lovetetsuya的個人專頁

星期六難得返工，今日班同事話要行去花園街嘅永珍食越南野，原來星期六嘅菜單係要加$6 ，午餐嘅選擇都係以湯河、炒粉麵為主。似乎都係平日過嚟食比較經濟實惠。今日試咗泰式炒飯，食落去辣辣地，加咗少少扎肉，雞蛋等配料落去炒，都算香口。而且炒飯能做到粒粒乾身，而且又唔會有太過油嘅感覺，辣辣地的感覺幾刺激。朋友嘅咖喱牛肉飯都唔錯，不過略嫌牛肉比生粉醃得太犀利，而且食唔到任何肉味。分量都係夠嘅，所以男仔來食都唔需要擔心。…查看更多

中秋節正日難得放假，同朋友入咗機場影相。出返嚟咁啱想食米線，經過葵青區一間小店都幾出名，喺附近拍好車之後，行落少少已經到。這間米線小店地方非常不就腳，不過為左食正嘢遠少少都要。網上面有寫小店傍晚五點就閂門，不過嗰日見到五點仲有做生意，不過食客多數都係外賣拎走為主，可能糖食嘅鋪面比較細，留低嘅人唔多。被譽為係葵青區最好食嘅米線，驚喜是雞絲，碎上得黎變左容量吸哂湯汁！可惜下午去到腩肉賣哂。最後叫咗雞絲腐皮小辣！米線都彈牙，湯底用上自家製的辣椒，初初飲落有d甜的感覺，然後愈食愈香，辣得刺激，小辣已經流哂汗。所以唔食得辣嘅朋友，真係要三思。第一次食建議可以叫小小辣，小事牛刀。🌶😅 下次要試埋腩肉同埋螺旋藻！另外炸醬都好似幾出名，都幾多人叫。…查看更多

喺教會附近行上小小有一間港式嘅西餐廳，價錢都幾經濟，所以就介紹俾咁多位。注意全日係免收加一，有湯亦都有野飲。紅湯味道相對較酸，但係都好足料。而忌廉湯淡黃模式，朋友都話幾濃味。金牌咖喱豬扒飯本身對金牌咖哩汁都叫有的期望，點知上枱不算太熱，而且都諗住有薯仔等配料，點知係冇嘅。值得一讚嘅係豬扒好多肉，不過如果可以再熱啲就最好。而朋友嗰個焗豬扒飯就好好食，因為加咗芝士再焗，一上枱就熱辣辣。不過豬扒偏肥。一分錢一分貨，而家西區嘅嘢食都越嚟越貴，要搵一間又好食，價錢實惠嘅餐廳都真係唔容易。平平地試吓都唔錯。…查看更多

白田發現新開左車仔麵，今日午餐抽空一試！抬頭望下店內的食物相片，發現了一張很特別的相片—瑪卡蜜！ 一枝20元正！ 一枝大概可以2-3人飲！ 當兩個人去share,每人10元！ 價錢可以接受！ 飲落味道不錯，感覺舒服！ 炎炎夏日飲番杯清涼健康的蜜糖水，正！ 相中更指出瑪卡蜜可打衰老，抗腫瘤及抗疲勞！ 以上好處是不是真有其效，我就不置評啦！ 不過，飲蜜糖水總比飲汽水健康！ 車仔麵方面，我就選了銀針粉！ 很少車仔麵檔有這種粉選擇！ 食物配料選了雞翼，冬菇及麻辣豬耳！ 豬耳真係有點辣！幸好有杯蜜糖水解辣！…查看更多

九龍城啱啱新開蝦麵店，見價錢都幾經濟，同有少少夜費事肥，所以打算就食碗麵算。用蝦頭蝦殻煲的湯底一上枱已有好香蝦味，湯底香辣惹味！如果唔夠辣仲可以加埋小店準備的辣醬，更加刺激！而小店推介蝦匠湯要選摻摻，識叫一定叫摻摻 ($48)，油面加埋米粉，試哂兩種口感！不過米粉油麵美麗唔係太平軍得好一啲錯失。而且本身餐牌寫係有腩肉，可能因為腩肉賣晒，所以換咗扎肉。如果小店可以事先講一聲就好啦。其實見到啲配料都幾豐富，一碗已經有札肉魚片豆卜，如果再想食得多d可以加八蚊或十蚊的配料，除左有以上的料之外，仲有魚腐，竹笙等等材料，選擇不算多。而我仲加左黑椒牛丸 ($10)，食落都幾彈牙 。男朋友的冬蔭功都好惹味，酸味不會喧賓奪主，平衡得好好！另外仲有青口和秀珍菇！原來新張期內半隻龍蝦蝦匠湯麵 $68 我都係行左出去睇海報先見到，唔怪得咁多人叫啦，走寶走寶。下次再試下呢個鎮店名物！…查看更多

越北喺香港唔同地方都開咗好多間分店，今日就同幾個朋友黎試吓，呢一間位於西環嘅分店一年之前開張都來試。一年之後再食唔知質素如何呢？一入門口已經比啲服務員阿姐嚇親，因為佢好惡咁問，我哋究竟拎左幾多個位，唔好睇呢間係小店，拎位設施都好先進，要喺門口拎飛嘅。食物方面啲質素都算唔錯，生肉湯河用咗韓牛骨煮，入口鮮甜。香茅豬扒撈檬都係店入邊嘅推介，豬扒炸得香脆，撈檬嘅份量都十分之多。另外加＄28要多咗一份炸蝦餅，蝦餅新鮮炸起，入口香脆可口，加埋泰式辣醬都幾好食。…查看更多

每次黎西貢都係食金雞嘅海南雞飯，今次嚟到見唔算太肚餓，就食咗同一條街嘅松記車仔麵。以前經過嘅時候都見到門口有長長嘅人龍，心諗應該都唔錯掛，不過就超級失望。首先最低消費係＄25 ,但係啲阿姐係唔會同你講嘅。一坐低，你就要去返門口揀麵揀餸，揀好咗店員會幫你拎入枱，最後食完先俾錢。整體上勝在夠平，但係質素的確麻麻。蘿蔔夠甜無渣，不過黃金墨魚卷以為係炸得香脆嗰隻，點知又淋又濕，完全冇口感可言。我最唔鍾意嘅地方就係，成碗湯都好杰，完全唔係食緊車仔麵嘅感覺，湯頭完全無味， 食完都完全理解唔到點解不到，點會有咁多人嚟食。…查看更多

十六座最近成為我同同事嘅飯堂，大家都好想去，今日試咗另外一個時段去，試吓去下午茶嘅優惠。最抵食都係下午茶時間去，三餸車仔麵包埋飲品，一杯豆漿免費送俾你。今次嘅三餸車仔麵，揀咗紅菜頭面用麻辣醬撈，另外揀咗咖喱魚蛋、牛舌心、和咖喱麵筋。三款都好入味，尤其係咖喱麵筋，索哂咖哩嘅汁，以牛舌芯係牛舌的中間，都係16座特有嘅配料，爽口彈牙。不過紅菜頭面，識落同普通嘅右面冇乜分別，可以唔使加錢叫。以之前嘅經驗，都係普通幼面同埋油面最夾，下次都想試埋豉油撈。…查看更多

今日行過旺角，見到有一間新開嘅餐廳，買嘅係貴州牛肉米線，見到幾特別，所以入去試吓。店入邊嘅裝修好簡單，聽店員講開張都都唔到一個月嘅時間。貴州牛肉米線湯底好清，可以按自己鍾意嘅拿到加長辣椒粉。清湯睇嚟冇乜特別，但係飲落有好濃嘅胡椒味。而貴州牛肉，就同普通嘅牛腩冇分別，係淋嘅！不過就比較碎。米線都算彈牙！而我就揀咗水餃，一半韭菜豬肉，一半菜肉。水餃好多汁，一咬落去湯汁都吱出黎，加左少少醋吊下味，已經好好味。酸菜包酸菜加上少少辣椒加上肉碎打成，所以好惹味。包嘅餡料都好多，成個包都好滿滿，同出面買嘅有啲唔同。另外仲有南瓜包，醬牛肉包等等，如果朝早有一個食就好啦。價錢都算係幾合理，而且下午茶時間，粉麵仲有九折嘅優惠。…查看更多

A beautiful Sunday spent in NOC at their new branch at the Sai Ying Pun!Flat White is so smooth! The taste is not bitter though! With a beetroot salad with boiled egg, bottomed with baby spanish, plus slices of oranges, the taste is so fresh after cultivated by the egg yolk!Sometimes a quality time like that means everything!…查看更多

許留山曾經係我中學嘅時候一直好想食嘅地方，不過近來多咗好多唔同遊客想食之後就冇再幫襯。最近新推出的印度西部的阿芳素芒果系列超正，就去左試下！被稱為「芒果之王」的阿芳素芒，一年就只有4-5月係當造期，唔係咁容易食到架。芒果食落有淡淡花香零酸味又無渣，好驚喜呀！顛覆左我一向對芒果的印象！加埋酸奶就係前面呢個阿芳素JUMBO芒の酸奶酪，仲有後面的阿芳素丸子芒芒！惟一令人失望的地方係比較硬，冇咗煙韌嘅感覺。不過呢兩款甜品得返幾個人一齊share ,因為份量都好多，兩個人食有啲飽㗎。…查看更多

翁記沒有一個富麗堂皇的門面，只是一家坐落在街邊的小巷的老店，環境可能沒有想像中咁乾淨。但係20多年來，只係用潮式粉麵來做主打，可以食出街坊嘅味道和人情味。店舖以自家後製的豬大腸為榮，全人手手洗細，沒有腥味都沒有差。而且牛丸都係人手打，而且無筋，每碗得兩粒好珍貴。當一碗簡單的粉麵加上了冬菜，和蔥油等等，就成為一個好好食嘅平民美食。而且價錢都只係＄22 ,店入邊仲有墨魚丸、潮州魚蛋，都係好出名，亦都唔少人搬出咗西環之後仲會特登返嚟食，就好似我咁。…查看更多

有乜嘢浪漫得過兩個人share一個套餐？今日收工後去左食米線，經濟又實惠。重慶酸辣，最少由三小辣叫起。個樣好似好辣，食落刺激！比起湖辣的重香料味，我比較鍾意重慶酸辣，味道比較溫和，較易接受！而且我最喜歡套餐乜料都有，每一樣又可以試下，啱哂唔同人的口味。墨丸都係一如以往彈牙！如果同你另一半辣味相投，叫套餐就最抵！三款雞翼的首選一定係土匪雞翼，雖然自已都整到，咁就一定係出面比自己整得加好食。牧然粉的香好令人回味！…查看更多

唔知幾時開始買親媽咪雞蛋仔嘅，都係旅客為主。今晚見到食完飯又想食甜品，行過去附近一間媽咪雞蛋仔，諗住同男朋友一齊分享。今次見有咖啡味同咖啡朱古力味，不過貴五蚊。交出男朋友好鍾意飲咖啡，所以就買咗呢一隻出面冇嘅口味，咖啡。咖啡味食落淡淡地，認真食會食得出。不過雞蛋仔有啲太甜，食完好想飲好多水。味道方面，至於好唔好食，雞蛋仔入邊外脆內軟，入面不至於係空殻。的確係同出面嘅有分別，不過呢個價錢實在有好多選擇。…查看更多

因為大同十多人聚會，想搵個靜靜的地方，一班人吹下水，又可以拾下拾下食下野，偶然找到位於大角咀的財記海鮮火鍋。見到嗰個飲品名單，原來一班人都可以叫下酒。見到好多唔同客人都有叫啤酒，真係可以同朋友暢飲一番。坦白講整夜聚會坐得好舒服，好適合一大班人聚會。因為店舖好好，俾左一間大房我哋，裡面有電視機，最驚訝係有一張可以坐得落十三至十五人既大枱，而似一般既中菜廰，有轉盤，方便打邊爐時，你鍾意轉邊樣送都得，而中間既鍋則是固定放在中間，轉得好放心！當晚食左好多野，但一開始少不得叫盤刺身（油甘魚）食住先。我會俾10/10分，因為平時我有點怕食油甘魚，如果不新鮮，會有少少腥味我都食唔落。而呢盤油甘魚，外型勁厚之餘，食落口只有鮮味，口感正～～～推薦SORRY～～掛住食，忘記左影盤刺身！！！！！而第二個我好推薦既係佢既湯底，小妹一向好喜歡食海鮮，所以就選左花甲肉蟹鍋。海鮮超新鮮之餘，仲要好大隻，不過花甲數量就一般啦。花甲黎到時，不斷伸縮，我都忍唔住影低，證明真係好新鮮。而隻肉蟹比我想像中大，而D肉好鮮甜，好厚肉，而且店家又處理得好好，好方便食用。坦白講＄188湯底有咁新鮮既海鮮食，真係超值。呢隻蟹係街市買便便地買都要＄140，仲未計洗個D。超值！！！第三個要必點的是安格斯失肉片（大）$228一黎到嘩左一聲出黎，真係無欺場，好大盤，抵！而平日好少吃牛既我，當日都忍不住食完一塊又一塊，因為真係好肥味！完全無雪味之餘，食落口陣陣餘香牛味。推介指數10 分！咁既價錢，咁大盤，真心抵食！點左好多唔同嘅配料，特別要讚一讚呢個炸支竹。 充分咁樣吸收晒湯底嘅精華，食落去啲湯汁出哂嚟，好滿足呀。整晚聚會感覺好好，而職員都會不斷入黎執台或者加水，服務好，會再黎！也推介俾正找緊地方，安靜多人聚會既你哋！…查看更多