唔似貓唔似狗的個人專頁

**自從加拿大回港多年，好懷念TIMHORTON 每天咖啡同BAGO ，之前都見有電視介紹過，直至係OPENRICE 找到，有食評同地圖，終於可以找到了！ *** 位於一條較舊街道平台上，好西式門面，同四周環境格格不入！ 店主叫 CHRIS ，好 NICE ! 好有加拿大人禮儀！我都向他說明來意，要尋找過去回憶，但見MENU同CANADA 全不相同，祗好向他請教！由於已食午餐，要了cream cheese bagel set (bagel with coffee)，先來了杯 COFFEE，有8成 TIM仔 LOOK，但味道就不一樣了 真失望，連MAK 記都比下去！CHRIS 說用罐裝TIMHORTON 沖調，怪不得啦！ 這一點，我希望 CHRIS 不要再堅持下去，改用本地新鮮咖啡好了！ 我最懷念既BAGO 終於來啦！比加國略大，樣子好十足！咬落鬆軟又好香脆，好食過加國D BAGO ，CHRIS 說大部份都在本地焗制！所以就香港人冇咁硬！cheese cream 第一次食，甜甜香滑！極力要推荐!!!!!!!!!!!!!!!!!!!!!!! 最後總結如果喜愛BAGO (猶太人包) 一定要來試，自己希望改用本地咖啡 (如果有ESSPRSSO 就更 VERY GOOD 啦！！( CHRIS 如有改，請留言通知！遠遠我都會再來！)…查看更多

** 曾幾何時~~大約30年前已知道有此間食店存在，直至所謂電視食神再推荐，見OPENRICE給予得獎食評！真要來試一吓啦~~~當日到正是中午1時，心想已作出最壞打算，未必會有位！.....點知一推門入....吓！全店有過千呎，得一、兩檯客！一名年輕女子說自便！感覺很不對板！ 以為此區LUNCH 時間不同....遲D可能人多吧！..坐係窗口，嘩！真係好舊舊，相信已有30年未裝修過呀！D人做皮梳化應都消失了！坐得好唔舒服，D吊燈好鬼陳舊，拍吓相都係當娛樂啦~~~有張長檯重放一大盤水杯添！真異相！都冇睇餐牌，即叫巴東牛肉飯先！不到5分鍾就送到~~但都唔見有新客入！見碟牛肉都好似炆牛腩，跟碟飯就真真肉孫!!!!!!! 好似俾狗食!!!!!!!!D碟嘩！老土又舊!!!!!!!!! 一路食都知點解中午都冇客啦~~如果唔係D牛肉味濃，都唔想食D飯!!!!!!!!見個女子(應是太子女)都下班，餘下祗有2個老人，其中一個看似老闆，我再叫蜜糖雞翼，一客4隻！等十分鍾送上，呢個睇落似樣D！好香味好賣相！尾留有小骨方便手拿來食！一讚！食落好甜蜜味、脆口！(個人覺得好食過『土匪雞』！ 食完再叫杯印尼咖啡，好大杯，冇加奶、糖，齊啡味道好入口，都係好唔錯！ 位老闆過黎收碟順便叫結帳，點知等十分鍾都冇人來！另一上年紀見我拿銀包才問係唔係埋單？ 唉....人老了聽不到！埋單加一總共 $133 !!! (由各位去評值唔值好了！) 相信亦係為何咁清淡原因吧！店主真要去認真反思一吓！…查看更多

** 話說食完個『民聲』個『小肉山』，再去會一會雞旦仔伯伯！ 沿OPENRICE所指 [銅鑼灣道] 中華遊樂會行.....行了大半條街都唔見！，正想走之際，俾我個貓鼻嗦到好香脆既野~~~~~一定係雞旦仔伯伯係附近！走前多幾十步見到伯伯啦~~算有緣咯~~ 見伯伯好似好緊張，四圍望來望去！我影相佢重緊張D添~~~佢話要走鬼，咁就即買一餅先！ $10 ，佢好好人俾我先，之後再有好幾人走來，有個好似揸車黍買添~~見伯伯真係不斷加炭，哈~~有D似以前係戲院門前D炭燒尤魚！真係唔好意思，伯伯同我傾兩句，有餅燒焦作廢咗~~ SORRY ！睇佢整真好簡單易做！其實真重好飽，一路傾都一路食，真特別香脆D，不過要特登揸/坐車黎買就唔會啦~~都係唔好咗人，走去坐車走人，後來返到家以為會淋唔食得，點知原來個袋有小孔梳氣，重脆可食！…查看更多

** 係大坑呢間蒸肉餅名聲咁大！周圍又有其他好野食....老遠都一定要來食呀！今日閒日又係約2點半，睇openrice地圖就好易找到！條街又大又濶，一d都唔似香港島d街，好似去咗新界咁！去到個招牌認真搶眼！，但舖內真細少...都坐滿人，店主在外加檯給我，都冇睇餐牌，即叫蒸肉餅！加杯奶茶，老友記說是外賣的，我說冇所謂啦！後來睇真d牆上有講最底消費 $38 ！ 如果齊叫肉餅飯餐($28) 都係要俾 $38！ 又係坐低冇耐一批批潮聖者又到，以為獨佔外圍，即時間熱鬧起來！....先來杯奶茶，加糖飲都係ok，志不在此，冇乜所謂啦~~~十多分鐘個小肉山同個『靚仔』送到！碗飯點解叫『靚仔』？真係青靚白淨呀~~ 急不及待挾舊吃呀~~好好味，肉好鬆軟，同平時食開肉餅係完全唔同呀！好滿足！，老闆真有一手！點會諗係肉餅埋手？做出與別不同呢？真好嘢！但個『靚仔』就冇乜飯味？好睇唔好食！如果再配搭得好就更~~VERY GOOD GOOD 啦 ~~~ 個『小肉山』真係唔簡單....食到有D膩........總結係我過最好食既蒸肉餅...亦可能係世上最好食...哈！食完再去尋找『雞旦仔伯伯』.......…查看更多

上次係呢度食咗碟好滿意非一般『海南雞飯』後，念念不忙上次見個女學生碗『扎肉粉』，今日到西貢再去試食吓~~ 下午2點幾又係冇乜人，即叫『扎肉+雞絲金邊粉』，好快就送到！個樣都好正！ 好記得上次d手撕雞真好味，但湯粉d雞絲係淡口既，冇咁好味？ 再食d扎肉都唔錯，都爽口好味，粉就一般啦！ 總結都係海南雞飯d雞絲好味好多，但都係好食一碗湯粉~~~…查看更多

之期去黃石碼頭見有綠VAN去西貢海下灣，今日好好天去行吓！順路係市中心試食另一泰國食館......係OPEN RICE見好多人都讚『滿泰』D豬頸肉、雞肉好食，今日係閒日下午差不多2點，兩間打對連舖人流祗有兩三枱，可能係大部份人都去忙於辦年貨吧！坐低未係好肚餓，叫碗『豬頸肉+雞肉金邊粉』，等陣到海下灣食『海胆飯』， 唔駛幾分鍾送到，賣相都唔錯，D豬頸肉好香脆！好味！，雞肉都鮮味，發覺雞肉落湯大都源味咗....但冇叫錯...但金邊粉都係淡口，下次都係叫其他粉！好快食完咗，有D口渴，叫杯三色冰(依！$20皮) 好平，送到見就知點解......D奶水好希、好淡冇乜味，三色果又少又應不是自制，好差！相信係我食過最差既三色冰！ 總結少少意見係 1) 豬頸肉真好香脆好好味！值得推薦！ 2) 三色冰真好失敗！但平價！ ~~~下次要試食佢D海南雞飯...唔知好唔好食過『泰國小食』呢？…查看更多

來到佐敦記得附近亦有間『譚仔記』，上次係深水埗冇食過『土匪雞』，今次一定試食啦！ 係佐敦道大街大巷好易就見到！入去都差唔多3點半，地方都算濶落！都剛剛滿客，亞姐見我冇位就向一檯已食完坐聊天收碗，意是要佢哋合作讓位新客．坐下再有另兩個加入，都係座無虛席！ 即叫清湯牛肉、雞絲、腐皮米線+土匪雞翼.... 亞姐問要幾多隻？我問最少係幾多？佢話3隻我就要最少啦！ 等咗幾分鍾碗麵先到....牛肉都好嫩，雞肉清淡，唯一湯底深水埗店較清甜一點，但差別不太大.. ... ....冇耐碟土匪雞都送到，一粒粒黑芝麻係面，好香味~~~~~忍唔住放低碗麵挾舊咬食，好香好脆口，有點胡椒棘味，但雞肉較『鞋』，骨肉全熟透！有如『家鄉雞』，在中國是過火，但對外國人來說才接受！我哋經常說雞骨髓要紅、肉要嫩滑才好食，但外地人覺得未熟透，不衛生呢！ 食完找數 $42..都係碗麵抵食d... 總結是此店都保持水準，但較深水埗略遜色，有食評說葵芳更好！有機會都去試吓！…查看更多

係『新興棧』食完碗粥後順路去『松記』試吓佢d出名糖水，當日3:00後人流少好容易有位，重好飽，祗叫招牌『六寶湯圓』！店比深水埗細很多，店內大概祗容30多人．亞姐睇來似老闆，好客氣問我係咪要薑汁？，幾分鍾後就送到，好靚平面湯碗，六粒不同湯圓，張單寫$16，都唔貴喎！，薑湯啱哂依家冰凍天氣啦！咬第一粒內有奶黃淊，好似食軟糖，第2粒淊係芝麻容，我最愛！第3種係花生容淊，都係好鍾意呢！ 唔駛幾分鍾就食完，真好想食多碗！但真係好飽了！，俾錢走人！下次會再來！ 食得一樣都祗能寫少少意見吧！暫時來講係我最滿意既湯圓啦！一次滿足六個願望呢！價錢實惠！ …查看更多

雖然車程遙遠 (1.5~2hr)，但好鍾意西貢呢個集飲食同郊遊出海地方！今次要試食一間小店出色排骨飯同點心， 同都是集中在泰國小食小街巷處，在2時半到達，門面都冇特別當眼招牌，又好舊式如小快餐店！ 門口放小檯同摺鄧，內如快餐櫃面兩旁窄小座位，檯鄧都好殘舊，相信已十年多冇裝修過！講真唔係有食評人推薦，亦唔會走入來食呀！一入見是30多歲年紀在counter後打點，旁有小位，坐下即叫招牌排骨飯，加鳳抓、魚肉燒賣！一名上年紀給沖茶同送上杯，相信係我飲茶食點心以來最細小店舖咯...... ....在窄小廚房內已是制作同蒸籠一腳tak ！人流大都是街坊熟客！ 在等野食前牆上貼上相係好多年前報張推薦，其中有一段說連日本仔都稱讚賞呀！盛極一時！ 幾分鍾後排骨飯同魚肉燒賣先送到！俾起一般酒樓點心略細盅、細碟在窄小檯上剛剛好，(如同新相識靚女友可能會有怨言啦！) 講咁多係時候開飯啦！....先試盅扣牌排骨飯，哈！細細盎好容易攪拌好！d排骨味略淡了點...肉質較鬆，質感普通...但d飯正如好幾位人兄所講，飯香不黏、不油膩！有如煲仔飯口感...，不一分鍾都食哂！ ，再食碟魚肉燒賣，味道算唔錯，可能大都蒸起冇耐，冇過火吧！ 再來碟鳳抓，皮肉好原整，但食落骨肉是完全分離的！味亦冇一般濃郁，略淡口，好容易吐出骨來！冇咗踚骨既芝味 十分鍾已食完， 望餐牌 - 排骨飯 - $19 點心 - $9/碟.....找數共$37 ！平民價！總結個人有點失望....店舖環境衛生較差，係今時今日真係唔掂呀！加上坐落四周都是食舖街內，.除非店主唔想延績....…查看更多

來了好幾次，今日下午2:30後終於人少，食中午個批碌遂散去！但亦好多人同我一樣係呢個時機黎食！基本上一有人走就有新客補上，我以為中年勞動客為主，反而係年青及中環上班一族啊！ 又係都冇睇餐牌同價錢！ 即call亞姐要茄牛蛋公仔麵、奶油豬、熱奶茶， 亞姐都好忙，但好客氣．等緊野食，望向廚房 ，拍番張先！ 大概等咗6-7分鍾先送到碗茄牛蛋公仔麵，大大碗，望落都好滿足！好肚餓，牛肉好多！味好滑又鬆軟，因為肉味能保留，相信唔係用粉奄鬆的．番茄碎相信亦好認真去皮同攪碎，好夾d牛肉味！好彩撰了公仔麵，見同檯叫通粉都食剩好多！麵質好正！應是用上等一丁麵類似！如果唔係有杯奶茶會成碗湯都飲哂咯！ 冇幾耐杯奶茶又到！my favour tea 加糖即飲一談.....唔....都同『蘇記』香滑差不多，即上即到！茶香直到胃~~~又係好滿足！當時我想，如此簡單易制食品，祗要用心認真，那用一定要是山珍海味、用上好幾天烹煮才令人滿足呀！那怕是一份虛榮心作怪吧！ 再過一陣個奶油豬仔包都到！都好趣好味，不是太特別！反而不及『蘭香園』鬆軟！一口氣食哂... 好飽足啊！.........找數 $42！抵食合理！再總結是真是名不虛傳！實至名歸好認真不欺客，能有多種食品出色真難得！一定要再來！…查看更多

係長發對面，又係好評豬扒麵同奶茶，當然要順路一試啦！ 話說食完『長發』重味精湯麵，即過對面飲我最喜愛港式奶茶同食豬扒公仔麵....天冷冷坐露天位真正！人少搭檯坐下，亞姐好醒，見人即到！口渴到死，即叫熱奶茶+豬扒公仔麵！ 不到3分鐘就送到！ 奶茶之前都飲過一次，可以說唔錯！最重要係即上即到！因為茶同咖啡一樣，沖好茶質會好快變質，不到幾分鐘味質變澀口 ，其實絕大部份食物都一樣祗要新鮮同即烹煮即食，才是最佳！雖然茶質口感不是上乘，但勝在沖調好同快上，那份熱香直達胃內！ 好滿足！正！ 碗豬扒公仔麵賣相可以講見過最差！ 散亂一舊舊，重有d黑焦粒子！肉少骨多，但食落好香口，味道唔錯，好鬆軟！ 但是要小心骨刺到口.....應該用油炸！個人相信豬扒經過拍打而散同鬆軟的，公仔麵麻麻，下次加錢要一丁麵！- 合共找數 $30 個人評為實惠大排檔好風味！ 1) 奶茶 - 茶香新鮮！ 2) 豬扒公仔麵 - 賣相差、細小但好味好鬆軟！…查看更多

之前一支公食油撈、想要淨雙拚，老闆說祗可單淨，唯有叫了淨豬腳... 好大碟！所以要過幾日再來試吓墨、魚旦湯麵，一次過寫吓個人感受！個人對大排檔要求是經濟大眾化，因為環境衛生及舒適較差，天熱一家唔會去食！但冬天就好有風味， 有open rice地圖指引，好容易就找到！小短街自成一角，重有其他排檔，多樣選擇添！ 初到下午人不太多，有位即坐下，都冇睇價錢就叫招牌豉油撈麵$20，淨豬腳，不到2分鐘就送到！碟撈麵烏溜溜，嘩！碟豬腳好大碟熱氣上升~~~~好正！唸都唔會平咯！，忍唔住挾舊咬，肉都爽口，都好入味，但自己喜歡食濃郁淋口，反而較喜歡『新香園』豬腳多！ 再試碟招牌豉油皇撈麵！唔好睇佢烏黑黑，味香甜不鹹，麵質爽口彈牙！正！，碗湯好味重味精！飲完口渴！找數真係要成$70！食完要到對面飲杯『蘇記』奶茶解渴！ 過多幾日再去食佢墨、魚旦湯麵，今次坐下即叫，望吓個價錢改了$30！來了細細碗都係得6粒！ (各3) 超貴大排檔魚旦麵！(係香港仔名店細窩雜錦都係$43，又大碗又多料！食到頂肚！) 咁珍貴真要咬真d！好淋味鮮，冇一般魚旦果d彈牙，墨魚丸冇墨魚粒質感，同魚旦味差唔多！一二口就食完，麵質都好有水準，爽口煙哽，湯味精好重！同檯個個食完都要叫凍飲！食完都係肚空空！即俾錢去對面食豬扒麵同奶茶！ 最後個人評為 1) 豉油撈麵 - 必食！2) 豬腳 - 值得一試！ 3) 墨、魚旦湯麵 - 超貴！係咪最正唔太認同！…查看更多

都係睇咗肥仔光節目話有間靚魚粥係佐敦，好多年前係佐敦住過都唔知..... 一於去試吓！重有個沙爆魚卜....原來係個露天熟食當對面！，又係好舊式粥舖，下午人都好多，大都是街坊長者多，搭台坐下！見冇人理你，原來又係先叫野食坐下，見牆上有餐牌，粥價錢都唔係平民喎！魚粥要$26、爆魚卜要$48！舖面全都是亞姐，祗好大叫亞姐要魚鮫粥，亞姐點頭後走了，想再叫多樣爆魚卜又要再招手！，不過亞姐都好客氣...但冇見佢寫單既？同台有兩長者說全都是依靠記性呀！等了十分鐘魚鮫粥先到，好大碗啊，好多魚鮫，唔怪得要賣到$26皮，物有所值呀！ D魚肉好鮮味！正！不過好多骨，唔識吐骨人就要小心啦！，見同台兩位長者再叫多一碗兩份食！又加生菜同薑絲，原來係熟客仔！說日日都當飯食！真好恩愛咯！話說食完碗粥都要成十幾分鐘！好滿足同成頭汗......但個爆魚卜重未到...個碗重收理！冇單都唔知點俾錢？再call亞姐，佢好客氣話太忙未得，叫我等吓！但完來煲粥同炒野個位得一個人企咁大！，做到發老俾呀！再等幾分鍾就送來，可能亞姐係老闆同知我慕名而來！本來影了相，但手機拍好震^^^ 原來用薑蔥爆魚卜，好細碗！得半個飯碗，，不過真係好好味！魚卜香趣野味煙哽，兩三口食完，唔夠喉.....，到門口俾錢，亞姐話收$48, 我講之前有碗粥收了碗，佢咁客氣唔騙人佢，共$74，(呢樣管理真要改善吓) ，所以各位要食就要忍耐一吓咯....…查看更多

由石澳回程經筲箕灣先食個下午茶，當然最記得果條東大街啦...見有間叫鍋貼大王，一於試吓....地方大但都好舊，卓上有點菜紙自己click，點了鍋貼、牛肉包同皮蛋廋肉粥．冇乜人不到5分鐘送到，碗粥真好普通，可以說差，街邊車仔都比佢好！食個牛肉包，裹面粒牛肉好大，唔夠熱，冇乜肉汁，失望之餘....再食招牌鍋貼，又唔一樣喎！....咬落好有肉味、好juicy....唔.....都有一樣好食！但好似獨孤一味？不過好經濟！都係$17皮！下次都係睇咗OpenRice 先搵食咯！…查看更多

呢間小店已經第2次黎啦！原本去『勝香園』，但條人龍長到一定要等1粒鍾！祗好轉軚搵食，再想起此好味車仔配料米線講起小弟之前都食過小年食神所誇之佳佳車仔面，真大失所望覺兼老襯，如果要佢黎食呢間唔知又會點吹呢？在呢間係無意中走入黎食，都唔知有乜好食，問d亞姐乜配料好介紹？話牛腩、羅蔔、豬大腸、腐竹 - (清湯米線) 送豆漿 下午套餐$38！中環區算是抵食啦！自己一向都不太喜歡過橋米線，所以兩次都係食車仔米線，但佢d蘿蔔真好入味又鮮甜、豬大腸同牛腩又啉好野味！腐竹好正！，湯底味甜而清，唯一米線就麻麻地，但都ok！今次老闆坐係門口連聲多謝拜拜小弟好少咁快回味，所以個人就好喜歡，雖然可能招牌過橋不太理想(未試過)，但車仔配料就好推薦啦！…查看更多