fannyloveblue的個人專頁

早兩日開始在尖沙咀周圍找餐廳和朋友晚飯慶祝生日.找了很多間, 終於決定試試泰園一來有網上訂座, 二來又不限用餐時間.餐廳位於金馬倫道的中間位置, 坐地鐵或火車都一樣方便!我們5人, 餐廳安排了卡位.  內裡環境簡單舒適, 客人不少, 但座位很寬敞!點了柚子沙律沙律的柚子清香先甜, 配上泰色蝦乾花生及秘製醬汁, 非常開胃!泰式酸辣鳯爪 鳯爪爽脆, 醬汁味道適中, 不錯!生蝦刺身蝦肉很厚身, 而且雪得很夠涷, 配上辣辣的醬汁, 實在唔叫多碟都對唔住自己!冬陰工湯材料很多, 有蝦(新鮮到爆), 青口, 魷魚, 草菇湯不是很辣, 椰汁味較重, 喝下去又是停不了口.  適合不太吃得辣的朋友, 如想吃更辣, 應該可以要求加辣.生菜包這個雖然不突出, 但味道足夠合格有餘!泰式大蝦呢個個汁超好味, 即刻要叫蒜蓉包來配個醬一起食.  而且蝦的份量不少, 有4-5隻.  甜甜辣辣的!我們還點了咸肉炒椰菜苗和炒金邊粉.  來不及影相就KO 了!整體而言, 這裡環境不錯, 食物質素性價比高.  最難能可貴的時侍應服務態度很好, 不輪是接電話的姐姐, 落單的四眼哥哥, 執枱的姐姐都有笑容有禮貌!不次一定要試下佢地逢星期六日的BRUNCH!!! …查看更多

朋友是綠茶控，為咗陪佢，極怕排隊的我只好捨命陪君子。看了網上食評後，得出排隊最佳策略。發現原來OPENRICE 仲未UPDATE 中村藤吉店的營業時間，他們現在是晚上十點才關門喔！但好多人都唔知，我地一星期內，一次下午去，一次晚上去。想下午食，最好先上去落票，逛吓街回來就有位。晚上來，就WALK-IN 等一會就有位。18樓的境觀真是沒話說，下午來吃就有一種很舒坦的感覺。 晚上來吃就有一種特別甜蜜的感覺！當然也要介紹吓”丸十芭菲”。多層的配搭，放入口即時換醒各部份的味蕾. 綠茶芭菲比培茶芭菲甜，但兩者吃下去都充滿甜蜜及滿足感. 那些啫喱都有淡淡回甘的味道，而且內裡的丸子及紅豆更是一吃難忘。店員的服務親切有禮，好耐未去過一間咁令人舒服的餐廳了！我諗我有少少鍾意咗佢------>”中村藤吉”……HAHA…查看更多

要說去長洲最大的目的，其實只為了一碗麵。正確點來說，是一碗沙嗲肥牛鴛鴦米。唓! 一碗沙嗲肥牛鴛鴦米有幾巴閉啊! 我知你個心一定係咁諗 (一定係，除非唔係!哈哈)呢碗沙嗲肥牛米並唔係一般茶餐廳的沙嗲肥牛而令我終日念念不忘的沙嗲肥牛係咁樣的:佢呢個湯底就好似我地平時打邊爐的沙嗲湯底濃縮版本，佢望落去好似好杰咁，但唔駛擔心，食落去一D 都唔油膩。每一啖米粉都索哂呢個又香又滑的湯汁，沙嗲味濃又不蓋花生的香，愈食愈停不了口。呢個湯底再配埋肥牛簡直係絕配，揀麵底的時候如果識揀的梗係揀「鴛鴦米」－即係粉絲+米粉。唔好話我知你唔知道沙嗲+肥牛+粉絲一齊係咩感覺喔!好多人來這舖是為了「鮮魷」，這舖會在雪櫃上有一格格字寫今天有沒有鮮魷，不過真係要好好運氣先會有機會一試。…查看更多

呢排好多時間係荃灣, 經過幾次都見呢間餐廳多人排隊. 聽講有ALL DAY BREAKFAST 供應.5月1日的早上11點50分, 門外有排緊隊, 正當我地考慮緊等唔等位的時候, 新舖那邊開了門. 我們選擇高枱向著街外風景的位置.老實說, 所謂的風景也只不過是條馬路, 附隨著一堆路人怪異的目光.我們點了一份"Light all day breakfast" 和一份 "Benedict Egg with Smoked Salmon". 而飲品要了一杯 "Ice Chocolate" 和一杯 "Ice Mocha"等了二十分鐘, 飲品和食物同時來到.看到飲料的杯子矮矮圓圓, 而且用木製的杯墊, 感覺好像去了東南亞地方, 好有放假的感覺喔! 可是拿上手飲的時候就知賴野, 因為個杯又圓又矮, 杯野又滿, 攞上手係勁跣手. 兩杯飲料並沒有驚喜.這份 "Light all day breakfast" 可以用失望來形容, 首先個麵包係普通到喊的厚白麵包, 烘吓或者用兩款唔同的麵包都叫無咁齋丫.個蛋炒得好老好老, 特登ZOOM 近D 影多張比大家睇.好彩, 個"Benedict Egg with Smoked Salmon" 味道很好! 一刀切開蛋黃流哂出來, 襯三文魚無得頂, 醬汁的酸度也恰到好處! 伴碟的沙律菜新鮮!…查看更多

 曾經令香港人為之瘋狂的葡撻熱消失十年後,最近上環開了一間只售葡撻的皇子工房.有原味和鮮奶味兩款, 一口咬落去, 外皮酥脆, 內裡香甜軟滑.而且面層的焦糖恰度好處, 不會搶了蛋香, 又加強了那甜甜的幸福感!買了一打請同事食, 葡撻放涼了還個個讚不絕口.$10/個, 新開張還買十送二, 抵到無朋友!…查看更多

好耐無試過閒日放假, 今日又同好友做吓濶太, 享受吓!揀咗黎TAPAGRIA 試下佢地的半自助午餐, 睇FB 話有好多西班牙特式野試.  啱哂貪心樣樣都想試下的人!一黎到見到個buffet 枱set-up已經好開心, 感覺好新鮮好有活力.最令人心曠神怡的梗係佢地的無敵大海境介紹返野食先, 半自助buffet 有沙律甜品任食, 仲有涷海鮮拼盤.....唔少得的當然係有唔同款的ham 啦!大廚仲即切黑毛豬火腿, 任食唔嬲....好滿足啊!!pizza 更加係必試!主菜有三款揀, 有魚有牛有西班牙海鮮飯個魚用咗salsa 汁, 酸酸的超開胃個牛就配上脆脆, 增加不少口感呢!!總結, 每人都係$198 + 10%..........真心覺得黎呢到做濶太食個lunch抵到爆....haha…查看更多

下午四時才有空午餐同事帶我黎試這裡的雞白湯拉麵沒有落場時間，而且上菜速度很快。豚肉雞白湯拉麵，喝一口湯，很濃香的味道。湯底比較杰，而且有微微的（蘇）味。豚肉肥瘦適中，麵質彈牙。餃子煎得很香口，餡料充足。值得一試。…查看更多

星期日的晚上，約好一班老友食泰菜，懷念吓我地去旅行的美好日子。九龍城每逢夜晚都熱鬧到爆，揸車的我地更加係頭都爆。唯一可以的係代客泊車。七點到達，門口勁多人等位，好彩朋友們早已訂位入座！甫坐底食個豬頸肉先！ 燒得夠香口，配上泰式辣汁，yummy!食泰菜，點少得生蝦刺身啊！ 爽口，彈牙，新鮮，必食！小食唔錯之際，主菜開始黎，失望亦都跟著黎。冬陰功湯，齋酸唔辣，仲要唔係幾夠熱。芝士蝦丸: 都幾香口，一定要襯熱食，芝士其實無乜味。海南雞，半隻，隻雞完全無味，肉質非常（鞋），配上的醬汁只有薑味。 另加的油飯都好差，完全同白飯無分別。炒貴刁:好味的應該係酸酸辣辣，呢個又係無味。牛油蒜蓉大蜆: 好香牛油蒜蓉苿，大蜆很甜，這個很推介！燒烏頭: 皮燒得很脆，但整體偏咸。甜品：芒果糯米飯 芒果很甜，配上紫糯米椰汁，一人一口，眨吓眼就無喇。 …查看更多

又係心思思想食喇沙的日子, 今日假期做完少少野, 下午三點幾去咗呢到食晏.點了一碗海鮮喇沙和涷薏米水.數分鐘後, 新鮮熱辣的喇沙送上, 先先吓啖湯, 成個人放心哂. 湯底非常不錯, 沒有太油膩, 辣度剛好, 實在很香. 不過米粉和麵的比例不一致, 麵太多了, 換返多d米粉會較好.魚片, 青口等海鮮都沒甚麼問題, 但個蝦真係出事. 一咬落去會有好重的[水喉水]味湧出黎. 果一吓, 我真心想吐出黎. 然後默默同自己講, 下次叫個普通喇沙較好.杯薏米水好抵飲, 薏米又多, 甜度剛好, 值得一讚. …查看更多

這間餐廳的名字是[香港烏賊中心], 第一次看到這個名字時覺得很得意,感覺很特別呢!看罷雜誌推介, 原來這店在東京和橫濱有十間分店. 香港是他們首度開設的海外分店.家人和我即興下午6點打去訂枱, 店員說貨源有點緊張, 不確定烏賊供應數量呢.來到銅纙灣登龍街的永光中心22 樓, 裝修和想像中差不多, 簡約而有日本的氣息, 感覺較隨和.很可愛的筷子[拓]喔!!!點了菜後侍應送上一碟自家製的炸牛蒡, 上面灑上了七味粉, 很香口, 作為送酒小吃一流!特選刺身拼盤配烏賊刺身, 700多元的拼盤算是物超所值呢! 生蠔鮮甜清爽!其他刺身也味道清甜. 烏賊也沒有令人失望呢!!鮮拆蟹肉薯仔沙律, 蟹肉新鮮, 用料也一點不吝嗇, 配上啖啖的薯仔, 味道配搭得真好!!全店的紅肉選擇只有一至兩款, 這是海膽和牛卷. 中間夾著了紫蘇葉, 中和了和牛與海膽的濃味, 吃罷讓人有一種說不出的滿足感呢!三文魚籽蟹肉三文魚卷. 這個味道不錯, 一口咬進去, 有三種不同的口感和味道, 水準不錯.海膽刺身[加拿大], 正常加拿大海膽味道, 純粹過口癮. 大概180蚊左右.汁煮吞拿魚喉, 這個是我們第一次吃呢. 香港比較少見, 肉質和魚骹差不多, 但沒那麼多油份. 最令人驚喜的是這個汁, 讓配菜的蘿白成為最受歡迎的食物. …查看更多

一向都很喜歡吃西班牙菜, 由以前諾士佛臺的EL CID 到中環的FOFO, 久不久都會很想去光顧一下, 喝杯Sangria, 吃一口tapas, 心情總會莫名興奮起來.這天和媽咪相約到尖沙咀massage, 把車泊在the one. 等電梯期間比一幅照片吸引著, 是一個很大很大的鑊, 裡面載著很多海鮮和飯.立刻坐lift 到18樓, 甫踏出lift 門, 便看見大廚用那很大的鑊在煮西班牙海鮮飯. 那個香味令到我個肚叫哂救命!!我們沒有叫set lunch, 選擇了單點菜式很多時候我也會點這冷盤, 因為很喜歡吃水牛芝士呢! 一口芝士夾上一口蕃茄, 味蕾得以清新一下, 又不會太膩. 醬汁也調得很出色呢!開頭點的時候還怕會酒味太濃, 幸好酒味剛好. 而且裡面的配菜都吸收了辣肉腸和白酒的精華, 又帶點點辣味, 如果配埋啤酒肯定是絕配呢!!開頭媽咪點這個, 我還納悶怕會太, 因平時常吃到的墨魚, 有時直情咬不開. 點知呢個放進口裡實在太有驚喜! 一點都不之餘, 仲要很有墨魚的甜味. 而作配襯的薯蓉味道亦很好, 一點也不媽虎哩!嘩, 每粒米都吸收了海鮮湯的精華. 一放進口裡, 每粒米都彷似代表著一隻海鮮. 味道和口感都太豐富. 而且米的軟硬度剛好, 吃得人太感動了! 特別是肚餓的時候, 哈哈!!…查看更多

十年之約前哨戰話說我們七個女仔在2010年一起遊歷德國荷蘭比利時,這旅程著實充滿美好的回憶.碰巧當中有兩位女主角生日, 終於在open rice找到一間很有氣氛的餐廳,讓我們可以邊慶祝, 邊緬懷一翻!座進店內, 果然沒有令我失望,店內的裝飾都以木為主, 很有德國民宿的風味,而且牆上都掛著不同顏色的背包,很有那種, 我們吃飽繼續旅程的衝勁 , 哈哈!我們11個人, 實在點了很多餸菜哩!首先, 當然有德國豬手啦~店家很好的把豬手都拆件, 方面我們吃,放進咀裡, 那些皮和脂肪都香溶得把我們的咀黏著..女仕們都安慰說: 忘記脂肪, 想著骨膠原, 減低罪惡感!!當然伴碟的酸菜也大大減低了膩的感覺!然後有凱撒沙律,很大的一盤呢, 清新, 沒有過多的醬汁, 又不會太沒味道, 很不錯!芝士焗刀削麵,舖面的芝士的確很香口, 令人很滿足, 但刀削麵就較普通德國腸拼盤,除了腸以外, 還有火腿, 有芝士,店家很貼心的切開一片片, 很好味, 配啤酒一流!牛肉卷,這個醬汁很惹味, 但牛肉稍微老了點, 可是還頗愛男子們歡迎半隻燒春雞, 這個燒春雞肉質還不錯, 可是最受歡迎的卻是伴碟的薯仔沙律!!!蕃茄辣肉腸長通粉,這個好像平平無奇的通粉, 卻是整晚我最喜歡的菜式!味道調教得真好, 有點辣配上萫茄的酸, 很好味!忌廉煮青口這個沒甚麼味道, 有點失望呢!跟豬手餐的啤酒太大杯了, 男子組看到都眉開眼笑~同場有客人在吃芝士火鍋, 下次冬天, 約定再來一次!  …查看更多

又是星期天, 又到一家人找好野吃的family day.細佬話想打邊爐, daddy 就提議入深井,佢話上次d 朋友入黎外賣幾碟牛肉用黎打邊爐, d 牛令佢好心掛掛!!黎到, 果然係滿座, 仲有人等緊位,不過好好彩咁, 等左幾個字就安排入座.唔駛講野, 黎呢到就當然係食牛啦!!!!wowow! 個牛真係好味到無野講,入口有好香的油份, d 肉味係滲入味蕾, 喉嚨, 落到個胃到係會令到你大叫, 好肚餓!!!!其他配料都唔錯, 不過生意真係太好, 好多配料八點幾已經買哂嚕,菜都係得返一款揀.D牛好味到我地仲打包左兩碟添, 真離譜!!哈哈…查看更多

星期日晚, 約好家人在餐廳內等.到逹門口的時候, 說實在的, 猶豫了一下.門外裝潢是70年代風格, 立刻令我聯想到 [金鳳 / 飛鷹]等舊式西餐廳.安座後, 裡面燈光微弱, 餐牌厚厚, 舊舊的.正納悶不知點甚或吃, 家人說點甚麼也沒所謂, 最重要的是要配這餐廳特製的”森美汁”!!家人點了龍蝦牛柳餐!可跟餐要煙三文魚沙律, 另加田螺我點了羊排餐配森美汁!可能這樣說有點誇張, 但個汁食左係令我嘩咗一聲!個汁真的很特別很香很惹味, 大概是混合了洋葱磨菇黑椒蒜蓉的秘製醬汁.難怪家人大力推薦!不過其實都幾重口味, 哈哈!“森美汁” 絕對又係會令人[囉囉孿]掛住!!!! …查看更多

其實用落入凡間黎形容呢到d 牛丸好似有少少誇張.之但係, 呢到d 牛丸又真係會令你食過返尋味~事關5-6 年前已經黎呢到食過, 6年後裝修無變, 味道無變, 人一樣係咁多.呢到出名的有牛丸同豬手, 不過豬手好快會買哂.係呢個時候, 你先可以有機會有位.呢到d 牛丸好味之餘, 其實係配合左佢個湯底, 同辣椒油!牛丸全部都係細細粒, 好彈牙, 有些微的肉香.個湯望落好清, 但一啖啖飲落去又會停唔到口.至於個辣椒油更係令你停唔到手~三樣配埋足以令我心掛掛!!不過, 要留意, 夏天去食要有心理準備, 熱……..到…….爆!!…查看更多