oallrite的個人專頁

放假行過入去試吓呢間嘢嗌咗一碗雜可一碗豬手麵碗麵太細，份量唔多兩個大人食咗都唔會飽於是再叫多一碗牛腩麵最驚訝係碗麵嚟到竟然得一粒牛腩？！我想叫個侍應埋嚟問清楚，不過朋友話算啦，最多以後唔嚟食咁佢講得啱投訴都冇用，通常香港舖頭都係死撐，所以啲人先至上大陸食，唯有感嘆自己運氣差或者係得罪咗個老細自己都唔知？就係因為得一舊牛腩全食唔出佢有乜嘢質感，因為根本冇得比較！食咗咁多年牛腩麵呢間係至尊！似乎佢只係想做街坊生意唔想做外人生意！…查看更多

行過路過見到呢間粉麵舖入去試吓，似乎內容都係以牛為主，我就叫咗一碗牛雜河，望到佢張枱係冇乜調味料，冇紅醋？非常驚訝😥我未食過一間係冇醋供應，但係竟然有魚露，似乎呢啲啱泰國越南食店多啲😓，碗湯底非常之淡，基本上係冇用過任何嘢去烹調，牛雜份量一般，個碗就好大好似係汪洋大海咁飄浮俾我見到嘅牛雜，河粉係一般，食開牛雜因為比較肥膩，都想用啲醋去中和下，可惜呢一間係冇，再加上冷氣欠奉，熱上加熱，成個過程都非常痛苦，我用光速食完碗河粉即刻走人，一次冇下次…查看更多

見人話咁好食，人哋排我又排，當日佢話三點開始售賣，喺路邊擺咗一個牌叫人喺度開始排，我係第一個排隊，足足等咗半個鐘企到腳都軟，佢哋規定每人只可以買兩個，我抱住興奮嘅心情終於等到佢哋叫我入去，入到去見到佢啲熱香餅包擺喺度，工作人員仲問我要唔要奶茶咖啡之類，我就話只係要過熱香餅包就得，佢哋慢條斯理包好個包我俾錢，出去附近公園一食第一啖，O晒嘴！點解個包係凍嘅？點解要人哋排成個鐘到最後出嚟？第一個包係凍嘅！心情即刻跌咗落地獄！所有名物都係虛有其表，個個喺度死吹爛吹！全部都係假嘅！到今時今日都仲有人排，簡直係奇蹟！…查看更多

我入去食嘅時間唔係咁多人，星期一至五嘅時候有下午茶，不過我冇叫到，反而周圍嘅人就不停叫下午茶，但係一個奇怪嘅現象，好多人都係等接近五點嘅時候叫下午茶，就係cut五點應該係佢哋唔想食夜晚嗰餐？咁就較啱時間先叫，點知電腦版已經冇咗下午茶選擇，於是坐喺我隔籬嘅女仔就問佢哋，咁佢哋睇咗一陣仲有10幾分鐘先至過五點，就於是叫廚房整返一份俾佢食完啦，就係大概五點左右，咁我撳鐘叫佢埋單，等咗10幾分鐘都冇人理喎，覺得奇怪因為場內見到好多人行嚟行去，但係始終冇一個會走埋嚟幫我埋單，於是我就索性見人行過就截住佢哋，點知未有人買嚟嘅時候，我竟然見到喺我身後有一個男嘅行過，仲要係細細聲話食屎啦！我心諗我埋單咋喎點解我要食屎呢？最後有一個女仔走埋嚟，咁我終於都買咗單，出去自己自助付費嘅時候嗰部機永遠都係出唔到嘢，又係要佢哋走埋去搞呢樣搞嗰樣換紙撳機先至再重新印到張單俾我，期間仲見到嗰個男人行嚟行去眼啤啤！呢間分店啲人其實唔想做可以辭職㗎，點解要咁樣對啲客？…查看更多

食咗佢嘅炸子雞都有兩年，每隔一段時間去食水準都保持得好好，雞皮係脆嘅，熱辣辣炸出嚟俾你嘅，多汁多肉，相隔半年再去食，首先上枱已經冇以前個擺設咁靚，只係用一隻普通嘅碟再俾你呢個唔係太大問題，主要係一食入口係凍嘅，似係預製菜咁整定，肉嘅份量係細咗，即係話佢用嘅雞可能已經係細隻咗，因為我好記得雞胸肉係好多，今次佢係好少，再叫埋一碗米粉，初時食嘅米粉佢上面嘅湯係有濃郁嘅海鮮湯味，入口唔頸渴，今次再食嗰碗入邊嘅湯一入口已經知道係用鹽水炮製，飲兩啖已經好口渴冇海鮮味，完全唔係嗰回事，冇香味非常之失望…查看更多

同屋企人去飲茶例牌叫蝦餃，牛肉球，鯪魚球，菜心同個湯，再加鹹水角同埋叉燒包，仲有牛肉腸粉，全部嚟到嘅時候係得鯪魚球係熱嘅，其餘嘅點心唔係凍嘅就係微溫，好驚訝其實係咪預制菜？仲要係上枱好耐先拎俾我哋😩鯪魚球好似街邊魚蛋甘細粒非常失望，正常嘅鯪魚球應該係好似乒乓波咁大嗰，碗湯都叫做好味嘅暖暖哋睇嚟佢哋真係冇乜嘢熱食😔，最奇怪係幫我地舖枱舖完走左，我要自己去攞水😔😩…查看更多

話說五月份我同朋友未食過呢間餐廳，諗住入去試吓，一坐低叫極嗰個負責嘅女人都唔肯埋嚟，好似我哋喺度坐緊霸王枱一樣等咗好耐，跟住先至見到另一個相信係佢哋請返嚟嘅女仔，叫落單咁就終於叫到羊肉飯同埋燒味飯，燒味飯好一般基本上去燒味舖食應該好食過佢，佢最有特色嘅應該只係嗰一Pat咖喱汁，羊肉嘅份量得兩三粒，所以基本上係咖喱汁撈飯，其餘嘅都係羊骨，一分錢一分貨，平嘢真係冇乜好嘢…查看更多

上星期同朋友去依間茶記，諗住佢即炒價錢又平試吓啦，嗌咗一碟XO醬炒海鮮同埋一碟肉粒炒飯，顏色好似冇乜問題，點知一入口就出事！兩碟都咸到苦嘅好彩佢有送嘅例湯，但係都鹹到唔夠飲，飲埋兩杯一啖就冇晒嘅咖啡，都係好大鑊，完全冇法子辟除啲鹹味唯有夾硬擺多兩啖入口，之後兩碟原封不動放喺枱面就去埋單，可一不可再。…查看更多

之前去呢間食過一次，首先已經係出名食三個鐘，其實睇得兩個鐘頭九個字，臨尾嗰半個鐘已經催你埋單，已經係慣性定律。冷凍盤唔吸引我，用QR code落單佢係斷人頭計，我一個人去即興食，所有嘢只限落一件撳到手軟，都未食足夠我要食嘅嘢，頭嗰半個鐘已經單叫乳鴿，等咗個半鐘先至有，仲以為佢走晒單，原來係一次過出單俾全部客人。坐喺我隔籬枱嘅仲慘，侍應以飛碟方式將碟乳鴿飛咗落佢張枱度 ，乳鴿就安全着落喺枱面之上，客人即刻嗌侍應返轉頭，佢即刻急急腳放返隻乳鴿上個碟度就走咗去！我坐喺度睇到O晒嘴，我自己叫嘅長腳蟹，因為只可以撳一件嚟都係非常之尷尬，因為一大碗入邊只係得一隻蟹腳，呢啲三個鐘乜嘢任食任叫嘅玩意唔會再玩啦。…查看更多

我哋兩個人入去食咗兩個午餐，當日餐牌寫住88，當然你要再叫嘢就另外加錢啦，咁我哋就冇叫價錢嘅嘢喎，食物質素OK嘅，雖然份量係少咗啲，咁環境搭救又有咁好聽嘅音樂氣氛，當然好啦服務都OK嘅。但係一當埋單嘅時候我哋都冇為意就照俾咗錢啦，跟住計完計嚟計去計埋+1都唔知佢收我哋嗰個價錢係點出嚟，計極都係多咗10幾蚊計+2又唔係，所以以後都冇再考慮呢間。…查看更多

呢間茶樓好耐冇去過，近排換咗名新裝修諗住同朋友上去飲下午茶，點知入到去一問之下職員竟然話下午茶時間已經過咗？完全冇可能，我哋唯有望門興嘆有冇人可以話俾我知其實呢間茶樓有冇下午茶？…查看更多