healthybird的個人專頁

今個禮拜第三次食牛扒，呢間真係想俾好評！ 環境、服務和食物質素，以呢個價錢對我來說是很不錯 💖首先要讚每張枱有私人空間同張枱有足夠空間放食物。就算餐廳滿座，唔會似其他steakhouse 嘈到完全不能傾偈。自己少機會食阿根廷牛扒，所以今次點了Fillet 放棄咗心愛嘅Ribeye，係一個好決定🙌🏻Fillet 有驚喜！首先medium rare真係medium rare，表面有炭燒香氣，厚切又充滿肉汁，完全唔覺有筋或咬不開的部分，好啱我食✨（可能呢個部位係咁，唔清楚😅）食完係完全唔需要用牙線，再次開心🙌🏻 蒜頭亦都好香同好腍，平時好少會食晒😋Side dish份量夠2-3人食👉🏻蒜蓉荷蘭豆炒西蘭花✨，薯條就比較一般，不過夠熱都唔錯，是日湯係南瓜湯都👌🏻最後嗌咗churro做甜品, 呢個係一人份量，同平時食嗰啲有少少唔同，外脆中間比較軟身，但都幾好食👌🏻服務唔錯，有笑容有禮貌，80% full 的時候都有過來check 吓有冇需要和收碟✨✌🏻我會再嚟㗎✌🏻…查看更多

最近第三次買晚餐外賣，兩餸套餐價錢抵食。最緊要係速度驚人，食物夠熱，食物的質素改善咗好多，三次都好滿意👍🏻👍🏻👍🏻希望可以keep住🙌🏻可以加價，但係份量唔好變小🙌🏻…查看更多

突然間決定去銅鑼灣食飯，好順利book到位，單點有折👍🏻石燒牛扒單點質素、價錢、份量好好，最後還叫了兩份，不過太肚餓忘記拍照😅雞翼如果可以少一些柚子汁會更好，其他食物比較一般，包括豚肉串燒和吉列豬扒。十分希望可以改善的是桌子太少，二人用餐時比較辛苦，看見就算其他人是揀取定食，盤子也不容易放下。員工服務ok，貼心地收起不用的餐具和碟，並不是趕客態度一次過將所有東西收起。好滿足，因為唔需要特登食飯和沙律避免食物浪費😌…查看更多

在炮台山地鐵站等過馬路時，打算揾地方快食趕上堂，就見到間茶餐廳，行埋見到係食小菜為主，都猶豫唔入去，不過趕時間，就決定試吓。見到完全冇人，都諗緊行返出去，收銀姐姐建議我坐裏面，先發現原來其他人都坐裏面。叫咗蝦球魚湯泡飯，起初送上魚片泡飯，店員都好有禮貌幫我換返。我平時很少吃泡飯，但也覺得這個做得不錯。蝦球幾好食份量亦算多。我冇叫嘢飲，想提一下係食完立即去上堂，都冇覺得特別口渴，所以真係要讚一下😊 另外我覺得三個店員態度也親切👍🏻不是那種集團茶餐廳機械式的禮貌對答，或者小店那種有性格，但其實好唔禮貌的對答。唔知點解我覺得而家好多餐廳員工，越嚟越冇禮貌。。。遇到OK的我一定要講出嚟，等佢哋知道就算幾匆忙嘅人都有留意嘅，佢嘅努力係冇白費💪🏻我會再幫襯，希望嚟試試炒蝦球之類的小菜。…查看更多

每次來坑口經過都覺得餐廳設計很可愛😍，但食肆太多，一直沒有機會食。今晚終於來試一試。大眾化價錢，加上睇咗食評，自然期望不高。很喜歡店內嘅設計及一致性，員工服、餐具、紙口罩套、鉛筆、餐紙也很可愛，很欣賞設計師和經營者的用心。令人感覺開心而期待食物。鹽酥豬扒比想像中好😀，肉燥和蛋也不錯👍🏻，但鹽酥雞扒真係炸得太硬，雞肉還是可以的，小食餃子都好乾，呢兩樣像做好放咗好耐。員工嘅服務比想像中好，友善地帶位，看見有人要兩杯水，亦放下手上工作，禮貌地盡快提供服務，俾好多所謂嘅餐廳好，起碼冇當睇唔到。職員也貼心，主動等到主食差不多食完 ，才送上甜品（雖然有啲難食，丸子好像還沒有煮熟）。但一定要講：員工真係要多㸃培訓！戴眼鏡的年輕女員工抹枱的方式惡劣，Covid 開始後已經冇見過咁差，不用店內提供清潔用的清潔噴霧，還把桌上食物碎掃到地上，沒有掃到地上的竟用餐紙蓋上就算😤，然後隨手將布放回，唔知抹布一晚會唔會清洗消毒一次！當時佢都唔忙，真係沒有諗過那麼年輕竟然衛生程度那麼差，雖然我覺得呢啲應該唔使教，但竟然係咁，唯有培訓啦。幸好男員工經過，把枱上剩餘的食物拿走，亦把櫈移好才帶入食客。我明白做飲食業係辛苦，但既然做得呢份工，就認真去做。那麼可愛的餐廳。。。真心希望下次食物和衛生程度會有顯著改善。…查看更多

開店後已經係第二次過嚟食啦，兩次都被安排坐喺好似「後行」嘅座位。自問唔算一個揀位嘅顧客- 冷氣大小，係唔係路口位，搭枱，都唔介意，因為都明白餐廳地方有限。但我真係好希望負責設計餐廳同管理層真係唔該自己試吓坐下個位，先至去開店。先講講嘢食，兩次都有食海南雞飯，加上小食。海南雞飯味道不錯，份量也算多。蝦春卷也炸得很好，不油膩。豬肉串也很好吃，多士就一般啦。員工服務也在進步，算是有禮貌，會提點食客，是看到大家也在努力。但坐位設計真係幾差，如果兩個人食，建議買外賣食，因為有極大機會坐「後行」位。海南雞飯係用盤上菜，張枱細到淨係可以擺到兩個盤，咁小食同飲品係唔係應該唔好叫？今日嗌個蝦春卷，最後個醬汁要擺喺筷子盒上。難以想像身形較大嘅食客用餐的感受。「後行區」有四張枱，收碟車不停貼住張枱經過。員工又會喺收碟車附近不停拍木盤和其他餐具，極近我哋食飯張枱。點解唔可以用收納整個木盤的餐車，到洗碗處才再分類? 另外，少於1小時嘅用餐時間，已有送貨車行走兩次。唔好講有冇疫情，都係唔衛生，同埋用餐亦好不舒服。真心希望管理層不要完全忘記從食客角度考慮營運連鎖餐廳。…查看更多

放工好攰，完全唔想諗食啲乜嘢，又趕住去上堂，咁啱就見到好吸引嘅馬來西亞小食，就立即入去。店員親切安排入座，我立刻點了保寶雞飯，附送凍豆漿，真好，凍飲不用額外收費😌之後再看看餐牌，雞飯比平時份量來得多，平時我比較少吃健康的雞胸，但這裏的雞也做得不錯，不知不覺就食晒啦，還有肥嘟嘟的芽菜很好食👍🏻👍🏻另外很喜歡豆漿是珍珠奶茶般密封式的設計，就可以攞住上堂慢慢飲。如果每次都可以準時放工，我一定會再來試試其他的馬來西亞麵😎…查看更多

一直也覺得此店的定價十分合理，食物質素不錯。昨日去食午餐，真是被近餐廳門口張餐椅嚇怕！為何餐椅如此破爛都不更換？ 可以即時想像到穿着短褲的客人（即包括我）坐在那張椅子的感受。店主可否體諒一下客人？當日點的豬扒定食，並沒有令我失望，豬扒熱辣辣外脆美味！如果定食跟普通麵鼓湯更好，因為豚肉蔬菜湯有點油膩。店內用具、地板乾爽整潔，看得出店員是用心工作。如果店主不考慮更換一下陳舊的傢俬，真是很難再次光顧。。。…查看更多

食物質素每況愈下。。。我對佢哋啲服務從不有要求（因為嬲得多麻木咗），不要太過份就算。因為喺屋企附近，久唔久屋企唔開飯會去食。佢啲餸一向唔健康，多油多茨。今晚真係唔寫食評唔得。除咗冬瓜盅ＯＫ同片皮鴨好食（不計配菜青瓜同紅蘿蔔，應該幾唔新鮮，已經有啲似菜乾）之外，有啲餸真係見到都唔開胃：＊海皇燒豆腐：‘海皇’都唔知係乜，啲蝦已經夠細，仲要切開，又多茨。成碟嘢好似漿糊煮豆腐，唔駛放耐已經好黏，最後我哋要用茶沖吓至入得口！＊美味煎蠔餅：可能我少食蠔餅，記憶中應該係圓形的，呢度嗰碟似炒蛋(如圖，一上桌即影)。。。隻碟好熱（我唔信佢將隻碟keep warm 咁衛生，因為其他餸隻碟唔係），估佢係一早整定，有人叫就叮返熱。當然係一啲香味都無又唔好食啦！＊梅菜蒸芥蘭：一上桌就見到碟嘢好似打仗咁！又唔係炒菜，出嚟前都應該執吓先，抹吓碟邊。不計賣相，味道就ＯＫ啦。耐唔耐俾次機會佢，不過往往叫我失望。。。…查看更多

聽聞Simplylife Bakery Café食物質素不錯，因此我訂了12月24日晚與爸媽一起進食平安夜晚餐。當日Set Diner只有兩款Main Courses 可選（included Entrée, Main and Dessert）。　選Simplylife Bakery Café而不選擇附近的日本餐廳，是認為這兒較有氣氛．可惜這餐廳令我好失望！６時到達餐廳，除了侍應一句“Merry Christmas有無訂桌？”，　餐廳內我再找不到一點聖誕節相關的東西！先嘗聞名已久的麵包，其中一款合桃麵包很好吃．但接著的海鮮湯和蘑菇湯(因敏感關係，訂桌時已轉了湯)味道都是淡淡的，　閉上眼真不太知道在飲什麼！到了主菜－鱈魚/ 火雞。鱈魚外香內軟, 很有水準，但份量超少，蝦有點霉，帶子有點散．．．火雞餐更差，普通到連從前在澳洲Food court的Aussie meal都比不上！看見玻璃櫃的蛋糕，都有安慰自己，dessert應該會好點! 怎料份量都是少，3人只share 4pcs mini pavlova, 1pc chocolate brownie及1pc berry cake（各件是1/3手掌的大小)．cakes本身頗散, 這麼少要分３份．．．當我們正在辛苦地切蛋糕時, 侍應還前來問我們”食物ｏｋ嗎？”我們說不太好並詢問蛋糕的名稱，侍應有點驚訝, 然後只是說了一些我們聽不到的說話便離去！真失望!　最後侍應不斷推介即磨咖啡，我們沒有點，之後便再沒有前來提供任何服務。結賬後，如不是聽到侍應目無表情地說了一句“Merry Christmas”我也不知已吃了一個“如此難忘”的平安夜晚餐！回家後我們還需要食甜品．．．這次光顧後，如無必要，我應該不會再到太古城Simplylife Bakery Café!…查看更多