畫公仔 的個人專頁

📍安安燒 #wgz_mk 今次試咗好多款，全部都冇伏😍醃得入味又唔會燒到好乾，份量同價錢都合理！🥚腐竹雞蛋糖水沙冰$33🥚糖水點都食過，變沙冰就真係第一次！飲落有少少似維他奶幾得意😝🍋冬瓜檸檬沙冰$33🍋酸酸地嘅解膩之選！🫕安安秘製三重芝士撈丁HK$54🫕原來撈丁可以咁好食🥺❤️parmesan cheese味好香，芝士味好有層次，同平時啲卡夫芝士真係冇得比。記得襯熱食，唔係就變咗一舊嘢！🧀炙燒雙重芝心丸HK$ 25🧀加埋落撈丁就5重芝士啦😝芝心丸點整都好食啦！🥩皇牌燒牛舌HK$45🥩呢度嘅牛舌比較稔身，似炆牛舌嗰隻，係好食嘅，但如果你係煙韌控就可能會失望~🐑燒孜然羊肉串$40🐑孜然真係串燒必備🤭羊肉唔算好羶🐥烤雞腎串 $32🐥入味又唔乾！可以encore 🐥燒雞軟骨串 $32🐥雞軟骨又係必食又好難出錯系列😆🦆燒惹味鴨舌 $38🦆而家唔係好多地方有鴨舌食，見到即叫！個名冇改錯，好入味！🦑原隻新鮮魷魚$ 52🦑份量都唔少，啱晒嗌一份share!🐚蒜蓉燒扇貝（4隻)HK$ 60🐚蒜蓉多到瀉，重口味之選😋扇貝大大粒好飽滿📌旺角染布房街6號地舖#hkfoodie #hongkongfoodie #hkfoodblogger #hkfood #hongkongfood #九龍美食 #mkfood #旺角美食 #globaleats…查看更多

紅磡嗰邊都好多間串燒店，好啱幾個朋友去食下嘢傾吓偈，今次就試下呢間！👅皇牌牛脷心 $35👅推介❤️牛脷好厚身又唔韌，油脂感十足！🐥燒雞腎 $14🐥煙韌控必食系列，食完一粒又一粒！🦴燒雞軟骨 $14🦴我嘅最愛！最緊要夠鹹有咬口🥰🤎串燒雞全翼 $38/2🤎呢個價錢食到兩大隻雞翼真係幾抵試🤩💚燒秋葵 $18💚食咁多肉都要平衡下🤪有六條share食都綽綽有餘~🐙燒墨魚嘴串 $25🐙🦑汁燒原條魷魚筒 $56🦑呢個又抵食！調味食落好似平時燒茄子咁，蒜香十足！🧀燒流心芝士年糕 $32🧀熱辣辣嘅芝士一咬開就流晒出嚟🤤一定唔會中伏🍜重慶酸辣紅薯粉 $45🍜呢度嘅薯粉係扭紋嘅，同想像中唔同，不過就比平時更加掛湯！份量亦都好大，share食都得🤣…查看更多

平時食豆製品都係喺啲傳統小店，環境實在比較污糟😂見呢度地方企理，選擇又多，決定嚟試吓！🍙狂人粢飯 (8.1/10) $32🍙粢飯最緊要即叫即包！油炸鬼好脆，肉鬆同酸菜嘅比例好好，飯唔會太多或者硬，係我理想中嘅粢飯😍唯一缺點係價錢偏貴😂🍗地道避風塘炸脆雞 (7.7/10)$36🍗冇睇英文仲以為係雞塊😂炸得好惹味，少少辣咁🌶🍦蕨餅白玉宇治抹茶豆乳雪糕 (8/10) $50🍦估你唔到咁好食！抹茶味算好濃，豆乳雪糕又好清新，有啲似維他奶，係冰感重咗啲🤩蕨餅都好夠煙韌🤩💜鮮芋泥豆乳 (6/10)$32💜衝着依個黎點知...er...啲芋泥漿狀咁，顏色就好紫，但係冇味的😂豆乳豆味都相對欠奉，有點失望🫠…查看更多

冒險家半自助餐 $258p.p. 每人揀一款主菜，前菜、沙律、甜品、飲品就任食~沙律有好幾款，基本上都正路。伏位係個好乾嘅素肉丸同白色慕絲（？）好似食緊蒜頭咁🤢🍗牛油雞配印度香飯🍗一上枱好香好吸引！咖喱都幾辣下，不過雞都幾鞋😂🐟香煎精選海魚配燒薯、炒雜菜及檸檬牛油汁🐟煎魚同樣偏乾，不過點咗汁就叫正正常常咁🤣甜品推介朱古力香蕉慕絲！🥳朱古力味好濃，有少少食雪糕嘅感覺。柚子味卷蛋都幾清新唔錯！其他蛋糕就真係麻麻哋，一般放題貨式，尤其綠色嗰件真係幾難食😂嘢飲除咗果汁仲有mango lassi同果茶，總有一款啱飲！樂園餐廳預咗性價比唔會高，食物普通🤣不過勝在有冷氣，坐得舒服又唔洗自己揾位，應該都會回訪！…查看更多

📍E FOR EGG #wgz_tw 🦀金沙軟殼蟹三文魚籽海鮮沙律盒子吐司 $108 (8.2/10) 🦀睇相以為細細份，點知隻蟹有隻手咁大！炸得好香脆，炒蛋好滑，鋪滿成舊包。用牛油烘過嘅麵包入面仲有啲海鮮粒粒同三文魚籽❤️☕️招牌奶蓋咖啡 (7.9/10) $45☕️見個個都嗌就試下，上面隻蛋好得意！基本上就係奶蓋bailey's 咖啡，ok嘅但又冇咩特別，試過就算咁樣嗌一個人真係飽到傻🤣2個人share加個甜品就啱哂！…查看更多

葵廣唔掃街就係食呢間，已經第三次嚟啦😍佢座位好多，次次都唔洗點等！🍜三餸麵套餐 (8/10) $48🍜同朋友一人一個餐試多幾款！試咗牛肚、牛柏葉、咖哩魷魚、雞腎、豬紅、五香豬頸肉、牛腩，全部都冇失望😝魷魚爽口，個咖哩汁好惹味。雞腎入味，片片都好厚身。牛肚牛腩全部都煮到稔身。豬頸肉油脂滿滿😆豬紅唔腥唔散，牛柏葉都唔韌！+$3就可以轉凍飲/枝裝豆漿超抵🤩記得記得要剔秘製汁！佢嘅撈麵比較濕，我個人鍾意湯麵多啲🥳💛見佢有得揀腸粉，次次都想剔但最後都冇食😂下次一定會試！…查看更多

好耐之前食過旺角分店，印象唔錯，而家佢哋喺商場開鋪當然要試下！日系裝修好清新，好似去咗旅行咁🎌🦞OCIO芝士焗龍蝦全日早餐 $189🦞原來all day已經進化到有龍蝦🤪芝士鋪滿面，龍蝦肉比想像中爽彈，唔會雪到霉哂！平時通常係麵包，呢度就係窩夫，鹹中一點甜！薯條好香脆，鹹度適中，意外地好食。其餘嘅餸擺滿哂成隻碟大滿足😝🍫朱古力布朗尼窩夫 $68🍫一上枱四大舊窩夫真係嚇親，超！大！份！兩個人share都完全食唔晒🤣窩夫同brownie朱古力味都好濃，朱古力控必試！🍵宇治抹茶心太軟 $68🍵即叫即整，睇相都知有幾流心！心太軟比雪糕抹茶味重，同時好濕潤唔乾💚呢度碟碟份量都好大，絶對對得住個價錢😂商場往往都係得連鎖店，不妨支持下小店💛…查看更多

📍@Mini Friday #wgz_cwb #wgz_mk #wgz_kt 🧀芝士溫泉蛋焗牛脷薯粒 (8/10) $138🧀上枱時用個鐵pan熱辣辣，芝士超足料瘋狂拉絲😍薯粒同我最愛嘅m記薯餅一樣味架（而家冇得食金拱門啦）牛舌又帶點鹹香，係幾值得share嘅一道菜！🥩皇牌威靈頓牛柳 (8/10) $358🥩平時beef wellington唔係好貴就好大份，兩個人好難食到🥹呢度細細份真係完美😍牛柳牛味重，唔韌，份量都好足！大大塊酥皮包住，中間嘅蘑菇又好香🥰本身仲想試下啲甜品，點知飽到上心口食唔到😂呢度樣樣份量都好足，幾啱嗌幾樣野一班朋友share!😍支持！💛📌銅鑼灣駱克道463-483號銅鑼灣廣場2期6樓觀塘興業街4號The Wave 3樓旺角西洋菜南街2號銀城廣場9樓#MiniFriday #西餐 #酒吧餐廳#HappyFriday #TGIF #MiniFriday#觀塘 #MiniFriday旺角 #樓上餐廳 #威靈頓牛柳 #hkfoodie #hongkongfoodie #hkfoodblogger #hkfood #hongkongfood #globaleats #銅鑼灣美食 #cwbfood #觀塘美食#旺角美食…查看更多

好多年前喺京都食過勁好食，超難忘。見到佢喺香港開咗就去試吓🥩京都勝牛雙味套餐 (翼板及菲力) (6.8/10) $198 🥩吉列牛一上到枱明顯過熟，中間係medium，頭尾部份接近well done🥲通常吉列牛都會生啲上，俾客人喺鐵板上自行加熱，不過似乎佢哋冇考慮過呢點🥹牛嘅部位本身都比較瘦，所以咁熟嘅情況下難免會鞋，翼板部位就稍為好啲。值得一讚係佢有各式嘅調味料俾你，個人幾鍾意黑松露鹽🥳🍵紅豆宇治冰抹茶 (4/10)🍵做緊優惠加$6就有杯嘢飲，可惜佢真係勁甜，冇乜抹茶味，飲咗一半就放棄🥲埋單嘅時候同店員講開，佢竟然主動唔收嘢飲錢，仲話有其他客人反映過同樣問題，會改善下紅豆嘅貨源。嗰幾蚊事少，但呢個服務態度真係值得一讚！整體食物質素同價錢唔相符，感覺係掛住過江龍嘅招牌賺錢。喺香港食吉列牛我推薦💛秘💛…查看更多

係日本人氣過江龍麵包🍞當初日日排長龍，而家假日午市都唔洗等🤣🥩煙燻黑椒牛肉全日早餐 $138🥩比想像中大碟勁多，飽到上心口😍當然all day入面都係普通嘢，生菜幾新鮮咁😂重點係麵包！真係幾鬆軟同重牛奶香，但老實講就冇好大驚喜🤣揀咗嘅開心果醬就有啲失望，好甜又冇乜開心果味，係白朱古力味😬🍳糖心蛋蛋沙律拼玉子三文治 $114🍳又係大大份架！佢係凍上嘅，雞蛋有日本蛋種蛋香。但唔知係咪雪耐咗，麵包有啲乾。玉子同我想像中有啲唔同，好似一蒸水蛋，不過都滑嘅😂佢啲三文治組合日日都唔同，想試就睇清楚menu啦！出面cafe食同類嘅嘢價錢都相約，所以唔覺特別貴，只係麵包好似冇人講得咁好食🤣建議平常心嚟食哈哈…查看更多

🌮南乳版德國豬手茶酸菜芝士餡餅 (7.8/10) $88🌮Quesadilla 真係簡單又好味嘅食物😍南乳味唔係好出，主要食到芝士味。最出色係啲酸菜好開胃，餸埋sour cream好快就清哂！🍔MOBIN 芝士飛碟墨西哥包配煙肉、蛋及酸椰菜 (7.9/10) $115🍔港墨fusion! 墨西哥包甜甜地同啲鹹嘅配料意外哋好夾😝嗰一大塊芝士薄脆又好有口感，推介！🍫MOBIN 咖啡布朗尼甜脆餅 (8.1/10) $108🍫咖啡味就唔係好食到，脆皮食落有少少似炸麻花🤣brownie 意外地好食，外脆內fudgy，絶對唔係好hea嘅來貨🤣呢個價錢都唔會係驚為天人嘅美食，但係叫咗幾個都好食，幾啱朋友聚會去！…查看更多

相信大家都係俾佢嘅裝修吸引過嚟嘅🥰佢行復古風令到餐廳嘅每一個角落都係打卡位！食物質素都唔錯架晚市套餐 $688 p.p.🍽手切生牛柳他他配蛋黃 (8.2/10)🍽佢調味恰當，上面有啲好似薯片嘅脆脆好惹味！🍞自家製鴨肝凍批配無花果醬及多士 (8.1/10)🍞鴨肝凍份量超多，餸完麵包絶對有剩😝無花果醬好開胃，建議2個人share會冇咁膩！略嫌麵包有啲乾同唔夠熱🥣青豆湯 (7/10)🥣正常發揮，冇草青味，幾易入口🤣🍖燒羊柳配薯蓉，蘆筍及羊汁(7.8/10)🍖🥩澳洲M3 牛柳配新鮮生菜，炸薯條及牛汁 (7.9/10)🥩羊同牛都係正常水準，嫩嘅，不過唔會話好重肉味架啦🤣薯蓉太鹹扣哂分🫠不過薯條炸得好香脆好正🥰🍰意式芝士餅配朱古力忌廉及雜苺 (8/10)🍰酒味同咖啡味唔算話好重，但勝在好creamy！整體環境真係好靚，服務好好，係慶祝嘅好去處🥳鍾意打卡嘅應該影相都飽😂…查看更多

🦀蟹肉可樂餅 (7.9/10) $18🦀可樂餅入面塞滿蟹肉，撈埋啲蕃茄醬好開胃!🍄松露蘑菇可樂餅 (7.7/10) $18🍄係平時飲高質蘑菇湯嘅味道😝外皮同蟹肉嗰個一樣咁脆，唔會過厚，不過兩件都比較細件😂🧀加利西亞芝士配餅乾 (7.8/10) $88🧀係好普通嘅梳打餅😂勝在佢係一隻幾特別嘅軟芝士，平時都唔會食到。特色係佢牛奶味比較重，冇乜鹹味，食落口超creamy🥳🦑魷魚墨汁飯 (8/10) $248🦑上枱嘅時候一大盤兩個人食勁飽！魷魚新鮮，份量都大方。麥汁撈勻會一粒飯好香！🍫Churros (4/10) $68🍫中伏🫠外面只係微脆，入面口感好怪，食到顆粒好似未撈匀咁，整體蛋香都欠奉🥲佢細細條但又超多玉桂糖變相過甜，口感亦被沙沙的主導。4分係俾朱古力醬同雪糕嘅。見到咁多人吹奏真係大失所望😵‍💫整體而言鹹食係ok嘅，小店員工態度都非常好，不過甜品真係有好大進步空間🤣…查看更多

🌟午市五道菜 $1098 p.p.🌟一開始待應會拎麵包籃過嚟比你揀。佢哋嘅麵包真係幾正，食包都食飽🥺💓我推薦芝麻酥（芝麻同牛油香重，酥皮層次分明又酥脆）同法包（外脆內軟，充滿麵粉香）。之後都有個開胃菜係青豆鮮魷，酸酸甜甜咁🦪法國生蠔伴芹菜頭蓉配青蘋果啫喱 (8.2/10)🦪生蠔好新鮮肥美，配埋青蘋果啫喱非常清新開胃🤤🥟鴨肉清湯配鴨肝雲吞 (6.8/10)🥟鴨肝雲吞係好香鴨油味，配料同外皮比例剛好。但個湯真係鹹到腎虧，飲兩啖放棄咗😅不推薦🐟海鱸魚配海鮮圓米伴藏紅花汁 (8/10)🐟海鱸魚有點兒鞋身但鮮味搭救！海鮮圓米就係risotto 咁煙韌，夾埋上面酸甜嘅蕃茄食好正💖不過個汁都係略鹹🍖法國羊鞍伴蠶豆燉菜配燒汁 (7.9/10)🍖羊鞍非常tender，唔洗點汁都好入味。蠶豆燉菜飽足感十足！🍓法式草莓蛋糕伴開心果忌廉配草莓雪葩 (8.2/10)🍓蛋糕+忌廉嘅濃郁開心果味同士多啤梨味層層相間，層次十足！係今日最滿足嘅一道菜🍫餐後甜點🍫個芒果泡芙中間係超多芒果醬，有點人工嘅味道😂其餘朱古力同檸檬撻就正常啦。整體而言佢質素唔錯，呢個價錢喺四季食到五道菜係幾抵試。但係佢亦到冇令我驚艷嘅菜式，所以短期內未必會回頭啦😂…查看更多

呢度環境比一般車仔麵乾淨企理，亦都有一啲比較特別嘅配料例如牛舌芯、日式叉燒、唐揚炸雞。最特別應該係麵底，有各種特色撈麵、蒟蒻麵同埋菜底。🍜蒜油蝦子撈麵$15 + 燒牛舌芯$15 + 何車水魷$15 + 豬紅$12 (8/10)🍜今次就揀咗蒜油蝦子撈麵！蝦子分量十足，亦都有足夠蒜香，個麵真係大到食唔晒🤣推介燒牛舌芯！好香口一啲都唔韌，如果係厚切一定更加正！豬紅唔散，水魷都大大份😝食車仔麵都唔會期望驚為天人嘅美食，不過佢整體真係唔錯，平平地食個飯之選🥳…查看更多