fifionac的個人專頁

之前試過2次都覺得係好好味，又有家庭feel嘅小店，今晚一行3人再試$300一位嘅私房家常菜，樣樣都好餸飯，老闆夫婦得閒又出黎同我地傾下計，好似去左朋友屋企食飯咁，好開心嘅體驗🥰…查看更多

今晚試左好多唔同嘢食，有刺身，炸物，串燒，壽司，最鍾意以下幾項精選燒白鱔： 皮燒到脆卜卜，肉質不單肥美仲厚肉爽口秋刀魚刺身：當造秋刀魚新鮮夠肥美，平時其他店多數用薑葱夾醬油，但今次用柚子醬汁，味道清新非常夾秋刀魚左口魚裙邊壽司：油香滿溢，入口即溶嘅感覺真係好滿足生蠔：有我手掌咁長，肥嘟嘟要分幾啖先食得晒店主介紹左2款清酒都非常啱我同朋友口味一定會再幫襯試埋其他嘢食…查看更多

每一味餸小至配菜粒蒜頭都勁好味，鹽燒鰻魚爽口又肥美，3個菜$200有酒店級嘅美味真係好值得，每味餸都食得出廚師嘅心思，當日5點到，有3樣好想試嘅主菜賣晒，一定要再去下次試埋。環境好舒服乾淨，坐卡位仲可以自成一角。…查看更多

買左一碗大蛇羹$90 (外賣)再送1碗蛤蚧湯 ，2碗外賣盒一樣size, 感覺買1送1咁，好抵。蛇羹都算幾足料，味道就一般啦～唔特別出色。第一次飲蛤蚧湯，藥材味同胡椒味重，都好飲嘅，下次可以試埋碗蛇湯。…查看更多

我唔係好鍾意食甜嘢, 今年就突然諗起上海咸月餅, 第一次買黎過節。不得了, 用鑊煎番熱後食(有焗爐更方便), 酥皮香脆, 鮮肉月餅($27.5/個)同金華火腿月餅(唔記得好似$31.5/個)都勁好食, 金華火腿就多少少咸香味, 總覺得比甜月餅健康同有新鮮感, 將會係我以後中秋節必買之選。全人手做傳統上海月餅香港不多了, 只有上海雜貨店有, 價錢合理, 老闆娘又風趣, 推介大家支持本地老店。盒裝12個1盒, 另有獨立個裝出售, 咸味得我買嗰2款, 甜味有好多選擇, 未食放雪櫃保存, 食時用焗爐或鑊番熱即可(千祈咪叮, 酥皮淋晒唔好食), 價錢每款不同最好即場先問價。…查看更多

今日路過美孚終於順手買盒傳說中嘅好好味手工鳥結糖試, 上網睇個個都話脆心最好食, 就買左四寶脆心鳥結糖$140(38至40粒), 有黑芝麻, 綠茶南瓜籽, 咖啡同朱古力味, 係好食嘅，唔太甜，唔痴牙, 中間有層薄薄威化, 唔同層次mix埋, 推薦大家試試。…查看更多

之前偶然入去食左個鰻魚飯午餐定食好好味所以今日又再幫襯午餐定食包前菜, 沙律, 茶碗蒸, 主菜: 鰻魚飯+ 烏冬, 仲有飯後甜品個鰻魚飯超推介, 鰻魚黎到仲熱而且燒得有點微濃, 好香, 唔會好似外面食成舊淋身尋日甜品係綠茶雪糕都幾香以哩個價錢係我暫時食到最鍾意嘅鰻魚飯…查看更多

Dreamix嘅初戀蝴蝶酥一直係我最愛, 今日終於黎到餐廳試下個私房菜。餐廳位於觀塘APM附近, 交通非常方便, 行5分鐘就到。 同朋友傾左陣計, 主廚阿King就上菜, 由牛角酥到煙三文魚等主菜一味接一味, 食材新鮮, 而且每度菜一上枱，個display同味道都令大家充滿驚喜, 冇諗過$400唔洗可以食到甘高質素set dinner, 重點係起初都擔心好似碟碟都好細碟喎，同行男士會唔會唔夠飽? 但點知我地全枱人不論男女, 食到主菜已經飽飽, 好彩仲有位食埋個精彩分子料理甜品。令大家都過左個非常滿足開心嘅夜晚, 下次要去試埋個下午茶先, 好期待唔知有咩驚喜❤ (P.S. menu每個月轉, 一定要訂位, 訂位時可以問埋該月餐單)…查看更多

之前有2個朋友都分別去過哩間新餅舖, 見報紙雜誌都勁推, 本來大家都係想試下, 點知2個朋友都話sales service 勁差, 問佢: 係得哩d款? sales竟然答: 係呀, 師傅嫌煩, 今日係得哩幾款不過見到網評好多人都讚幾好食, 所以決定俾一次機會佢, 尋日中午打去留左一個3/4磅 $180 Chocolate Truffle Cake, 佢有問我寫唔寫字, 電話對話感覺都還可以吧去到拎餅, 門面好靚, 入面有3個sales, 可能比較夜, 所以款式唔多, 我個蛋糕都幾靚, 食左覺得都唔錯, 苦苦地唔太甜, 但好香朱古力味, 之前睇雜誌介紹話用左3種朱古力.另外買左1杯Tiramisu $38, 好好味, 芝士同咖啡酒餅比例剛剛好, 唔會太多芝士而好膩, 有點似Pizza Express個Tiramisu, 係我杯茶, 我會為左哩個Tiramisu再幫襯:)…查看更多