saltbridge的個人專頁

今次星期六下晝book 咗2pm 一共三人，每人叫咗個lunch set。因為3PM要還枱, 餐廳俾我哋2:20PM last order. 我哋叫咗炸忌廉球x2，蕃茄，八爪魚，乳豬同埋西班牙飯，上菜時間都好快，食物質素一般，份量唔多（tapas size)，lunch set 人均$210，不過食到中後段2:45pm; 餐廳服務員就不斷過嚟收未食完嘅碟，隔2-3分鐘有同事要嚟收碟，其實碟上面好明顯有半份西班牙飯未食完，都想一手攞走，要喝停佢哋先唔攞走啲碟。可能我哋都係響香港島食開西班牙菜，估唔到今次第一次嚟到荔枝角就中伏。最差係甜品，佢放喺好熱嘅西班牙飯隔離唔夠1分鐘就溶晒。就唔明點解溶咗嘅甜品，食完佢唔攞走，但係熱食佢就未食完就攞走，由2:50pm 不斷俾人超過六次話佢哋要三點收工，過嚟問你食完未，收唔收得碟，其實真係有食物響度，連續問咗三次，細心留意，我哋唔敢講嘢，淨係好快咁擺嘢落口。短髮嘅女服務員，見到我哋3:08PM　都企起身想走唔阻住佢地收工，竟然仲響呢個時候同我哋講，仲食唔食呀？我哋都企起身啦，都唔俾我哋行出去先收碟，要等佢收埋啲碟先（枱與枱之間好窄），我哋先可以離開張枱。好似同啲小朋友鬥氣咁。我哋唔敢介紹朋友過嚟，覺得呢一間性價比非常低。…查看更多

Italian restaurant with Cassata. 香港唔係咁多地方整呢一個甜品，如果鍾意食三色雪糕或者間唔中嚟個Turkish Delight 嘅你，一定唔可以錯過呢一個甜品！一定會再嚟…查看更多

食物好有水準，但今次對環境安排好失望。今晚成個場有兩組生日派對，食飯講嘢好似要叫，實在唔適合接兩個生日派對同埋咁大組人，我地呢邊有16個人， 另外個生日派對就有大概20幾人，仲有加埋8至10個嘅小朋友。大家好似成個街市咁要叫到好大聲，無論食飯有幾好食，都係好難受。工作人員做到都冇乜心機，今次係我第四次嚟食嘢，我都會繼續支持食物但係我諗都係自己一個人嚟食適合啲。如果要約朋友嚟，真係要問清楚究竟當時客有冇生日派對。…查看更多