annahows的個人專頁

以為所有客人熟讀佢哋份餐牌咁，入去問下有無蒸魚餐，因為帶住長者驚賣晒，點之俾佢反問我要咩魚，仲以為我要乜有乜，再問下佢仲有咩魚可以叫，串串貢咁話:「有鯇魚、倉魚、黃花魚、盲曹。」但佢自己再話:「不過今晚冇盲曹，晚晚都係呢D㗎啦！」，阿先生，你餐牌無鯇魚，點叫晚晚都有呀！仲有，屏幕蒸魚餐價錢同本餐牌價錢相差$20，埋單又要睇清楚。呢間生意一好，D服務態度就串串貢，所以我最後唔幫襯，我無打算係香港出街食飯要預埋受氣。…查看更多

本來今日去食嘢，我哋已經將濕咗既雨遮放入雨遮袋內，點之兩位店員都唔俾拎入店內，要求我哋放出店外遮架，理由係驚我哋個袋漏水，整濕佢地方，咁既理由我緊係唔食走啦！因為我哋對鞋既鞋底濕晒㗎！又米會整濕佢地板，食食下唔小心倒瀉咖啡仲大鑊！實要我哋賠償清潔費😡祝你生意興隆！…查看更多

因早前反修例示威，呢間之前都受影響無乜生意，有次幫襯見隔離枱份「火焰雪山」上枱前，店員兼係客面前。咁有氣氛所以再幫襯就決定叫份「火焰雪山」試下，點之原來生意一好，上「火焰雪山」前係唔會熄燈兼唔會點火如果乜都無應該話我知，唔使食全埸難食既甜品，成個「火焰雪山」無野食，全部只有忌廉。自此之後，已經四個月無幫襯。…查看更多

尋日去咗食 Lunch，落單比較煩，係座位前掃 QR CODE 落單，之前要行去門口部機再掃落完單個 QR CODE 俾錢，有小小唔方便。食物方面，可能係我見識小，雞白湯係暖既，蝦湯比較熱，雞肉味道較淡，和牛有雪味。…查看更多