Kenneth102993's Profile

小店有驚喜今晚嘅晚餐地點係朋友揀嘅，本身我對文青店嘅晚餐都無好大期望，因為通常brunch會比較好食，但係日作食堂真係好有驚喜佢夜晚係做set dinner，都幾多選擇，全部都係日式定食我揀咗最危險嘅刺身丼食之前都幾擔心佢啲食材唔夠新鮮，畢竟其實好多小嘅日式小店刺身都不太好但係！佢啲刺身好新鮮，完全無腥味，CP值好高連三文魚籽都好好食，真係好難得唯一唔好嘅地方係無得refill水，個餐有跟一杯茶，但食成晚又傾計都幾口渴…Read More

香港多咗好多台式/日式/麻辣，唔係咁易搵到好食嘅港式火鍋e間嘅所有湯底都係港式，仲要唔係味精個種，真係好正我哋揀咗冬瓜湯底，有得當湯飲完先再打邊爐，好好味，個湯底冇味精，食完一啲都唔口渴，所以飲咗好多🤣🤣🤣食物嘅質素超級好，響鈴係即炸！食落一啲都唔油，好香好好食係一間超級推薦嘅港式火鍋牛肉有分唔同嘅級數，我哋去嗰陣時做緊優惠，所以好抵已經食到安格斯牛小排所有丸都係手打，完全食得出嗰個彈牙嘅口感，必食！…Read More

自從唔知係咪因為限制日本海鮮入口，我平時係尖沙咀食開個間壽司吧差咗好多🥺 食完雲壽司完全覺得搵到另一間我可以常去嘅店🥰知道會去中環食lunch，所以一早book定咗位。入到去係細細間嘅，座位唔多佢個menu睇到我地眼花繚亂😵‍💫自選十貫/十二貫有2張紙，一張嘅海鮮係basic，一張嘅海鮮係premium。另外有自選刺身丼嘅紙，仲有 lunch menu最後選定自選Premium壽司🍣 因爲佢有好幾款特別魚所有海鮮都好新鮮，toro無筋右口魚好好食😋推介大家自選一定要試佢seasonal 出面少見嘅選擇…Read More

香港唔係好多Sunday Roast食，一直都聽講Mr Wolf好好食，今日終於有得試！Mr Wolf環境好優雅，Girls Brunch一流 基本我哋每個人都係叫Sunday Roast，因為普通 Brunch menu 嘅嘢食寶係好多地方有。Mr Wolf嘅Sunday Roast 係中午12點先開始serve，可以係5款肉入面揀2款，我叫左雞同牛雞係半隻!!!! 再加2片牛，個份量都幾大！無論揀咩肉都會有yorkshire pudding 同 pigs in a blanket (煙肉卷腸)。唯一缺點係我地有4個sunday roast，竟然只係比咗一個gravy我地…佢哋啲staff又好忙，所以等咗陣第2個gravy先有得開餐。蔬菜係自助式任食。Sunday Roast個餐仲包一個甜品，好甜嘅Meringue 加啲酸酸哋嘅Raspberry sauce，幾好食，不過太甜，食唔哂成個…Read More

慶祝生日，屋企人揀咗e間餐廳。去餐廳路上係要經過後巷嘅，不過都好似搵到入到去，職員安排咗我地坐係一個佢聲稱無人會用嘅側門旁，坐底張凳係會擋住咗個門抦個種，但無耐隔離再隔離枱客就用咗佢出去食煙😓 其實餐廳都唔大，點解唔行正門去😥 希望餐廳職員可以放個牌叫啲人唔好用個度門🥺入正題，嘢食overall嘛嘛哋，生蠔幾好，隻隻都好大隻，但係熟食真係一般我哋叫咗支白酒，叫任何支裝紅白酒都可以 +$50 叫半打精選生蠔，職員本身叫我哋落咗生蠔先，食完再叫熟食。但我哋諗住叫埋先唔使煩，好彩叫咗先，因為生蠔要等好耐，食完2個starter 先上生蠔方面:$50 嘅精選生蠔喺西班牙蠔，幾好食Gillardeau 鮮甜👍🏻西班牙銀貝澳 (?) (職員講嘢都偏快，我都唔係聽得好清楚) creamy得黎唔會好黐口英國藍堡壘 媽咪話好好食👍🏻👍🏻👍🏻之後就係熟食🫠牛骨髓幾好食，加埋田螺好正，有塊包中和啲油脂青口🫣 過熟，熟到叉落去就知過熟，啲青口都已經嚡口e個係葡式乳豬🤔 唔知點解做到好似中式乳豬甘，個皮唔係葡式…肉就偏硬，都係過熟Tenderloin with foie gras我喺叫medium rare，落單講明3成，上枱變咗medium well 7成熟🫠🫠🫠🫠 所幸個肉質都還可以。但如果你對扒好有要求，唔好叫個鵝肝(定鴨肝) 無任何汁一齊食，亦煎唔夠，所以好油膩…Read More

我同男朋友都好注重聖誕節，年年都會食餐好嘅～今年因為係銀行抽到張Ami嘅voucher減 $500 所以就決定去試下，入到去環境好暗，但好有格調，都幾好feel，不過佢有一張好長既sofa seat排排咁住就唔係好有privacy，D枱都近，好彩我同男朋友被安排坐窗邊嘅2人枱因為係tasting menu，我都無理每道菜叫咩名，基本fine dining tasting menu會有既truffle, fushion sashimi, 另外我地加錢upgrade咗其中一道菜食 caviar整體黎講佢D service同嘢食都好好 （除咗最後個chocolate dessert)，但係唔知係咪新開，又未去到fine dining嘅級數，但佢既質素係對得住佢嘅價錢嘅，算係一個平版fine dine我係西式麵包控，如果有多D包更好～…Read More

食過一次佢嘅valentine's day menu就愛上咗，每次想食法國菜又唔想諗就去LPM我本身係一個唔食蕃茄既人，但係！佢個Burrata with cherry tomato 啲蕃茄好好食！啲蕃茄仔好甜，加埋burrata好正白蘆筍，唔係成日食到，不過無咩特別每次黎既必食，因為大隻既田螺都唔係咁易有，佢做得好夠味仲有個羊架我地今次仲試左佢好出名既French toast，但唔係我心目中中意既french toast style~以下2個dish係之前試既，唔係今次lunch食佢地既 Scallop cappacio都好出色我個人唔太好油封鴨腿，但佢都做得唔錯，唔會好油，幾好入口…Read More

第二次黎，食物繼續咁好食入去分咗幾間鐵板燒房，唯一缺點就係個抽氣扇有啲嘈，要講嘢大聲啲先聽到我哋4個人，揀咗2人餐加2個單人餐，2人餐有瀨尿蝦，另外個2個無，但師傅會幫你分4份等大家都有得試首先有得睇下個餐有咩食:仲有前菜同刺身然後就逐樣煎逐樣上啦因為佢，我稱e餐為fusion😂 個酸菜魚好好食，如果唔食得辣要早啲同師傅講最後飽到叫師傅炒少啲飯😆全部都好好食，成個vibe都好chill，嘢食又新鮮～…Read More

e間串燒同朋友慶祝黎過一次，食完男朋友已經話要帶屋企人黎食所以2個月內我地又返黎食啦！非常日式嘅bar 枱，總共只有12個位，所以一定要提早訂位！佢晚餐分6:00同8:30既時段，都好足夠去 enjoy一個dinner餐牌分別有8本，10本同散叫，我地就揀咗 8本再加幾串散叫嘅串燒順序係以下嘅串燒 （如果無記錯），另外仲有雞湯飯同好好食嘅雪糕：另加嘅串燒：…Read More

生日想食omakase，一早book左，但食到一半就走左😡一入到去得一個客等緊人，靜靜地開始食，到第3碟突然有5個客入黎，即刻勁嘈，差啲我以為自己去左大牌檔🙄 其中一個客不停超大聲招乎佢啲朋友。佢地講啲說話又粗俗又大聲，到第5碟真係頂唔順，同個staff講你睇下e幾碟點埋佢個單佢。最後個大廚送左杯梵同比左85折我地。從未試過食飯食到一半走，真係好失望。食物方面還好，對得住個價錢。…Read More