YeY的個人專頁

又開學啦~ 尋日就約左朋友去銅鑼灣行街同食開sem飯😋行完無印買完文具,見肚餓,就喺附近揾野食😆😆行過見到黑瀧同丼吉,諗左陣,決定入去黑瀧食我地好耐無食過嘅蕎麥麵😁入到去,店員就帶左我地去個好舒服嘅卡位,同我地介紹menu驚奇嘅係,蕎麥麵專門站竟然有和!牛!食!!!!我同啲friend都係食肉獸👻見到有和牛食,就決定用"開sem"做藉口,嗌左兩份和牛食😋😋黃梅燴京都和牛雅鍋巴食之前,店員同我地講呢個牛係牛腩附近嘅位置,所以我一直覺得個口感會係好似我地平時食嗰啲牛腩感🤔但係一食落去,完全有驚喜!!入!口!即!溶😍😍非常之腍😍燒京都和牛雅賣相已經非常吸引😌同燴和牛雅唔同,佢呢個牛燒到個表皮好香😋但係食落去一啲都唔會韌,都係勁腍,入口溶化😍👍🏻佢有鹽,wasabi同蒜片俾我地配黎食個人幾鐘意配wasabi食👍🏻(就好似配黃芥辣咁,但係就無黃芥辣咁濃味,而且呢個wasabi一啲都唔嗆鼻😌)順帶一提,旁邊啲菇菇同南瓜都唔錯,只不過個牛實在太好食🙈除此之外,我地亦嗌左個豚肉蒸🐷(又係肉🙈)同啲小食(照燒雞翼同玉子燒)。豚肉蒸🐷由於佢無用咩調味料,所以如果淨食豚肉會有啲淡但係佢有兩個汁點~一個係酸汁,一個係芝麻醬(好似食沙律嗰啲)我個人就鐘意點芝麻醬😁豚肉下面亦都鋪左啲旺菜同菠菜個人本身就好鐘意呢兩款菜,而且啲菜蒸完之後又吸收左啲肉汁,特別甜所以食完上面啲豚肉會食埋下面啲菜😆食得唔好嘥🙈🙈照燒雞翼雞翼好入味,但係就略嫌鹹左少少玉子燒玉子燒本身味道有啲淡,但係佢加左啲沙律醬同明太子令到味道濃郁翻當然唔少得我地當初入黎嘅目的~食蕎麥麵😬😬蕎麥麵蕎麥麵不過不失,但係有趣嘅事就係食完之後發生🙈😂蕎麥麵湯我地食完啲蕎麥麵之後,店員並無收走我地個冷麵杯,而係俾左個壺湯我地原來日本人食完蕎麥麵之後,會將啲湯倒入去啲冷麵汁度當鰹魚湯咁飲第一次聽,覺得好得意🙈又長知識了🙈🙈最後當然唔少得嗌個甜品啦桑葉和果子伴雪榚身為抹茶控嘅我,見到有抹茶嘅甜品梗係要嗌黎試下啦😆本身諗住和果子會好似糯米糍咁勁厚皮勁濟但係原來佢裡面個餡係cream~而且個皮好薄,配埋個抹茶雪糕,一啲都唔會有食糯米糍嗰種濟食完一舊可以直接繼續食埋第二舊🙈😋總括黎講,好滿足~兩款和牛都好正,物有所值👍🏻👍🏻👍🏻小食同蕎麥麵都唔錯👍🏻最後個甜品亦都有驚喜👍🏻👍🏻如果下次再有慶祝活動,一定過黎再食過😋😋😋…查看更多

呢排天氣真係好熱今日出左成日街，行到成身汗，好想飲杯野翻到黎黃埔，出站行去紅磡嗰邊見到新澳茶餐廳就即刻行左入去我同屋企人坐低即刻諗住嗌左兩杯凍檸茶解渴但係見到仲有下午茶嗌就嗌左煎蛋肉醬意粉同干炒牛河食🙈煎蛋肉醬意粉~個蛋煎得好靚一切開啲蛋汁漏曬出黎😍個肉醬好夠味，食食下會揾到八角，好有懷舊風味，而且意粉本身有味，唔會淡干炒牛河碟牛河一黎到 冒曬煙就知夠曬鑊氣食落去亦是，而且好入味，又唔會太鹹下次再黎都想試下佢其他炒粉麵(因為見到隔離枱碟炒飯都幾靚🙈🙈)到嗰兩杯凍檸茶~我自己嗰杯嗌左少甜，但係都覺得甜左少少，不感想像全甜會幾甜🙈🙈不過用黎解渴還可以嘅總括而言，味道唔錯，又有懷舊風味，價錢亦唔算貴，得閒會再黎食…查看更多

尋日同朋友去左朗豪坊行街,見肚餓,就去左雅蘭中心揾野食～ 本來係想食和民嘅,但係上到1樓,見到新開左間叫"大和豚"嘅餐廳,望一望menu,見到原來係食日韓嘢嘅,於是本身鐘意食日韓食嘅我就膽粗粗咁入左去試下～ 入到去,可能太早啦(~5:45pm),無乜人,個waiter帶左我地去張靠窗嘅位坐(其實無咩景,望朗豪坊嗰邊,但係周圍環境都幾舒適)坐低之後,我地問左waiter有咩食,佢推介左美人鍋(其實即係一個豬骨湯底,再加啲骨膠原嘅一個鍋),見有好多選擇,我地就嗌左個雪見美人鍋.另外我地仲嗌左啲小食,嗌左個秘製豬手同焗芝士煙肉薯仔.嗌完嘢食之後,佢地推介我地飲佢地嘅夏日特飲,我就嗌左杯"紅粉佳人"飲～.環境舒適～有wifi～好評 xd雪山美人鍋～本身蘿蔔蓉上面有啲野菜(類似皇帝菜嗰啲),但係因為我地唔鐘意食所以攞走左～個鍋清清地～連埋啲肉同蘿蔔蓉一齊食 焗芝士煙肉薯仔焗薯仔本身無乜味,要點番佢配嗰個汁食~秘製豬手個醬辣辣地,幾惹味如果食得辣嘅話,配埋啲辣椒蒜,仲好食,不過真係超辣～～夏日特飲 紅粉佳人～提子 香橙 搭士多啤梨 嘅特飲～一啲都唔伏，酸酸甜甜，啱曬夏天飲～…查看更多