june126的個人專頁

試左每日限定既榛子焙茶梳乎厘班戟。好食喎！個醬唔會太甜或太流。梳乎厘班戟都整得好好。不過就無得跟餐加錢飲野。要正價叫。佢仲有另外一個每日限定係綠茶柚子，下次再試。朋友就食All Day Breakfast Deluxe 版，份量都好夠，味道都好！佢除左呢d， 仲有三款意粉可以揀，所以若果lunch 時間唔想食甜品，都可以滿足到。店小小，但都可以用到20人到。環境都唔錯，坐得都舒服既。大家如果去開佐敦個頭可以去試試☺️…查看更多

叫左水煮魚 $158, 加一個餸$20, 我加左豬紅同豆卜($40)，涼拌薯仔絲$28 , 白飯$10, 無加一, total埋單$236, 都幾抵下! 涼拌薯仔絲, 我同fd 都唔鐘意食, 淨係得少少辣味, 無乜味道可言。但條水煮魚就唔錯。麻辣夠味, 但唔會辣到你留哂汗個隻, 適中, 魚肉夠滑, size 都夠, 加多左兩個餸, D 量勁多, $20 就比勁多, 抵食, 食唔哂!!! 飯都好大碗, 女仔可以分2個人, 絕對 (應該) 夠食 。下次試埋其他餸先下或者lunch 先! 可以Book 枱, 因為我入去時有問有無Book 位。坐坐下, 呢間舖頭仔都full, 有可能要排隊架。…查看更多

我唸呢間野好多人都知, 之前係日本食過類似既吉列牛, 覺得好食, 所以都一直想試香港既。我放工去, 18:00 入場, 直入, 唔使等位, 18:30 前要黎, 如果你唔想等位, 間野頗細間。不過D人都食得快, 食完就唔會坐, 即走, 所以枱都轉得快既。一個餐, 一個女人夠食, 又係男人, 叫多D 小食啦.. 哈哈。吉列牛係, 外面係吉列炸皮, 裏面既牛仲係生既, 自己放上”鐵板” 呢種食法, 好係可以控制自己要幾熟, 隨自己喜愛, 而且每一啖都熱”喇喇”, 慢慢食, 都可以食到熱既吉列牛。其實味道同肉質都OK 既, 但覺得日本時食既時候好食D。成個餐都好似130/140到, 價錢都算OK 丫。…查看更多

XI XUP位於大圍既一間越南野,可以帶狗仔入去, 但最好先book 位, 咁就可以要左角落位, 自成一角, 坐得舒服好多! 我地食1點, 大約1點半都開始full。老實講食物普普通通, 個春卷唔錯, 但食個個生牛肉+牛丸(仲有其他餸, 但我唔記得左喇)PHO同個花生醬豬肉紙就麻麻, 只係個沾醬係花生醬, 唔係包入面, 我開頭見到個名以為咁特別既。反而佢個PIZZA 就幾特別, 但係係勁薄, SIZE 細個D, 絶對唔可以當主食, 但係味道係唔錯既! 隔左幾個星期先寫呢篇食評, 唔鬼記得左自己食個Pizza 係咩味。裝修係幾靚既, 你未去過, 都可以自己去一次試下。唔會我會推薦有狗既人去, 因為店主好錫狗, 無狗menu, 但佢會送D青瓜條比狗狗食! 同埋帶得狗, 又室內, 又坐得舒服(一定要BOOK 定位!) 香港有幾多處地方?*有人排隊既話, 會限時食, 我記得好似係90分鐘。…查看更多

因為我怕行HKMOA 多人, 決定晨早去! 所以就搵左間(都算附近)既café 食個早餐。我同fd 9:00 , 一半都未full, 有個角落位坐, 好清靜, 休閒, 不過到ard 10:00 就開始多人喇。佢無breakfast set, 要散叫, 我地兩個人叫左Omnipork Baked Eggs With Sourdough, Portobello Eggs Benedit, Iced Americano, Brown Sugar Latte. 用QR code 落單, 好方便! 野飲可以揀埋options, 例如: Iced Americano 會問你要唔要less iced, 要fruity 定Nutty 定decaf. 食物質素唔錯! 我同FD都覺得我個FD 個個用黎影相打下唔錯, 但我個個好食D, 特別係個Sourdough, 好脆, 好好味。我個人覺得fd 個杯Brown Sugar Latte, 甜大少少。我就係因為近排睇得韓國節目, 想再試下Iced Americano, 但真係, 唔係本人既style. 唔識評佢好唔好飲喇。合共255 兩人, 價錢算係咁。坐得舒服, 食物同飲料質素都好ＯＫ, 唔錯既選揀黎! 唯一缺點, 無自己洗手間, 只有出面後巷/ 用K11 商場個廁所, 呢排食野前都想洗水既我, 就有D 唔鐘意喇, 跟本無得洗!因為我怕行HKMOA 多人, 決定晨早去! 所以就搵左間(都算附近)既café 食個早餐。我同fd 9:00 , 一半都未full, 有個角落位坐, 好清靜, 休閒, 不過到ard 10:00 就開始多人喇。佢無breakfast set, 要散叫, 我地兩個人叫左Omnipork Baked Eggs With Sourdough, Portobello Eggs Benedit, Iced Americano, Brown Sugar Latte. 用QR code 落單, 好方便! 野飲可以揀埋options, 例如: Iced Americano 會問你要唔要less iced, 要fruity 定Nutty 定decaf. 食物質素唔錯! 我同FD都覺得我個FD 個個用黎影相打下唔錯, 但我個個好食D, 特別係個Sourdough, 好脆, 好好味。我個人覺得fd 個杯Brown Sugar Latte, 甜大少少。我就係因為近排睇得韓國節目, 想再試下Iced Americano, 但真係, 唔係本人既style. 唔識評佢好唔好飲喇。合共255 兩人, 價錢算係咁。坐得舒服, 食物同飲料質素都好ＯＫ, 唔錯既選揀黎! 唯一缺點, 無自己洗手間, 只有出面後巷/ 用K11 商場個廁所, 呢排食野前都想洗水既我, 就有D 唔鐘意喇, 跟本無得洗!…查看更多

終於試左婆婆珈琲屋。晚市18:30 先開始, 中間會休場, 我18:30去到, 都多人架, 所以最好book 一book 枱先。佢話食飯限時90分鐘。叫左兩個dinner set (+drinks) + 一個富士山飯團總共 $362, 可以簽卡。 我叫左個咖喱雞肉飯, 朋友就叫左個生姜豚肉飯。每個set 都會跟三個小菜 + 蒸蛋, 我個人唔食糖心蛋, 都可以轉多做一碟菠菜, 幾flexible, 唔錯。食物質素都唔差。個富士山叫黎純粹為打卡影相用, 但味道都OK架, 明太子味.. 唔係伏野。不過始終店內環境細細, 唔係話坐得好舒服, 所以佢限時90分鐘都變左合理, 你都唔會想坐好耐。餐廳同一層, 有個位係賣下日本雜貨, D 野都幾特別下, 可以睇埋。…查看更多

又食多次佢個海南雞套餐。60蚊。我個人覺得幾好食。海南夠滑，油飯都好食，唔知有d 地方成個白飯咁 🤣套餐包有海南雞（份量可能對某些人太少，但我覺得係ok 既），一碟油菜（可以加3蚊轉鹵水蛋同豆腐，咁就可以更加夠食），一碗湯同一碗油飯。套餐本身唔包野飲，但可以跟餐可以半價到加餐飲。我就加左杯鹹檸雪碧。（加17蚊）有時得自己一個人，都唔太想入d 太靚既餐廳🤣入呢d 茶餐廳feel d 既舖頭食就啱哂！質素唔差。…查看更多

好耐無食過和民喇。我唸香港人應該差多個個人都食過和民。都為佢寫下食評, 比個like 咁啦。叫左個壽喜燒鍋2人前(加左鳥冬, 食落都好飽), 清酒煮蜆, 餃子, 水準就一直都係以往咁, 唔錯, 唔會中伏, 但又無話好好味咁囉, 但係因為個鍋都係100幾蚊, 所以都幾抵食!!而且出菜速度, 服務個D都有連鎖店既standard, 唔會差。…查看更多

好D似日本居酒屋既feel, 但係係舒服版, 日本成日都勁煙味重重。食既野每樣都細細碟, 有好多款燒物揀, 啱哂配酒, 一齊食。D燒物每碟份量都OK喎, 有時係第二到食, 叫一碟都分唔到兩個人食咁。主食都係細細碟/碗, 又唔貴, 滿足哂想樣樣試D既客人-即係我。 叫左勁多, 埋單都係550。3個燒物(肉), 4個燒物(蔬菜), 1個炸物(炸蟹餅好食!), 2個主食, 1個前菜, 加兩杯野食!! 個冰燒菠羅, 勁好食! 推介呀!講唔到碟味道點點點, 你地自己去試啦 😊…查看更多

又試左公司附近既(新新地)餐廳，老牌印尼菜峇里餐廳，上年年尾到係佐敦山林道重開左，叫峇里堂。餐廳裝修會走文青咖啡店風。食物方面就唔係好多款式揀，一D傳統菜式， 加上cake/ coffee 輕食，就算tea time 都可以上去食。我就叫左香濃.惹味醬燒雞脾飯 (配白飯) ，同事就加錢配金貝飯，佢話好食，大家可以試下。之後再加配hazelnut latte, 雖然唔係好夾，但係叫食物加多$18 就可以飲到咖啡，成個餐加埋都係$73，價錢合理。隻雞脾又大又好食! 咖啡係有質素既咖啡, 放心!食lunch 成段時間都無full 哂, 唔使等位, 坐得都舒服, 可以黎試!…查看更多

試左山林道新開既餐廳, 類似café加西餐形式。Menu 唔算多選擇。有lunch set, MAIN + 湯, menu 上無寫明, 但有送每人一碟薯條。我叫個個係煙三文魚鮮菌意式燴飯, 味道都唔錯, 份量對男人黎講可能少D, 對我就仲有D 食唔哂。上菜速度OK快, 碟野係即場煮, 勁熱”辣辣”咁上枱。環境唔錯, 我食lunch 時間, 都多人, 就唔影裏面喇, 但裝潢都OK 既。服務都唔錯, 會成日留意你枱面, 使唔使收走野, 會自動留意到幫你refill 水。價錢都算合理, 可以一試!!…查看更多

終於等到可以晚上堂食喇, 即係衝出去enjoy 下。叫左一個Main + 前菜Slow-Cooked BBQ Baby Back Ribs慢煮醬燒豬肋骨、椰菜沙律、粟米、薯條Spanish Garlic & Chili Prawns西班牙香辣蒜片蝦、辣肉腸、多士加多左個side dish 椰菜沙律 同兩杯叫Tango 既Moacktals, 埋單600蚊到。個Ribs 不過不失, 肉幾嫰, BBQ醬汁都好味。不過我最鐘意即係個蝦, 好味! 咸咸地, 配多士食, 好夾!! 需且份量好足, 有成9-10 隻蝦。Side dish 個椰菜勁多醬, 有D”漏”, 下次未必再叫。但總括幾好食。坐得都算舒服, 唔算逼。但會有少少嘈, 唔係會可以安靜傾到計既地方。而且如果有人排隊, 會限時食個半鐘。…查看更多

番工時, 一直都有經過山林道見到呢間café, 一直想試下但一直都無去, 聽人講要排隊, 所以我fd 12:30 就去拎位, 結果可能因為疫情關係, 成個lunch 時間都唔多人。坐得好舒服, 2個人就可以坐4人枱。門口同室內裝修, 都靚, 好適合打卡!! 食物同野飲質素, 一般, 唔會係差, 但係咪好好食, 就個人認為無乜特別。但賣相都好靚, 好適合打卡, 你比錢, 除左食物, 環境都好重要!! Lunch Set $100 內, 算係好合理既價錢!!…查看更多

石牆道每次都係為左小菜而去, 有成12 款小菜, 真係好多，全都味道都唔錯, 唔係hea 餸。依家因為2人限聚令, 所以2個人食就有呢個份量, 聽同事講, 之前4人一枱, 都係呢個份量。所以呢排都算因禍得福。如果你想食個豐富既午餐, 可以考慮呢到, dinner 無食過, 唔知抵唔抵食。主菜都around $70-80,有D 鐵板, 就過$100, 算係正常韓餐價。食過幾款, 無踩過雷, 包茶同一個甜品, 冰凍甜米露, 特別食完辣野飲, 爽!…查看更多

食過兩次:套餐鍋 + 飯/ 粉絲 (加以加$7 轉烏冬/ 滷肉飯) + 凍泡沫紅茶/ 凍茉香綠茶 (加$6 或以上轉特色飲品)第一次去食既時候有迷你鍋版可以揀, $69 加1, 女仔完全夠細, 唔係真係細過正常鍋好多。第二次去既時候就淨番正常鍋揀, $88加1, (因為公司sub 錢, 所以我加埋錢轉滷肉飯), 真係食唔哂。勁飽, 包埋野飲最正, 唔使怕口渴）第一次食: 臺式麻辣鍋, 第二食: 香蒜牛肉鍋 (有分辣唔辣, 佢至少係中辣, 但其實唔係好辣, 個人認為)(唔辣都好味, 蒜香味會較重)。我個人鐘意食辣, 會比較推薦臺式麻辣鍋, 不過一直都係鐘意食”麻辣”, 會有偏心成份。總結, 好食加好抵食!! 逝排天氣凍, Lunch 都想食番個暖笠笠既。推薦!餐牌會寫明每個鍋既配料係咩, 每個鍋都唔同。 慢慢揀! 同埋佢餐牌有更新, 特別鍋既味, 唔係真係次次去都食到架。…查看更多