or#ta68353874的個人專頁

此串燒店位處繁華的旺角區，乘升降機到達樓層後，食店chill的裝修及環境的舒適度與街外成強烈的對比一行三人，店員安排坐梳化卡位，我哋先點名sunshine的飲品，味道有點似帶果味的梳打，串燒價錢頗抵，只是$10起，款式選擇不少，有素食的菠蘿粟米菇類，有不同的肉類，有鯖魚，串燒的味道不錯，相信應該有注重燒物的時間，菠蘿不酸，串燒肉質juicy不靭，最特別是名為Taco的飯團，紫菜應該是炸過，很脆，餐前的魚乾有鮮味，送酒應該一流…查看更多

👨‍👩‍👧‍👦朋友生日，大家都想食龍蝦伊面而選擇呢間中菜酒樓，未坐低已經覺得裝修好靚好光猛，而且枱與枱之間有頗遠距離，與一般酒樓櫈貼櫈唔同，好適合團聚傾計☕️一行六人叫了半席龍蝦伊面套餐，食物未到先上功夫湯，大鄉里第一次用細杯仔飲湯，有濃郁雞味，可能用細杯關係，好似飲極都仲有😋食物好入味，功夫湯係必推介，另外炸蝦球好脆醬料味道好特別，鮑魚唔韌，冬菇都係靚冬菇，片皮鴨師傅會喺你面前片，睇得出係用心，甜品杏仁茶都唔馬虎，朋友飲左啖話似即磨，再睇番menu 確認，的確係即磨👍員工服務非常好，睇得出重視客人，每次舉手，都會好快回應你，絕對係會再次光顧既中菜酒樓…查看更多

外賣3碗糖水加湯圓，都明白外賣要等，落單後同店員講轉頭攞，約5分鐘後番到去，入去望下冇任何包裝外賣，而落單店員亦見到我，我相信如果已整好佢會話我知，咁我就門外等再5分鐘後，落單果位店員出嚟比其他外賣客人，而叫號同我果張係前後號碼，我順勢問我個號碼有未，店員先如夢初醒咁問我頭先唔記得問係咪放埋一齊，但係menu寫到明不另上，點解仲要問，我有d懷疑果陣先整我d糖水再等多5分鐘後，我側邊所有等外賣已經取走，我再問另一店員，我份外賣有未，呢位店員目木表情講左幾個字「湯丸要煲」之後立刻擰轉身入番舖頭再等多5分鐘後，我既糖水終於有，其實真係冇預期買糖水要等20分鐘，買過其他糖水鋪都唔需要等咁耐，或者咁講如果係需要等咁耐，落單係有責任通知客人要等耐啲番到屋企，打開發現比錯左，本身要1紅2綠豆沙，變曬全部綠豆，等外賣過程我有望過廚房阿姐，入面好多時都係清閒，唔理解咁都可以出錯，碗紅豆沙係本人既，而本人係唔鐘意食綠豆沙，所以我覺得碗糖水好難食（張單冇寫錯，係廚房比錯）住左香港仔幾廿年，大佳b都算老字號糖水舖，以前亦週不時會幫襯，真係未試過咁差既體驗…查看更多