一直都想試但仲未有時間試! 呢一日終於有時間可以餐廳位置好方便好易搵，西營盤B2出口，行幾分鐘就會見到!原來佢哋係出售一啲自由放牧或者係草飼飼養嘅肉類等。簡直係食肉控嘅天堂呀! 間中食一餐高質素的肉類，都好值得呀!先講一下間舖頭嘅環境，好寬敞，環境坐得非常之舒服，而且早上又有好多日光照着，非常之寫意同舒適！好chill 好慢活呀! 店員主要操英語為主。我當日選咗店員推介嘅王牌美食，包括雙層芝士漢堡同埋酢炸五花腩！先講係雙層芝士漢堡，賣相非常之吸引而且非常之邪惡，有多層餡料，非常豐富呀！啲芝士多到流晒出嚟，而且芝士味濃郁，另外牛肉為厚切牛肉。對啱晒鍾意啖啖肉嘅食肉獸，同埋鍾意食burger嘅朋友可以試吓！ 另外都推介佢呢一個酢炸五花籃，外表雖然非常邪惡，入口香口，就算攤凍咗都依然鬆脆，越食越上癮，不先自覺地一口一口放進口中。脆皮肉嫩。我打算下次再嚟試吓佢其他嘅嘢!…查看更多
