熊嚼的個人專頁

近來食自助餐都好少會想寫評價，但呢間係值得一讚！環境舒適，枱面夠擺又唔會同隔離太近。食品菜式唔算新穎但睇得出係有心機整。當晚嘅大閘蟹幾新鮮，仲有薑茶喺旁邊俾你驅寒。凍海鮮乾淨企理，有人分唔會亂晒龍。刺身都係自助餐常見種類，要讚油甘好肥美，但壽司姐姐態度欠佳，不過俾左腩位我，勁好食，無數！燒牛肉好耐無試過食到咁嫩，不過佢係近medium rare，所以怕生嘅可能要叫廚師切熟啲部位。印度咖哩牛腩非常有誠意，軟滑無渣又夠香辣，仲有印度師傅用Tandoor焗爐整naan，大家真係要俾面試下。甜品就唔算多，自家製雪糕幾有特色，茅台同士多啤梨柚子要試，榴蓮味都好適中，其他甜品就一般，有啲似Mr Steak貨色，但人地平過嗰幾間貴五星酒店窩，可能真係有budget concern，不能太苛刻。唯一想吐槽下就係個麵包區，擺正喺個風口位，吹到乾晒！平時我就最鍾意食呢啲冷門嘢，酒店有無heart就係睇呢啲，我見佢都有好多款，仲有黑麥，但擺喺個三煞位，真係暴斂天物，酒店麻煩攪攪佢，如果有埋個焗爐仔整返熱就更好。乳鴿又係，掛到凍晒，我老婆話熱嘅應該幾好食，呢啲人地大X喜放題都做到熱辣辣，酒店有心改善應該可以嘅，唔係就改做鵝肝多士呀，都多人鍾意食架！另外熱檸茶茶底太澀，都係水吧通病，浸得太耐，頂唔順去飲多口果茶，少甜易入口，無糖更出色。整體表現唔錯，大家不妨一試。…查看更多

開開心心同死黨食完飯，唸住去食個甜品收尾，點知攪到極之掃興。由叫甜品開始個收銀已經黑口黑面（講嘢無尾音，多謝都無句嗰啲），俾左一排面壁枱我地坐，唔緊要，香港店舖狹窄係可以理解嘅。我地有三個人食冰，食到二十幾分鐘我朋友已經feel到個收銀喺後面掩掩揚揚，仲聽到佢用筆不耐煩咁喺道敲枱，過左陣就雙手合十直接埋黎講：「🙏🏻唔好意思，唔該食快少少，因為外面有人等。」我地聽完即刻打左個凸，大佬我地已經無拖住食窩，同埋你七八十蚊個甜品，仲要係食冰窩，唔夠三十分鐘就催人走？但我地都係斯文人，好識做求其食多兩啖就起身走人，臨走我個friend好客氣問佢：「你地呢道係咪有時限？」佢答話通常用餐係45分鐘，跟住我friend就話：「但你地無一處有寫窩，佢居然答：「我都係催左你地一次者。」我地覺得無必要再講落去就離開左，只可以講就係你扮有禮貌都彌補唔到你趕客翻枱嘅意圖，如果你有45分鐘時限就應該點完就即刻講，等大家有個心理準備，唔係好似茶仔咁攪啲小動作催人走，講真食$30碗港式糖水啲阿姐都未必會咁，想翻枱都唔係咁嘅，真係無下次。P.S. 坐埋位已經聞到張枱一陣up臭味，相信係枱布不停重用無洗又無噴嘢抹…查看更多

見到呢間鋪menu精簡所以試下外賣，叫左個海南雞併豬頸肉飯，打開已經滾滾地，所有雞都係雞胸黎嘅，一般賣海南雞都會每個部位配少少等佢有啲滑肉食下。雞味都有嘅但偏向似烚雞，但啲雞毛都未清潔好係完全不能接受，有好幾條黑毛，最慘係佢無俾醬汁所以食落好寡。豬頸肉亦都麻麻，雖然都有好幾片（應該係幾條）但非常幼，令到肉汁流失，飯質可以，都一粒粒但我已經忘記佢係白飯定油飯，可想而知都唔係特別吸引。如果無特別應該都唔會有下次。…查看更多

同兩個兄弟去左呢間金龍軒食火鍋, $128任食其實都唔能夠其望D咩, 坐落感覺環境衛生尚可, 但慢慢觀察就覺得其實都有好多地方有待改善:- 公筷係木做長筷, 但可能經過長時間刷洗佈滿木刺, 見到都怕怕。- 醬油類都算多, 但D碗清洗得吾乾淨, 吾係濕就係油油地.. - 飲品方面有某牌子啤酒, 康師X 冰綠茶紅茶, 同幾款韓式飲料, 但最正常o既橙白黑汽水反而要加錢, 應該系成本問題.. 有D失望。- 最失望當然係食物, 肥牛都幾肥同超韌, 係幾差雪藏貨, 無普通豬肉片, 豬頸肉切得超碎, 有豬酥味, 最可憐係叫左人參雞湯底, 有人蔘但完全無蔘味, 可能已經翻用過... D雞另上比你落, 雪雞同好鞋既肉質.. 丸類都係佳寶貨色, 其他D瓜菜類同尤魚腸仔一盤盤放係近門口附近位置, 出出入入感覺吾係好衛生。- 不過值得一讚既係服務都算ok, 會自動幫你密密加湯。其實大家打任食邊邊都吾會有太大期望, 但當你選擇吾多, 又無乜邊種肉係食得下既時候就幾平都吾會返轉頭, 我寧願比多一百幾十去食間好D, 都吾想俾$130食個比車仔麵D送都不如既火鍋。…查看更多

對呢間甜品鋪最好o既形容就系金玉其外，敗髓其中。相信好多人都會比呢間甜品鋪o既裝修同甜品賣相呃到，我同朋友都系抱住嘗試o既心態去食佢，誠然，佢個得獎作品紫葡之戀系整得幾靚，可惜佢系一件藝術品，吾系甜品，如果我同大家講全個甜品最好食o既系個糯米糍（應該系維記個Ｄ），大家都應該知道佢有幾好味。佢頂上面個Ｄ巨峰水晶狀o既野好似發泡膠咁，乾身，無味，最厲害系連Ｄ刨冰都有Ｄ乾身，好明顯系一個個整定晒之後放左入雪櫃，Ｄ水份被抽乾左先會咁，就算下面有鍊奶同其他汁都補吾返，希望佢地吾好本末倒置，先攪好味道，之後先再唸個設計啦。吾系就算整到幾靚Ｄ妹妹仔都只會影張相賣賣萌就吾再幫襯。…查看更多