yyykeke的個人專頁

Kawa $1680比另一個套餐多幾度菜, 同多左蟹有前菜- 蟹膏豆腐, 水母大量刺身, 壽司- 好新鮮, 好味道, 如果鍾意刺身嘅朋友, 推介黎呢間!生蠔- 鮮甜Kawa 套餐是包括蟹👍🏻👍🏻不過份量唔多, 唔夠喉🙊燒魚- 好香, 魚嘅油脂夠香👍🏻因6點半到達, 時間較早, 只有我地一檯客,師傅只需製作我地嘅食物,其後愈黎愈多客, 每次食完一樣野, 都要等好耐先有下一道菜🙈確實有d 難熬, 希望餐廳可改善.另外師傅都比較被動, 介紹食物只得一兩句, 亦講得較快較細聲🙈食物相片未能盡錄🙏🏻如果想多試多d 唔同款式嘅食物, 就唔建議黎呢間啦!…查看更多

叫左以下幾道菜:Lobster Pot Pie龍蝦批, 不是一般的批, 是焗麵包, 下面有龍蝦放喺下面,龍蝦味濃, 醬汁像龍蝦濃湯.Lancashire HotPot羊肉熱盤是手撕羊肉, 味道香濃!主菜Beef Wellington會先上原個Beef wellinton 俾客人查看同影相不論是否4個人, 一件Beef wellington 都會分成4份, 配有薯蓉, 薯蓉好滑👍🏻beef wellngton 無咩mustard 味, 酥皮都鬆散的, 難以將整件牛夾到餐碟上牛肉味濃但整體一般餐廳整體表現無食評寫得咁好, 可能係我期望太高.開頭以為餐廳係fine dining 咁, 原來餐廳風格比較casual. 而食物選擇亦唔多, 有點難揀🙈服務係唔錯嘅, waiter 會介紹menu,但係仍唔夠細心🙈…查看更多

因個人理由, 近排每逢星期五都會黎食晚飯.Dinner menu, 咁多個星期都係無變過嫁,對住我呢個忠實fans 黎講, 真係好慘🙈Dinner 加~$35 做set包括餐包, 湯, 冰茶餐包:每次都係sour dough 同一件較硬較乾嘅法包就咁食就唔好食, 點落餐湯度食, 就唔錯😃麵包係室溫, 個人覺得一般, 希望可加熱如果menu 無得換得咁密, 咁餐包款式可唔可以換下?🙈餐湯:有南瓜湯, 甘筍湯, 蘑菇湯, 飲得出係新鮮blend 出黎嘅濃湯, 好飲👍🏻主菜:蟹肉扭扭粉蕃茄醬濃味, 扭扭粉煮得彈牙, 食到有蟹肉, 但食到尾, 覺得好寡, 可試下加多d 配料冬陰功海鮮飯冬陰功味濃, 啱鍾意食辣嘅朋友海鮮配料多推介👍🏻雞肉漢堡雞肉好乾, 千祈唔好揀!!薯條有落辣粉, 好味道!beef burger with avocado牛肉唔乾, 加埋牛油果醬, 味道豐富,但size 好大, 細食嘅朋友, 可能食唔晒!希望快d 轉新菜式啦😬😬…查看更多

平日晚餐時間, 預先book 位, 一黎到餐廳, 得一檯客人, 有d 嚇親.坐卡位, 但唔會落簾的叫左一個套餐, 組waitress 推介加400蚊加大隻蒸蟹.食到中途, 所有卡位都坐滿了👍🏻沙律:配有牛蒡同螢光魷魚👍🏻刺身:新鮮好味蒸蛋:蛋好滑, 蟹味唔夠蒸蟹 (加大):蟹味唔算濃,有肉, 但唔算多,要自己拆蟹殼, 比唔上日本食蟹餐廳嘅細心,所以扣分烤蟹腳:份量不多, 到喉唔到肺🥺🥺天婦羅:有蝦, 蟹腳天婦羅炸漿做得唔錯釜飯 加 湯:味道普通,不及日本當地的釜飯🥺是日慶祝生日,套餐嘅甜品寫上happy birthday 朱古力字👍🏻總括黎講, 整餐飯質素尚可, 但遠不及喺日本食蟹嘅滋味, 同埋餐廳嘅服務.套餐約~$2000, 期望會有更好嘅服務!食過一次, 應該唔會再黎😆…查看更多

地點: fortnum and mason 零售店上一層行完樓梯已經喘氣😪燈光昏暗, 配埋d 傢俬, 好有英倫風格👍🏻晚餐配海景🤩但略嫌有d 嘈🙈order 左兩個set dinner有餐前麵包, sour dough 配 牛油前菜:藍芝士tart, 配蘋果, 柑沙律cheese tart 味濃, 聞落確實有點難接受, 但食落味濃, 配有蕃茄, 味道夾, tart 底酥脆👍🏻沙律味道酸酸, 好開胃前菜: 帶子配有蛋黃醬, 係咖哩味,旁邊配左d 飯, 食落唔單調, 味道口感都豐富.主菜:fish pie薯蓉配有魚肉, 配有他他醬加青口同煙肉碎,fish pie 味淡, 配香濃嘅醬, 味道好夾.主菜:龍蝦risotto 龍蝦肉爽彈👍🏻甜品:chocolate croissant pudding with caramel banana開頭怕好甜, 但食落都唔會因為食到甜品已經好飽啦如果太甜就食唔落lu!最後成個KO!甜品:bakewell tart with vanilla ice cream杏仁tart, 味道不錯vanilla ice cream 是有雲尼拿籽的, 味道真實👍🏻喺openrice book 有mark 係慶祝紀念日,餐廳特意送上寫有朱古力字嘅brownie 😍👍🏻服務一流, waiter 會詳細介紹menu, 又會介紹每度菜.推介俾閏蜜聚會/ 慶祝節日👍🏻…查看更多

平日5點半, 唔洗等位, 直入(第二次黎, 上次黎係weekend 中午, 多人d)先喺門口買野食, 再入座叫左Hojicha Cream Roll $42見佢喺雪櫃拎出黎俾完錢, 要自己喺門口拎舊蛋糕入餐廳, 感覺好怪😂拎左個號碼牌, for 杯飲品嘅,因為客人唔多, 一坐低, 飲品都到啦叫左杯Matcha Latte (no cream) $50賣相普通😅味道唔錯!但50蚊偏貴~而個蛋糕, 口感好硬😅但食食下就軟, 應該係雪耐左,建議餐廳可提醒食客最佳食用時間.硬嘅蛋糕, 加上木嘅叉, 個feel真係好差😅😅好硬好鞋好乾🙈希望可以換一換d 餐具😊…查看更多

好興奮開左, 見門口只有一檯人等緊, 所以決定排隊試下!排隊位置好焗好熱, 希望可以改善!等左大約10分鐘, 就可入座.叫左一個牛油果蝦pancake:牛油果醬配蝦, 好match!加蕃茄同菜, 好fresh.重點pancake 好鬆軟, 重蛋香, 唔會痴口, 好食!配有薯條, 簡直無得頂!夏威夷果仁pancake:果仁有咬口, 配上香奶味嘅cream,同pancake 一齊食,味道好夾!排10幾分鐘, 就食到咁好味嘅pancake, 推介🤩🤩留意: 試業期間只收現金.…查看更多

星期日2點黎到如心廣場食lunch,見到鮨樂唔洗排隊, 星期日都有午市套餐, 所以就揀呢間!reception 服務幾好, 有禮, 會問客人點稱呼, 會介紹餐牌, 亦會提供口罩套, 服務加分👍🏻叫左兩個set lunch, 每個set lunch 都有沙律同埋湯.1. 冷烏冬餐:冷烏冬配有醬汁, 烏冬較幼身, 彈牙👍🏻 烏冬夠凍, 好食.壽司拼盤有8件, 刺身新鮮, 有油香, 好食.壽司飯係啡黃色, 已作調味, 幾特別.size 細細件, 不錯.2. 壽司拼盤:朋友食呢個壽司拼盤, 性價比高, 唔洗200蚊, 有不同種類嘅刺身👍🏻2個人, 埋單300幾蚊.…查看更多

第一次黎, 裝修幾靚, 又舒服,人流唔多, 唔焗促, 啱同朋友傾計食飯.坐低一陣, 揀緊野食, waitress 就遞上麵包俾我地揀.我揀左香草意式包, 朋友揀左一款酥餅, 酥脆度高👍🏻前菜: 鵝肝蘑菇撻蛋黃醬配上蘑菇同鵝肝, 底層仲有酥皮, 味道好夾, 口感豐富!side dish:mixed salad- $60單調左d🙈主菜:小米龍蝦飯內有兩件龍蝦肉, 肉夠爽彈👍🏻配有ham 同蛋, 令到個飯好香!飯嘅口感彈牙!肉:味噌神戶牛有兩件牛, 肉好嫩滑👍🏻配有薯菜, 不錯.飲品:叫左兩杯steampunk tea 蒸氣茶黑橙: 朱古力 橙香茅薑: 薑 香茅是有調味嘅茶, 可一試共~$1000, ae 白金信用咭有6折, 折實~$720 .唯一問題:是日上菜速度好慢, 等左好耐先上前菜, 食晒, 又等左好耐, 先有第一碟主菜, 之後又要等... 在場食客不多, 希望可改善.…查看更多

今晚想食潮汕牛火鍋, 諗起朋友介紹呢間, 所以即日打黎book 檯, 成功book 到😁book 左7點, 6點55分黎到, 成個場都無人, 有d 驚😂火鍋湯底可選一人一鍋/ 大鍋, 一人一鍋每個大約45~70蚊, 用檯面的電磁爐, 大鍋每個大約250蚊, 大鍋兩款湯要加30蚊, 用gas 爐,咁我地決定揀一人一鍋, 可揀自己嘅口味, 又衛生😊揀左桃膠烏雞湯同或者參花膠雞湯,味道清淡, 雖不及台式鍋嘅香濃, 但湯料果醬足!~到大約7點半, 好多book 左檯嘅食客都到了, 原來唔係無客, 只係大家都較遲食晚飯!叫左中size 嘅牛頸脊, 份量都好多😆好香濃嘅牛肉味! 正!口感適中, 第一次黎試嘅, 推介👍🏻仲叫左蓮藕,脆魚片: 新鮮, 不錯牛喉嚨: 好重香料味, 口感是肉連帶軟骨, 好爽脆!黑柏葉: 爽五寶丸: 牛丸(鮮牛肉, 味濃), 蝦丸(味道香濃), 墨魚丸(美孚般), 鯪魚丸(好普通), 梅花豬肉丸(好味道!)2人, 6碟菜, 1支天地一號, 醬汁要收費, 埋單1000蚊, 推介😬👍🏻👍🏻👍🏻…查看更多

一人晚餐包括前菜, 主菜, side dish, 甜品, 飲品前菜: 水牛雞翼味道香辣好味!side dish: 蕃薯條感覺係翻炸過較硬較黃但味道不差主菜: 牛扒需加錢包括三色薯蓉蕃蓉, 紅菜頭蓉, 南瓜蓉紅菜頭蓉: 味道好淡好青, 唔係人人都適合!😣牛扒味道香濃口感不錯飲品:熱朱古力需加錢甜品:waffle 配雪糕雪糕味道只可揀vanilla /朱古力我見menu 上有芝麻, 但無得揀waffle 好味! 表面香脆, 內裏軟熟, 蛋香味濃!朋友只點左飲品兩個人已經夠食共$300多推介晚餐愛吃甜品嘅朋友👍🏻👍🏻…查看更多

一直好想試寬巷子知道有大海景又有好多明星推介今日平日放工時間喺無訂位嘅情況下竟然可以食到但就無得坐海景檯唔係好睇到海景!望入去, 個海景都唔算太大, 無想像中咁靚!湯底: 花膠雞湯味道香濃雞好味, 新鮮但花膠只有兩小件, 好失望枝仔冰:好新奇!原來是粉皮包住豬肉感覺好似點心雞絲粉皮牛扎糖:其實是墨魚丸,無咩特別溫體牛:牛味香濃好食! 推介!毛肚:好爽脆, 推介!以上係兩人分量, 每人大約$500-$600.性價比低!…查看更多

昨晚去左同一餐廳晚飯, 今早stsycation 包早餐, 都係喺holts cafe 享用每人揀一款主菜, 兩款配菜, 一杯飲品.waiter 仲問要唔要juice, 好貼心.等緊主菜期間, 出去自助區拎野食, 有好多pastry, 麵包, 好靚呀🤩好吸引!仲有乳酪.我揀左西式早餐, 要egg benedict, 蘑菇, 茄汁豆, egg benedict 做得幾靚, 配有波菜👍🏻朋友揀中式, 要鮑魚粥, 燒賣, 蘿蔔糕, 點心味道一流👍🏻2杯咖啡, 普普通通我地仲拎左麵包, 蛋糕, 煙三文魚, granola, 水果杯, 好精緻.蛋糕不話過不失, 可以省卻.食到好飽呀☺️☺️☺️…查看更多

staycation 包左3道菜嘅晚餐order 後, 送上餐前麵包, 其中一款好硬👎🏻 只提供牛油, 無olive oil加醋😔前菜我揀左水牛芝士, 份量好足, 奶味好香濃, 非常好味!朋友揀左煙三文魚朋友前菜揀左豬扒, 係有骨豬扒, 肉質鮮嫩👍🏻主菜我揀左牛面脥配豆同薯蓉, 牛面脥煮到好軟, 好入味, 薯蓉好smooth, 正👍🏻waiter 突然拎左兩件餅俾我地, 無問過我地口味嘅喜好, 又無得選擇口味, 感覺唔夠細心. berry 同無花果我都唔鍾意食🙈😣整體食物不錯, 環境昏暗優美, 但服務唔夠貼心.…查看更多

好難book 位! 試過月頭1號上官網book, 準時登入都book 唔到!因為staycation, email 俾酒店book 位, 先有幸book 到下午1點鐘 (好早🤣係lunch 先啱!) 好期待呀!同行2人被安排到窗邊, 坐唔到signature 嘅貝殼梳化位🙈 窗外毫無景色, 係酒店門口嘅停車處, 好多車遮擋陽光, 加上燈光較暗, 影相顏色唔係好靚🙈waiter 見我地揀茶, 都主動黎介紹. 經介紹下, 揀左choco truffle tea, 聞落好重朱古力香, 飲落就無乜. 屬於濃茶, 如果要清茶嘅, 就唔適合.服務好好, 茶一黎到會主動斟茶, 不停refill 熱茶. 去過不同酒店, 呢間服務最好!第一道菜: 雞肉蘑菇松露酥盒. 建議要熱食. 味道好香, 食到松露嘅味道👍🏻waitress 放低三文治時, 冷笑左一下, 好奇怪! 原來係青瓜三文治上面嘅walnut 跌左🤣 waitress 之後都細心介紹每一款口味! book 檯時提到同行友人有食物敏感, waitress 都主動提起, 可放心食用. 之後就有鬆餅, 分別有原味同提子乾味, 配搭嘅醬就有橙皮jam, 藍莓jam 同clotted cream. waiter 有提到可refill😁 個人覺得鬆餅好鬆, 唔會痴口, 好味道!!!! 橙皮jam 真係好好味!!!!!👍🏻👍🏻好味過多間酒店!waiter 見我地的咸點食到7788, 就推左朱古力trolley 過黎, waiter 有再提到, 蛋糕不含致敏成份, 叫同行友人可安心食. 咁我地每款要左一件.mousse: 好滑, 上面嘅脆脆好香口;白朱古力: 內有nuts, 但個人認為白朱古力較甜同無咁香, 如果有其他味道就好😊;香蕉朱古力蛋糕: 好香香蕉味!! 好好食呀!!;朱古力磅蛋糕: 味道唔錯, 但黎到呢一刻已經好飽, 食唔晒lu;同埋canele: 平日較少食, 唔習慣呢個口味🙈突然waiter 話松露碎蛋三文治有引起朋友敏感嘅材料!! 好彩未食🤣 waiter 話可以俾返一件另一口味嘅三文治我地. 哈哈, 剛剛以為佢地好細心, 原來擺烏龍😅😅最後推埋pastry trolley 過黎, 好吸睛呀! 除左raspberry tart 無要(因為昨晚晚飯食左), 其他每款一件.有最signature 嘅拿破崙: 味道真係好好! 酥皮酥脆酥香! 👍🏻 但係太飽, 只食到一件😭;new york cheesecake: 好味, 味道適中!Madeleine: 好香檸檬味, 口感唔會乾.士多啤梨蛋糕: 唔好睇佢個樣咁平凡, 其實佢個海棉蛋糕做得好軟身👍🏻推介!實在太飽, 所有野都無refill. waiter 都問左我地兩次要唔要refill😁 我建議大家空肚黎食!!! 雖然食材同埋食物種類唔太特別, 但整體黎講係好好, 推介大家黎!…查看更多