sorsorpo的個人專頁

一直超鍾意食石磨皺皮腸粉，但無奈港島真係少之又少。咁啱發現中環竟然有一間，一於決定試試佢。我平時比較懶寫食評，除非真係好好食或者超難食。呢間我畀LIKE！食第一啖已經有驚喜，個腸粉夠薄而好滑，醬油我全部倒曬落去，唔會太鹹或者太甜。今次叫佐牛肉腸同豬肉腸加蛋，個人覺得牛肉香D，不過豬肉加蛋都好味😋下次可能我會要牛肉加蛋😆今次體驗好滿意，不枉我專登係西環出黎中環買👍老闆娘都好友善，祝生意興隆，長做長有！我會多D黎幫襯嘎。…查看更多

感覺係一間好有心嘅小店。開佐無耐，我已經帶bb去過三次。去完公園放電，最適合就坐低透吓，飲杯咖啡、食件cake。除佐因為鍾意呢度乾淨、坐得舒服，佢哋對bb都好welcome同friendly。最鍾意佢哋嘅Thai milk tea cheesecake 超級無敵好味，好soft，中間仲有小小流心嘅感覺😋食完又會再想食（試過路過都買件外賣番屋企）👍如果可以出都幾隻味我都會支持。朋友就鍾意佢嘅生朱古力蛋糕，不過我個人鍾意軟熟嘅蛋糕多D。每個人口味唔同啦～latte都好飲，不過好似仲有其他特色飲品睇落都唔錯，下次會試下。…查看更多

第二次黎幫襯啦～上次食重慶雞煲食過翻尋味，作為食🐔愛好者，今次試下花膠雞煲。又幾有驚喜喔，花膠足料，湯底好濃，仲有半隻雞係個煲裡面！老闆建議先飲湯再淥其他食材落去，個湯頭真係唔錯👍好啱女仔食。如果鍾意食辣同習慣重口味嘅，我就推薦重慶雞煲，真係好香好入味。最後叫佐個厚切餐肉同烏冬，好滿足！鍾意食餐肉同烏冬嘅一定要叫！韭菜餃都係my fav之一，皮夠薄，韭菜夠多。有個叫墨魚脆脆嘅都唔錯，係其他火鍋店食唔到，好似係自家製。總體黎講價錢唔算貴，份量都幾多，夠新鮮。會再黎幫襯，下次試埋個卜卜蜆煲先😋…查看更多