samlee629的個人專頁

冇諗過會咁難食🤮🤮🤮 啲串燒雞翼，牛舌，豚肉…… 全部咸到苦；食材本身冇味（唔靚）靠師傅落鹽又過分重手，唔知係咪如店名用「岩鹽」，淨係食到死咸；燒番薯仔同粟米就每舊都有一半是燒燶的😵😵😵。斧飯完全淡而冇味。唯獨壽司是正常，餐飯先叫勉強食得飽，魚料唔算話好新鮮，偏薄切，只可以叫做唔難食。其他食物都好一般，沒有特別出色，值得推介🤷🏽🤷🏽🤷🏽食物同menu 上面啲相好大分別。服務一般；不會再訪。…查看更多

經過見門面幾有特式，就入去試吓。裝修好有特色，好似舊日本，影吓相都幾得意嘅。睇食評先知原來呢啲叫「昭和」風，Foodie果然專業！餐牌價錢喺呢個地段嚟講偏貴，自助落單，水都冇杯但要收加一，仲有最低消費$200/位⚠️試咗燒牛脷，係厚切但冇乜味，好似阿媽烚嗰啲牛脷；試咗玉子燒，冇咩蛋香亦唔夠juicy；試咗三黃雞炊飯，雞好食，夠滑，飯正常，但份量有啲細。兩個人埋單$366時話我唔夠min.，有啲愕然，雖然餐廳都冇收返我嗰$34，但呢啲價位同要收min. pay，唔會考慮再幫襯😅…查看更多

某日黃昏時段, 經過將軍澳Popcorn商場, 閒逛見到有個counter賣巴斯克蛋糕(Basque Burnt Cheesecake) 有幾款口味, 舖頭只有外賣, 沒有堂食。買咗件原味cheesecake, 未試過呢間店嘅cheesecake所以由原味著手。返到屋企一試, 雖不是得硬亦不是很軟熟嘅質地, 只有奶味仲要係唔香嘅奶, 完全冇芝士味亦毫無層次可言,食兩啖已經有始捱, 雖然唔想嘥但最後兩個人都食唔晒一件, 有點中伏感覺:(…查看更多

大圍新開嘅私房菜，環境唔錯，裝修都幾有feel~ 佢地有兩層，二樓indoor,天台outdoor有個open kitchen，位置唔多，幾夠privacy。原本book咗天台嘅~ 可惜因為落大雨掉咗坐二樓...講返嘢食，由於我地唔係好知佢地有咩食，菜單我地交咗俾老闆幫我地發板：1. 餐湯 - 龍蝦湯 濃龍蝦湯，龍蝦肉頗多2. 頭盤 - 辣肉腸焗菇配cheddar cheese 幾好味3. 主菜 - 肉眼扒 & 茴香煎羊架 推介!! 牛扒好夠味, 唔使點汁都好好味；羊架好juicy!! 生熟啱啱好，水準拍得住出面啲扒房!! 讚!4. 蕃茄芝士燴意粉 都幾好味，茄汁偏甜，雖然我地已經好飽，但最後都成碟清晒!service唔錯, 老闆都會同我地吹下水，問我地滿唔滿意，我地食嘢傾計嗰陣就會自動消失，好care free... 埋單之後個廚師都落咗嚟同我地say個hi，佢似乎極度鐘意煮嘢食, 好緊張問我地對食物嘅意見，仲介紹咗佢地其他招牌菜：黑毛豬、牛油虎蝦、carbonara... etc...我住得咁近，下次一定會再幫襯！(掛住食，相機冇得食...)…查看更多