好耐無食過四點金，一間曾經一諗起食潮州菜就必定去嘅一間。失望到不得不寫食評（之前從未寫過）黑雨後帶咗幾個潮州朋友仔去食，諗住叫番啲之前必點嘅蠔仔餅, 香酥鴨, 川椒雞, 戲棚粥, 方魚炒介蘭，同一個之前未試過嘅豬腳凍。可幸有個豬腳凍合格，其他食物真係差到呢... 蠔仔餅無蠔仔，似係用大蠔切碎, 煎得又唔脆，又唔煙韌，無蠔味，都唔知食咗啲乜。香酥鴨就韌啦，一啲都唔酥。川椒雞好似炒雪雞肉片咁。戲棚粥最經典，潮州友話啲米都未開，點叫潮州粥呀，個方魚炒介蘭就同烚嘅無分別，搵滴酒睇下都無，都唔好講有冇鑊氣。我話之前食過真係唔係咁差㗎，朋友問係咪轉咗廚師？一啲潮州精髓都無，真係去錯地方食錯嘢。Sorry, 各位朋友，無下次😓。…查看更多
以上食評乃用戶個人意見 , 並不代表OpenRice之觀點。
1
用餐途徑
堂食
