Faraam的個人專頁

之前係元朗食開，非常不錯因為屯門分店比較大，今次特意介紹一大班朋友前嚟屯門一試，點知中晒伏。首先叫咗個雞煲+水魷，平時係元朗果邊都會好好咁幫手連埋一齊處理好再上枱，因為呢種人情味同細心所以一直回頭幫襯。但係，係屯門呢邊佢哋就唔肯，叫我哋自己落，原因係因為水魷多水會影響味道。咁我有反映比員工聽我哋有食開，另一邊會幫手處理埋再上枱，就係因為知會影響味道所以先搵你哋幫手，但員工堅持話：唔可以，你哋自己搞掂佢。跟住就一支箭走咗去。自問唔係乜嘢高要求，唔想做西客好聲好氣 ，但奈何得到如此對待，意難平，氣難下，如果你哋忙做唔到我都話會體諒下，但當日舖頭唔見特別多人特別忙，對比元朗差十萬八千里。食物質素，雞煲醬料保持水準，但雞就偏鞋，整體算合格水平，但出名小食，粟米，牛仔粒，元朗會更好。打邊爐都係果幾味，冇乜特別，但響鈴即炸好食，極力推薦。最後，唔明白同一個招牌同一個老細，點解人哋做到你哋做唔到，態度仲可以咁差。出餐速度好慢，等到石化臨走仲要被提醒注意差唔多夠兩小時要交枱，心裡一大堆問號。總會有食客對食物有要求，如果有能力理應嘗試處理，而唔係黑面搞對立，唔好拆自己招牌。唔會有下次，如果你有同樣感受同樣遭遇，我話比你聽你唔係第一個。…查看更多