maggieout的個人專頁

沙嗲牛肉個湯底同埋個蕃茄湯底都幾咸吓，味精味濃，食完成晚非常口乾。炒蛋第一次食幾好，第二次又乾又油。兩次食啲水準都好參次吓。環境正常，但間舖播埋啲歌勁難聽🙉同個環境完全格格不入…查看更多

食物都幾好食，算煮得有水準同用心。食物設計幾好，餐牌都算有款式。價錢應該唔算係好貴但喺呢區嚟講唔算平，應該係平民中檔路線，但比呢個價而又冇服務可言。落單要去櫃檯落單比錢，但店員對個menu又唔熟，基本上要企喺度等佢慢慢搵入機。枱面張紙巾擬似係上一手客人抹過咀繼續放枱面下一客人用。播埋啲歌同環境唔夾，又勁大聲，基本上係店員自己聽，都聽唔到同枱講嘢。間舖冇乜客，但又要限你坐邊。總括嚟講食物好但唔會想再去。…查看更多

見有介紹巴斯克芝士蛋糕，專登去試吓，真係唔太好食，冇味，賣$52，呢個質素個人覺得唔太值。咖啡就一般普通咖啡。優點係地方好坐，仲有戶外坐位，主要係傾計見客好地方，但如果專登去食蛋糕就真係唔好喇…查看更多

真係好多人，外賣預等半個鐘，用APP pre-order，就唔洗等咁耐。羊肉堡真係好好好好食，好似好少地方有羊肉堡。真係食上引，食咗2次都係食同一款，間唔時都會諗起又好想食。仲有有唔係好多地方有嘅蕃薯條又有可以配燒賣真係好正，唔係成日想食薯條ga ma。…查看更多

五一黃金週冇得去旅行，梗係留港消費，幫襯自己社區小店啦。用APP叫外賣叫咗生牛肉湯河，食落去係開胃! 因為冇分湯，生牛肉變咗熟牛肉。牛肉本身都好食，有好多塊，好似有5-6塊，抵; 河粉都好多，一個外賣碗實晒，正常男人唔大食都應該會夠飽。去到重點係個湯，個湯幾好味，唔油，越南河嘅重點香葉好夠。因為係外賣香葉，檸，辣椒已加左入去，如果完全唔食辣要remark。如果現場食我會加多D檸。烤牛肉凍檬D烤牛肉勁好食。都算大份，一個飯盒滿晒。不過我本身要撈好多檬汁，所以外賣D檬汁唔太夠。仲有叫咗春卷，夠脆，都幾好食。如果下次再食都會叫返呢幾樣~不過咖啡就唔太好飲 (sorry, 本身係對咖啡有要求之人)，下次會試薑茶。*外賣重點係生牛肉湯河要分湯，唔食辣要寫明走辣椒。有位節目主持話麻X麻，我個人認為係好屬於好食level喎 (係港島區食過$6X-$8X碗越南河，有普X通、麻X麻、垃X圾)，所以要澄清。下次會再叫! (唔關咩立場事，係真心好食)…查看更多

一般公司樓下嘅連鎖咖啡店係趕住返工先至飲㗎啫，都係貪唔洗等，其實係咖啡味嘅奶。唔洗返工有時間緊係唔飲連鎖店啦，呢間就真係葵青區難得啱口味嘅靚咖啡，真係坐底嘆吓咖啡幾爽🥰仲會比個袋我入住個口罩。雖然唔算對咖啡十分有研究，但都算飲過香港唔同區嘅出名咖啡店，呢間係會返轉頭嘅一間。KCC返工嘅人真幸福，有間賣好嘅咖啡嘅咖啡店。Home office結束，又要返去飲咖啡味嘅奶😞😞😞😞😞😞😞😞…查看更多

香港人小食店，啱晒鍾意食炸嘢嘅朋友。有好多款炸嘢，全部即叫即炸，非常又抵食。食過幾樣炸嘢，都好好食，最正就係炸燒賣。想食炸嘢唔一定去葵涌廣場，可以試吓去呢度👍…查看更多

我個人覺得完全唔值，份量少，感覺係慳皮，食物質素又求其! 幫襯過三次，Lunch食左個唔知咩咖哩配牛，諗住揀個貴D款會比較好食，點知成舊幾水(加埋咖啡)，個D牛係好韌，甜咖哩係冇咖哩香味，好似係茶餐廳味道，餸嘅份量又少 (飯就算正常)，最多就係D青紅椒。食過兩次早餐，個河粉，成碗野都幾油下，第二次食D餸又縮咗水，得兩舊肉，少得可憐。仲要比店員搞到食到一肚氣。唯一係咖啡好飲，有椰奶咖啡，但都係偏貴。去過3次之後，以後唔再去食嘢。…查看更多

菠蘿sherbet賣晒，唯有叫芒果拿破崙，拿破崙中間D cream勁甜同埋係實，唔係軟滑個款，個雪糕都係比較甜。我個人都係比較鍾意食甜, 但係D cream真係甜得來唔好食... D酥皮又唔係十分特別, 勉強去盡量食。唔太明點解會有米芝蓮。…查看更多

買咗個套餐，紙菜卷+年糕+粉絲。三樣都好味呀。年糕辣度同軟硬度適中，紙菜卷如果加啲芝麻仲好，牛肉粉絲就好有味，好好食，有杯唔知乜湯都幾好飲。38蚊都算夠飽，算抵。…查看更多