Rac81's Profile

朋友係英國返黎，又去返飯堂，以前成日食，呢幾年少咗。叫左個木瓜沙律，只係覺得個價錢比以前貴左一倍，黎到勁大蝶😂以為比錯。個青咖喱真係好好味，以前必叫。叫左個椰菜苗，但居然無😅以前去食差唔多full house,而家得我哋一枱客…. 其實佢有的食物真係可以保持質素，已經唔錯.…Read More

一直以來好想試Yau Ma Tei 銀杏館，今次叫左個家鄉碌鵝，好入味。松茸湯，芽菜沙律，馬碲中式糖水超級正。即磨咖啡，意米檸檬水，蘿漢果水，飲，粥等任食。環境靜，侍應好好人，下次可以試其他。…Read More

之前係雜誌果的見到有推介。剛好經過，於是外賣左個柯仔麵線。買果時都諗緊買唔買。因為見到幾個男人係廚房，有啲無帶口罩、正埋有的帶係下巴度。可能呢排天氣太熱。講返食物，的柯仔有一粒好大仔，其他好細，我唔係成日食柯仔麵線，同我係台灣食果的唔同，印象中佢哋個size 唔會差好遠，食落又無味，淡到似水咁。的麵嘅口感還可以，至少唔係食糊仔咁。不過都係覺得，名過於實，可一不可再，下次如果要試，可能試其他野食好的。…Read More

次次想食韓國午餐，第一時間會諗起韓味屋。次次去到都full house ,今次早左小小到，岩岩仲有兩個位。又叫左我至愛嘅五花腩。肥瘦適中，咪道濃。食左今多次，仍然覺得好好味。岩岩知原來前菜可以免費fill 一次。以六十幾蚊嘅價錢，真係抵食。…Read More

係銅鑼灣上完興趣班，同學仔話要食個快食晚餐。佢提議食榮記。對於一個鍾意食車仔麵多過食飯嘅我，當然贊成。我以前係cwb ,返工。都成日食。不過今次同學帶左我去另一間。🤣有聽過，無黎過。好多豬紅，超級滑，墨魚員爽口彈牙。勁好味呀。雞翼尖好入味。一定要試佢個辣椒油，勁勁香又辣。加埋落的麵度。超正。唔知有冇得買埋屋企呢😂下次問下先。…Read More

今日帶新同事去食lunch ,佢話想食飯。同事係一個對食物有要求嘅人。第一時間諗起坐忘。一如既往，等左20至30分鐘左右有位。我又係叫返豬軟骨肉咖哩飯。濃濃嘅咖哩味，又係勁香。豬軟骨又有膠質同埋好‘淋‘。連同事都話勁好食。話下星期又再黎。😂食左坐亡有二，三年。次次都唔會令人失望。…Read More

尋日同朋友經過旺角，無啦啦朋友話想去lamlamli, 係條街度太熱。即刻say yes .我哋去到12:30左右。人唔太多。同朋友揀左抹茶流心，朱古力流心同埋焦糖牛乳。果然係人氣小店。買完坐底，一望。成間鋪已經full,勁多人排隊買。講返食物先，我麻麻地甜品，但呢間甜而不膩。抹茶真係勁fresh ,好好味。牛乳好滑同香。結果，食到一舊不留。下次再試其他味先。…Read More

太耐無出過街食嘢。今日決定做自己一條友去新蒲江食嘢。聽朋友話合利的牛腩好好味。我勁鍾意食牛嘅嘢。去到三點幾，等左一陣有位，個位有消毒酒精同一塊板隔開每個食客。叫左墨魚丸牛腩米。的墨丸勁彈牙，牛腩好淋又入味。阿姐姐問要唔要辣椒油。無辣不歡嘅我梗係要啦。佢的辣椒油好香。勁好食。下次又黎試其他嘢先。我見到好多客叫紫菜湯同魚蛋。下次必試。…Read More

係北角返工，有時貪方便同日本野選擇唔多。連續兩星期黎呢度lunch.一如以往，一早Book 定位。早時同朋友排隊等入去。係我哋前面係一對夫妻帶住個小朋友，我同朋友排第二，係我哋後面有一對著住行政人員look 嘅男女。有個黑色長直髮個接待員比之前個family 之去之後。完全無視我同朋友，直接問後面果個客人幾位同準備帶路。😌😌可能我同friend 生得矮，見我地唔到。於是我即刻問，點解我哋排先，唔係我哋入去先。佢話：我以後佢哋排先。哈佢哋排我後面喎...😱😱接待員先話，咁到你地啦。😒😒如常叫左雜錦魚生定食，食物水準都keep 到。但係呢餐食得有小小唔開心。呢左呢度食左有十次，八次。樓面待應，食物quality ,不過希望下次個接代員唔好咁啦...…Read More

同朋友行開海港城去睇玩具。路過shake shack ,突然好肚餓。見唔係咁多人，又有位。於是入去買左個smoke shack burger 加左杯大嘅lemonade. 唔知係唔係太耐無食burger ,覺得好好食。個bacon又脆又香，個肉的汁又岩岩好。對住個海景以百幾蚊嘅價錢，又ok. Lemonade 太大杯，飲左一半已經飲唔落。下次可以叫細杯。…Read More