CharlizeChan的個人專頁

之前睇報紙見到龍蝦味同鵝肝味雪糕，今日終於有機會黎到淺水灣一試 一口氣試左4款雪糕： 鵝肝味--成90蚊得50ml,不過個味麻麻地，唔覺得個味同鵝肝有咩關係。 龍蝦味--第一淡食落去就食到好濃龍蝦味，好特別，正。 法國芒果味--我都有問老闆係咩，佢話係用鮮芒果整，食落好香芒果味。 朱古力味--好味，好濃朱古力味，又唔會太甜。 同個老闆傾左陣，佢話最難整係龍蝦味，因為龍蝦始終係海鮮，要僻左陣腥味。 雖然係貴啲，咁就食左$180，但都值得一試。…查看更多

突然諗起outback個chocolate thunder, 好想食，所以今晚就黎左呢到喇。首先黎左個黑糖包，點淡淡嘅cream,好味；再黎一份吞拿魚，佢兩個sauce 個味都幾特別；今次叫左個西冷配蝦，個西冷好重牛味，但肉質有少少鞋口，個side 要左炸薯條同菜，個薯條好好味，再跟個凱撒沙律，個麵包粒喊喊地，good。最後加埋個thunder,凍凍嘅雪糕加上暖暖嘅brownies,唔會太甜，為今餐劃上完美嘅句號。 Ps: 唔知係咪個冷氣有事，加上天氣又其係好熱，今餐飯食到流哂汗，所以要叫番杯啤酒涼涼佢。…查看更多

好友生日，梗係要搵間好地方慶祝下，談談心。某天行過，見到門口有個易拉架寫住牛宴，見佢裝修都靚靚地，就一於試下喇。叫左兩個set,一個牛肩柳，一個係風車牛柳配意大利煙肉。佢而家做緊promotion，叫兩個set會送鵝肝或者青口，我地就揀左青口，估唔到送嘅份量都唔少，青口粒粒都好大粒，好有囗感，白酒味好香，真係好正。跟餐頭盤係意大利雲吞同露筍，雲吞都好好味，但得一粒，有啲唔夠喉。餐湯係椰菜花忌廉湯，友人話ok啦，我果個upgrade左海龍皇湯，聞落已經好香好香，飲落好重龍蝦味，又跟一隻青口同蝦，隻蝦非常爽口，好耐無飲過一個咁正嘅湯。飲完個湯已經7成飽喇。到主菜牛肩柳好滑，風車牛柳牛味好濃，都好正，不得不提係配菜嘅薯角，係估唔到咁好食。最後個甜品係mango cheese cake, 已經飽到食唔哂喇。book 枱時講左有朋友生日，係甜品碟上有寫happy birthday, 真係好細心，友人都好開心，非常滿意嘅生日飯。…查看更多

平時人山人海嘅添財記，今日行過見唔駛等位，就入去試下。食左個艇牛粥，$16嘅艇牛粥，大大碗，料都好多，粥底好味，唔錯唔錯，抵佢平時要排哂隊嘅今時今日依d 咁舊式既粥檔買小見小, 真係要好好珍惜及懷念下…查看更多

啱啱申請左king parrot 張會員咭，就周圍試下佢啲餐廳喇，今次揀左食尖東間面譜。入到餐廳，環竟都唔錯，暗暗地，幾有格調，天花有幾個大面譜係到。是日大雨天，入餐廳時忘記用遮套，整濕左地板，服務員都即刻抹乾淨同拎遮套俾我地，非常細心。兩個人叫左： 麻辣香螺水晶粉皮--呢個係張會員咭送，唔駛錢的，啲螺肉少少辣，襯返個淡淡的水晶粉皮，不錯。 紫蘇一字骨--骨好肥，食兩三舊還可，食多會有點膩 。花雕王醉雞 --份糧都多，正常的味道。吊鍋通菜--味多很不錯。面譜小籠包 --小籠包不夠熱，味多尚可。餐廳無水或茶供應。食物味道，服務和環境都不錯。…查看更多