Kifungta的個人專頁

行街行到累, 搵d野食下, 於是黎左呢間上海婆婆, 地方夠大, 兩個人安排坐car位, 夠哂位放戰利品, 叫左4樣野食, 分別係花雕醉雞,韮黃鱔糊,小籠包&婆婆炒飯, 由於太肚餓關係, 只係影左兩樣! (花雕醉雞)比我相像中多雞肉, 夠入味, 如果能夠去骨會更perfect!(韮黃鱔糊)份量比例1:1, 黃鱔爽甜, 只係少許略咸!(小籠包)皮夠哂薄, 入面十分juicy, 拍得住鼎x豐,好味!(婆婆炒飯)夠乾身, 味道一般基本上呢餐飯幾抵食, 而且環境十分舒服!…查看更多

最近經常出trip, 難得忙裡偷閒, 見到黃埔開左新鋪, 本人又好鬼鐘意食蟹, 於是就黎試下! 呢度只有2款餐, 於是叫左貴果款"澄"料理,  侍應哥哥話貴呢款可食哂1隻鱈場蟹+1隻毛蟹, 於是我和朋友決定豪1次!(頭盤: 海膽蟹凍啫喱)海膽一般, 蟹凍啫喱味道好奇怪, 有1種好似貓罐頭啫喱感覺, 不太喜歡!(鱈場蟹茶壺湯)入面有1粒丸(唔知係咩)+小小菇, 味道好咸, 沒有鮮味!(鱈場蟹腳刺身)味道不錯, 但只有1條, 兩啖就無!(鹽燒蟹腳)蟹腳唔夠乾身, 個尾仲生生地!(蒸毛蟹)蟹肉加毛蟹蟹膏食味道ok, 但好細隻, 兩個人好快兩啖食哂!(鱈場蟹天婦羅)唔脆, 好似茶樓既百花釀蟹鉗, 而且咬入口好油膩！(蒸蛋)份量只有半杯, 如圖!(蟹粥)侍應拎左2隻蛋, 少許蔬菜和1/3碗蟹肉煮粥, 心水清既我問侍應, 明明兩個人食1隻鱈場蟹, 但好明顯我地只係食哂蟹腳, 請問個蟹身和蟹膏呢？佢竟然答個身無肉和蟹膏去哂d蟹腳度, 經常去日本食蟹既我, 知道鱈場蟹膏係好大pat, 蟹身都好多肉, 但如今不翼而飛了, 我甚至開始懷疑究竟我地係咪由此至終只係食冰鮮蟹腳???個粥我只係食到有蛋味, 蟹味欠奉!(甜品)不知不覺係唔飽既情況下就食雪糕, 餐牌明明寫海鹽雪糕, 但佢無通知我既情況下出左柚子雪芭, 佢地既解釋係已經無哂, 但係我隔離張枱早我地15分鐘都仲有得食...食完呢餐飯, 諗住去呢間鋪既facebook反映下, post左comment之後, 過一陣想再睇返你地有無回覆, 結果反而比你地滅聲, 打開門口做生意, 連食客既意見都唔接納, 可悲!好老實講呢餐飯我同朋友兩個人用左3000幾蚊, 但係換黎既係食鱈場蟹腳和細毛蟹,鱈場蟹膏和蟹身完全不翼而飛, 而且又唔飽, 上菜超慢, 3個鐘食8樣菜, 但係2個半鐘係等, 得半個鐘係食...真係好失望!…查看更多

夜晚6點鐘同男朋友去試呢間小王牛肉麵，無人龍，餐廳入面人少，入到去，見到兩pair情侶分別坐兩張car位，但唯獨個女waiter唔比我地坐car位，之後我要求坐，佢竟然話人流好多唔比坐，我心諗邊到有人，而且仲有好多位，爭辯左一陣佢終於比我地坐，但係已經無左一半mood, Order左以上食物，坦白講，雖然話係米芝蓮，但係味道認真痳痳，先講牛肉麵，牛肉好硬唔淋，搞到食食下咬唔到要吐返出黎，麵質就ok, 話哂我地都係得30歲，牙力係ok,但係都咬唔掂，蠔仔羹似蠔仔水，味道一般，皮蛋豆腐好少皮蛋，只有3，4粒仔，搵笨，白切牛肉又係好硬，唉…失望!總結黎講，老人家真係唔好黎食，因為好難咬，再加上服務態度超差，好似去左茶餐廳咁，話佢有1星米芝蓮真係笑左...…查看更多

之前都有幫襯譚仔3哥，但係今次去食真係印象難忘，叫左腩肉豬膶酸辣米線，豬膶唔知點解入口好苦，但係無計照食，其他都不過不失，不過最不滿係食左一陣，環境好嘈，我係下午4點半去食，人客其實不多，得幾枱客，問題係廚房同傳菜員好嘈，竟然大大聲講笑, 我唔明白點解我想靜靜地食碗麵都變左去街市，同埋d員工可以嘈過d客囉，希望貴店可以正視下! …查看更多

收到whatapp 勝手重開，有九折，本帶著三年前重拾在大坑的味道到來，環境依舊，但食物及服務面目全非。首先訂枱7點要我們8點3還枱,我心想我是來吃晚飯不是午餐。好像吃快餐一樣,我們點了$610 A5和牛餐及$420黑豚餐。上菜速度頗有效率，不需5分鐘所有食物在你桌上（除了甜品）同大型連鎖店沒有分別。我們先試和牛,沒有想像中入口即溶，但我跟朋友肯定不是A5。在sogo 買的肯定比他們還要好。跟著試黑豚，沒有肥、減肥人最啱，似薄片肉片。菜有豆腐，椰菜，春菊，芽菜，小栗米...食後感: (1)我們難接受1小時15分要交枱,我們不是食放題啊! (2)高消費價錢，本地火煱店質素，菜是新鮮但不是來只日本,粟米唔甜，肉評語如上! (3)同朋友歡聚，生日飯。不建議，太摧客了!…查看更多

文記車仔麵由以前既13座搬到現址，我都有幫襯，但係水準似乎下降了，點了1碗4餸既麵，分別係豬腸，九菜餃，紅腸和豆卜，加1個油麵，除左豬腸外，其他都keep到水準，豬腸早幾年食果時係又多份量又大舊，但係近排食左幾次，都係又細粒又碎，而且份量少，可能物價指數上升，但係文記都有加價，所以始終講唔通!:(…查看更多

同男朋友拍拖記念日，諗住食好d, 看了報紙既介紹，於是去了位於銅鑼灣新開既蟹一，入到去見到傳說中既蟹缸，但係一點也不吸引，只係一個魚缸養蟹而已，十分失望，我同男朋友分別點了一個天婦羅蟹餐和毛蟹餐，看到份量之後大為震驚，毛蟹餐毛蟹只有半隻，而且十分細少，蟹膏顏色很深，令我懷疑是否真的新鮮處理?味道方面，真的很一般，食唔到毛蟹應有既鮮甜味道，我地兩個用完餐之後，都覺得唔飽，因為份量真係少得可憐，而且兩個餐合共差唔多500幾蚊，情願選擇去第2間再食過! :(…查看更多