raymondorice的個人專頁

本來計劃去沙田慶生, 點知朋友突然又話要OT, 但最後又話唔使, 陰差陽錯之外下,終墜入呢個一肚氣既飯局.由於book左位既關係,上到去就有位坐, 但外面已經冇枱, 所以要入房坐,但並不是好事,相反進入惡夢既開始. 人未齊男部長就不停企係隔離等點菜,我地廢事要佢罰企兼比壓力,就好言相告我地無咁快落單:),佢好似明白咁彈開, 點知唔夠兩分鐘又入返黎企, ok你唔怕等咁我地都唔好意思阻你罰企啦 人齊落單,d野都唔平,我地都係抱住試新野,見識下姐,唔係黎劏人攞命所以名貴菜式欠奉,職員有少少白眼都係人之常情,反正我面皮夠厚就話之佢啦 最後點左馳名叉燒,o者o者菜煲,阿蘇粉絲煲,鮑汁貴妃雞,普通湯羹,帶子魚肚煲等. 喂,話時話,話就話坐房,奇怪點解入面有幾張枱但係要坐係對正門口,原來坐房有min charge,入面有位都唔打算益你,公司policy係咁都算啦.:)可能坐房較靜,出面又比較嘈,下意識走去關門,點知轉頭有職員入黎上菜時就開左門,我地跟手再關左佢啦.房入面有電視,我地想睇下巨星咪轉台去TVB囉.:) 隔左一陣聽到一個職員同另一個職員講唔好關門, 我就問佢地點解,原來又係min charge問題,唔可以有坐房既benefit,ok明白:) 點知再隔一陣高高瘦瘦既女部長粒聲唔出黑口黑面企係門口用遙控轉左我地台. 由於我地已經有經驗,我地意識到又係min charge問題.:( 食飯中途可能果個高高瘦瘦既女部長發現我地早前個電視開左聲,佢再一次粒聲唔出黑口黑面係門口咁用遙控mute左個電視 . 大佬呀, 不如熄左個電視啦, 唔使我地局住係房入面吸幅射 其實我地唔介意公司policy無min charge之下要我地坐對住門口,唔容許我地轉台,甚至唔容許我地電視開聲. 但係你地有呢d policy可唔可以出句聲先,你話門口唔比關你有出聲(我地問之下)我地好樂意兼唔好意思,你粒聲唔出我地睇睇下就黑口黑口咁走黎轉台,走黎mute左個電視對客人既態度黎講真係極之惡劣. 需知道個口除左食野, 其實真係可以用黎同人溝通下囉, 唔使攪到我地食唔夠min charge就當我地係犯, 係你地自己安排, 唔係我地要求坐房架 呢個女部長唔炒的話,再培訓絕對係在所難免, D野有幾好食都比個女部長敗晒講返食物,叉燒醬汁味道冇咩特別,但係肉質好淋,燒亦燒得好好, 帶子花膠煲好味, o者o者菜煲原來真係得幾條菜係個煲度炒幾下冇其他野, 味道好,但唔抵食. 阿蘇粉絲煲冇咩特別,粉絲太乾身. 而最唔抵食係個鮑汁貴妃雞,鮑汁味唔係太強,唔諗起個名都未必食得出有鮑汁味,$168/半隻呢個價錢係超貴. 湯味夠濃既. 值得一提, 白飯都好好味最後男部長執枱時,亦有主動提出有糖水送, 呢樣要一讚, 但相比起個女懲教部長實在差勁之極:( …查看更多

生平見過一間想食包死你既餐廳. 講質素, 呢間真係below average. 不過見佢d職員做野, 好難唔相信呢間野係想你包死. 選擇唔算少, 味道麻麻地, 想食"buffet", 又想平, 真係要揀呢間.呢度既職員係唔比迴轉條軌有吉位剩 d碟係多到無位放先肯收手, 真係幾變態. 賣相一般, 同$3/件壽司差唔多, 味道唔算新鮮, 不過仲可以落肚. 服務還算可以, 多碟剩時識得收. 我就坐回轉位, 坐得密, 但係背後仲有唔少空間.…查看更多

行銅鑼灣, 想食d質素比快餐高, 又唔想比太多錢, 呢度真係一個好選擇. 呢度既湯底ok, 清清地, 最怕湯底攪到好濁, 呢d就岩晒啦. 味道算係高果隻, 生牛肉拎到黎仲係生生地, 食落又唔un. 包埋野飲都唔使四十蚊. 小食方麵, 通常食拼盤, 豬扒唔un, 幾爽口, 最鍾意食呢度既蝦餅, 其他小食都ok.埋單最爽, 唔使加一, 平時又唔使點等位, 的確係好選擇.…查看更多

上openrice睇下夜晚有冇d平平地又未食過既食店, 見咁多人講呢間就試一試, 點知咁就冇下次.叫左個豬扒金邊粉, 生牛肉金邊粉, 雞翼, 同埋野飲.金邊粉碗粉味道ok, 但係豬扒唔得, 又乾又細塊, :( 其實真係唔使咁孤寒囉. 生牛肉唔多生, 有d un. 雞翼想像唔到咁細隻, 亦都唔多好食. 野飲ok.…查看更多

諗住呢間新開, 睇落唔多人, 懶得行過去西洋菜街果邊, 點知就係咁中招.雞: 溫度唔熱, 同埋炸到好乾. 食落似翻炸, 更令我諗返起垃圾雞 飯: 已經食到冇咩好感, 未至於難食巨峰提子汁: 最正常都係呢個食野就唔好, 坐低飲杯野, 吹下水地方闊落, 靜靜地先好揀呢間 :(…查看更多