KimmanChong's Profile

今日銅鑼灣食早餐， 突然間好想食菠蘿包😗😗 之後見到呢一間池記， 見到門口都有好多麵包選擇 就入去試一試 叫咗佢哋嘅早餐😙😙 雪菜肉絲米粉， 同埋見到佢哋都有好多麵包可以配搭， 既然想食菠蘿包就試下佢哋嘅咖啡菠蘿包😍😍 雪菜肉絲米粉， 調味就唔係好夠， 畀我感覺太清喇， 感覺就有啲普通😐😐咖啡菠蘿包就唔錯嘅， 不過食落個感覺又唔太似咖啡有啲朱古力嘅感覺， 但總括講都好食嘅最後飲咗杯鴛鴦， 都幾香唔錯唔錯😋😋入面嘅員工都幾有禮貌， 不過老實講價錢都唔算平， 不過見佢有得食菠蘿包都ok嘅☺️☺️…Read More

今日經過灣仔， 特登去試下呢間深水埗都幾出名嘅漢發麵家， 聽聞佢哋嘅豬潤好出色 所以都係去試咗一個豬潤麵同埋鴛鴦豬潤麵嚟到， 發覺佢哋嘅湯底比較鹹， 面都係正常啦， 豬潤係好厚切幾好味嘅， 但係由於個面太鹹所以要加水鴛鴦就係正常茶餐廳嘅效果， 都算係濃鬱同埋有香味員工服務方面就普普通通， 但係由於當日唔算多人， 所以都有啲減分， 同埋價錢都係偏貴， 我係早餐時段去只可以散叫， 加埋都差不多係要80蚊， 性價比唔算話好高， 但係中立溝豬潤係好食…Read More

今次一家人去慶祝生日， 試下呢間半島嘅打邊爐， 價錢300蚊多少少☺️☺️呢個套餐仲包埋 雞煲 海鮮鮑魚鵝掌 海鮮 牛肉都算係高質素，😍😍好喜歡佢入面嗰粒雲吞大大粒好多蝦好好味道😋😋因為一家多人所以佢會有刺身食， 刺身就正正常常發揮， 不過打邊爐有得食刺身都幾好， 唔會太悶😚😚湯底就簡單叫咗鴛鴦鍋， 皮蛋芫茜鍋都係正常發揮， 麻辣就比較濃味😐😐不過呢度都算係比較多人， 如果去嘅時候就會比較嘈吵啲， 不過都要讚嘅係呢度雖然好忙， 但係每個員工都好好服務🫡🫡…Read More

呢間松記糖水真係又細食到大🥰🥰 覺得佢嘅性價比超高，🤭🤭所以都有長期支持佢， 今次同老婆兩個人去食， 叫咗一個心太軟， 一個芒果小丸子😋😋心太軟， 焗得好正有流心， 入面嘅雪糕好正， 一冷一熱真係好鍾意😚😚老婆就食咗芒果小丸子， 呢個係我太太每次嚟都必點， 芒果新鮮鮮甜， 小丸子煙煙靭靭， 咁樣配搭真係好美味😊😊價錢又唔貴，覺得佢哋每次食都好多人， 現場十分熱鬧， 但係佢哋嘅服務都好優質， 所以每次去呢間食甜品都覺得好開心😄😄…Read More

今日經過呢間麵包舖， 阿女話色彩繽紛好想食👧🏻 之後決定同太太叫咗六個麻薯波波， 有開心果味，有朱古力味，有薄荷朱古力😋😋仲有其他口味， 我覺得佢哋係好食嘅🥰 覺得佢哋唔算好甜， 不過我覺得麻薯波波最緊要食到 質感，😙😙我覺得佢哋係整得唔錯嘅， 其實價錢佢哋又唔算貴入面嘅麵包仲有好多款式， 下次都會試一試， 阿女就最鍾意佢哋有聰明豆嗰款😊😊 可能係因為小朋友啦， 而我就最喜歡佢哋嘅薄荷朱古力， 總括你講佢哋地點都方便質素都高下次都會再食😗😗…Read More

今日同太太小朋友一齊出動， 簡簡單單茶記算數， 食咗個敏華冰廳， 叫咗幾樣嘢 黯然銷魂飯， 叉燒厚切味道唔錯， 個飯汁執調教得幾好， 隻蛋係叫全熟蛋， 加埋一齊都幾美味之後叫咗一個雞扒蔥油撈公仔麵， 雞扒就正常發揮， 蔥油撈公仔麵效果唔錯， 食落好惹味飲品就叫咗鴛鴦同埋紅豆冰， 鴛鴦 飲落幾甘香， 紅豆冰就紅豆多， 飲落都幾好價錢喺茶餐廳嚟講就算係中上啦， 下次如果經過都會再食， 其實今次都好想試下佢個蛋撻， 不過真係太飽喇， 下次去再食…Read More

今日同老婆同阿女， 情人節諗住去邊度食嘢😊😊 最後老婆話食返我哋嘅泰國飯堂😋😋入面好多款式都試過， 好多款食物都好啱我哋口味 生菜包， 肉碎香辣好味， 生菜好爽口隔離嘅辣椒粉加埋一齊簡直係一流😋😋牛肉牛丸船河， 湯底超級濃鬱， 感覺好足料咁煲出嚟， 超好味， 配料就正常， 但係呢個湯底已經足夠😋😋燒雞翼， 每一隻都勁大隻， 調味好出色， 啖啖肉🤭🤭菠蘿海鮮炒飯， 炒飯炒得好香， 勁多菠蘿， 食落好開胃好味道😋😋呢間舖頭好有人情味， 員工都好好， 有一位泰國婆婆煮食非常好人，👏👏另外之前有個男同事請過我哋食布甸👏👏所以我同太太好鍾意去呢間舖頭食嘢☺️☺️…Read More

今日同老婆去到深水埗食早餐， 見到呢間開咗好多年嘅餐廳， 諗住簡簡單單食早餐但係非常有驚喜🥰🥰我叫咗一個沙爹牛肉麵再配餐蛋牛角包， 太太就叫咗個 沙律蛋牛角包再配 雪菜肉絲米😊😊沙律蛋牛角包超有驚喜😋😋 又脆口 又有牛油香， 沙律蛋溝埋一齊 外脆內軟😍😍 好似麵包舖買嘅一樣好味， 牛角包再配好多沙律， 雪菜米粉都好高質😚😚沙爹牛肉麵就幾好食，😋😋細件嘅牛角包都幾好食我覺得呢間餐廳都好有誠意， 好少食到早餐有咁高質， 最值得一讚係所有員工服務態度都好好 所以下次都會再食🤩🤩…Read More

今日同太太小朋友去搵食， 想同小朋友去新都會廣場玩， 經過就入去試下呢間越南菜😋😋 見到餐廳入面好多人食， 好多人等位🤭🤭 叫咗兩個套餐食咗個牛肉河粉同埋一個撈檬😙😙套餐入面就有油麥菜 同埋炸雞翼 牛肉河粉 未算太吸引😐😐 河粉質素正常 牛肉唔多撈檬粉冇出面嘅咁惹味，😶😶因為醬汁唔算辣同酸而菜都係正正常常， 雞翼就比較細隻， 未有感覺啖啖肉我覺得呢間餐廳都係正常發揮， 當然午餐嘅價錢唔算貴， 同埋餐廳嘅服務同環境都唔錯， 經過嘅話都可以入去試下…Read More

今日經過荃灣悅來坊， 想簡簡單單食嘢， 同太太小朋友搵咗呢間台灣麵，😋😋同太太點咗一個二人餐，🥰🥰叫咗個豬扒麵 餐廳都幾好仲會拼埋其他菜式， 我就叫埋個炸豬扒麵 太太就叫咗個雞扒刀削麵份量超多 豬扒就正正常常🙂🙂面都好大份都幾好味， 個豬腸都幾好食鹵得夠濃鬱， 油麥菜勁大份， 加埋肉燥好好味太太刀削麵煙煙靭靭，😋😋食落都幾好味， 另外花枝丸都好好食🥰🥰總括你講呢間餐廳嘅份量勁多， 二人餐可以三個人食感覺都幾抵， 下次都會再嚟幫襯😊😊…Read More

今日去到青衣城見到呢間樂天皇朝， 下午茶感覺好抵所以入去試一試， 入到去坐低環境都幾舒服， 之後叫咗一個豬扒拉麵， 豬扒好香蒜蓉味， 炸得好脆😋😋拉麵係豬骨湯底， 感覺佢下午茶都夠飽 另外叫咗一個擔擔麵， 擔擔麵辣辣地同埋花生醬溝埋都幾香😍😍 麵質煮得剛剛好 最後係一份炸饅頭， 估唔到炸饅頭都幾出色， 炸完出嚟外脆內軟☺️☺️ 十分香口好好味， 食埋一餐都唔使200蚊， 我覺得三個人嚟講都算幾低， 不過如果有得揀都會揀返下午茶時間去食…Read More

今日又嚟到灣仔呢一邊， 其實都係想搵一啲抵食嘅早餐😉😉 所以嚟到街市就係最好嘅選擇喇， 之前有食過呢個街市嘅隔離舖， 今次就試下興利， 突然間想食下意粉所以叫咗佢哋嘅b餐， 一嚟到發現呢個榨菜雞絲意粉🤗 好多料， 完全畀佢覆蓋曬成個意粉， 食落去都覺得幾惹味，😋😋之後叫咗早餐必叫嘅火腿奄列， 感覺唔錯😙😙 最後發現原來可以加兩蚊轉奶醬多士， 真係超抵食😁😁 熱鴛鴦就係普通餐廳嘅感覺， 冇咩特別🫢但係三十零蚊叫個早餐咁豐富， 真係覺得非常之抵， 下次都會再嚟…Read More

今朝又去食早餐， 去到灣仔考慮緊食邊間， 之後經過呢間冰室， 門口見到入面早餐唔錯， 就試一試， 叫咗個醒神扒餐配雞扒米粉， 在加錢要多條腸仔， 見佢入面原來唔係普通多士而係蒜蓉多士， 食物未嚟到之前有啲期待雞扒米粉嚟咗， 雞扒有用黑椒， 食落都可以， 米粉正常茶餐廳味道🙂🙂感覺呢間嘅腸仔都唔錯， 所以見到枱枱都嗌腸仔😋😋最緊要當然係好少餐廳見到嘅蒜蓉厚多士， 食落都幾好味， 真係好厚身蒜蓉味好香， 即刻加分🥰🥰下次經過都會再嚟食， 大約50蚊左右🤑…Read More

今日又喺灣仔食早餐， 去到呢間叫做波士冰室🤠🤠 喺出面望佢哋嘅裝修都幾靚， 所以即刻入去試一試， 見到餐牌入面嘅選擇非常之多， 最後決定係差不多最貴的牛扒餐入面係有牛扒 午餐肉 火腿奄列同埋一個蒜蓉多士🥪🥪首先講咗牛扒先， 真係好細， 但係質素都算好好， 調味唔錯😋😋午餐肉係正常發揮啦冇咩特別， 火腿奄列都幾好食多士我覺得佢真係整得好好， 淡淡嘅蒜蓉味， 又有啲脆真係幾好食不過真係要讚佢杯飲品， 我特登嗌咗出面好少見嘅 葡式咖啡， 飲落同普咖啡唔同， 會有一種特別嘅香氣， 亦都冇其他嘅咖啡咁苦， 又好飲又特別☺️☺️不過食完覺得真係唔係好夠飽， 價錢亦都唔算平， 所以建議大食嘅朋友仔要考慮清楚😅😅…Read More

今日經過葵芳， 發現呢間隱世西餐， 外面設計好靚， 所以立即打卡再入去用餐，點咗龍蝦濃湯蟹肉帶子麵， 龍蝦湯真係好香， 蟹肉亦都新鮮， 實在太好味喇😋😋慢煮雞肉白松露意大利飯， 醬汁好鮮味， 意大利飯嘅調味剛剛好， 軟硬亦都適中， 都係必點之選🤤🤤另外叫咗一杯咖啡同埋 朱古力心太軟配開心果意式手工雪糕🥰🥰甜品同埋咖啡實在太好， 心太軟造型好靚， 呢個甜品打卡都好靚， 亦都好喜歡佢嘅雪糕和心太軟味道， 整體嚟講呢餐都十分滿意， 下次會再來😊😊…Read More