valeriewytang的個人專頁

睇完火龍之後去左泰味屋食飯，本來好開心，點知食食下個紅咖哩，見到入面成隻小強咁既蟲（我個下都唔敢仔細睇），成2cm咁濟，當場冇哂胃口🤢即刻同餐廳講，但個職員唔好意思都冇聲，仲問我隻蟲係咩黎😟 你地煮架喎。。。之後職員拿拿臨收走左隻蟲，話會換過新既紅咖哩比我，但本身個紅咖哩都已經食左一半，你比新既我有咩用🤢 諗住埋單走人啦咁，個紅咖哩咁嘔心，應該都唔會收我地錢😓 點知，原來我諗法係錯既，佢地照收，個女職員仲勁悔氣咁同我講「只換不退」，仲話已經比左個8折我地（但8折其實都唔夠比個紅咖哩）。。。我同佢講唔合理，佢仲勁寸咁話「咁我自己私人比你囉！」。。。大佬，唔係希罕你啲錢，但係衛生同態度問題囉，以後一定唔會再去😅註：因為隻蟲比佢收走左，唔記得影相，唯有upload張8折左既單…查看更多

同事叫左一次Chicken Doner salad，個賣相勁吸引，於是忍唔住叫網上外賣平台試一次，而因為唔係太鍾意食菜，所以叫左Chicken Doner Rice。一試先發現真係好好食!! 首先佢啲雞係勁多，差啲多過我啲飯，同埋係有脆邊但又唔會燶。而啲飯調味得岩岩好，撈埋哂所有野勁好食。我就揀左yogurt garlic同harisa sauce，兩種撈埋真係好正。佢仲有個small salad on the side比我，食得出啲菜係好新鮮，唔食菜既我都清哂😍完全係好驚喜，因為真係唔知有呢間野，一定有下次!!!!…查看更多

本人最中意食烏冬，所以次次去丼丼屋都會叫甘多款入面我最中意食咖哩牛肉烏冬，啲烏冬好彈牙，牛肉又唔算好肥，仲有好多咖哩汁，夠哂惹味！此外，黎到丼丼屋，中意食蛋既人一定要叫燒玉子。雖然次次都要等好耐，但係你食得出佢啲燒玉子真係慢慢甘同你煎，好香好滑，點都值得等。佢地啲滑蛋飯都唔錯，好多汁，不過好多蔥（仲要唔係洋蔥），所以我比較少叫。最後，丼丼屋既雪糕都幾唔錯，好有牛奶味，食埋雪糕就滿足哂 …查看更多