係想同另一半浪漫一下都好適合最緊要係旺角位置都幾方便就腳，雖然價錢唔算平，不過咁樣嘅牛肉質素同埋方便嘅地段，收返相應嘅價錢都合理，大家不妨一試…查看更多

Homeland 呢間餐廳時不時都響啲關注組見到有人推介，所以一直bookmark 咗好耐想試吓咁啱今日喺旺角呢頭收工，就一於去一去啦~ 我哋係閑日嘅大約七點去到，好彩唔使等位即刻入到~ 唔知點解近來超級口痕，好想食啲熱氣嘢，所以一去到已經被個雞翼拼盤吸引咗，可以一次過試到三種唔同味嘅雞翼，真係太滿足了其中令我最深刻嘅係鹹蛋黃味，熱辣辣新鮮炸起真係好香，只不過同時都好邪惡~ 另外個豬肋骨配薯條又係邪惡之選，不過又係香口又好食嘅選擇臨走嗰陣時，我哋仲見到有啲好可愛嘅卡通親筆畫嘅畫碟擺咗喺雪櫃，不過應該要叫甜品先有，點知我哋完全唔記得咗呢件事，埋單先見到所以下次嚟到一定要試吓個甜品，咁就有靚靚卡通公仔可以打卡…查看更多

呢間餐廳我一直都bookmark咗好耐，因為成日見社交平台有人話佢個芝士蛋糕好正，但每次OpenRice見到都話佢係餃子店，所以都用咗我少少時間去做research到底佢係甜品店定餃子店原來一直都係餃子店，不過因為個甜品做得好出色，討論度仲高過餃子，可能係一間比餃子耽誤咗嘅芝士蛋糕店呀一場去到，從來都係小朋友才做選擇，身為大人嘅我當然餃子同芝士蛋糕都要試吓啦~ 嚟之前都睇過有人話佢芝士蛋糕係限量發售嘅，好彩今日係閑日嘅夜晚六點幾，暫時仲有得賣，我哋就二話不說咁叫晒湯餃，煎餃，芝士蛋糕，一次過試晒所有嘢餃子好足料，食落熱辣辣仲要爆汁，味道唔錯! 而期待已久嘅芝士蛋糕都冇令我失望，芝士味濃郁，香軟幼滑，嚟到真係一定要試…查看更多

麻辣嘢真係好好食，不過一般喺香港食都比較貴，所以多數都係返到大陸先食~ 無奈近來又冇乜時間北上，但又真係忽然間好想食麻辣嘢，唯有OpenRice望吓有咩唔太貴又好食嘅選擇止下癮啦見到呢間好評都唔少，位置又咁啱方便我哋，可以順便去街市買埋餸就返屋企，一於試試~ 由於我哋好肚餓嘅關係，所以一入到去就叫咗個餐之餘仲外加咗啲食物同埋飲品，個烤魚一上枱都幾有驚喜，本身諗住雖然佢叫海鮮烤魚，但就咁淨係一條烤魚加少少急凍海鮮擺面，冇諗到實際上海鮮數量比想像中多好多，又有蜆又有鮑魚之餘，仲有蝦同魷魚，其實淨係食烤魚都應該飽好彩我哋好肚餓，所以叫啲串燒同埋炒肉都食得晒，埋單最後雖然都唔算平，不過食咁多嘢我哋覺得都算抵…查看更多

今日公眾假期，都諗唔到去邊又想出下去，咁岩見荔枝角嗰頭有搞市集所以就決定去行下~ 本身都諗著去D2place食野，點知咁啱一出地鐵站就見到呢間餃子店，老公又話想試下，反正都順路就食下啦一入到去都幾期待，因為餃子款式好多，咁啱我地都非常肚餓，所以一叫就叫哂人地成間舖頭咁滯~ 煎餃湯餃兩樣我地都有叫，粒粒都爆哂餡係幾正老公最中意食都係最傳統嘅韮菜豬肉湯餃，的確不錯，韮菜炒得好香我自己就中意熱氣啲嘅煎餃多啲，夠哂香口今次我叫松茸豬肉煎餃都幾好食，餡多之餘唔會煎到油淋淋，食多幾粒都無問題另外我地都叫咗粟米豬肉湯餃，都係穩陣之選，個湯又淡淡地，食完好滿足~ 最後食餃子梗係唔少得配搭酸蘿蔔，覺得漏漏哋嘅時候食返粒就正啦~ 食飽飽就去行街，假期就應該係咁…查看更多

有一日收工忽然間好想食火鍋就上OpenRice搵吓有咩好去處，見到呢間餐廳如果叫火鍋套餐嘅話，7:30前食完走人嘅話有得減$50都幾抵，咁啱老公又早收工，位置又方便就一於試吓一上到去見到餐廳佔地都幾大，好多枱，同埋應該係因為閑日加上時間尚早，人流唔算多，所以唔使等位，兼且一入座已經好快有人招呼我哋，我地兩個都費事諗叫啲咩食，見到套餐啱食就直接叫咗套餐，加咗我至愛嘅三文魚魚生試吓，打頭陣嘅三文魚非常肥美，原本以為火鍋店啲魚生應該都係平平無奇，點知呢個居然有驚喜~ 當然食火鍋嘅靈魂係牛肉，餐廳嘅手切安格斯牛小排脂肪分布平均，肉味充足，值得一試其他食物水準都唔錯，最衰我哋得兩個人試唔到多啲嘢食，餐廳啲菜都好大張，幾適合一大班人嚟聚會，又可以叫多啲嘢食試下唔同款，所以如果約咗一大把朋友嘅話都不失為一個聚會好地方…查看更多

由於我哋屋企有養貓，我同老公都係貓奴，所以一聽到貓抓響香港開咗已經好想去試吓，睇相見到啲環境都好可愛，希望唔係得個樣啦! 一上到去已經見到一大座貓響門口迎接我哋，全間店幾乎都係卡位，空間充足坐得好舒服食物方面，我地見餐廳周圍大部份人都叫咗個貓罐頭樣嘅牛肉拼盤，所以都叫嚟試吓，上菜嘅方式好可愛，真係模仿一個巨型嘅貓罐頭，一打開就飄啲煙出嚟，可愛程度爆燈，非常適合打卡二百幾蚊就有咁多肉食，性價比都好高，大家嚟到都可以叫下~ 另外個炸雞都好正，新鮮炸起外皮好香脆，已經忘記咗有幾熱氣了~ 一邊食飯一邊俾啲貓貓卡通包圍住都幾開心，不得不講餐廳啲肥貓仔真係畫得幾可愛，啱晒鍾意貓嘅人總括嚟講餐廳環境很可愛又好坐，地點方便，都幾適合朋友聚會，下次我都可以同朋友嚟叫吓其他嘢食…查看更多

今日收工比較夜，咁啱響荔枝角嗰頭有間AEON，叫咗老公去幫手買餸返屋企，點知就俾老公發現咗呢間烤肉餐廳，見到閑日夜晚都座無虛席，咁多人食應該味道唔差反正又未諗去邊度食晚餐，佢就提議順便響到食完先買餸，有燒肉食我梗係舉腳贊成啦~ 我黎到佢已經叫好哂啲肉，無諗到佢叫到咁豪華，A5, A4和牛同韓牛都有叫，見到已經流晒口水出奇嘅係A4和牛居然好食過A5，可能因為腩位脂肪始終比較多，所以啲肉嘅油香充滿成個口腔，好幸福嘅感覺呀大家嚟到呢間餐廳，A4和牛三角腩絕對係必叫之選，唔好錯過! $300鬆啲就有三百克和牛同韓牛，唔可以叫好平，但呢個味道絕對值回票價韓牛同A5牛當然都好食，但就冇呢種肉咁令人驚艷~ 至於豬肉同雞肉我哋都有叫，其中有一種叫雞爽肉，老公都唔知係咩嚟所以叫嚟試吓，個質感都幾特別，雞如其名真係爽爽地咁~ 我老公話幾好食但我自己都係鍾意食雞髀肉多啲，不過都值得一試~ 總括嚟講呢間餐廳絕對會encore，期待下次再去食和牛…查看更多

之前同老公返大陸都時不時見到呢間餐廳，不過因為我哋成日都會選擇去打邊爐，所以經過咗咁多次都冇試過~ 咁啱見到近來佢響香港一次過開咗好多間分店，而我哋響附近都諗唔到有咩食，雖然我哋完全唔知湖南土菜係食乜嘢，不過一於試吓啦~ 一上到去發覺成個感覺好似返咗大陸咁，餐廳由侍應去到客人都係講普通話，我哋都諗應該非常之正宗由於都冇乜idea要食乜，我地就叫店員推薦吓，佢就推薦我哋點呢幾個時令菜~ 食完之後發覺雖然湖南同廣東好近，但係食嘅嘢真係完全唔同，唔少都係用臘肉做嘅食材，如果鍾意食臘味嘅人應該會幾開心~ 而我哋覺得最特別嘅就係香椿炒雞蛋，雖然我哋食完都唔知香椿係咩嚟(類似菜咁) 不過整體嘅味道都幾溫和討好，其他餸嘅味都係偏濃偏鹹同辣，送飯一流所以夾一碟清清地嘅嘢就啱晒啦~ 總括嚟講都係一個唔錯嘅體驗，因為我哋都係第一次食農家菜…查看更多