m45g的個人專頁

張枱明明唔喺廁所門口，都喺啲通風位度飄啲廁所味出嚟，請問仲邊有胃口食嘢呢？從未講唔係淨係單單胃口同味道嘅問題，而係衛生嘅問題。同個經理講，佢話冇啊邊有姐，跟住唔禮貌咁聳聳肩覺得我好似傻仔咁。我話係做服務業直程係連做人嘅基本禮貌都冇。然後我再上返嚟睇睇食評，原來呢度大家留嘅劣評都係真嘅。如果係好食嘅話價錢貴等得來都完全唔係問題，但呢度確實嘢唔好食、價錢貴，然後俾咗錢都仲要俾人不禮貌咁對待。求其搵一間屋村酒樓都好過佢。真心，以後都唔會再嚟呢度食。…查看更多

記得好多年前去又一城食amaronis，雖然貴但個味道係不錯。帶咗老公去moko 呢間食晚餐，諗住食得番之前嘅味道，但好明顯我錯了。個千層肉醬闊麵五分鐘內上枱，心諗咁犀利快手到咁。但見個樣乾爭爭，尤其係啲邊位又乾又硬，似足用微波爐叮熱個樣咁… 最差俾咩？就係佢連叮，都叮得唔夠熱！中間仲係凍冰冰嘅…如果我食叮叮嘢，大可買個微波爐餐。畀幾百蚊食叮叮意粉，個人真係好失落。no next time 以後都唔會再嚟，失望。…查看更多