Enjoyeat2022的個人專頁

由於好耐都無食韓國野，今日見到呢間新開張既韓國料理 – SUN HARU，二話不說今日lunch就決定揀你啦！ 店名: SUN HARU (長沙灣)地點: 長沙灣青山道145-153號安寧大廈地下B號舖呢間韓國料理上網睇返，原來佢都有其他分店既，而長沙灣呢間應該係新外賣分店佢價錢都非常親民！50幾蚊已經有套餐跟罐裝飲品。今次我地揀左 2個套餐，分別係 A02 紫菜包飯便當拼蛋卷 (芝士炸雞) + A01 石鍋拌飯 (烤牛肉)A02 紫菜包飯便當拼蛋卷 (芝士炸雞) $58 配可樂呢份便當又有紫菜包飯，又有蛋卷，又可以揀多款肉 (烤牛肉 / 腩肉 / 芝士炸雞 / 雞胸肉)，仲要有D配菜，岩曬咩都想試下但又食量５多既我！紫菜包飯有好香既香油味，但又５會覺得好油！而蛋卷係有一絲絲既甜味，重點又５會好甜果種！重點推介蛋卷！而個芝士炸雞我外賣返去都仲係好脆！肉質絕對５會炸到好乾身！配埋芝士醬好香啊~~~ 滿足！A01 石鍋拌飯 (烤牛肉) $58 配芒果汁呢份石鍋拌飯勁抵食，個份量超大份，配料都有好多種，好colourful！賣相極為吸引！有翠玉瓜，木耳，菠菜，芽菜等等，佢可以揀一款肉類 (烤牛肉 / 腩肉 / 芝士炸雞 / 雞胸肉)，然後淋上佢地既韓式拌飯醬汁，聞落真心好香！啖啖都好滿足！炸薯條 $25薯條炸得好香脆，唔會太軟身，亦都唔會炸得太耐！份量都好大份添…查看更多

位於屯門御海灣的呢一間土耳其特色餐廳 - Olympos Restaurant & Bar，交通都幾方便，由輕鐵屯門泳池站行２至３分鐘就可到達！餐廳有室內及室外的餐桌位供客人選擇，而今日天氣有陽光，但都有一陣陣涼風吹過，室外環境都好舒服，我地就選擇係室外用餐了！眼見都有不少愛寵人士帶埋佢地的寵物係到食野，呢度都幾合適帶愛寵散步後就在此用餐休息，不過呢間餐沒有提供寵物餐。Beef Kebab 牛肉卡巴 $78呢份牛肉卡巴份量好足，都幾大件，而且卷餅軟熟得黎又皮薄煙靭，牛肉香料醃味好香，再配上清爽生菜洋蔥，味道Yummy～　有機會的話，好推薦大家試一試！Chicken Curry 雞肉咖喱 $75 ＆ Basmati White Rice 印度香米飯 $20濃郁的香料咖喱汁，雞肉係去皮無骨的，肉質都幾滑身，咖喱汁可直接撈飯，可以食兩碗飯都唔過分！飯需要另外叫的，而我地選擇了印度香米飯，米飯唔會煮得過分軟身，粒粒分明！Cheesy Fries 芝士薯條 $ 55另外我地仲叫左一份芝士薯條，熱辣辣出爐，芝士仲可以拉絲的，而且佢地既薯條仲會撒上應該係七味粉，小小辣辣地，就連唔食得辣既我都可以接受到！棒～Orange Juice 鮮橙汁$35 ＆Coke $18食完飲返杯冰冷的鮮橙汁或可樂，心情即刻靚曬！…查看更多

今晚路過荃灣呢條‘美食街’，被呢間’何止‘小食店吸引住，所以就揀左呢間店試下喇不過不得不提，作為一間小食店，食物既款式都唔少咖！連炸乳鴿、炸壽司都可以選擇！$22/4 炸饅頭(配煉奶)炸饅頭睇賣相已經好令人大流口水，炸過既金黃色外皮。再配上甜絲絲既煉奶，咬落去又鬆脆又甜，令人食左一啖又一啖！停不了～～$38/8 芝士奶酪章魚燒岩岩出爐既章魚燒，加上又熱辣辣，真係做到拉絲既效果！而且真係真材實料，咬落去有大粒粒既章魚！味道好正！$50 蟹籽千島章魚大板燒一睇就見到超多蟹籽，啖啖蟹籽既口感，好滿足！不過好驚喜，好多粒章魚粒，感覺真係值回票價！好有飽肚感！下次一定會再試下其他款式，今次就試住甘多先！…查看更多

今晚天氣真係好凍，又甘岩係元朗覓食，見到呢間裝修好精緻既西餐廳，入面已經佈滿聖誕飾物，於是就同友人一齊挑戰下！座位坐得好舒服，類似梳發凳！環境好寬敞，係適合同朋友食飯暢談既好選擇！重要既係職員超體貼，一黎就提供左兩杯暖水俾我地，超讚！$148 小食拼盤有柚子脆雞翼、炸洋蔥圈、炸薯條同埋炸魷魚圈！份量好足又香脆，雞翼都有5隻！呢碟小食熱辣辣上枱，而且今日天氣真心凍，即刻好快清曬成碟🤣好鬼飽！$238 燒德國豬手原先呢隻燒德國豬手係原隻上，但因為我唔太識落手切，所以弱弱一問職員，會唔會可以幫手切件，職員非常友善地幫我地拎返入廚房解決左呢隻大大隻豬手！不得不讚，呢隻醃製過既咸豬手烤至外皮焦香酥脆，肉身唔會去到好乾，但連埋脂肪一齊食好滑，味道一流！大家中意燒豬手既，真係可以去嘗試一下！$158 鮮南瓜蓉蟹肉意大利飯呢個意大利飯有好香濃既南瓜味，蟹肉係煮到碎晒，同個飯融為一體，而且飯入面有粒粒翠肉瓜，配搭唔錯，整體都好配合！$32 Cafe Latte入口非常十分柔順，個拉花都好靚靚，又飲得又睇得！…查看更多

今日去左一間位於旺角彌敦道726號既越南餐廳，入到去見到個環境令人感到意外，寬敞既空間，精美既裝修，中間有好靚既燈箱，最吸眼既係一隻修長白雪雪既‘美腿’！$88 [嫲嫲南越湯] 招牌金邊粉湯底係好濃郁但又唔會油膩既牛肉湯，配有牛尾、牛肉丸、牛肉、牛筋&油炸鬼！係一碗非常豐盛又滿料既金邊粉！而金邊粉咬落就有少少煙韌既口感！讚👍🏻係一碗性價比勁高既一碗金邊粉！$54 脆米紙薄餅薄脆香口既米紙上面放左青瓜絲&紅蘿蔔絲，再加上甜甜既千島醬，而且粒粒肉干，口感好特別！整體配搭好似係創新既特色pizza！但又唔會有食pizza果種油膩感！$58 火龍芒芒蝦仁配脆蝦片紅肉火龍果加上甜甜芒果肉，再配上粒粒彈牙蝦仁，用香脆可口既蝦片墊住，非常美味！外觀上又粉紅粉紅的！靚靚！$68 惹火上身鹹檸豬頸肉🔥店員好友善提醒我地，將會用火槍點火，俾我可以好好準備相機食先🤣 真係名乎其實既惹火豬頸肉！配有鹹檸汁既豬頸肉，味道酸酸甜甜，肉身彈牙爽口，完全唔會好乾！呢個真心值得試試！$138 差不多一尺蝦上面鋪左好多脆脆既芋頭絲，下面係隻超大隻既蝦，帶有香草碎調味既蝦肉，肉質係彈牙，完全無’梅'既感覺！真係啖啖肉👍🏻$23香茅青蘋果茶呢杯香茅青蘋果茶，完全唔會有好甜既感覺，淡淡香茅味，好中意呢款飲料！$23 柑桔檸檬綠茶而呢款柑桔檸檬綠茶味道好清新，都一樣唔會有好甜既感覺，完全唔會有飲緊糖水既感覺！…查看更多

天氣咁凍 就好想食酸酸辣辣既野，暖一暖身！甘啱路過呢間川粵軒，感覺好新淨！就決定試一試你啦！入到去職員好有禮貌甘帶我地入去坐卡位，環境都好寬敞，但人流又真係少左啲！真可惜！Menu都有好多款式選擇！我呢啲有選擇困難症既人，真係花唔少時間先落到單！好彩職員都好有耐性等待！讚！$248 酸菜桂花魚 (少辣)酸酸辣辣～ 魚肉好滑！重點係完全無骨！！份量都好足夠兩個人食！不過第一次到酸菜魚入面係有青瓜，配搭都唔錯！係又酸又辣又爽脆既青瓜！滿足～～～$128 招牌家鄉碌鵝（例）呢個碌鵝肉質都幾嫩，完全唔會好老！但佢好入味，只係個汁已經夠我拌一碗飯食！呢個真係好推薦大家試一試！$108 椒鹽鮮魷魷魚整得好香脆，成碟俾我食曬！哈哈$78 青紅椒土豆絲土豆絲炒得完全唔會油膩，而且咬落去仲要係爽脆！唔錯唔錯！今晚算係一個幸運既偶遇…查看更多

見到呢間靚靚cafe，決定同朋友入黎試一試。入面環境舒服，裝修都幾精緻，以木屋作主題。播住柔和輕快既音樂，可以輕輕鬆鬆既享用美食。而落order就需要去前枱，直接落左單先！$68 日式咖哩雞肉飯香濃既咖哩味拌著白飯食雞肉一d都唔老！正$41 髒髒咖啡 未飲之前都已經聞到香濃咖啡味，但就唔會好苦！$55 黑松露薯條熱辣辣香脆既薯條，加上濃濃既黑松露香味，無得彈！$108 焦糖香蕉朱古力窩夫焦糖香蕉又脆又甜！可惜朱古力雪糕溶得太快了！但完全唔影響味道！$68 香蕉士多啤梨沙冰賣相已經好吸引啦！ 飲落同奶昔好相似好好飲！慢慢品嘗，又唔會有種壓迫感！舒服休閑甘度過假日既不二之選！…查看更多

葵廣呢間主打Taco既小食店，用料十足，啖啖滿足口感，十分滋味！$38 脆皮Taco配蒜香醬汁牛肋條個醬汁令到個牛肋條增添美味！牛肉味幾特出，肉質唔會乾身，仲配有生菜絲，口感好豐富！而且小店非常貼心提供手套。$38 芝士軟皮+脆皮Taco配千島醬牛肉軟皮加脆皮一啖食可以有兩種口感，牛肉份量好足，亦都配有生菜絲&蕃茄片，啖啖滿足感！$43 墨西哥雞肉卷燒烤香味雞肉，嫩滑既肉質，再配有生菜絲&蕃茄片，令到每一啖都有豐富既口感，餅皮煎香微脆，熱辣辣食係最正！…查看更多

呢間位於葵涌的一間主打川菜的餐廳，熱門菜式有水煮魚、毛血旺和酸菜魚。仲要全日免收加一服務費！所以今日我地午餐就叫左一直好想食既酸菜魚！$188標準酸菜魚 （小辣)餐廳選用海鱸魚，好滑身，完全食唔到骨！由於唔太食得辣，所以就叫左小辣，但其實餐廳有5個級別既辣度提供俾客人選擇！而酸度適中，仲配有金菇，酸菜，大荳芽，紅薯粉條。標準份量足夠兩人分享，仲會跟一碗白飯。$52 干炒牛肉烏冬 (午餐Set)呢碟烏冬炒到好惹味，色澤均勻，而且唔會話食到成嘴油但又好入味，完全唔會油膩！午餐仲送熱飲 加$2仲可以轉凍飲！$98 四川辣子雞 雞肉整到香脆，肉質外酥內嫩，辣得黎又好爽！$22 珍寶凍鴛鴦份量足足係正常茶記份量既三倍！超抵$22 鮮青檸梳打味道好fresh，非常有助解辣！…查看更多

呢間西班牙餐廳 裝修好精緻 好高級！坐係梳化上感覺好舒服 好自在好適合一班朋友聚會既場所 而且服務員待客友善 又會詳細介紹佢地既熱門菜式 聽完樣樣食物都好吸引今日我地叫左杯 $48 fruit tea 真係好香水果味！又唔會好甜$88 西班牙炸薯仔白色既係佢地homemade 蒜蓉味沙律醬，而橙色既係佢地homemade 杏仁味沙律醬，兩者味道原來好夾！配上薯仔粒 yummy$98 西班牙蛋餅(辣肉腸)呢個蛋餅上面有一層ham，令到成個蛋餅都保持唔乾身，而蛋餅內餡料都有薯仔，辣肉腸，肉粒碎～口感好特別$228 西班牙黃油雞呢隻雞睇得出好花心思先整到，雞身係起曬雞骨，而入面塞滿了餡料再用麻繩綁住隻髀去焗～肉質好juicy~ 再配上佢個醬汁，好惹味！簡直停唔到口…查看更多

今晚同朋友去左佢一直好想試既位於元朗既一間酒吧餐廳，果然佢無介紹錯！環境好寬敞，設計偏向工業風，幾靚幾特別，可以坐得好舒服，輕輕鬆鬆傾下計。不得不提店員非常友善，坐低無耐就送上餐前麵包，仲會細心話俾我地知，可配合佢地自家製之餘有橄欖油和黑醋。就算我地對食物既疑問，都好有耐性解答我地添！雖然有兩人套餐可以揀，但因為我地都中意各自揀中意既食物，所以我地都係選擇單點美食！美國手工牛肉漢堡＄148😛我揀左呢個美國手工牛肉漢堡，塊手工牛肉漢堡好厚，而且牛肉鮮嫩多汁，牛味非常濃郁！麵包烘得外脆內軟，漢堡內更有車打芝士，兩者配合得天衣無縫！除此之外，配上紫椰菜沙律，仲有我最愛的薯條賣相一流，超吸引！薯條上枱果陣仲係熱辣辣，特意配上大蒜蛋黃醬好好味而且好特別！非常值得一試！威爾頓酥皮焗三文魚 $258😛威爾頓酥皮焗牛柳就曾經食過，但威爾頓酥皮焗三文魚就真係第一次試！賣相相當精美，鮮味十足，帶來截然不同的口味！鬆化酥皮配上肉嫩三文魚，仲有紫薯丶香濃菠菜忌廉餡，簡直令人隨延三尺！三文魚充滿肉汁魚香，雖然菠菜忌廉餡非常邪惡，但味道真係好夾，再加上脆脆卜卜既酥皮，我朋友好食到停不了口！芝士薯條 $48 😛芝士係拉絲咖！好濃郁芝士味，再配上又熱辣辣又脆卜卜既薯條，好好味！熱情果蘋果梳打 $35 😛賣相十分美觀，好適合我朋友影相打卡！ 味道都十分唔錯，絕對唔會太甜！Fruit Punch $48 😛就甘睇外觀，完全睇唔出雜果賓治，好靚靚呢！…查看更多

今晚去左呢間非常靚既酒吧餐廳食dinner，完全係一間打卡一流既餐廳！裝修雅緻丶位置又坐得好舒服，5會有壓迫感，而且環境非常有田園feel好合適一班朋友聚埋一齊傾下計 飲下酒~個menu都好精緻 枱面仲有可愛的裝飾品1.) 北海道八爪魚足沙律八爪魚份量十足，味道都好鮮味又彈牙，超抵食！而且佢仲有海藻係底部咖！2.) 烤鯖魚柳條鯖魚烤到外皮好香好脆，但肉質依然保留到水份，味道仲好正！一D都唔會覺得腥，認真值得大家一試！3.) 泰式燒豬頸肉呢個薄切豬頸肉肉質又唔會太乾，啱啱好又唔會太油，有香噴噴嘅炭烤味，而且佢個泰式辣汁，辣辣地又5算好辣 相信5太食得辣既朋友仔都可以試下。４.) 黑松露什菌薄餅而我最中意就係呢個PIZZA，佢係薄脆批黎咖！ 濃郁既芝士味，再配上什菌，啖啖juicy！再加上陣陣黑松露香味！簡單無得彈呀！5.) 美式烤西班牙黑毛豬肋排今晚主菜就係你啦！原份上既豬肋排 外脆內軟 啖啖肉都好juciy ，配上香脆既薯條，真係非常滿足的一餐6.) Classic Cocktail - Vesper入口幾正既一杯cocktail侍應都好好服務，見到我地既杯無咩水，就會即刻幫我地添水！好細心！整體都感覺幾好，下次可以再黎過…查看更多

荔枝角呢間新開既"Chill 輕食300kcal"  提供好食之餘又健康嘅套餐 !一般聽到「健康餐」會好抗拒，覺得淡而無味又不吸引。但佢地推出既健康套餐就好吸引！顏值仲非常高！最近成日苦惱體重問題 ，但食曬成個餐Ａ都只係得300kcal！好輕易就可以控制進食的卡路里～　極度方便 一入去到 望到餐廳好寬闊  環境裝修俾人既感覺好舒服 真係店如其名 好CHILL~~可惜今日因放飯時間太短 只能外賣了... 下次一定要堂食 享受一下 MY CHILL time!我今日就揀左Chill Light Meal Set A $98＊ 咖啡口味的優質蛋白杯＊主廚拍板 — 粟米蛋沙律＊慢煮雞胸 職人手作蕎麥冷麵＊排毒爆脂茶成個套餐好特別 佢有一個建議食法 可能因為跟住呢個次序食 會更加有效 但食完真係好有飽肚感！由於佢地有多種口味既蛋白杯選擇  本身係野莓味同咖啡味之間苦惱中最後我就揀左佢地咖啡味的蛋白杯 入口有陣淡淡咖啡味 可能因為有燕麥丶仙草既在內 非常有口感！極似健康版既台式手搖飲料  非常棒！下次一定要試埋佢既野莓味！配有主廚拍板 —粟米蛋沙律 食完幾開胃至於"慢煮雞胸 職人手作蕎麥冷麵" 足足有兩大塊雞胸肉 味道唔錯 蕎麥冷麵再配汁 好香而個麵底好彈牙 ５會太硬 食完已經好飽 好滿足！最後飲埋樽排毒爆脂茶 味道淡淡茶香味 幾易入口最緊要係可以有助排毒！！！…查看更多

今晚屋企人懶得煮飯 所以我地叫左外賣食揀來揀去 最後大家決定揀呢間孖寶去骨海南雞而我就揀左呢個去骨海南雞飯(大)配白飯 仲可以揀配油飯添$63 去骨海南雞飯(大)配白飯薑黃雞飯係有d乾身，啲飯係一粒粒，好有薑黃味啲雞好滑 雞皮唔會有好多肥膏 大細適中個人覺得配甜豉油最夾 而薑蔥油嘅薑就真係太過搶味😢 我個人會覺得有點兒咸添份量算正常大小，會送一個普通餐湯我估個湯係南瓜粟米湯 味道5錯 好清甜~好有誠意 抵讚  都夠曬飽肚可惜5記得影相!算係幾滿足既一餐…查看更多

行行下街，雖然覺得唔太餓但又想食嘢，決定入foodcourt逛個圏睇下有咩好食! 見到呢間school food 有個炸雞套餐 睇落都幾抵食所以把心一橫 朕就決定揀你啦!$78芝士炸雞(套餐) 包一款紫菜包飯 + 一罐野飲嘻嘻 實不相暪 個薯條&年糕好食過舊炸雞  炸雞太乾身了又5算好脆 感覺一般般墨汁魷魚紫菜包飯但墨汁魷魚紫菜包飯就幾意外地好食! 墨汁魷魚味，魷魚粒粒飽滿，超有嚼口可惜份量較少，又太過細細舊算係不過不失既一餐…查看更多