starrybee的個人專頁

Lunch hour去到都唔洗等位，order左set lunch, 跟餐salad幾好食仲有煙三文魚~ risotto賣相唔錯可適唔好食, 同事既order rib eyes就唔錯，lunch hour可以坐得舒舒服服，都ok la~…查看更多

曾經好評如潮~漸漸好壞參半~ 有說要看運氣方能食好高興，是夜我們運氣很好了！食材新鮮，生蠔、蟹腳、海膽、鵝肝、魚生、龍蝦等等全部都非常新鮮，全晚不停refill食客就不停encore，可惜佢沒有refill另一款食物去replace，只refill原本果款~甜品款式不算多，可幸味道都唔錯，salad既款式就較多，仲有唔同種類既hams添~唯一美中不足燈光略嫌暗左d~ 食物質數同service都值得再幫襯！…查看更多

尋日經過餐廳樓下拎左張外賣紙,今日打去叫外賣, 叫左5個LUNCH, 個份量仲少過兒童餐,$48一個意粉, 男仔食三啖就食完! 女仔好D, 食到5啖~搞到我地要打去第2間叫TEA補返!凍檸茶冇落糖既, 比左D一包包既砂糖我地,杯飲+砂糖真係第一次見, 另外杯熱咖啡, 冇味既!食完睇單發現其中一個餐收多左$10, 打落去問返,佢話加左價, 尋日拎既外賣紙今日就加左價!咁既營商手法, 中過伏既都唔會返轉頭, 睇下仲有幾多生客中佢地招.…查看更多

並非第一次幫襯此餐廳晚飯, 睇住佢地每況愈下真係覺得有D可惜.今次叫左滑蛋蝦仁, 時菜牛肉 同咸蛋肉餅, 每個小菜+$8 可以跟埋飯+湯+糖水,另可以以半價加飲品...WAITER們都好似打仗咁衝來衝去, 其實個場都唔FULL, 想必佢地開工都好大壓力.急急腳的放低3碗冇乜味既中湯, 轉頭好快, 滑蛋蝦仁連3碗飯送到,味道OK, 略嫌有D縮水, 不過都仲可以接受.跟手時菜牛肉都到埋, 呢碟SIZE都算正常, 味道一般...最後, 咸蛋肉餅送到...真係估都估唔到, 呢度可以整得出薄過肉片既肉餅囉...我唔知道呢間餐廳對肉"餅"既定義係乜, 我見識少, 真係第一次見.....心情減半, 匆匆食完餐飯, 豈料夾完最後一舊送, 仲扒緊啖飯之際,WAITER已經衝埋黎要收走隻送碟... 唔只WAITER們自己做得辛苦....連帶食客都有"被迫"既感覺了... 讓人好好的吃完一整餐飯, 放低筷子先開始清枱,其實都算係禮貌既一種掛.....…查看更多

假期, 下晝點零鐘朋友提議去試下呢間呢期咁紅既拉面店,朋友們先到步, 3個人等5個人既位, 可能LUNCH HOUR已過, 大概等左一個鐘, 一行5人入到去, 安排左張闊落既卡位比我地, 有樣野覺得好奇怪, 因為我地附近既卡位都係吉既, 有兩張檯甚至由我地入去食, 直至我地走都未有人入座, 不過出面有好多人等緊位…赤丸同白丸都有試, 兩個湯底都好香好濃, 赤丸帶辣, 以香港食到既日本拉面來講, 真係唔錯, 而且好鍾意呢度幼身既面,質地爽滑, 同日本”一蘭”既面底相近, 本身鍾意赤丸湯多D, 但有點油膩,如果可以煮返清D會仲好D, 但…隻”半熟蛋”近乎全熟, 呢隻蛋真係失敗…我地5碗面都有加蛋, 5隻蛋都一樣係咁熟, 好失望呢…另外仲點左餃子食, 真正的薄皮餃子, 好食~~會再幫襯既…響遲下唔洗再等咁耐之時……查看更多

於Café Too用餐後, 相信佢地既management係希望大家食得casual, 舒服, 唔拘緊,waiter們都係著波鞋既, 服務周到, chef們都好主動地叫你試下d野食, “要唔要食多件?”咁,去拎燒牛肉時, chef仲會問下你有冇話想要生d定係熟d, 真係好細心~食左好多好多野, 大部份都好好食, 唯一覺得佢有但原來佢冇既係”生蠔”,d龍蝦真係好好食, 肉質爽, 又甜, 又大隻~~ 壽司魚生都有好多款, 所有食物都refill得好快,仲有小籠包出爐時, 侍應拎d黎行下d檯, 問下有冇人有興趣~ 熱辣辣新鮮出爐好好食~帶子鵝肝係另一傑作, 可以再三encore!! 不可不試既仲有佢既盅湯, 清甜足料既燉烏雞!!而對於我黎講, 呢一餐既靈魂就在於佢既甜品, 多款得來款款都好好食,其實一入餐廳見到個甜品櫃已經happy到震, 再加上大概十款定八款口味既雪糕,望唔到個盒, 應該係Movenpick~ 由七點食到十點幾, 非常愉快既一餐!!…查看更多

訂檯時侍應幫我地留左window seat,對住呢個一絕靚景晚餐, 開心d亦開胃d~野食方面, 講真, 只係不過不失, 唔算好好食, 特別d既係同黑毛豬一齊上既飯糰仔,圓型一餅咁同黑毛豬相間上碟, 好香濃既松露箘~如果隔左一段長時間後我突然掛住個夜景,都可能會再幫襯既~ p.s. 全部waiter都是講英文的, 少了一份親切感~…查看更多

初到TST新食肆集中地H8, 揀左9樓既James Kitchen,白色裝修感覺好舒服, 而且檯與檯之間距離都好足夠,可以舒舒服服咁食餐晚飯.食左幾款頭盤就有湯飲~個磨菇湯好足料, 有好多磨菇蓉, 好香好濃, 跟手主菜上場,Risotto同牛扒都好食, 最驚喜既係desserts combo,esp咖啡奶凍同個焦糖燉蛋~非常讚~食足兩個鐘, 侍應招呼週到, 又唔會趕住收你d碟,食物質數/環境/服務等......都係令我會再幫襯既因素~…查看更多

響香港幫襯過最難忘既一間餐廳, 對我黎講~~係Amigo~多得侍應們貼心既service, 令簡單一餐晚飯有氣氛得來唔拘謹,頭盤: 煙三文魚 & 鵝肝 湯: 清湯 & 磨菇湯雪葩: 清甜西柚味主菜: 蝦 & 牛柳甜品: 焦糖燉蛋 & 梳乎里由頭盤至甜品, 每樣野都好好食,湯/主菜既汁/熱飲等都會響你面前用個煲仔翻熱,再倒落個碟度遞上~食完主菜後駐場live band走埋來問:“what is your favorite song?”跟手再即席為你演唱, 為你既晚餐以音階添加一份美麗回憶~…查看更多

好鍾意黎呢度食佢地既all day breakfast,比起灣仔既"飛煎pan"…我覺得呢間整得仲好食d添,同埋可能因為呢頭既食肆都係新開仲未開始旺既關係,人流唔太多又坐得舒服, 靜靜地黎個慢食dinner,價錢相比同類餐廳黎講抵食, 短短兩星期間已經去左兩次, 唔洗等位, 枱與枱之間又唔算逼, 可以揀indoor/outdoor坐,又唔會因為出面好多人等緊枱而食得有壓力, 可以好relax~我會再去幫襯的! p.s. 佢d凍奶茶係珍珠奶茶果一種~~…查看更多

已經幫襯過七八次, 兩個人去又有, 一大班人去又有, 佢地D小菜好食又夠鑊氣, 可惜我唔食海鮮既, 所以唔知道佢個大富大貴有幾好食, 但佢D甜品就真係值得回味~ 我係為左佢D甜品而再度幫襯既~ 肥佬老闆好SOCIAL下,又會SELL下你D時令野/特別野, 可惜佢地招牌野都係海鮮多, 而我 (&我既飯腳) 都係唔食海鮮既, 所以都係叫返D”普通野”食.老闆亦好唔客氣地, 響落單時話「你地呢D野食就普通D囉」,係呀, 我地既口味係比較普通, 咁食野呢d….各有所好架嘛…. 位置比較逼, 氣氛好Casual, 一大班人去就熱鬧d開心d~~最鍾意食既… 係佢既墨魚餅併豆腐同埋心太軟, 心太軟真係好好食.…查看更多

突然想食素, 收工去左附近一間較新既素食店dinner,去到見到menu, 樣樣都心思思想試, 點知原來碟碟都好大碟,結果嘛, 食到勁飽都仲要打包d, 留返聽日lunch...我地total叫左5樣野:齋拼盤: 可以自己揀, 我地揀左酸齋同齋腎, 好食~XO醬皮蛋芋頭炒飯: 呢個飯好好食, 小小辣, 非常香~好食~芋頭魚: 一貫芋頭魚既味道, 不過離開時發現原來店外個櫃有mini芋頭魚, 兩個人食都係食mini既就夠了.蠔餅: 呢個麻麻地... 西施卷: 呢個好食, 軟林林咁~~襯熱食~好食~埋單$252(已加一), 不過我地叫既野食足以夠4個人食!!!齋拼盤, 炒飯 & 西施卷是值得encore的~招呼環境都ok, 坐得舒服又有電視睇...食完d野之後就問你食唔食糖水...可惜....可惜食具器皿方面....非常濃烈既洗潔精味, 敗筆.…查看更多