linda1314的個人專頁

行開依頭海味街 見到有新招牌劉秋記 有粉麵食 咁就入去試下啦 鋪頭不大 環境乾淨 每枱仲有自家製酸羅白食添 好好食 羅白好脆口架 好有心既一家小店 今次點左炸醬撈麵，雲吞撈麵同埋牛腩麵 賣樣不錯 味道都好好啊！ 雲吞每日新鮮製造 睇住佢喺鋪頭包 果然真材實料！ 仲有個牛腩都好入味啊！ 又唔Un 又唔係好肥！ 好好食！ 份量又足！ 講起都想再去試多次！炸醬撈麵雲吞撈麵牛腩麵好欣賞小店啲碗啊！明顯地喺碗碟方面都有落足心機！ 個碗靚啲 食野都開心啲！ 以後又多一個食粉麵既好地方啦！…查看更多

同老公難得一齊放假 入長洲悠閒一天遊當然唔少得食盡長洲美食啦！去到晚飯時間 打算食海鮮餐 咁就上openrice搵下食評先 之前就係求其入一間 搞到又唔好食份量又少 大失所望！今次做定功課 搵間穩陣既！就係海旁既興樂菜館啦！可能質素有返咁上下保證 七點零去已經有人排隊啦！排緊隊見到人地食嗰啲野賣相都不錯！佢有幾樣餐既 今次揀左四餸 $238 薑蔥蟹 細細隻 肉就無乜架啦 但味道都不錯白灼海蝦 新鮮！唔大隻 但都彈牙既！依個好食啊！椒鹽九肚魚！ 粉唔多 外脆內軟！份量都幾足下！加個海鮮豆腐湯 其實係魚湯！好飲 啲料又食得！加枝藍妹同可樂 埋單唔使三百蚊！ 係好食既！係幸福既…查看更多

今跟好姐妹約食晚餐！ 今次約喺觀塘商廈食野！ 平時行完都想試下 但心思思唔知食乜，今次好姐妹相約 話上次食過都不錯 就食mini Friday啦！上openrice book 散嗌仲有88折添！一人一個set share再加小食！原來工廈啲餐廳環境都唔錯 仲有人唱live添 但歌聲就....重點係食食食！今日個湯係椰菜花湯，好香椰菜味 唔錯！到沙律啦！好食啊！加左啲爆珠落去 幾得意 個汁又甜甜酸酸咁 好似係甜醋！睇人地既食評同隔離枱個個都有脆脆 我地就無 要舉手問佢拎 好快就俾我地了 脆脆都好油下 除左咁都係好食既！主菜啊！超好食！ 叫左pizza同羊架！小食就叫左依芝士薯條同牛舌！ 牛舌有驚喜！好諗！好好味！朱古力蛋糕有驚喜！上面黃色係類似燉蛋 下面就好似金沙朱古力咁 好好食姐妹果然無介紹錯 下次帶埋老公去食先！…查看更多

好耐無出街食野又好耐無食辣野！去老川皇食啦一於！好掛住嗰度既水煮魚 大大兜 好多魚又有好多牙菜食！唔係好辣咋！好香！魚好滑啊 仲有好多舊添！ 好好味！叫多樣送！依個四季頭又係正既！炒得得好食！勁中意食！再嗌左啲串燒食下！ 一如以往樣樣都唔錯！ 係韮菜太大條啦！好難咬！如果係細條嗰啲就正！其實都有好多野食！打邊爈都仲得！下次試下先 今次目標係水煮魚！啤酒價錢都ok, 佢地自己沖嗰啲野飲就好一般啦！張枱仲有個叫人鐘添！禁一禁就有人過黎落單架啦！…查看更多

結婚一個月 食好少少啦！嗰日喺沙田行街 行到咁上下夠鐘晚餐 openrice一下就決定去食simplylife 啦！閒日walk in就有位嗌左兩個餐 餐湯餐飲都唔記得相機食先 所以無相 我記得個冰茶係好飲既 個湯都不錯！佢上埋包俾我地！啲包睇落好似幾好！但食落又硬又凍！無乜興趣我個大磨菇雞漢堡到啦！ 包都係凍既！ 可能我唔識欣賞啦！ 但薯條我幾中意！好脆好好食！老公就嗌左個牛扒！ 個露荀好食啊！個汁都正！ 牛就不過不失啦！比起個漢堡係好食好多既！ 七成熟！易切無乜筋！ 一人一個set 食完都奉住個肚走嘞！ …查看更多

今日係拍拖日！ 同男人出街食飯！行過見到大大既招牌！咁就入去試下啦！有雞煲烤魚小菜！今次就試下小菜先！坐底就送左個小食俾我扡泡椒鳳爪一般啦！唔辣既！嗌左個鮮椒魚！份量好多！又夠辣！仲有扁薯粉添！ 好好食！魚又滑又少骨！依個四季豆好惹味！加碗白飯正到呢！ 炒得好香口！麻婆豆腐又係送飯之選！ 好正！好好食！ 食到汁到撈埋！我地仲嗌左依杯 38蚊！依個價差唔多啦！甜品生果就送既！ 依碗係冰花？ 好食啊！入面嗰啲似啫喱！ 依餐飯都不錯！係好食既！ 下次再戰！…查看更多

妹妹生日！今年一家人去食buffet! 咁岩見到Novotel 做緊半價優惠，而且睇開食評都覺得唔錯 咁就去試下啦！半價優惠要交左訂金先 之後食完再比埋尾數！當日訂左六點 可以食到七點九，未開始就有好長既人龍排緊隊 之後就排隊入座啦！ 入到去好多人排即開生蠔生蠔好食既 但好細隻又好瘦 唔記得係邊度既蠔 仲有羊架牛扒 好生 唔記得叫佢切熟啲既俾我仲有長腳蟹 面包蟹 凍蟹 蝦 全部都幾好食架！ 啲熟食都唔錯 媽媽大讚個西班牙海鮮焗飯 不過就無影相最後食埋啲甜品同哈根大師雪糕就收工啦終於試到品坊 半價後每人不用三百 係抵食既！…查看更多

同想公心血來潮去左新蒲崗搵下有咩宵夜食！行行下見到間爸b燒 見到都幾新淨 好似新開咁，入面都幾多人，咁就入左去啦！入面鋪頭細細，加埋應該有十幾張枱左右。之後就嗌野食野！價錢都係普通串燒咁既價啦！嗌左杯野食？咸檸七 都幾好飲之後就嗌左啲串燒，好特別！有燒燒賣😂😂 係好食既！燒得幾靚！牛舌好厚，好juicy! 每日優惠！依串墨魚餅五蚊咋！錫紙金菇！好食！好多蒜蓉 仲加左啲牛油添！好香！串燒必食燒茄子！ 好食！仲有必食既燒粟米！ 正！整體黎講都不錯！嗌左中辣 唔係好辣！下次可以再辣啲！…查看更多

今日同好朋友出街搵食！ 行尖沙咀見到和民 醒起好耐無食過！一於試下有啲咩唔同左啦！入到去一慣和民既作風 好暗！ 俾左張四人卡位俾我地！張枱夠大 可以嗌好多野食 ！ 嗌左個二人套餐 有幾個選擇 我地嗌左個滿足嗰個 四百幾蚊 睇下有幾滿足！一開始黎左牛舌同沙律！ 兩樣都好食！牛舌少左啲同太細塊依個炸物都不錯 不過薯餅個人就不太好 入面有枝頭架！ 同埋好似加左好多粉落去咁 個牛肉火鍋不過不失啦之後我地追加左個雞軟骨 炸得香口 細細碟都搞得掂滑蛋豬扒飯無左豬扒 轉左雞 幾好食架！但太飽食唔落變左打包最後 到甜品水信玄餅 好食！ 有黑糖漿 黃豆粉 唔太甜 細細份 剛剛好！ …查看更多

同朋友聚餐 相約尖沙咀 朋友推介食力！話好好食！ 去到喺地庫 環境一般 好似無裝修過囈 原本期望都不大 不過朋友試 咁就一於試下啦！ 仲有點心可以食喎！點心相就無影 但有蝦餃 粉果嗰啲 味道都唔錯架！ 至於火鍋方面 我地嗌左個椰子雞 好香椰子味 啲雞都幾好食！ 火鍋配料仼食既！ 都擺得幾靚架！ 除左有個樣外 材料都好新鮮 啲蝦好新鮮 啲手打丸都好好食！ 全晚掛住食食食 同傾計之外都無咩影到相！ 估唔到間野其貌不揚 啲野都幾好食喎！下次可以再戰！ ！ ！ …查看更多

喺屋企附近開左間川婆婆，一向無辣不歡既我當然唔會放過依個機會啦！ 去食啦！ 去到環境都不錯！大大既木枱 可以放好多野食！坐底就嗌野野食啦！個湯就嗌左醉雞同麻辣！ 醉雞啲雞好滑好好食啊！兩個人好快就搞掂哂啲雞！ 跟住到其他野食啦！ 個牛牛大拼盤先經典 大大份有驚喜！！ 入面有好多野食啊！每樣都有十舊八舊！名就唔記得哂啦！但睇個樣都知新鮮好食啦！嗌左幾樣野食！價錢就唔算平架啦！但樣樣都新鮮好食！ 月頭有錢絕對可以一戰！…查看更多

台灣食過無x鍋後一直念念不忘！ 希望喺香港都有得食！機會黎啦！ 開左間台式養生鍋！ 可以成為飯堂啦！ 嗌左個養生鍋加麻辣鍋，一邊要黎飲既！麻辣要黎滾既！ 湯係正既！有無味精我就唔識分啦 麻辣嗰邊夠香！ 係有台灣味道！入面仲有豆腐同鴨血添！嗌麻辣鍋可以free加一次豆腐鴨血！ 另外仲嗌左幾樣野食！分量少，但都好好食！ 仲另外叫左個鹽酥雞！ 分量都幾大！仲好好食添！ 食到最尾食唔哂！ 雖然依間同台灣既爭啲！ 但喺香港食到台灣既味道喎！都算係咁啦！…查看更多

朋友聚會約在尖咀，一試同人鍋，位於山林道，門口細細，但樓上坐位闊落！真係估佢唔到每位288再加一，有齊咁多野食！坐底送上雞煲，只需要揀有幾辣！雞煲係入味既！洋蔥都好好食食完雞煲可以揀湯底打邊爐，揀左花膠湯底，真係有花膠架！ 可以先飲湯，少少味精咁啦！都幾ok 之後就按人頭送上海鮮肉類丸類！份量跟人頭計！ 海鮮新鮮好食！墨汁墨丸好食！台灣腸都係好食既！魚皮好好食！食完會想再食！總括黎講係有驚喜既！ 可以一試！…查看更多