little.foodiehk的個人專頁

要係香港搵到一間餐廳可以一次過食勻烤魚、串燒同火鍋呢三樣野，真係一啲都唔容易啊。估唔到係深水埗就有一間，而且食物質素仲要係咁得！餐廳既食物主要以湘川風味為主，鐘意食辣既朋友真係不容錯過。不過餐廳亦都好貼心咁提供走辣既選擇，可以視乎自己口味決定。菜單既選擇非常之多，有唔同種類既海鮮、肉類同蔬菜，而且價錢都好親民，食到飽一飽都唔會好貴。🎈啫啫雞煲 (半隻) $148未開始食串燒之前，就先試下個啫啫雞煲。雞肉好嫩滑，又夠哂入味，醬料配埋芫茜、乾蔥、薑及蒜等等既配料真係好惹味。🎈蒜蓉生蠔(半打) $118蒜蓉生蠔雖然平時食唔少，但呢到既生蠔真係好好好大隻，加上蒜蓉既調味岩岩好唔會太鹹，好快就食哂半打啦，超正！🎈燒白鱔 $38終於輪到試串燒啦！第一碟上枱既係燒白鱔。白鱔切得好厚身，但估唔到係咁外脆內嫩，調味粉亦都唔會蓋過白鱔本身既鮮味，好好食！🎈烤墨魚咀 (2串) $32墨魚咀大大粒，烤得勁香口，而且肉質彈牙，用黎送酒一流！🎈扇貝 (兩隻) $56燒扇貝是蒜蓉口味，好大隻，有少少金菇一起燒，又嫩又鮮甜，兩隻都只係$56，真係好抵食！🎈竹蔗矛根水 (1榨) $38食咁多串燒真係會驚熱氣，所以叫咗1榨竹蔗矛根水飲下。估唔到係勁大榨，同埋好真材實料，食完串燒飲返杯清涼潤喉就岩。…查看更多

[超滿足麻辣火鍋放題✨]一向出名高質既任食火鍋放題 牛站（駅）麻辣火鍋終於係銅鑼灣開咗第一間分店啦，啱哂係港島區返工返學既人去食。餐廳就係地鐵站C出口附近既銅鑼灣廣場二期，超級方便同易搵。新店開張咗無幾耐，環境光線充足，而且座位夠闊落，坐得幾舒服。今次揀既SRF美國極黑和牛肩胛肉眼餐都只係$298/位，非常之抵食。首先湯底已經有十款湯底可以揀，今次揀咗鴛鴦鍋(+$48)香濃蕃茄豬骨鍋+龍蝦頭鍋，兩款湯底都各有特色，而且夠哂濃郁，用黎打邊爐已經好夠味道。除咗套餐主打既既SRF美國極黑和牛肩胛肉眼之外，仲有好多款其他肉類，包括美國安格斯牛板腱、手切封門柳、西班牙豬五花等高質肉類，亦都有青口、帆立貝同大蜆等等唔少海鮮既選擇。自助吧就有各款丸類、蔬菜既食物拎。仲有多款清酒、梅酒、白酒同埋真露燒酒任飲。🎈SRF美國極黑和牛肩胛肉眼牛味夠濃，油花肥美，肉味亦都相當突出。肉有相當厚度而且夠大塊，成餐飯encore得最多既肉之一！🎈美國安格斯牛板腱牛板腱肉質軟嫩但又有足夠油香，好食！🎈美國肩胛肉肉既味道出色，口感豐富！🎈乳鴿乳鴿又大隻又新鮮，加上係啱啱整好，所以送上黎既時候仲係熱辣辣，超級好食。因為都係任食，建議鐘意食乳鴿既不妨叫多幾隻。…查看更多

天氣開始凍，係食壽喜燒既好季節！上網搵銅鑼灣有一間性價比高既二人壽喜燒😍呢間居酒屋除咗壽喜燒，仲有好多唔同日本料理，每款都好吸引🥰今次揀左A5和牛壽喜燒，$880/2位，有晒前菜、刺身、時令生蠔、主食、甜品，抵食到爆！🎈自家漬蕃茄蕃茄仔十分新鮮，食落去好爽口，加埋自家製嘅醬料，味道酸甜，非常開胃！🎈時令生蠔2隻生蠔雖然唔算大隻，但係非常鮮甜，同埋Creamy😆🎈季節刺身四點刺身包括三文魚、赤蝦、帶子、油甘魚，每件刺身都十分厚身，三文魚肉質肥美，有濃郁既魚油香。赤蝦刺身味道鮮甜而濃郁，又肉質飽滿。帶子刺身。帶子的味道清新，帶有淡淡的海水味道，好食！油甘魚刺身肥美鮮甜！🎈野菜盛合入邊有野菜，鮮菌，豆腐同葛絲，🎈A5和牛西冷 、A5霜降和牛片、A5赤肉和牛片、日本豚梅片 呢個肉嘅拼盤，有齊晒三種和牛同埋豚肉，每樣肉類都好新鮮 。最好食係霜降和牛片，真正嘅入口即溶！肉質非常嫩滑！和牛西冷同赤肉和牛片相對脂肪比較少，食起嚟牛味濃郁，同壽喜燒嘅湯底十分配搭。🎈甜品朱古力雪糕窩夫，窩夫經過烘烤後，外層酥脆金黃，口感方面，窩夫的外層酥脆，內部就柔軟綿密，窩夫的酥脆與朱古力雪糕的濃郁完美融合，令人回味無窮。…查看更多

突然之間串燒癮起，臨放工即刻搵吓銅鑼灣有冇邊一間好食嘅串燒店，就搵到呢間主打日式串燒嘅居酒屋🤪呢間居酒屋除咗串燒，仲有好多唔同熟食，價格相宜。食完呢餐之後，店員話而家做緊優惠，俾咗一張$100 coupon，留待下次食滿$500就可以用，非常抵食！🎈前菜 $28前菜有不同蔬果條，例如青瓜條和紅蘿蔔條等等，店員推介配搭特製味噌醬食，好惹味。🎈厚切牛舌 $156/2串牛舌串肉質柔軟爽口，外層燒得香脆，充滿炭火嘅煙熏香味，令牛舌肉質散發濃郁牛香味。其次牛舌十分厚切，食落去啖啖肉，好滿足。🎈白鱔串燒 $88白鱔肉質鮮嫩，同時帶有一絲絲的彈性，非常爽口彈牙！🎈辛辣炸雞 $68炸雞表面有一層酥脆嘅炸皮，食起嚟爽脆嘅口感，而且又有香辣的味道。食落去，嫩滑既雞肉配辛辣既調味，非常惹味！🎈雜錦天婦羅 $128材料有炸蝦、番薯、菇、南瓜、茄子，外皮經過油炸，形成酥脆嘅質感，每樣食材都好新鮮，配搭着特製嘅蘸醬，口感好豐富！🎈海膽海鮮炒飯 $158份量十足！一個人應該未必食得晒，海膽味道濃郁，海鮮有蜆肉粒同埋墨魚粒，炒飯炒得好香口，撈埋海膽食一流。…查看更多

今次嚟到天后搵食，最近有朋友介紹呢一間酒屋一杯喜，指網上面見佢哋嘅食物亦都好吸引，好快手就book咗呢一間試吓。餐廳環境好有日本居酒屋風味，店員仲話不定時會有live Band添。🎈蟹肉蟹籽沙律$118份量超多，適合兩個人以上🎈川海老唐揚 $68係一道炸蝦料理，用上新鮮嘅蝦，炸到外皮金黃酥脆，之後食埋入邊嘅蝦肉，非常鮮甜，作為前菜同埋餸酒非常一流！🎈刺身盛盒五點 $268五點分別係吞拿魚、帆立貝、油甘魚、墨魚、赤蝦，每一件刺身都十分新鮮鮮甜，而且每一件都非常厚身，必嗌！🎈太卷$90太卷主要材料有玉子、蟹柳、蟹籽、青瓜絲，非常適合小朋友，玉子嘅煎熟程度剛剛好，口感綿密細膩，與其他食材非常配搭。🎈雞胸軟骨串燒$38超級爽脆！外皮有少許焦香，雞軟骨爽得黎好有咬口！🎈鹽燒牛舌串燒$58選用牛舌芯作串燒，牛舌肉質細膩多汁！而且十分厚身！🎈雞肝串燒$42雞肝味濃郁，質地結實，外酥內嫩。經過燒烤後滲出濃郁嘅烤香味，口味十足！🎈神秘炒飯$98大致上材料有雞蛋、豚肉、蔥、紅蘿蔔，炒飯炒得好香口，好惹味！🎈黑豚沖繩苦瓜炒蛋$78好少食苦瓜嘅我對呢味餸對呢個餸刮目相看！沖繩苦瓜相對地冇咁苦，而且仲好爽脆！配上豚肉同埋雞蛋，意外地好食！🎈日本威士忌梳打$68…查看更多

[任食烤榴槤乳鴿鮑魚清酒放題✨]再一次嚟到大喜屋食放題，原因只得一個！因為佢哋多咗任食烤榴槤同埋其他榴槤甜品！晚餐放題$278一位，可以有埋榴槤任食！地點相當近銅鑼灣地鐵站，餐廳自助吧嘅位置好大，有好多唔同熟食、飲品、甜品、前菜、海鮮冷盤、小食、仲有清酒任飲！相當多選擇！🎈 極品金枕頭榴槤燒作為榴槤控，當然食夠佢哋嘅烤榴槤！一啲都唔孤寒，每件都好大份，而且燒得非常香口，咬入口肉質超級軟滑，滿滿的榴槤香！因為燒香外皮，所以肉質非常甜，淨係食榴槤都食飽，大飽口福！🎈 鹽燒牛舌又是非常爽口，牛味超級突出，加上黑椒，非常惹味！🎈 皇牌燒乳鴿大喜屋嘅燒乳鴿一直都好鍾意食，完全不輸出面，外皮香脆，肉質嫩滑，絕對係encore之選！🎈 極尚花膠盛宴花膠真材實料，而且好大塊！🎈刺身：三文魚、油甘魚、甜蝦、赤蝦所有刺身都十分新鮮，三文魚切得厚身又大件，油甘魚亦都好鮮甜，甜蝦同赤蝦亦非常爽口。🎈花雕醉鮑魚鮑魚一啲都唔韌，而且超級入味，encore咗幾次！🎈鵝肝壽司鵝肝份量都算大，而且配埋醬汁超好食 ！味道：❤️❤️❤️❤️🤍環境：❤️❤️❤️❤️🤍價錢：❤️❤️❤️❤️🤍…查看更多

[ 正宗韓式燒烤放題店✨]今次嚟到北角搵食！日式燒烤食得多，今次想搵吓正宗嘅韓燒烤，於是搵到呢間老字號正宗韓燒高麗軒，晚餐有放題任食，最平7:30前埋單$228一位，又可以加$38升級菜式 ，可以有埋海鮮任食，見價錢合理，而且有多種肉類選擇決定試吓！餐廳裝修好有特色，佈置得好似韓屋，打卡一流。今次我哋一行二人，分別都升級咗放題套餐，用QR code落單，飲品同埋雪糕就可以出去出邊攞。🎈 肉類：加拿大prime雪花牛、加拿大3A雪花牛、牛舌、肥牛、五花腩、牛仔骨、肉眼扒、特級牛頸肉、豬頸肉。個人最鍾意係加拿大雪花牛同牛舌，雪花牛肥瘦均勻，而且佈滿雪花，好食！牛頸肉味道也不錯，牛味好突出，而且一點也不韌。牛舌亦非常爽口。肉類有得揀半份或者全份，啱晒啲咩都想試嘅我🤣🎈 海鮮:帆立貝、帶子估唔到佢哋嘅帆立貝同帶子都唔算細隻，帆立貝同埋帶子上面會鋪滿醬料同埋蒜蓉，燒嘅時候相當惹味！兩款都非常新鮮。🎈 紅炆牛肋骨上到枱真係哇咗一聲，因為份量超足！牛肋骨炆得好入味，而且都有成四至五嚿，每舊都好大嚿🤣🤣而且牛肋骨炆得好腍，啱晒老人家食！🎈熟食：牛肋骨湯、韓式炒粉絲牛肋骨湯清清地好好味，亦都估唔到入邊好多料，有豬骨粉、粉絲、蛋花等等，啱晒食完熱氣嘢之後飲。另外韓式炒粉絲亦相當出色，粉絲好入味，而且每條粉絲唔會黐住一嚿嚿，條條分明，食落去好彈牙！…查看更多

今日又係銅鑼灣搵好野食！係SOGO附近搵到一間日式居酒屋餐廳。主打各種款式既卷物。餐廳用咗木系裝潢，設計簡約，但係令人感覺好舒適。主餐牌有好多選擇，包括前菜沙律，刺身壽司，特色卷物，鍋物，天婦羅，燒物，串燒，飯麵類等等。琦玉網燒牛舌 $78牛舌真係必食！師傅燒牛舌既熟度燒得啱啱好，夠哂熱辣辣，口感彈牙又有好多肉汁，加埋特色既調味醬真係想不停咁食。日式章魚小丸子 $48小丸子既size幾好，唔會太大或太細粒。表面鋪滿咗紫菜同木魚碎，而且調味適中，相當唔錯。蜘蛛 $103呢款卷物淨係聽個名都夠哂特色啦。餡料有炸軟殼蟹、青瓜、牛油果同埋蟹柳。大大件既炸軟殼蟹插在壽司中間，非常搶眼，口感同味道都好有層次。壽司薄餅 (辣味三文魚) $108今次係第一次試壽司薄餅，估唔到係咁好食！最底既圓形飯餅煎得夠香脆，上面就鋪滿好多三文魚粒，配上辣醬非常惹味可口，切開6塊之後真係好似pizza，食落卜卜脆，真係好好味。…查看更多

之前同朋友試過喺銅鑼灣Zing!大廈食飯，臨走見到呢一間餐廳嘅招牌，就已經一直好想試，難得放假就約朋友試吓佢哋嘅lunch ，餐廳空間感好大，坐落亦十分舒服，另外餐廳都有戶外位置，不過當日落雨就睇唔到出邊嘅環境。原來餐廳主打海膽嘅菜式，而且都有好多唔同食物嘅選擇，好豐富！🎈前菜好特別前菜唔係用沙律，而係切開左一條條嘅蔬菜，再點特製嘅醬，呢個醬係由牛奶混合沙甸魚多春魚，所以鹹香味十足，好特別！🎈 蒲燒鰻魚二重丼上枱嘅時候有少少嚇親！超級大條嘅鰻魚！份量超夠！紅燒象嘅味道同鰻魚肉嘅鮮嫩完美融合，令人不停一啖接一啖！🎈 精選串燒六款配白飯包括有豚肉秋葵卷中、紫蘇葉雞柳串、大蔥雞肉串等等，用串燒配白飲都幾特別，可以一次過滿足六個願望😂🎈 吉列炸蠔2件蠔肉鮮嫩多汁，金黃色嘅外皮炸得非常酥脆。🎈 海鮮茶碗蒸茶碗蒸三文魚，魚皮有燒過，所以好香魚油味。茶碗蒸亦都好滑，好鮮甜。🎈 Love Fire重荔枝味，而且仲有少少菠蘿汁嘅味道，酸酸甜甜，十分解渴。🎈海膽雪糕好搞笑，真係好似食緊海膽咁，味道超似，海膽粒值得一試！🎈日本抹茶雪糕茶和奶的比例剛剛好，不會太苦，好食！…查看更多

早前去過旺角嗰間牛站，已經覺得比起其他台灣放題出色，於是今日出去觀塘見有分店，即刻預約！今次揀咗晚市成人$288 SRG肩胛肉眼放題。觀塘分店位置空間好大，座位亦都唔會覺得好迫，店員好好安排咗一個比較近自助區嘅位置俾我哋，拎嘢食十分方便，自助區同之前旺角分店一樣，都係十分之多配菜、甜品、飲品、雪糕、前菜、熟食等等。不過呢間分店因為暫時未有酒牌，所以就冇啤酒任飲。🎈 乳鴿因為一次只可以叫兩隻，所以我哋Encore咗好多次！因為真係超級好食，外皮係超脆，咬落去勁多汁，多到咇出嚟，肉質亦都相當好味，唔會太鹹。🎈 SRF美國極黑和牛每一片牛好大塊，而且油脂均勻，好快616就食得，口感相當軟，牛味夠重，必點！🎈海鮮: 鮑魚、沙白、水魷魚鮑魚非常爽滑彈牙、好有鮮味。沙白好鮮甜，而且尚算大隻。水魷魚肉質非常有彈性。🎈麻辣小龍蝦辣味同埋麻味剛剛好，小龍蝦肉質唔會太鞋，好厚實，而且食完冇肚痛！🎈手打墨魚滑非常彈牙細軟，質感滑嫩，而且充滿墨魚的香氣和鮮味。…查看更多

平時喺銅鑼灣返工，放工嘅時候都會經過呢一間居酒屋，而每次眼見都會有好多人等位，今次難得早收工就一於試吓呢一間人氣居酒屋。最近做緊優惠happy hour時段，飲品和酒類飲品都有七折優惠，超級抵！🎈 Lychee Frozen 重荔枝味，賣相好靚，打卡一流，好解膩😍🎈 Suntory Premiu 50/50係一半白啤一半黑啤，好特別！而且好大杯！🎈 特上牛肉串燒盛合$188包括有日本產霜降A4和牛串、牛肉金菇卷串、厚切牛舌串、牛肉壽喜燒串、秋葵串。特別鍾意和牛串同埋牛舌串，和牛牛粒非常嫩，沒有根，而且調味不錯。牛舌串也非常爽口。一款有晒五種唔同味道嘅牛肉串燒，好抵食，同朋友share一流。🎈 鰻魚4點盛合$188呢款盛盒亦都好特別，有齊晒4種鰻魚的不同特色料理，有鰻魚加州卷、原條鰻魚、鰻魚壽司、鰻魚玉子燒。🎈 日本產稻降A4和牛壽喜燒火鍋$278湯底濃郁，而且多料！有豆腐、牛舌粒、蔬菜、菇等等。A4和牛亦都好嫩，放入湯底好入味！…查看更多

最近突然有鋪omakase既癮，於是搵到呢一間位於尖沙咀既鮨燐，店舖面積都算大，坐得舒服。晚餐分別有三個價錢，今次就揀咗中間嗰個$1680，分別有前菜，七款刺身，熱食，六款壽司，湯和甜品。前菜🎈蝦啫喱 配枝豆蕃茄好特別！啫喱好Q彈，亦都有蝦嘅鮮甜味，意外地好食！枝豆亦十分新鮮，豆粒非常爽口。刺身🎈鮫碟魚有4卷，師傅將魚邊燒香，再用鮫碟魚嘅薄切包住中間嘅魚邊，食落去好香口，魚質非常爽甜！🎈北海道紫海膽 味道清甜，而且🎈鹿兒島間八係上腩位置，肉質爽硬三星 肥身 胡椒 油身🎈北海道昆布森蠔 蠔質Creamy又大隻，唔腥，配上柚子皮同酸柑油，好清新！🎈bb銀雪魚 銀雪魚肉質鮮嫩，口感細膩，有著淡淡既鮮甜味同濃郁魚香。配上麵豉醋、紫蘇葉更鮮甜。🎈慢煮鮟鱇魚肝超好食，好軟滑好cream! 魚肝柔軟，味道濃郁，帶有濃厚的香味！🎈竹炭鹽長崎縣中拖 中拖完全入口即溶，油脂冇大拖咁重，又能保持原有魚油香，恰到好處，配上竹炭鹽好好味。🎈吞拿魚腦天即係呑拿魚頭頂既額頭，好珍貴，因一條魚得2片。因魚味好濃且油感重，夾住紫菜食一流，解油膩感。肉質超嫩滑！魚油充斥口腔！熱食🎈吉列香魚 入面夾住紫蘇葉，食落去好香口。🎈麵豉湯壽司🎈石垣貝肉質鮮甜而彈牙，口感極為細膩，帶有一絲絲的韌度，但都容易咬。🎈白蝦好黏滑同鮮甜，好特別！🎈深海池魚味道算濃而且肉質軟綿，油份十足。🎈希靈魚夠肥美和新鮮！🎈北海道白海膽金黃色嘅白海膽😍相比起紫海膽覺得白海膽未到更濃郁，而且更香甜creamy，用紫菜夾住嚟食，非常滋味。🎈赤睦魚肉質緊實，帶有鮮美的味道和魚香。🎈抹茶奶凍配上黑豆，抹茶奶凍香滑，奶味濃，不會太甜，不錯。…查看更多

一提起台灣食滷味既餐廳，相信好多人第一時間都會諗起台北師大夜市既燈籠滷味啦。自從係2020年頭黎咗香港開分店之後，排隊既人流不絕，所以一直都未有機會食到。今日黎到銅鑼灣，就決定去試下啦。餐廳既位置係登龍街，好近時代廣場。雖然附近有好多間餐廳，不過一行到附近就已經聞到係燈籠滷味飄出黎好香既香料味道，未食就已經流哂口水啦。餐龐祖傳既滷湯係由台灣直送既湯底配方，由幾十種中藥材熬製而成，所以味道特別濃厚。除咗有二人餐之外，仲可以係接近40種配料當中自由配搭，真係應有盡有。🎈自選王子麵 叫左蜂巢牛肚、雞翼、大腸、白蘿蔔、杏鮑菇、百頁豆腐、鵪鶉蛋7樣配菜。湯底唔會太鹹，麵質亦都唔會太淋。蜂巢牛肚質地彈牙，有濃郁既牛味。雞翼肉質鮮嫩多汁。大腸口感爽脆。白蘿蔔好入味。杏鮑菇唔會太硬，而且大件。百頁豆腐質地軟淋，重豆味。鵪鶉蛋有3粒，重蛋香果。王子麵質地彈牙，同湯底好夾。🎈Shake Shake海苔鹽酥雞店員會俾一個紙袋，同埋一小碗嘅海苔，可以自行調味和shake。雞粒炸得金黃酥脆，而且咬下第一口啖，就感受到鬆軟多汁既雞肉，配上微微的鹽味和海苔，超有口感！🎈黑糖珍珠奶茶上枱已經聞到濃郁既茶香同豐富既奶味。奶茶既口感柔順，黑糖既甜味剛剛好唔會太甜，珍珠亦非常有咬口。🎈冬瓜極薑檸蜜梳打重味道清爽，十分解渴。🎈 燈籠雙芋紫薯和地瓜兩種芋頭作為主要芋圓。兩款芋圓質地煙靭，非常有咬口。配上黑糖珍珠、涼粉、紅豆增添左豐富既口感。呢啲配料既甜味，與芋圓既濃郁味道相互融合，有驚喜！…查看更多

上次打完邊爐無幾耐，好快心思思又想打多次。今日一於又係旺角搵下有冇其他好食既打邊爐放題。今次呢間真係不得了！餐廳係創興廣場2樓，係油麻地站或者旺角站行過去都一樣咁方便。因為係二樓，所以係創興廣場搭兩層扶手電梯就到啦。呢間餐廳提供咗三個唔同價位既放題選擇，平日既晚市時間每位成人最貴都只係$338，但就已經任食極上牛小排、SPF美國極黑和牛片等等既靚牛，仲有好多種唔同既肉類、海鮮同熟食等等，最估唔到既係連乳鴿都係任食，真係第到都搵唔到！餐廳既座位都算好闊落，坐得幾舒服。主要既食物可以用手機掃QR code落單，另外自助吧都有好多唔同既食物可以拎，其中最特別既就係有麻辣小龍蝦，夠哂入味，亦都辣得好過癮。飲品方面，除咗常見既款式之外，仲有珍珠奶茶、各款果汁，連清酒、梅酒、啤酒等等都係任飲！甜品既款式都有唔少，仲有Häagen-Dazs雪糕都係任食，超級正！最貼心既係餐廳仲會提供一次性手套同圍兜，咁就唔驚食到整污糟件衫啦。🎈美國極黑和牛SRF肉纖維緊密而細膩，超滑嫩，口感柔軟細膩，幾乎唔需要點樣用力咬。它脂肪分布均勻，牛味濃郁，肉和脂肪的完美平衡！🎈美國安格斯牛板腱肉質纖維結構緊密而綿軟，帶有一定的彈性和嚼勁，並且脂肪分布均勻。有一定既肉汁。🎈澳洲M5和牛肉質纖維極為細嫩，入口即溶！🎈特上牛小排肉質鮮嫩多汁，充滿了原汁原味的牛肉香氣。🎈乳鴿乳鴿雖然一份唔係好大隻，但可以不斷encore。乳鴿的油脂均勻，食落去唔會好鞋，而且滷得好入味。…查看更多

經開旺角行過見到呢一間串燒店好多人排隊，見Menu嘅款式亦都好多，一於試吓！🎈蒜蓉燒扇貝 $118扇貝上舖上蒜蓉及醬汁，十分惹味！扇貝燒得剛剛好，肉質保持了柔軟既口感。而且每一隻扇貝都十分分厚身同埋大隻！好抵食！🎈厚燒玉子 $22玉子既味道柔滑而綿密，口感非常嫩滑。玉子表面稍微炙烤，增添左一層微焦既口感。推介！🎈鹽燒牛舌串 $30牛舌本身肉質鮮嫩有彈性，經過燒烤後，外表稍微焦香，內部依然保持了肉汁和韌度。牛舌的味道濃郁而有層次感，肉質細軟且帶有一點點嚼勁。🎈牛柳串 $22牛肉質地嫩滑，多汁！🎈燒雞全翼 $22@雞翼外皮酥脆，呈金黃色，內部肉質鮮嫩多汁，帶有少少既辣味。🎈豬頸肉串 $20豬頸肉質柔軟，口感多汁。豬肉帶有少許油脂香味，韌度適中。🎈泰式燒豚肉 $42份量十足，豬肉外皮酥脆，泰式醬汁有甜味和微酸的風味。🎈燒鴨舌串 $26鴨舌質地鮮嫩，口感細軟且多汁，外皮稍微焦香，好好食！🎈燒日本芝士年糕 $26芝士年糕口感綿密，Q彈既咬感。年糕經過燒烤處理後，外層有微焦的口感，內部既芝士融化係嘴入面，帶來濃郁的奶香和芝士味道。🎈燒日本鯖魚$48鯖魚經過燒烤後，外表呈現金黃色，散發肉質鮮嫩多汁，口感結實卻不失柔軟。鯖魚的味道非常濃郁，帶有一種淡淡的鹹香味，但又不至於太鹹，又有淡淡的魚油香味，令口感更加豐富。🎈燒乳鴿 $88乳鴿外皮微微酥脆，乳鴿的肉很嫩，非常豐富多汁。🎈蒜蓉燒蠔$72蠔肉飽滿，上面更鋪滿了一層蒜蓉。蠔肉本身鮮嫩多汁，本身帶有一種鮮甜的味道，與蒜蓉既味道完美結合，口感豐富，味道鮮美。🎈芝士煙肉焗大啡菇 $50大啡菇好多汁香濃，帶有菇香味。煙肉既鹹香和芝士已濃郁味道完美融合，帶來了豐富的口感和美味。🎈牛舌芯串$48店内新品，牛舌芯肉質鮮嫩細軟，重牛味。牛舌芯外皮稍微焦香，肉質鮮美，好爽口。…查看更多