食圓再食的個人專頁

食火鍋係冬天指定動作次次食一間會好悶嘅雖然話打邊爐都係個D野不過總有D特別野唔係間間有嘅今晚就去左間未食過嘅重慶火鍋 劉一手湯底緊係鴛鴦鍋啦要左麻辣鍋 & 豬骨鍋正啊有辣有唔辣麻辣鍋辣味夠哂出 辣得來真係麻架豬骨鍋都好足料架大大個豬骨398牛肉拼盤盛好高質嘅牛牛味夠得來有咬口 又唔會咬極唔爛同埋份量都係好夠 嗌左一次牛已經好滿足因為佢有唔同部位比你每樣都有得試豚肉片係靚豬來 點食得出?食豬食左咁多年 其實一食就知無so味 無臭味就係好豬喇脆肉鮠食落真係爽架唔係講笑又有魚鮮味 唔梅響鈴係必食架啦 唔食過都唔算打左邊爐午餐肉都放到咁 好有心水餃皮薄餡靚 必叫放心D皮係唔會痴牙紅糖糍粑甜入心啊 好小邊爐有哩個記得叫食完D辣野要食返D甜點墨魚冷麵個樣好Q食落好彈牙好爽好似食緊墨魚嘅味 但又唔洗好似平時咬墨魚咁用力非常特別嘅感覺哩餐食得好開心又好滿足…查看更多

今日同男朋友去咗慶祝半週年，終於唔係食麻甩火鍋，終於唔係食譚仔，而係本宮最鍾意嘅日本餐，算你啦，知道本宮心意炸白蝦$150去日本居酒屋食日本野，緊係揀啲可以送酒嘅嘢食，炸白蝦好香口，食得出啲油好新鮮唔係翻炸翻用嘅，無益味，蝦細細隻但好有蝦味阿波尾雞翼$35/隻又係另一款送啤酒一流嘅東西，店員十分推介，因為阿波尾雞翼原來係日本嚟嘅雞翼，體積比較大肉比較厚，雞肉嘅鮮味非常夠，而且廚師燒到啱啱好，雞皮好脆好香口，裡面好多汁好juicy白子天婦羅$180出面多數omakase 先有，見到menu 有，二話不說即刻叫，補下骨膠原，男朋友又可以補下蛋白質，用天婦羅嘅方式去食都係第一次，反而炸完覺得白子嘅腥味無晒，比起刺身咁食更好味！魚湯稻庭烏冬$75烏冬嘅質地本身好煙靱，好Q彈！烏冬掛住魚湯，比起好多烏冬專門店有過之而無不及，魚湯明顯唔係用味精雞精溝出黎，而係真材實料熬煮出嚟，好好飲…查看更多

諗住試下新野，結果有驚無喜。唔洗講都知打邊爐最重要係D牛，D牛唔OK已經輸左大半點為之唔OK? 就係唔夠新鮮 加上咬落去成個感覺都好奇怪.....就算係麻辣火鍋湯底都救唔返D牛除左係本身牛唔夠靚，個湯底亦都係好一般唔夠辣 食完無後勁 雖然平時打邊爐唔係次次都叫鵝腸但都知道鵝腸應該係點嘅味一食落口個味已經奇怪喇 我自己接受唔到 無再食第二條喇不過朋友都話唔想浪費食物所以有盡量食但最尾都係無辦法食得哂哩度地方望落係好企理 乾淨 始終都係新新地而服務就無乜特別服務可言但食火鍋食得唔過引 D野唔新鮮就無下次啦…查看更多

係一間裝修幾有格調嘅餐廳，我去個日仲有live band欣賞，平日晚上唔算坐得好迫，空間感ok。另外想讚嘅係Menu多款式。＾第一杯嚟嘅係Music tower，菠蘿層層堆疊，充滿視覺效果。選用較甜的菠蘿肉，熱帶果汁，夏日飲好夾（九月算夏天啦XD）。^仲有呢杯Pop punch特別適合嗜酸者，青檸味濃，青瓜清甜，兩者平衡味道。飲下飲下，食到啲奇異果籽，增加口感。^再嚟法式龍蝦湯，湯頭濃郁，有香濃龍蝦味。配上小塊蒜蓉包，充滿蒜香嘅麵包烤得非常香脆，為個湯錦上再添花。^終於到正餐，魷魚意大利飯伴帶子，帶子非常有水準，烤得非常香口之餘，火候控制剛剛好，份量亦不吝嗇。鹹蛋黃帶鹹香，加上粟米南瓜的清新風味，令醬汁不會漏。^Last but not least，低溫慢煮黃油雞胸釀辣肉腸上枱，份量（熱量）非常足，雞胸經低溫慢煮烤煮，肉質香滑多汁，唔會鞋口。調味足，迷迭香燒汁有特色。切開內餡充滿驚喜，餡料充滿鹹香，配上雞肉蔬菜剛剛好。…查看更多

係驚喜啊！個價錢好吸引喎🤩！個環境好舒服，銅記人來人往，搵到個relax嘅地方的確好唔錯，有室內位同戶外位，最大可以坐到八人（應該係），啱我呢啲OL仔同同事開八婆會。啲嘢食幾吸睛，如果要打卡非常ok。飲品list多選擇，同埋幾有創意。黑芝麻豆腐=芝麻糊沙冰，半creamy半冰。香草蕃茄蝦意粉個醬真係勁出色！食唔到係咩香草，但極香，而蝦中規中矩，合情合理。甜品係女人條命～前面係Rum Crème brûlée，我覺得個酒味好出，但朋友話食唔出喎～後面係德國pancake，幾有咬口～個焦糖蕉好正，好有心機，香蕉朱古力雲尼拿雪糕天生絕配，無得輸。呢個地方好正，好舒服，旺角嘅價錢有呢個feel，值！…查看更多

經過幾次，終於搵到次嚟食。等咗一陣先有位，又幾旺場喎！好肚餓啊，兩個人叫咗勁多嘢食～為咗唔浪費，食到抱住個肚走！火箭菜梨沙律🥗沙律嚟講只要材料新鮮，就好似無咩好挑剔。不過唔好忘記沙律個靈魂——沙律汁，呢個沙律嘅汁調較得好好，酸酸甜甜，唔覺唔覺就食哂成碟。唯一唔好嘅係芝士太細粒，食咗都唔覺。蔬菜pizza🍕食得出個餅唔係普通焗爐焗出嚟，而係焗pizza勁大個種爐，焗到好透，少咗份厚重，食多兩件都仲食到。料嘅配搭有特色，但未做到wow正啊嘅程度。冷盤三文魚🐟有鮮味！魚質唔錯。都係啦，最緊要新鮮～個香草係加分位。南瓜長通粉🎃全晚最驚喜係呢個粉。食太多白汁茄汁黑松露，南瓜creamy得嚟保留到淡淡清新，加埋蒜絲，GoodLady Rose🌹有賣酒，但酒味唔太濃，呢杯幾靚又甜，啱唔太飲得嘅女仔，即係我飲。整體嚟講不過不失，食物飲品種類多，一班朋友嚟每樣試啲幾盞鬼，雖然未算有驚喜，但都唔會令人失望。…查看更多

因友人推介，來到很少踏足的中環Soho。曾經在這有過可怕的經驗，那時在某餐廳吃著吃著就吃了一千塊，自從那次起，我認定了soho區都不是我要來的地方。這次是要打破陳舊觀念，這裏還是有casual的餐廳。燈光微暗，很有mood。下坐下先有Wellcome drink，很甜的氣泡酒，不太喝酒的我也能handle。再來餐前麵包，這個小小的，不怕吃飽了肚子，而且得脆，就像零嘴一樣。超級好吃的！餐廳推介的頭盤，名為烤芝士的菜式，由兩小塊多士，烤香了的芝士，少量沙律菜而成。十分喜歡燒焦了的芝士外皮以及熱溶了的芝士軟心，點點咸香，很開胃。再來烤蔬菜，來點健康的。即使外表沒有很吸引，卻烤得很有水準！友人叫了杯白酒，就是有點dry那種，哈哈不是我杯茶，還是餐前酒合我口味，而且可以添飲！主菜是意粉～一看之下以為是煮過頭了，麵條竟然粗成這樣！吃下去才發現自己多慮了，麵：彈牙！配上新鮮蕃茄、橄欖、芝士和basil，未驚為天人，但而吃到人間美味！甜品是變種tiramisu。本來打算吃傳統的，始終這樣才吃得出真功夫，可是友人很想試這款菠蘿口味的，的確，很難在其他地方見到這種配搭，好！一於試一試。我的評語是：一款很出色的甜點，但已經不是原來的tiramisu，沒有咖啡和酒，與想像中的味道差太多哈哈哈。這次用餐真的很愉快！重點來了，我們兩人只花了五百元～但享受了氣氛、美酒和佳餚❤️大感謝🙏🏻…查看更多

好耐無燒肉，今次黎到尖沙咀依間新開既燒肉店試一試。入到去我地兩個人share一個細細地既爐。雖然係細但火力好勁，所以都幾易燒lon，燒既時候緊記要留神啦！去之前，本身好怕會被啲油彈污糟自己件衫，好彩餐廳好細心，會為每人提供一件圍裙。蔥燒鹽香牛舌 $88牛舌切得算薄身，放上爐燒一陣之後加多兩滴檸檬汁同生蔥就可以夾黎食，牛舌超彈牙，加上佢一早調製既醬汁，真係就咁食都好惹味！極上牛板腱（厚切） ＄178牛板腱既肉味好濃，食落好juicy，而且質地軟熟不韌，真係食過番尋味。黑毛豬護心肉 ＄98燒肉緊係唔少得護心肉，估唔到依到既豬肉一樣有質素，點埋佢既辣醬汁就最正！大人氣霧島溫泉蛋飯 $48因為我同朋友都比較大胃，所以就叫左個飯黎填肚，48蚊黎講，一個溫泉蛋混埋啲飯素算係不過不失。臟物三點盛合 ＄168第一次食牛內臟，估唔到又幾驚喜，小腸同大腸皮薄而油脂豐富，入口口感好好嚼。不過要記得燒皮先因為油脂部分好搶火！…查看更多

雖然近排天氣真係好熱，但都無阻我食火鍋的意慾。今次黎到觀塘APM依間但馬屋試佢既一人一鍋邊爐，果然無令我失望。一黎就揀左湯底先，佢有千夜鍋、甘露鍋、藥膳麻辣鍋、美肌鍋同意式蕃茄芝士鍋五個選擇，而我同兩個朋友就分別揀左千夜鍋、藥膳麻辣鍋同美肌鍋。千夜鍋好有清甜既魚湯味，烚菜食就最岩，另外藥膳麻辣鍋就幾似食緊海底撈，但唔會太辣或者太油，不過就差緊啲藥膳味，用黎煮牛肉、豚肉一流呀！最後就係美肌鍋，係好惹味既雞湯味，最適合煮魚同蘿蔔！至於啲牛同豚肉食落都唔錯，食得出係新鮮切出黎既；火鍋配料方面就有雞肉（煮幾耐都係咁嫩滑 推介！）、芝士丸、芝士魚腐（好芝士呀 推介！）、龍蝦丸、魚柳（烚完就咁點幾滴燒汁已經好好味！！ 非常推介！）、各式蔬菜菇瓜等。飲品方面就有竹蔗水、橙汁、蘋果汁、汽水等最後最後就係雪糕放題！！佢有4款Haagen Dazs 俾你揀，個人認為焦糖脆脆同夏威夷果仁都好好食！！…查看更多

經過店前可能會被遺忘，沒有誇張的門面設計，卻內藏著寶藏。一入門口是窄窄的走道，洗手間和更多座位在樓下。一坐下便有餐前麵包供應，麵包新鮮香脆，沒有太多加工，反而讓味蕾放鬆。餐湯選了蘑菇忌廉湯，和預期一樣，非常濃郁。我比較喜歡重蘑菇味多於忌廉香味，而這個湯我很喜歡。主菜是牛肉意大利麵，本想選擇青口，但很好奇他們的人手造寬條麵口感如何，所以選了它。這個麵可算是我食過的意大利麵數一數二好吃的了，彈性很好，而且並不粗糙，配合大廚的手藝、調味，是值得回味的good dishes。唯一缺點是價錢偏高，但偶爾吃吃也沒所謂了。…查看更多

一貫中式齋鋪嘅格局，或者可以話偏向優雅嘅傳統素食館。今日同婆婆慶祝生日，嚟到生平好少踏足嘅半山區。雖然唔係地鐵會到嘅地方，但比想像中方便，一家四口係金鐘搭的士，只需24蚊，錶都唔洗跳。介紹幾味印象深刻嘅菜式先，蟲草花萵筍浸鮮竹，呢幾樣都係我最鍾意嘅材料，煮出嚟好清甜，但一啲都唔淡，食到停唔到，最後連湯都飲埋！石鍋胡椒焗白菌，本身幻想係芝士白汁，可能被焗呢個字誤導咗，真身係好似上圖咁。唔好見佢清清地，其實非常香口，胡椒味好重，怕辣嘅唔好叫。原隻榆耳，心齋招牌（？）。我係出面無見過，睇餐牌介紹係一種好珍貴嘅菌類，食落爽口有酸味，有少少似食爽嘅黃耳？唔識形容，未食過我推薦叫嚟試下，一碟只係手掌咁大，唔怕食唔哂浪費。總結，呢度嘅菜式比起外面食嘅齋淡，唔會食完口乾，但又唔會好似粗茶淡飯咁食而無味，係素食市場的中間路線。…查看更多

Pancake甜品係我最愛, 就算唔食正餐去食pancake都好開心, 知道尖沙咀THE ONE有日本好出名個間Gram Cafe & Pancakes, 就同埋朋友仔一齊去左食, 個日仲見到小儀係佢地餐廳到食緊tim~~個日放工去, 我地都未食正餐就去左食pancake, 所以特登揀左啲唔係淨係似甜品嘅口味, 我叫左個煙三文魚牛油果pancake, 通常pancake都係加雪糕個啲甜食, 依個口味真係好少見! 但原來佢地夾埋都唔錯嫁喎, 食落口反而冇甜個啲咁漏, 食多幾塊都冇問題, 仲可以當埋係正餐tim!而我朋友就叫左個煙肉炒蛋pancake, 都係平時係pancake 店比較少食到嘅口味~ 個煙肉係比較厚身, 煎香左個個調味都好好, 加埋個pancake真係估佢唔到, 而個炒蛋就岩哂中意食重牛奶同牛油味嘅人, 因為個個炒蛋真係有好濃嘅奶味!!野飲方面, 我地叫左個士多啤梨沙冰同蜜桃沙冰, 睇個賣相都唔錯, 正正常常岩哂打卡, 夏天飲都岩岩好!…查看更多

今天約了女兒到座落於中環商厦的日本餐廳『瀧』共進晚餐。這裡環境清靜，裝修講究。一排整齊的巴枱眼前一現。大廚的手藝在這可一 無遺。服務員有禮地介紹了前菜，是清甜的海膽配昆布啫哩很快又上了白眉貝螺，螢光尤魚. 螺肉已經細心的挑出，口感柔軟卻有韌性。跟住來了一碗清甜的鮑魚湯。第一次食拖羅，那入口即溶，油香四濺。真的很難忘。聽說日本茄子好味。 今次終於可以親自品嘗。肉質肥美，爽口彈牙。味蕾另有一番享受。天婦羅是炸花竹蝦及蝦頭。 蝦肉肉質緊實，味道甘甜，絲毫不覺得油膩。日本大蜆。雖然係大隻，是純天然的，不是飼養。還加了冬菇粒。想不到蕃薯做天婦羅這麼好吃。外皮炸至超脆 ，裏面蕃薯茸甜甜的，軟身的！最正就是可以伴白蘭地一齊吃。 另整個層次提升了。仲有個係金目鯛天婦羅 肉質同口感都好岩我口味 條炸得香脆的魚骨超正.  而且好高鈣質㖭.飯後甜品是日本靜崗蜜瓜。清甜又多汁。 超正！ 地點方便，環境寧靜。 服務貼心，真的值得一試。…查看更多

早幾日同屋企人飯眾, 又去左我地既飯堂樂天經典阿爸一睇完餐牌就話要叫鐵板豆腐嘩, 一上菜, 炸炸聲, 原來個豆腐係一大塊仲有D秘製肉醬係上面食落好香口, 送飯都得第2樣叫左個黑胡椒蟹阿媽係蟹迷, 見到咁大隻已經好開心不過黑胡椒對佢黎講有少少辣隻蟹都幾多肉下老豆叫左個楊洲炒飯，份量都OK既, 料都多不過3個人可能每人一碗半到啦都夠乾身, 唔錯的另外叫左個老鼠粉一大煲, 3個人一定食到好飽佢有DD南洋味, 阿媽反而唔係好OK但我就覺我幾好味, 食左好多碗今餐都唔錯…查看更多

經常聽說吃法國餐得吃上幾小時，這次來試試A La Umai，由前菜到餐湯到主菜到甜品，整個過程乾脆俐落，加上海景與餐廳的格調，整頓飯可以用"enjoyable"來形容。除了服務一流外，食物的性價比也相當高。先介紹一下餐牌，與友人各自選了一個Set Dinner，分別試試澳洲M5和牛肉眼與波士頓龍蝦。Bon appetite ! 前菜是十八個月黑毛豬風乾火腿配哈蜜瓜，ham 的味道香濃，滲出的油脂香味與超甜蜜瓜相當匹配，加上碟上的醋汁與Oliver oil，made a perfect balance，並沒有油膩的感覺。頭盤有磯煮鮑魚，鮑魚軟硬度適中，汁煮甜甜的味道配上碟旁的南瓜蓉和baby carrot， 吃完令人想再吃多一隻，覺得有點不太夠喉呢。餐湯分別點了蠔湯與龍蝦湯，淡綠色的是蠔湯，味道實在令人驚喜，蠔的鮮味非常突出而且濃郁。而且其他餐廳都較少有蠔湯這個選擇，喜歡蠔的來到一定要試試！然後到重頭戲 - 主菜，先介紹朋友點的澳洲M5和肉眼，叫了medium rare，沒想到份量這麼大，值回票價！Juicy 的肉眼配上紅酒汁，啖啖肉得黎煮得剛剛好，令人想瘋狂吃下去。不要以為法國菜的portion 會很小，份量多到我們差點吃不下。而另一主菜 - 波士頓龍蝦黑雪魚亦沒有令人失望，龍蝦肉質夠彈牙，我最欣賞的是crabmeat cream sauce!! Cream sauce 配海鮮是一個perfect match，加上魚煎得夠香脆，配上crabmeat cream sauce，香口又香濃，我地將伴菜也蘸上醬汁，yum yum~食到這裡，我地已經很飽了，究竟是誰說法國餐吃極不飽..不過飽還飽，甜品絕對是少不了的! 服務員端上甜品之時也送上很sweet 的笑容，大概是因為看見我們吃得太滿足吧（汗）甜品是柚子雪葩，粒粒柚子非常有口感，微甜帶點清新，一清味蕾。總括今次經驗，個人非常推薦這裡，雖空間不算大，但勝在服務與食物質素都非常高。而且看到對面海景，浪漫得黎帶點恬靜，又可以暢所欲言，非常推介情侶約會，不論是正在發展或是慶祝週年紀念的情侶呢。…查看更多