bread9887的個人專頁

肥仔食粉麵偏愛食牛什，因為第一次食嘅餐廳，牛雜伏極有個譜，幾個餸，總有一兩樣唔會太差嘅。咁講返今次食嘅呢碗牛雜河啦，先講下個面底，河粉啦我覺得就唔能夠太厚同埋呢要玩，咁先至好味嘅，呢方面呢佢只能夠算係一般。至於湯底方面呢，唔酸濃郁亦都唔太香，所以唔落辣椒油呢就唔算太夠味喇。咁就要睇吓佢嘅辣椒油啦，都算香而且呢夠辣嘅，就為呢間餐廳呢加返少少分。最後呢就係送嘅方面啦，牛肚就偏多，其他腸阿肺呀膀呀每樣一舊啦， 講真食落去呢腸就唔算肥，而其他各樣都係普通啦，唔能夠話好出色只係不過不失咁。如果食個嘅話呢碗麵都算合格嘅。…查看更多

第一次嚟食早餐，平平無奇嘅外觀、普通嘅員工、一張又一張嘅圓凳，加上附近都幾間餐廳，諗住試一次，唔好食就未必有下一次。今次叫左沙牛麵加炸豬排多士，連冷飲$40。就咁睇好似麻麻地，$40都唔算平，不過！！！佢係出色嘅！！！新鮮嘅多士，一個字：脆！沙嗲汁，唔係好濃嗰隻，不過加湯底，和諧嘅味道麵唔係粗身嗰啲，都彈牙，掛湯一流。牛肉新鮮又彈牙，唔係彊屍肉一咬就散嗰啲。炸豬扒唔太油，又唔柴，仲無油益味！凍啡就正常貨色，口味因人而異，我自己就ok嘅（對啡無研究）重點一提！餐廳闊落，乾淨，冷氣夠，一定會返嚟再試其他嘢！…查看更多

我就知好多人對呢間嘢嘅評價就麻麻哋，不過呢因為方便我都成日去食嘅。今日呢我就嚟到食早餐，咁就叫咗個肉丁米啦、腸仔蛋多士同埋凍齋啡。值得一讚嘅係佢嘅米粉呢係用幼身嘅米粉，容易啲掛湯，又軟身啲。坊間好多茶餐廳米粉呢都係用好粗嗰啲，食落呢好影響口感㗎。而另一方面呢喺佢嘅腸仔亦都係出色㗎喎，嗰層皮煎到有少少脆但係又唔窿喎。嘢飲方面就純粹提神啦。不過呢佢衛生方面就真係差少少，應該係塊抹布嘅關係啦，張枱清潔完都仲係有浸味嘅，自己去食嘢就自己清潔下啦。…查看更多

話說尋日呢又食咗個咖喱飯啦，今日再去食嘅時候呢就再po相嘅。今日呢～就食咗個粟米白汁焗炸雞髀飯。嗱！今日個飯就有驚喜喇！食焗飯呢就熱辣辣新鮮好食即係正常茶記嘅首選啦，襯埋炸雞髀又係另一種滋味，炸雞髀佢係做得幾好嘅，外皮脆內軟油水又夠，我就最憎啲炸雞髀乾淨淨嘅。熱辣辣焗飯佩埋煩雞髀確實係有另一番滋味呀！佢杯奶茶呢就唔算十分出色，不過可能係凍奶茶嘅關係啦，茶底唔算特別香，下次都係叫返熱奶茶，試一試佢先得。…查看更多

晏晝去到金記食個午餐，食咗個馬來咖喱雞球飯。分量正常，白飯正常，薯仔正常，雞球正常，杯凍齋啡都正常，總之成個餐就正正常常，老火湯呢就略為味精啲啦。不過其實佢都有可取嘅地方嘅，就係佢嘅咖喱喇。我都幾鍾意食咖喱嘅，無論係印色啦日式啦講食啦嘅各樣咖喱我都好鍾意食嘅。咁講返金記佢嘅咖喱呢就係有少少辣，同埋係香嘅，係偏向港式嘅味道。整體上在一個午餐時不過不失啦，不過佢係比較近我嘅關係，咁我會再嚟多兩次試吓佢其他嘅嘢，睇吓有冇更好嘅地方再介紹返俾大家。…查看更多

中秋佳節，見上次咁正就同家人再嚟。第二次嚟新多寶來食海鮮，今次第一味餸就係蒜蓉粉絲蒸扇貝，基本嘢扇貝蒜蓉粉絲蒸好食冇得頂。 自己煮都唔會太差嘅餸，咁蒸嘅時間恰到好處唔靭堇熟呢方面就係一間食海鮮就唔會令大家失望。另一味就係薑蔥炒蠔啦，好多餐廳呢就會比好多玻璃芡，咁我鍾意呢間嘢佢個芡唔多。喂！我係食蠔唔係嚟食芡㗎嘛，咁先係食海鮮囉。另一味呢就係佢嘅咕嚕肉，非常驚喜豬肉用料新鮮就好基本，而最驚喜嘅係佢嘅炸粉做得好薄，變咗佢咬落去呢唔會好油又唔會好多粉非常吹口完全感受到佢外脆內嫩嘅功夫。跟住我問佢：喂！蝦轆點 整好啊？哦佢話佢出名豉油往下錄喎～ 咁試吓啦！頂！真係冇得頂㗎喎蝦腸內裝調乾淨晒揸到外殼趣博博豉油又唔會太鹹食落去真係可以連殼都食埋！大大隻好味。最後最後最後今日呢就人多鮑魚炒飯！唔好講笑^_^呢兜嘢我就食咗一半啊！我唔知你去買一鍋夠唔夠食喎！…查看更多

今日第一次嚟流浮山食海鮮，試吓呢間睇吓佢有咩符fit。 食咗4樣嘢，第一味估唔到就食到舔舔脷，鹽焗奄仔呀啲油多到爆曬出嚟又香又嘢味，確實呢個季節係要食咗奄仔先嘅。頭先嗰味你可以話D奄仔靚姐，不過第二位味呢就唔同啦，第二尾就係豉椒蟶子皇粘米餅底。蟶子王靚好食就唔再講啦，佢啲豉椒完全唔會搶過蟶子王嘅味道，成道菜惹味得嚟又夠香，再將啲汁落埋去米餅到......呱！好食到揼一聲！第三味就係啫啫通菜煲，夠鑊氣唔多油就已經得喺度菜嘅精粹喇。最後一味呢就係炸乳鴿啦，皮脆肉嫩，食一人食一隻都唔夠喉，真係無野好講喇！…查看更多