WaiChan6859的個人專頁

之前都食過兩三次，冇問題，但今次係呢度食完晚飯之後，半夜開始唔舒服，狂呃氣，到第二日朝早就開始腹瀉，痾水，連續痾咗四五日都未好，每日痾十幾次。當然戴返個頭盔，冇證據話100%一定係呢度瀨嘢，但當晚我冇食過其他嘢，中午都食得好清淡。做海南雞衛生搞得唔好，好易瀨嘢，尤其天氣熱，唔該鋪頭小心衛生，客人相信你先幫襯…查看更多

第一次幫襯，亦都係第一次幫襯咁差嘅泰國餐廳，極速上菜，因為一早整定，咖喱軟殼蟹，啲蟹接近室溫，霖晒，一定唔係即炸，擺咗唔知幾耐，蝦餅又係，比室溫熱5度倒啦好心冇時間整，都擺入微波爐叮熱去呀唔該。椰青完全唔凍，第一次飲接近室溫椰青，叫椰青記得問佢攞定杯冰。環境超逼，張檯細過茶餐廳，點擺餸要考你高超嘅技巧，同隔離檯食客好親密，淨係隔一隻手掌位。價錢貴，唔係話平民泰國菜咩？貴過黃珍x囉，最大鑊仲要係咁嘅食物質素，性價比極低，食到一肚火，冇下次，講完🤬🤬…查看更多

見到廚房職員，竟然要同時處理埋，食客用餐之後嘅碗筷，然後又再繼續處理食物呢個時候咁樣好容易出現病毒交叉感染，希望可以改善下，同埋外邊嘅職員都係，收完食客嘅碗筷俾廚房職員，又攞餐俾其他食客.....其實幾好食，水準比吉野家好，尤其喺燒肉，同埋鰻魚，但真係希望喺衛生方面，管理層可以作出改善，唔想SUKIYAKA喺其中一間出現確診病例嘅食肆，職員普遍有禮，同埋好helpful，另外，有冇人知旺角另外一間分店幾時開張呢？…查看更多

叫半斤叉燒外賣，講明半肥瘦，點知中晒伏，啲叉燒又瘦又硬又柴，好多街邊燒味舖都好過佢，燒鵝就一早知唔掂，所以食過一次就算，以前叉燒都OK，點知依家差咗咁多，唔知係咪大陸客太多，供不應求，燒嘅時間短咗，火候唔夠🤬🤬🤬…查看更多